ME AFTER YOU

ep 20

ထိုက်ထိုက်စံနဲ့ ပတ်သက်ပြီး အဲ့နေ့တုန်းက ခိုင်မာမော်ကိုငြင်းလိုက်သည်ဟု သိလိုက်ရလေတော့မှပဲ သော်တာမှူးဝေတို့ စိတ်ပြန်အေးသွားခဲ့ရပါသည်။

သို့ပေမယ့် သူ့မှာ အရမ်းကြီးတော့လည်း စိတ်မအေးရသေးပြန်ပါဘူး။ ဘာလို့ဆို အခုတလော ခိုင်မာမော်က ထိုက်ထိုက်စံအနားကိုပဲ အရမ်းတွေ ကပ်လာတာမလို့လေ။

ဒါပေမယ့် အခုလောလောဆယ်မှာတော့ သော်တာမှူးဝေဟာ ထက်ဘုန်းရှိန်နဲ့ အတူယှဉ်တွဲကာပဲ သူ့ရဲ့ကျောင်းခန်းဆီသို့ လာနေကြချင်းဖြစ်လေသည်။

လမ်းလျှောက်လာနေရင်းနဲ့ ရုတ်တရက်ကြီး ထက်ဘုန်းရှိန်ဘက်က သော်တာမှူးဝေရဲ့လက်ကို ကိုင်လာခဲ့ချိန် သော်တာမှူးဝေတို့ ထက်ဘုန်းရှိန်ဖက်ကို အံဩသွားသလို ပုံစံမျိုးနဲ့ ကြည့်လိုက်လေသည်။

"မသော်ကလည်း ကိုယ့်ရည်စားရဲ့ လက်ကို ကိုင်တာပဲလေ။ ဘာတွေအဲ့လောက်ထိ အံ့ဩနေရတာလဲ"

ထက်ဘုန်းရှိန်က သမီးရည်းစားအခြေအနေမှာ ဒါဟာ ပုံမှန်ကိစ္စသာဖြစ်ကြောင်း ပြောချင်ပုံရပါသည်။ သို့ပေမယ့် သော်တာမှူးဝေဘက်ကတော့ အနေရခက်စွာပဲ ထက်ဘုန်းရှိန်ရဲ့ လက်ထဲမှ သူ့ရဲ့လက်ကို ပြန်ထုတ်ဖို့ ကြိုးစားလိုက်တော့သည်။

အဲ့ချိန်မှပဲ တိုက်တိုက်ဆိုင်ဆိုင် tuto စာအုပ်တွေတ‌ပွေ့တပိုက်နဲ့ လာနေသည့် မထိုက်ရယ် ခိုင်မာမော်ရယ်တို့နှင့် လာတိုးခဲ့သည်။

သော်တာမှူးဝေတစ်ယောက်တော့ သူ့ရဲ့လက်ကို အမြန်ပဲ ထက်ဘုန်းရှိန်ရဲ့ လက်ထဲကနေ ရုန်းထွက်လိုက်တော့သည်။ ပြီးတော့လည်း ထိုက်ထိုက်စံဘက်ကို မလုံမလဲ ဖြစ်စွာ ကြည့်လိုက်မိပြန်သည်။

"အ... အခုနေ့လယ် tuto ဖြေရမှာလား။ ခိုင်မာမော်"

"အင်း...ဆရာမက ဌာနထဲကနေ tutoစာအုပ်တွေ လာယူခိုင်းတာ။ EC မအားလို့ ငါနဲ့ အမထိုက်ထိုက်ကို ယူလာခဲ့ပေးတာလေ။ ဆိုတော့ ဖြေရမှာမလို့နေမှာပေါ့"

"omm..."

ခိုင်မာမော်က သူမေးတာကို ဖြေပြီးတာနဲ့ သူ့ကိုကျော်ပြီးထွက်သွားခဲ့ပါသည်။ မထိုက်ဘက်ကတော့ သူ့ကို တစ်ချက်လေးတောင် မျက်လုံးကလေးဝေ့ပြီး ကြည့်မလာခဲ့ပါဘူးလေ။