He is my DOLL
ဤဇာတ်လမ်းပါအကြောင်းအရာများသည် စာရေးသူ၏ စိတ်ကူးယဉ်ဖန်တီးမှုသက်သက်သာဖြစ်ပါသည် ။ မည်သူတစ်ဦးတစ်ယောက် မည်သည့်အဖွဲ့အစည်း တစ်စုံတစ်ရာကိုမျှ ထိခိုက်နစ်နာစေလိုခြင်း မရှိပါ ။
(81)
မန်နေဂျာက စားပွဲပေါ်သို့ ဘုတ်ကနဲပြုတ်ကျလာသော ID Card ကို လှမ်းယူကာ ပိုင့်ကို တအံ့တသြမော့ကြည့်သည် ။ ပိုင့်မျက်နှာပေါ်တွင် မျက်နှာဖုံးကိုမတွေ့သောကြောင့်ထင်သည် ။
" မင်းမျက်နှာဖုံးက ဘယ်ရောက်သွားတာလဲ "
ဟု အထိတ်တလန့်ဖြင့်မေးသည် ။ မန်နေဂျာ၏မေးခွန်းကို ပိုင် ပြန်မဖြေပဲ
" ဒီနေ့ညအတွက်ရှင်းပေး .... ပြီးတော့ ကျွန်တော်ဒီနေ့ကစပြီး အလုပ်ထွက်တယ် "
ဟု ပြောလိုက်သည် ။ ပိုင်က အလုပ်ထွက်ကြောင်းပြောလိုက်သောကြောင့် မန်နေဂျာက မတ်တပ်ထရပ်ကာ
" ရုတ်တရက်ကြီး ဘာဖြစ်လို့လဲ "
ဟု မေးသည် ။ ပိုင်
" ဘာမှမဖြစ်ဘူး .... မလုပ်ချင်တော့လို့မလုပ်တာ .... ခင်ဗျားနဲ့ဆိုင်တာမရှိဘူး "
ဟု ပြန်ဖြေရင်း ပိုက်ဆံတောင်းသည့်သဘောဖြင့် လက်ဝါးဖြန့်လိုက်သည် ။ မန်နေဂျာက ပိုင်ရသင့်သည့်ဝေစုကို လက်ထဲထည့်ပေးရင်း
" အလုပ်ထွက်မဲ့ကိစ္စကို ပြန်စဉ်းစားပါအုံး .... သူဌေးက မင်းကိုတအားသဘောကျတာကို "
ဟု ပြောသည် ။ မန်နေဂျာ၏စကားအဆုံးတွင် ပိုင် ရယ်လိုက်ကာ
" ဂရုမစိုက်ဘူး "
ဟု ပြောပြီး အခန်းထဲမှထွက်လာခဲ့လိုက်သည် ။
(82)
ဝဏ္ဏက ကမ်းပြောပြသည်ကို အစအဆုံးနားထောင်ပြီး
" ဘော့စ်ကလဲ .... အဲ့ဒီလိုသွားလုပ်မှတော့ 9ကစိတ်ဆိုးပြီပေါ့ "
ဟု မှတ်ချက်ချသည် ။ ထို့ကြောင့် ကမ်း မျက်မှောင်ကြုံ့လိုက်ပြီး
" ငါကဘာလုပ်လို့လဲ .... ငါပေးတာကို သူငြင်းလို့ စိတ်ဆိုးပြီးတမင်လုပ်လိုက်တာ "
