لقيتك صدفةّ ويا محاسن هالصدفّ.

-الجُزء الرابع-

اغاريد و ماجد
اغاريد : انا برجع البيت
ماجد : هه ترجعين الحين ؟
اغاريد :ليه وش تبي بعد
ماجد : يعجبوني الفاهميني
اغاريد : اخلص علي
ماجد : بنروح السوق انا و انتي و بتشترين فساتين و ملابس عشان لو قابلنا اهلي
اغاريد جات بتتكلم و قاطعها : بعدها بنمر محل الذهب اشتري لك خاتم عشان ما يشكون
اغاريد هزت راسها بصمت
وصلوا المول
جات بتنزل مسك يدها : خذي
ناظرت يده شافت بطاقتة البنكيه : لا مشكور مابي عندي
ماجد فكها: اصلًا انا نازل معك يعني كذا ولا كذا الحساب علي
اغاريد نزلت ما تبي تناقشه
ماجد جاء و مسك يدها
اغاريد دفته بقوه : لا تمسكني احنا اتفقنا اكون زوجتك كذبه لأهلك مو تمسكني كذا
ماجد طنشها و دخلوا
ماجد : ترا بختار لك فساتين و كلشي سواءًا انا اخترته او انتي انا اللي بحاسب اوك؟
اغاريد جاتها فكره براسها و ابتسمت بخبث : اوك
دخلت سيفورا و بدأت تشتري كل اللي تشوفه قدامها و يعجبها حتى اللي ما يعجبها اخذته جات تحاسب و ماجد مد بطاقته و حاسب بهاللحظه جاه اشعار من جواله انو انسحبت من بطاقته ٣٥٠٠ ريال
ماجد فتح فمه بصدمه : ياحيوانه
اغاريد : تستاهل
ماجد بضحكه : تحسبينها فرقت معي؟
اغاريد طنشته و دخلت محل
ماجد مد يده و اخذ فستان ناعم طويل احمر و فيه فتحه من عند الرجل و ماسك من جهه الخصر
اغاريد سحبته من يده :الله يجنن مره حلو
ماجد رفع راسه : اي ذوقي
اغاريد : يخي انطم خلني اتأمل
ماجد طنشها و اخذ فستان ثاني لونه اسود قصير لين فوق الركبه و مفتوح من جهه الصدر و ماسك من الخصر
مده لها
اغاريد : خير ما بلبسه معليش
ماجد : الا
اغاريد : يخي ما ابي مره قصير و ضيق
ماجد رفع حاجب
اغاريد تذكرت انو صورها كلها عنده وبأي لحظه يمكن ينشرهم و يضيع مستقبلها
اخذته من يده : تمام باخذه
ماجد بشبه ابتسامه : شاطره
طنشته و كملوا ياخذون فساتين و ملابس
خلصوا
ماجد بتعب : اخ رجلي معد احس فيها
اغاريد : خير ترا ما طولنا
ماجد : اشر عالأشياء اللي ورا و أشر على ساعته : كل ذا و ما طولنا ؟
كمل بألم : والله رجلي شكلها التهبت تألمني بشكل
اغاريد بنص عين : لا تبالغ
ماجد مسك رجله وصرخ بالخفيف : اخخ
اغاريد : خططت ؟
ماجد: اي ، اول شي انتي زبطي امورك ببيتك يعني قولي لأهلك مره صحبتي عزمتني مره تزوجت مره انخطبت مره تملكت و امشي على هالموال و بالنسبه لأبوك و اخوانك الفيصل و راكان هذول امرهم سهل و بنبدأ الخطه بعد يومين طيب ؟
اغاريد هزت راسها : طيب
كملت : ماجد
ماجد و عينه عالطريق : همم
اغاريد : ممكن توديني الصيدليه ؟ ابي بنادول صدعت
ماجد : ما يحتاج فيه هنا في الدرج
اغاريد : لا مو هالنوع انا استخدم واحد محدد
ماجد : تمام انزلي بسرعه
و مد لها فلوس
اغاريد :لالا بحاسب من عندي
ماجد : اوك بسرعه
نزلت من السياره و دخلت الصيدليه و اخذت مرهم التهابات و حاسبت و طلعت
اغاريد دخلت و مدت له الكيس : خذ هذي لك
ماجد عقد حواجبه وفتح الكيس و انصدم
انصدم من لطافه هالإنسانه هو يبتزها ينشر صورها و يهددها تصير زوجته و كرهها فيه اخر شي تجيب له مرهم لأنه قال انو رجله وجعته
اغاريد : تشتخدمه مرتين يوميًا واذا الألم ما راح تقدر تستخدمه ثلاث مرات و لازم تلبس شراب و ما تتعرض رجلك للبرد لمدة اربع ايام
ماجد : شكرًا
اغاريد لفت عالشباك
------------------------------------------