(Unicode)
ဆိုင်၏လေးလံသော မှန်တံခါးကိုတွန်းဖွင့်ရင် ဆိုင်ရှေ့သို့ရောက်သော် ရှောင်ကျန့်သူ့လက်ထဲမှ ကတ္တီပါဘူးလေးကို နှစ်ခြိုက်စွာပြုံးလျက်ကြည့်နေမိသည်။
သူ့လခ လေးလစာ မဟုတ်သေးဘူး ခြောက်လစာလောက်ရှိမယ်ထင်တယ် ဒီကတ္တီပါဘူးလေးက ဒါပေမဲ့ ဒီအတွက်ပဲကြိုးစားခဲ့တာမဟုတ်ဘူးလား
ဒီနေ့သူအလုပ်လုပ်တာတစ်နှစ်ပြည့်တဲ့နေ့..
အင်း.. ရိပေါ်နဲ့တူတူနေတာလည်း တစ်နှစ်ပြည့်တဲ့နေ့
ပြန်စဉ်းစားကြည့်တော့ သူအလုပ်စလုပ်မယ်ဆိုကတည်းက ရိပေါ်ကသူပြောထားတဲ့ အိမ်ကလေးမှာပဲ တူတူနေဖို့သူ့ကိုပြောလာသည်
သူ့ကိုပြောရုံတင်မကပဲ သူ့အမေကိုပါကိုယ်တိုင်လိုက်၍ခွင့်တောင်းခဲ့သည်
သူ့မာမားကသူနဲ့ခွဲမနေချင်၍ အစပိုင်းကန့်ကွက်သော်လည်း နောက်ပိုင်းတော့ အိမ်ကိုမကြာခနပြန်လာရန်ပြော၍ လွှတ်ပေးပါသည်
ရိပေါ်ကတော့ တစ်လတစ်ခါအလုပ်ကိစ္စနဲ့ ခရီးတွေထွက်နေရပေမယ့် များသောအားဖြင့်အိမ်မှာရှိတာများသည် သူ့ကိုစိတ်မချလို့လာတော့မသိ
အိမ်မှာသူ့လူတွေကိုအစောင့်ထားသော်လည်း အလုပ်ကိစ္စနှင့်တော့ သူ့လူတွေကိုဘယ်တော့မှအိမ်အလာမခံ အလုပ်ကိစ္စအတွက်အိမ်နဲ့မနီးမဝေးတွင် အိမ်တလုံးထပ်ဝယ်ထားပြန်သည်
ညနေပိုင်းပြန်လာတိုင်း ရှောင်ကျန့်အလုပ်လုပ်နေသည့်အခန်းထဲဝင်လာပြီး အနမ်းတချက်ပေးကာ ညစာသွားပြင်လေ့ရှိသည်
"မျက်မှန်လေးနဲ့ ချစ်စရာကောင်းလိုက်တာ ကိုက်စားပစ်လိုက်မယ်"
ကွန်ပြူတာရှေ့တွင် တကုတ်ကုတ်နှင့်စျာန်ဝင်နေသော ရှောင်ကျန့်ကိုအနောက်မှဖက်ကာ ရှောင်ကျန့်ပါးဖောင်းဖောင်းလေး တဖက်ကိုကိုက်လိုက်သည်။ အလုပ်ထဲအာရုံနစ်နေ၍ ရိပေါ်ဝင်လာသည်ကိုပင်မသိလိုက်သော ရှောင်ကျန့်မှာလန့်သွားကာတချက်တုန်တက်သွားသည်။
ရှောင်ကျန့်တုန်သွားသည်ကို သဘောကျကာ
ရိပေါ်ရှောင်ကျန့်ပါးကို နောက်တချက်ထပ်ကိုက်လိုက်ပြန်သည်
"ဘာတွေလန့်နေတာလဲဘေဘီ"
"အား...ရိပေါ်နာတယ်သွား မလုပ်နဲ့"
YOU ARE READING
Orange
Fanfictionလိမ္မော်ရောင်ဟာ ပျော်ရွှင်မှု နွေးထွေးမှု စိတ်အားထက်သန်မှု လိမ္မော်ရောင်ဟာ စိတ်ပျက်အားငယ်မှုတွေကို Healing ပေးနိုင်တဲ့ အစွမ်းရှိတယ်တဲ့... ပြီးတော့... လိေမၼာ္ေရာင္ဟာ ေပ်ာ္ရႊင္မွု ေႏြးေထြးမွု စိတ္အားထက္သန္မွု လိေမၼာ္ေရာင္ဟာ စိတ္ပ်က္အားငယ္မွုေတြကို He...
