يجلس يتابع عمله و يملي ياسمين- و التي أصبحت غريبة عن ذي قبل بالفترة الاخيرة و هو لا يفهم تحديدا السبب- بعض المهام و إذا بالسكرتيرة الأخرى تطلب إذن دخول إحداهن...
_دخليها أما اشوف...
دخلت المكتب و هو تجمدت نظراته عليها،جاعلا ياسمين و لأول مرة تشعر بالحزن و الغيرة فقد كانت الأخرى جميلة و أخذوا ينظرون لبعضهم للحظات بصمت و قطعه هو بتوجيه حديثه لياسمين :
_اتفضلي يا ياسمين برة بعد اذنك شوية هاخلص مع الآنسة و نكمل شغلنا...
شعرت بالحزن و الغيرة...إنه الحب يا ملاكه...
******
تجلس أمل بغرفتها و كعادتها تشاهد صوره و تكبر كل صوره و تحفر ملامحه بعقلها...هذا السر الذي تحتفظ به لنفسها و تعاني منه في صمت لم تشاركه غير مع رضوى وبدون تفاصيل كثيرة. دلفت للغرفة بعد عدة طرقات بدون إجابة منها :
_نظرت لها بإشفاق على حالها وقالت: برده يا أمل!
انتبهت لها و قالت بتلعثم:
_ا انتي هنا من أمتى؟!
_مش مهم...مش هاتبطلي بقا؟
تنهدت و قد اغرورقت عينيها بالدموع و قالت بحزن:
_حاولت كتير ي رضوى و مش عارفة ، صدقيني حاولت. مش قادرة اشوف حد غيره...مافيش غيره ي رضوى اللي قلبي بيدق عشانه و مش بيهتم بحد تاني؛ كأنه الراجل الوحيد على الأرض.
_بس كدا غلط عليكي،انتي بتوجعي نفسك بنفسك و بتعذبيها وهو اصلا و لا على باله.
_أمل بنحيب: عندك حق...حتى واخدني بذنب غيري...تعرفي لما بشوفه، قبل ما انطق كلمة حتى الاقيه بيبصلي بصة وحشة اوي كأني عملت جريمة...ولا كأنه يعرفني و لا بينا حاجات كتير عشناها سوا و من احنا صغيرين...
رضوى وهي تأخذها باحضانها لتهدئتها:
_خلاص أهدي...ربنا هايساعدك بس ادعي و ان شاء ربك هايراضيكي
_يارب!
_لسة بردو مش عايزة تقوليلي؟
_اعزريني يا رضوى الموضوع دا بالذات مش هاقدر اقولك عليه عشان مايخصنيش أنا ف الأول، و مقدرش عشان ليل ما...
_قاطعتها وقالت :خلاص مش محتاجة تبرير اكتر من كدا،براحتك. المهم انك تهدي كدا و تروئي...
******
بعد بعض الوقت خرجت هي و قد كانت ياسمين تجلس بحزن بالخارج و ما أن خرجت دلفت سريعا لفارس. والذي و جدته يوليها ظهره و ينظر للطريق من زجاج المكتب...
تحدثت هي دون وعي للغضب و الغيظ في نبرة صوتها:
_الاجتماع بعد ربع ساعة و عايزين نراجع شوية حاجات كمان في شوية ملفات عايزة تتمضي و لسة المرور على الموقع الجديد و...
خرج صوته بضيق:
_مش وقته يا ياسمين اتفضلي انتي دلوقتي و ألغي اي حاجة دلوقتي
_عاندت هي و قالت: لأ الملفات مهمة و الاجتماع هاتشوف في التصاميم الجديدة...
