​ဆောင်းစက်ရိပ်ခို (completed)(U+Z)

P-6

အချိန်ကည ၉နာရီ ။ဆိုင်ထဲမှ ထိုင်လက်စလူ​တွေကလဲ တဖြည်းဖြည်းနဲ့ နည်းသွားသည်။ ​ဆောင်းစက် မှန်တံခါး​နောက်က ကတ်​လေးကို close signဘက်သို့ လှည့်လိုက်သည်။ ဆိုင်အပြင်ခဏထွက်ပြီး ​ကောင်းကင်ကိုကြည့်​တော့ ဒီ​နေ့ညအဖို့ ​ကောင်းကင်ကြီးက အုံ့မှိုင်း​နေပါသည်။

မိုးက အချိန်မဟုတ် ရွာ ရွာနိုင်လွန်းသည်။ ဒီလိုရွာတာလည်းအ​ကောင်းပါ​လေ။ မိုးဆိုတာ ငှက်​လေးနဲ့ဆုံစည်းချင်း​တွေ​ပေါ့။ ငှက်​လေးက​ရော မိုးရွာတာကို ကြိုက်နိုင်ပါ့မလား။

အ​တွေးဘယ်လိုရှိရှိ မျက်နှာကို​တော့ အချိုသာဆုံးပြုံးလိုက်မိသည် အတိတ်ဟာ အတိတ်ပါပဲ။ အခု​တော့​ဆောင်းစက်ဆိုတဲ့ကိုယ်ဟာ ပျော် လာနိုင်ပါပြီ။ ကိုယ်ဆိုတာ အဲ့ဒီအချိန်တုန်းက အကြီးမားဆုံး ဆုံးရှုံးမှုကြီးကို ​တောင် မလှုပ်မရွံ့ဖက်တွယ်ထားပြီး ​မျှော်လင့်ချက်သဲ့သဲ့​လေးကို တစ်ချိန်လုံးရှာ​ဖွေလာခဲ့တဲ့သူ မဟုတ်လား။

ညီထက်  ​ကောင်တာကထွက်၊ ​အေပရွန်ချွတ်ပြီး ​ဆောင်းစက်ကိုလှမ်းကြည့်မိသည်။ ခါတိုင်းလိုမဟုတ်ပါလား...။

"What's wrong"
အသံလာရာကိုကြည့်​တော့ မင်းလွင်က ညီထက်ကို ​မေးပြီး သူပါ ညီထက် အကြည့်ရှိရာဆီသို့ ဦးတည်မိသည်။

ညီထက်ကပြုံးပြပြီး

"အမြဲတမ်း ပြုံးပြုံး​ပျော်​ပျော်​နေတဲ့ အကို​ဆောင်းစက် မိုးမဲမဲကို ​မော့ကြည့်တဲ့အချိန်ဆိုရင်​တော့ သူ့မျက်နှာမှာလွမ်းရိပ်သန်း​နေတတ်တယ်​လေ။ ဒီ​နေ့ မထူးဆန်းဘူးလား  ။အကို့မျက်နှာက ပြုံးလို့​ပျော်လို့​လေ။ "

ဟုတ်ပါသည် ​မိုးမဲမဲကို ​မော့ကြည့်​နေတဲ့ ဆောင်းစက်မျက်နှာက ကြည်ရွှင်လို့ ။ ဆိုင်​ရှေ့မှာထွန်းထားတဲ့ မာကျူရီမီး​ရောင် ဝါကျင်ကျင်က ​မိုး​ပေါ်​မော့ကြည့်​နေ​သော ဆောင်းစက်မျက်နှာကို ဆလိုက်ထိုးထားသလို နှယ် ။၀င်းဖန့်ဖန့် မျက်နှာ​လေးမှာ ကွပ်ထားတဲ့အပြုံးတို့က ဖြူစင်တယ်။ သိပ်ကိုဖြူစင်တယ် ။

"သူငယ်ချင်းမင်းကဒီလို​လေးအမြဲပြုံးရွှင်​နေသင့်တဲ့လူပါ"