داخل كل شخص الخير و الشر و هو من يتحكم في إظهار كل جانب. و هو... الآن قرر تحرير الشر حيث البرنس ليس الآن سوا وحش قرر الفتك بالمُقيد أمامه؛ و هو رشيد...
وقف ليل بأحد الأركان واضعا يده بجيوبه و يتابع بصمت و برود. أما أمير...بدأ الوحش في اظهار قوته، يكيّل و يكيّل الضربات بكل ما به من قوه و غل لرشيد الذي اصبح بلا معالم بوجهه، يضربه بيده تارة و بأشياء امامه أخرى ككرسي أو حديد أو عصاة تارة، تحت سبابه اللازع لرشيد، والذي يثيره الأخير بحديث خبيث فيزداد الأول غل و عنف و هكذا إلى أن نطق أخيرا ليل:
_ خلاص!
أجاب أمير دون أن يلتفت و يتابع ما يفعله:
_لازم يموت...
اقترب منه ليل و ابعده عن من يرقد جثة هامدة و قال بحزم:
_ لأ!...موته رحمة... وبعدين مايستهلش تعمل كدا عشانه دا عيّل#@*...انت عملت اللي انت عايزه فيه دلوقتي، سيبه دلوقتي و علمه الأدب على رواقه كدا واحدة واحدة هو و أهله خليهم عايشين في جحيم...
اقتنع أمير بما يقوله صديقه و امتثل لما يقول و من ثم امر إحدى رجاله بأخذ رشيد و القاؤه أمام مشفي و طبعا بكل حذر حتى لا يلفتوا الانتباه لهم...
*******
أما بمكان آخر، تحديدا بمنزل أمير و حبيبة...تجلس حبيبة بالحديقة تجاورها رضوى،و التي طلبتها حبيبة لكي تجلس معها فانتهزها فرصة كلا من ليل و أمير لكي لا تبقى حبيبة بمفردها لحين انتهاء مهمتهم. و هناك نية أخرى مخفية و هي أن يحتك العُقاب برضوى أكثر و بعيدا عن المنزل و ينفرد بها...
قالت حبيبة بحزن بعد أن سردت ما يؤرقها مع أمير :
_ و دلوقتي أنا مخنوقة اوي و تايهة اوى اوي يا رضوى، رجعت تاني احس بالتوهة و الخوف...
ربتت رضوى على كفها وقالت مطمئنة:
_ ان شاء الله خير، كل حاجة هاتتحل بإذن الله.ممكن بس تلاقي حاجة جواه هو و مضيقاه و ان شاء الله ربنا هايهدهولك..
_ يارب يا رضوى يارب
_ابتسمت و قالت: اطمني، ربنا هايسهلها...
_ أنا مش عارفة اقولك ايه يا رضوى، أنتي صاحبة و اخت حلوة اوى مع ان في فرق سن و كمان مش عارفاكي من زمان بس ارتحتلك و انتي مستمعمة كويسة جدا و دماغك جامدة...
_ابتسمت و قالت بمرح:قدرات يا بنتي...
_طبعا طبعا... آه صحيح، احكيلي بقا حكايتك و قصتك مع ليل...
تغيرت معالم وجهها سريعا و صمتت للحظات مما جعل حبيبة تتعجب و من ثم اخذت نفس عميق و قالت بابتسامة:
_ مش عارفة هاتفهميني و مش هاتفهمي غلط و لا لأ، بس حقيقي أنا مش بعرف اوى يعنى احكي عن حياتي و كدا...أنا آسفة بس...
_قاطعتها بابتسامة: ولا يهمك انا فهماكي ، هو اصلا باين عليكي أنك مش بتحكي تفاصيل حياتك
_اوعى تفهمي غلط انا...
_قاطعتها مرة أخرى:يا بنتي عادي ولا يهمك، مافيهاش حاجة؛و على فكرة ماما الله يرحمها كانت زيك كدا ماكنتش بتحكي اللي جواها و كان بابا الله يرحمه أوقات كتير يشتكي منها بس هي كانت بتقول أنها مش بتعرف تقول اللي جواها و مش بتعرف تحكي خصوصياتها و كدا.عشان كدا انا متفهمة موقفك. وفي اي وقت لاقيتي نفسك عايزة تحكي أو تفضفضي أنا موجودة. و اصلا اعملي حسابك أنا العريكي رغي...
