One's Heart Melts

💶20

"Hindi ka talaga marunong tumanaw ng utang na loob!"
💸💸💸

The Special-
Lolita's Pov

"OH, WAIT A SEC- you looks familiar?" ani ng babae sa akin. Bigla siyang napahinto sa paglalakad at inobserbahan ako ng mabuti.

Napatitig ako bigla sa kaniyang pustura. Nakasuot siya ng white backless dress at sa aking palagay 4-inches ang taas ng kaniyang high heels. Nakapusod lang ito pero makikita kong nadala ng kaniyang kagandahan ang suot-suot niya at mas lalong nagpaganda pa sa kaniya ang mole niya sa ilong.

Napaturo ako sa aking mukha, "A-ako?" Napatingin naman ako bigla sa aking likuran, wala namang tao bukod sa akin.

Napa-irap naman siya bigla. "Hell, yeah! like, my ghost ba akong kausap here? Patawa ka Girl! Ikaw 'yong new muchacha ni Cuddly bear sugar lips ko!" saad niya. Actually, hindi ko talaga naintindihan ang sinabi ng babaeng 'to ang tag-lish kasi magsalita.

Nakatulala lang akong nakatingin sa kaniya, "Hey, are you deaf? si Mr.Nolan Nam ang tinutukoy ko Girl." Nanlaki ang mga mata niya sabay irap sa akin.

"I-Ikaw ba si Eilidh?" ani ko. Iniisip ko pa kung saan ko siya nakita dahil hindi pamilyar sa akin ang kaniyang mukha.

"Oh, how I wish but not! I'm her Sexylicioustary. Kara Young, and your name is Lota, right?"

"Yes po! Ikaw pala si Ms.Kara? Hello Ma'am!" lumawak ang aking pagngiti tsaka yumuko sa kaniya.

"I'm glad we met in person. Oh s'ya, I'm going na! Kindly tell to my cuddly bear sugar lips ko na happy birthday." sabay talikod at lumapit siya sa kotse na naka-park sa gilid, pinagbuksan siya ng pinto tsaka siya sumakay sa backseat.

Napakaway na lamang ako habang palayo ang sasakyan ni Ms.Kara. Naghintay na din ako ng bus dahil pupunta ako ngayon sa bahay ni Seven, kaarawan niya ngayon at inimbitahan niya akong dumalo.

Pagbaba ko sa lugar na sinasabi ni Seven ay agad ko din siyang nakita na nag-aabang sa may kanto. Kumaway naman siya agad at lumapit sa akin, inabot ko ang dala-dala kong box na may lamang cake.

"Happy Birthday!"

Kinuha naman ni Seven. "Nag-abala ka pa talaga, pero maraming salamat dito." kapansin-pansin ang pamumula ng kaniyang pisngi. Kinikilig ba siya?

"Okay lang 'yon, ano ka ba! Nakakahiya naman kung wala akong dala-dalang kahit ano."

"Sus, ikaw talaga. Tara na, kanina ka pa hinihintay nila Mama at Papa." hinawakan niya ang kamay ko sabay hila sa akin. Kailangan ba talagang hawakan niya pa ako sa kamay.

Pagkapasok namin sa bahay nila Seven ay masaya akong sinalubong ng mga magulang niya, agad nila akong inasikaso.

"Maraming salamat Iha at nakapunta ka sa kaarawan ni Seven. Alam mo bang ngayon lang nagdala ng babae iyang si Seven namin." biglang bulong sa akin ng Mama ni Seven.

Napakunot ang noo ni Seven. "Ma!" pagsuway niya sa Mama niya. Nagkatinginan naman kami ng Mama niya at natawa sa reaksyon ni Seven.

Hinatak na ako ng Mama niya sa mesa para makakain na, laking tuwa ko naman at napakaraming handa. Napatingin naman ako sa kinaroroonan nina Seven at ng Papa niya. Nag-iinuman sila kasama nang iba pa nilang bisitang kalalakihan.