(Unicode)
ဒေါက်.. ဒေါက်
ကားမှန်ကိုလာခေါက်သော အသံကြောင့် ကားထဲရှိပုဂ္ဂိုလ်များအပြင်လှမ်းကြည့်လိုက်ကြသော် ဦးထုပ်ဆောင်းထားသောလူတစ်ယောက်
ထိုပုဂ္ဂိုလ်များမှာ တချက်သာလှည့်ကြည့်ကာ အရေးမကြီးဟန်ဖြင့် အပြင်ကလူကိုဂရုမစိုက်တော့
ခဏကြာသော် ထောက်ခနဲတချက်မြည်သွားကာ ကားမှန်ကွဲသွားသည် အဖြစ်အပျက်များသည် မြန်ဆန်လွန်းလှ၍ ကားထဲမှ ကိစ္စတုံးခံလိုက်ရသောလူနှစ်ယောက်ပင် သူတို့ကိုသူတို့ဘာဖြစ်လို့ဖြစ်သွားမှန်းသိမယ်မထင် ကျန်တစ်ယောက်မှာတော့..
"ဘယ်သူလွှတ်လိုက်တာလဲ"
ထပ်ခါထပ်ခါရေထဲတွင် အနှစ်ခံထားရသောကြောင့် ထိုလူမှာစကားတွေပင် ဗလုံးဗထွေးဖြစ်နေသည်။ ဒီလောက်လုပ်ခံထားရတာတောင် ထိုပုဂ္ဂိုလ်မှာ ပြန်အာခံနိုင်သေးသည်
"ထွီ ဟ ဟ ဟ ဘယ်သူကသိချင်တာလဲ"
ရိပေါ် ထိုလူကိုရေထဲပြန်နှစ်လိုက်သည် ဒီတခါတော့ ပြန်မဆယ်သေးပဲ အရင်ကထက်ပို၍ကြာကြာထားလိုက်သည်
"ဘယ်သူလွှတ်လိုက်တာလဲ"
ဒီတခွန်းပဲ ကျန်တာဘာမှမပြော
အကြောင်းအရာ ရေရေရာရာမသိသေးသောကြောင့် အဖွဲ့ထဲမှလူများမသုံးပဲ သူတစ်ယောက်ထဲလာခဲ့သည်။ အဖွဲ့လိုက်လှုပ်ရှားရင် သတင်းပျံ့ဖို့ကလည်းလွယ်သည်လေ
ရိပေါ်လက်ထဲမှကြိုးကိုဆွဲလိုက်သော် ထိုလူမှရေထဲမှဇောက်ထိုးကြီးပြန်ထွက်လာလေသည်။
ထို့နောက် ကြိုးကိုတနေရာတွင် ချည်လိုက်ကာထိုလူကိုဇောက်ထိုးတန်းလန်းပင်ထားထားလိုက်သည်။
"ဘယ်သူလွှတ်လိုက်တာလဲ"
ခုချိန်ထိရိပေါ်ကိုမသိသေးပုံထောက်ရင် သူတို့အဖွဲ့ကမဟုတ်တာသေချာသွားပြီ တခြားအဖွဲ့ကဆိုလည်းသူ့နောက်ကိုမလိုက်ပါပဲ ဘာလို့ရှောင်ကျန့်နောက်ကိုလိုက်နေရတာလဲ
"ဟိုကောင်လေးကိုသာမန်ကျောင်းသားလေးထင်ထားတာ လတ်စသတ်တော့ အစောင့်အရှောက်တွေဘာတွေနဲ့ပါလား"
ရိပေါ် ထိုလူ့ခန္ဓာကိုယ်ကို လက်ထဲမှသံဒုတ်ဖြင့် လေးငါးချက်လောက်ဆင့်ရိုက်လိုက်သည်။
ထိုလူမှာဇောက်ထိုးဖြစ်နေသည့်အပြင် ရိပေါ်ဘက်ကိုကျောပေးထားရသောကြောင့် အသံပဲကြားရသည် ရိပေါ်ကိုတော့မမြင်နိုင်
ရိပေါ်အသံမှာ အလွန်တည်ငြိမ်နေကာ အမိန့်ပေးသော အငွေ့အသက်များပါနေလေသည်။
YOU ARE READING
Orange
Fanfictionလိမ္မော်ရောင်ဟာ ပျော်ရွှင်မှု နွေးထွေးမှု စိတ်အားထက်သန်မှု လိမ္မော်ရောင်ဟာ စိတ်ပျက်အားငယ်မှုတွေကို Healing ပေးနိုင်တဲ့ အစွမ်းရှိတယ်တဲ့... ပြီးတော့... လိေမၼာ္ေရာင္ဟာ ေပ်ာ္ရႊင္မွု ေႏြးေထြးမွု စိတ္အားထက္သန္မွု လိေမၼာ္ေရာင္ဟာ စိတ္ပ်က္အားငယ္မွုေတြကို He...
