يجلسن معا بمنزل حبيبة، يسود الصمت تفكيرا بقرار امل و خطوبتها:
_قالت حبيبة: ها و الولد دا حلو يا امل! شوفتيه؟!
_تنهدت و قالت: شوفت صورته شكله كويس مش وحش و على العموم احنا هنتقابل في كافيه بكرة ان شاء الله...
_ربنا يريح قلبك يارب، ان شاء الله خير...
_تحدثت رضوى: و أنتي يا فريدة هاتعملي ايه بعد ما عرفتي أنه طلق مراته...
_تنهدت فريدة و قالت: هاعمل ايه يعني! خلاص كل حاجة انتهت ما بينا
_ تفتكري!
_ قالت متحاشية النظر : على فكرة سماه فهد...
_حبيبة: نعم !مش لسة بدري باين!
_ايوة ابن سبع شهور...مرات عمي كلمت ماما و قالتلها...ثم ابتسمت و تابعت: الولد زي القمر ما شاء الله...
_قالت فيروز: مادام كدا يا فريدة ارجعيله، انتي بتحبيه...
_و هنا تحدثت ياسمين: قولي لنفسك
_فريدة: ايه دا في ايه؟
_فيروز بعد صمت للحظات قالت بعد تنهيدة: انا اتخطبت لمصطفى...
_حبيبة باستنكار: نعم يختي!
_ياسمين: ايوة جه و خطبها من فارس و لبسوا الدبل في يومها
_ امل بحدة: و احنا آخر من يعلم!
_ فيروز موضحة: و الله كل حاجة جت بسرعة و اصلا الموضوع لسة إمبارح مش من كتير...
_فريدة: عدوها يا بنات المرة دي...بس انتي مقتنعة باللي بتعمليه؟ انتي مش بتحبيه...
_احنا اتكلمنا و اتفقنا أن نتخطب و ساعتها هانشوف...
_حبيبة: يعني إيه!
_ياسمين: هي و هو عشان شايفين أنهم بيفهموا بعض و بيرتاحوا مع بعض قرروا يتخطبوا و يجربوا العلاقة هاتنفع و لا لأ...
_حبيبة بعصبية: انتي عبيطة!
_تحدثت رضوى: انتي مستعوبة نتايج العلاقة دي! انتي مش بتحبيه يا فيروز و لسة متعلقة بمروان و كمان انتو بتشتغلوا مع بعض و مع مروان؛ مروان اللي احنا عارفين انك مش شايفة غيره...و بعدين يعني ايه اتفقتوا تجربوا دي؟
_ تنهدت بحزن ثم قالت: يا جماعة هو مرّ بقصة حب قبل كدا و انتهت بطريقة مش حلوة و هو تعب بعدها و قرر انه هايركن القلب و يفكر بالعقل و هو قالي أنه بيرتاح في الكلام معايا و شافني مناسبة و اتفقنا اننا نتخطب و وقتها هانحدد موقفنا بجد و لو تمام نكمل بالجواز...
_حبيبة بعصبية: انتي اتجننتي رسمي!
_امل بغضب: انتي بتهربي يا غبية!
_ياسمين بيأس: حاولت اقنعها مافيش فايدة...
_قالت فريدة: خلاص يا جماعة كفاية، خاليها تجرب و نشوف آخرتها ايه و احنا معاها و جنبها في اي حاجة...
****
على طاولة بعيد نسبيا عن زحام المكان، تجلس هي و هو معا و يبدو عليها التوتر، بدأ هو الحديث بعد صمت دام لوقت ليس بقصير بينهم:
