ဒီရေတာသို့တမ်းခြင်း(ဒီရတောသို့တမျးခွငျး)

အပိုင်း(၃၄)

ဒီရေတာသို့တမ်းခြင်း

ခြံအကျယ်အဝန်းအားကြည့်လိုက်သည်နှင့်
အလွန်ပင်ကျယ်ပြောကာထိုခြံအတွင်း၌ဆောက်
လုပ်ထားသည့် ၃ထပ်တိုက်အိမ်ကလေးသည်
ခြံတခါးပေါက်ဝနှင့် လွန်စွာမျှကွာဝေးလှသည်။
​အပန်းဖြေအနားယူ၍ရသည့် ရေကူးကန်တကန်အား
ဆောက်လုပ်ထားကာ ထိုရေကူးကန်အနီး
၌ပန်းဥယျာဉ်အသေးစားလည်း စိုက်ပျိုး
ထားသေးသည်။

ဖခင်ဖြစ်သူမှာ ထိုင်းနိုင်ငံတွင်သာနေထိုင်ပြီး
တခါတရံ အိမ်သို့ပြန်လာကာသားဖြစ်သူနှင့်
အဖော်ပြုနေထိုင်ပေးတက်သည်။နောက်ပိုင်းတွင်
ဖခင်ဖြစ်သူမှာ သူ၏လုပ်ငန်း
ကိစ္စများအားလုံးအား ထိုင်းနိုင်ငံသို့ပြောင်းရွေ့ကာ
သားဖြစ်သူအားလည်း ဆယ်တန်းအောင်စာရင်း
ထွက်ပြီးသည်နှင့် ထိုင်းနိုင်ငံသို့လိုက်လာရန်
ဖခင်ဖြစ်သူမှ သေချာမှာထားလေသည်။

ဆယ်တန်းအောင်စာရင်းထွက်ပြီးခါစ
မိုးရာသီဖြစ်သည်မို့..မိုးများတဖြိုင်ဖြိုင်ရွာသွန်းအပြီး
နောက်တနေ့တွင်မူ ယမြန်နေ့တွေက သူ..မရွာခဲ့
သည့်အတိုင်း ရာသီဥတုမှာစိမ်းလန်းစိုပြေလျက်
ရှိနေသည် ။

နေ့ပေါင်းများစွာ ဆက်တိုက်မိုးရွာသွန်းခဲ့ရာမှ
ယနေ့တွင်တော့ နေအပူရှိန်ရကာ လေပြေလေညင်း
များဝဲတိုက်လျက်ရှိသည့် မနက်ခင်းလေးမှာ
သာယာလျက်ရှိနေပါသည်။

၃ထပ်တိုက်အိမ်အတွင်းရှိ ရေကူးကန်၏ဘေးတွင်
ဆောက်လုပ်ထားသော အပန်းဖြေဇိမ်ခံကုတင်
ပေါ်တွင်မှောက်ရက်လှဲကာ နေပူစာလှုံနေသော
ကောင်လေးတယောက်မှာ အခြားကောင်လေး
တယောက်မှစိုးရိမ်ပူပန်သောကများနေသည့်
အကြည့်တို့နှင့် ထိုဇိမ်ခံကုတင်ပေါ်တွင်သာ
တင်ပါးလွဲထိုင်နေသည်အား မြင်သော်
သူသည် မှောက်အိပ်နေရာမှ
ထလာပါသည်။

ထိုကောင်လေးနှစ်ယောက်လုံးသည်သိပ်မကြာခင်က ထွက်ရှိလာခဲ့သည့်အောင်စာရင်းများအနက်
ဆယ်တန်းအားဖြေဆိုအောင်မြင်ထားပြီဖြစ်ကြောင်း
သက်သေပြထားသည့်တက္ကသိုလ်တက်တော့မည့်
ကျောင်းသားလောင်းများဖြစ်သည့်
ဒီရေတာနှင့်ခွန်ဇေ။