لقيتك صدفةّ ويا محاسن هالصدفّ.

-الجُزء ٤٥-

عند جوليا
تحسنت حالتها شوي وطلعت من المستشفى ورجعت بيتها وقالت لامها امها كانت مع جيلان و هذي اثار التعب
راحت غرفتها تروشت عالسريع وغيرت ملابسها لبست بجامه وانسدحت عالسرير
دقت العامله الباب: جوليا
جوليا ببحه: تفضلي
دخلت العامله وحطت بوكس شوي صغير على السرير: هذا فيه برا مكتوب جوليا
جوليا هزت راسها: اوكي ثينكيو
العامله هزت راسها بإبتسامه وطلعت
جوليا راحت للبوكس بإستغراب
فتحاه وشافت عقد جميييييل جدًا و ورقه شوي كبيره
قرأت الورقه وطاحت من يدها وغطت وجهها وبدأت تبكي بصدمه من اللي شافته!!!
الورقه مكتوب فيها: السلام عليكم اهلين جوليا بتستغربين اكيد اني رسلت لك رساله في كرتون غريب مثل كذا لكن..
حبيت ارسله كذا احسن من اني ارسله رساله لك
عمومًا  ، 
تم تشخيص حالتي بمرض السرطان في الدم و المرض جالس ينتشر فيني بشكل كبير وبروح لندن عشان اتعالج و اتمنى من كل قلبي ما تقولين لأحد سواءً من اهلي او غيره و تشرفت فيك كثير و الله يوفقك مع جديدك
راكان
انهارت و فتحت حوالها دقت عليه ولا رد
دقت كثير قد ماتقدر لكن بالاخير رد عليها: نعم
جوليا ببكى: راكان هذا اللي اشوفه صدقي
راكان بأسى: مو شي ينمزح فيه للأسف
كمل: حبيت اقول لك انتي اول وحده
جوليا: تكفى راكان تعال مرني امانه
سكرت بسرعه وراحت تلبس و اعطت امها خبر انها بتطلع
دق جوالها وكان المتصل راكان
ردت: الو
راكان: انا تحت
نزلت بسرعه وراحت له ركبت وانطلقوا
جوليا غطت وجهها وبكت: راكان امانه لا تكذب علي
راكان لف عليها وشال يدها من وجهها ومسك دموعها: لا تنزل هالدموع مره ثانيه
جوليا بشهاق: كيف ماتنزل وانت تقول لي خبر كذا
كملت: راكان اخطبني
راكان وقف السياره على جنب والتفت عليها: ايش
جوليا هزت راسها: اخطبني
كملت وهي ماسكه يده: نروح سوا نتعالج تكفى
راكان هز راسه بـ لا: ما اقدر اخليك على ذمتي واتركك
جوليا: تكفى يا راكان طلبتك بجي معك
راكان نزل راسه: احاول
جوليا طلعت جوالها ودقت على جيلان
راكان ناظرها: وش تسوين
جوليا: الحين تعرف
ردت: هلا جوليا
جوليا بتردد: ارسلي لي رقم اصيل
راكان ناظرها بصدمه
جيلان: ابشري الحين ارسل
سكرت
جوليا التفتت على راكان: نتقابل انا وانت وهو بمكان و نتفاهم معه و نخليه يفسخ الخطوبه وانت تاخذني
راكان هز راسه بعدم حل: اوك
جاتها رساله من جيلان اللي هو رقم اصيل
دقت عليه و بعد مده رد: الو مين معي
جوليا: جوليا
اصيل نقل الجوال لإذنه الثانيه: امري؟
جوليا بشهاق: برسل لك موقع تعال فيه
سكرت بسرعه ورسلت له مكان منتزه قريب منهم
بعد دقآئق وصلوا و اصيل كان نازل من السياره وشافهم وراح لهم
اصيل ناظر راكان: ايوه جوليا ليه طلبتيني
جوليا: ندخل ونتفاهم
دخلوا و جلسوا
جوليا: اصيل افسخ الخطوبه
اصيل: ليه
راكان: بتزوجها ونسافر
اصيل: ليه
جوليا ناظرت راكان: راكان مريض و لازم يتعالج برا
اصيل: لا والله دورتوا عذر ولا لقيتوا الا ذا العذر
جوليا: شايفنا بوضع نمزح فيه!!
اصيل نزل راسه: خلاص تمام
ناظر راكان اللي كان ساكت ويناظر الأرص وبيده عشبه و يقطعها: الله يسفيك ويعافيك ويلبسك لباس الصحه والعافيه
راكان ببحه: آمين
اصيل وقف: مافي شي جدي بيننا عشان نفسخه يمديك تخطبها من ابوها والبنت تختار اللي تبيه و الله يوفقكم مع بعض
التفت وراح
اخيرًا تخلص من هذا الشي
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اصايل
كانت بغرفتها منسدحه عالسرير و تحاول تشغل نفسها بأي شي لدرجة انها كبت دولابها و رجعت ترتبه
كانت ترتب وللأسف مافاد معاها كانت تفكر بموضوع اصيل بإستمرار
ضحكت: حبيت غيره لكن لا هو الوحيد اللي دخل قلبي
نطقت بأسى: الله يعينك يا اصايل الظاهر منتي خالصه من دوامة الحب
فجأه جوالها دق
شافت المتصل جوليا!!!
اصايل بنفسها: غريبه شعندها
ردت: هلا جوليا
جوليا: اصايل فاضيه
اصايل ناظرت ملابسها المرميه بالارض: اي ليه
جوليا: برسل لك موقع كوفي تعالي هناك
اصايل عقدت حواجبها: ابشري بس انتي تعبانه كيف طلعتي!!
جوليا: سويت خروج امانه تعالي
اصايل وقفت:ابشري
سكروا و راحت لبست بلوزه و سروال اسود ولبست عبايتها وحجابها وطلعت
جاتها رسالة الموقع وركبت السياره وراحت للموقع
بعد دقآئق وصلت ودخلت
دقت على جوليا: انا وصلت فينك
جوليا: جالسه اشوفك دقيقه بجي
اصايل سكرت من شافت جوليا وتوجهت لها: هلا
سلموا على بعض
اصايل: كيفك؟
جوليا: ابشرك تمام
اصايل: امريني
جوليا اخذت نفس: عزمتك عشان اقولك انو انا واصيل فسخنا خطوبتنا ابشرك
اصايل: انا وش دخلني طيب
جوليا: انتي مو سويتي سالفه يوم خطبني خلاص فسخنا
اصايل: انا عفته اصيل عففته
جوليا: اصايل
اصايل: لا تحاولي تقنعيني ابدًا لو تنطبق السماء والأرض ما اصير له
جوليا: اصايل لا تسوين شي تندمين عليه بعدين
اصايل: طيب خلاص مابسوي شي ما كنت بسوي اصلا ما قلت لك عفته
جوليا: راكان بيخطبني
اصايل: الله يهنيكم
جوليا: شكرًا
وصل الحلى و القهوه
اصايل صورت القهوه و كتبت
"ممكن اكون اخترت غلط ، بس والله حبيت صح❤️‍🩹❤️‍🩹"
نزلتها ستوري سناب وسكرت جوالها وتقهوت و اكلوا الحلى
وراحوا يتمشوا شوي ورجعت كل وحده بيتها
دخلت غرفتها وهي مروقه وشافت الحوسه اللي بالارض
اصايل بقهر: يووه
كملت تطبقها وبعد ساعه وربع خلصت و وقفت بتعب
فتحت جوالها وشافت اشعارات السناب دخلت وشافت رساله من اصيل
فتحتها و المكتوب: مين حبيتي؟؟
رفعت حاجبها بضحكة استهزاء
كتبت له: لو يهمك كان عرفت
اصيل: اصايل بلا استهبال مين حبيتي
اصايل: ما يهم
سكرت جوالها ورمته عالسرير
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند جيلان
دقت الباب ودخلت
جلست على سريرها: اهلين
الشادن: هلا
جيلان: ليه تعاملين اصايل كذا؟
عدلت جلستها: انتي شايفه وش سوت لجوليا و وصلتها لذيك الحالـ..
قاطعتها: لا جوليا ماوصلت لهذيك الحاله بسبب اصايل
الشادن: اجل
جيلان: انتي ماعليك في جوليا حطيها على الجنب شوي
كملت: تخيلي واحد تحبينه ببالك
الشادن بإستهزاء: استدعاء روح
جيلان: سوي اللي قلته ولازم يكون شخص تحبينه مو من اهلك
الشادن وهي مغمضه عينها: تخيلته
جيلان: الحين تخيلي انه يخطب غيرك
كملت: وش بتسوين وقتها
الشادن بغيره: بذبحهم الاثنين
جيلان: شفتي!! 
اذا انتي بتذبحينها اجل وش تقولين عن اصايل المسكينه ماسوت شي
الشادن: اوك كلامك صح بس جوليا..
جيلان: لا جوليا اللي صار لها قضاء وقدر وانا وانتي نعرف زبن انها انخطفت ولولا فضل ربي كان صار شي شديد بس ربي لطف
الشادن: وش مدريك
جيلان: انا جيلان اعرف ما عليك
ابتسمت: يلا بخليك وانتي فكري بالموضوع و ياليت تعتذري من اصايل ولا اذا ماره ماتبين تعتذرين عالاقل عامليها كويس
طلعت وسكرت الباب
راحت لغرفة ميرال ودقت الباب
جاها صوت ميرال: تفضل
دخلت: فاضيه
ميرال أشرت عالسرير: اي تعالي حياك
جيلان جلست بالسرير امامها: وش صار على موضوع رامي
تنهدت: ما ادري وش اسوي
كملت بخوف: طارق رسل لي
جيلان: وش قال
ميرال: قال يا انا اخذك يا ربي ياخذك غيري دامني حي ماتكونين بذمته
جيلان شهقت ومسكت فمها: قولي لابوي يتفاهم معه
ميرال هزت راسها بـ لا: ما اقدر
جيلان: ليييش طيب
ميرال: اذكرك انو طارق من اقاربنا يعني لو صار شي بين الاهالي سواءً مشكله او غيره مستحيل اسامح نفسي
جيلان: والحين وش بتسوين
ميرال: ما ادري
جيلان: تكفين ياميرال لا تتزوجي طارق لو ايش
ميرال: اي اكيد ماباخذه لو على موتي
جيلان: طيب شرايك اكلم رامي يتفاهم معه
ميرال: مدري متردده
جيلان: صقي فيني بصلح هالمشكله وبتشكريني
ميرال ضمتها: الله يخليك لي يا افضل اخت في العالم
جيلان بادلتها الضمه: يا حبيبتي امين ويخليك لي
بعدوا عن بعض
جيلان: ارسلي لي رقم رامي
ميرال فتحت جوالها.. : رسلته
وقفت وهي متوجهه لغرفتها: يلا اشوفك بعدين
دخلت غرفتها و دقت على الرقم اللي ارسلته لها ميرال ورد بثواني
ارتجفت من سمعت صوته مره ضخم بس هادئ
جيلان بصوتها الناعم: الو
رامي: مين معي
جيلان بتوتر: انا جيلان بنت عمك
رامي عدل جلسته: امريني اختي جيلان
جيلان: بقول لك شي بس امانتك ما تعلم اخواني او ابوي او احد من اهلك الموضوع خله بيني انا وميرال وبينك
رامي: سمي
جيلان: طارق
رامي فز و قلبه بدأ ينبض بقوه: شفيه سوا لكم شي؟
جيلان: رسل تهديد لميرال
رامي بحده: وش قال
جيلان: يا انا اخذك يا ربي ياخذك ودامني حي ما ياخذك غيري
كملت: تتوقع يعتبر تهديد
رامي: الله ياخذه انا اوريه
جيلان: دقيقه رامي
رامي: هلا
جيلان: لا تسوي له شي انا ما قلت لك الا عشان توقفه عند حده مو تضره
رامي: ابشري ويعطيك العافيه انك قلتي اي
جيلان: واجبي
سكروا الخط وراحت لميرال تقول لها وفعلًا قالت لها اللي صار بالتفصيل وبدون ما تنقص او تزود اي شي
طلعت وراحت لغرفة عنان دقت الباب ودخلت: اهلين عنان
عنان جلس: هلا جيلان سمي
جيلان: سم الله عدوك بس قلت اجلس معك نسولف بما انك اخوي من الام والاب بس الظاهر انك مشغول
عنان: لا حياك تعالي
جلست جنبه وبدأوا يسولفوا بكل شي وتعرفوا على بعض اكثر
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
في بيت ابو رامي
كان منسدح على السرير ويتكلم معها ويضحك
عزيز: ايوه قلتي لي هالسالفه
ضحكت: لالا ماقلتها متأكده
عزيز: من كثر السوالف معد صرنا نعرف وش قلت و وشو ماقلناه
كمل: المهم انا بسكر توصين
اردفت: سلامتك
سكر الخط و دخلت تارلا
تارلا: مين كنت تكلم
عزيز: خويي
تارلا: خويك تقول له قلتي و توصين؟
عزيز: الشادن كنت اكلمها وش تبين
تارلا: ايوه اعترف لا تقول عكس كلامك
عزيز: طيب الحين وش هدفك
تارلا: ابد بس جيت ارفع ضغطك
عزيز: رفعتيه يلا برا
تارلا بجديه: عزيز انت تكرهني؟
عزيز: ومين قال
تارلا: قارن تصرفاتك بتصرفات رامي
عزيز رفع حاجبه: عشاني صرت اعاملك كصديق قبل اخ اقولين كذا!
بس انو رامي كل كلامه جدي ومختصر وانتي تشوفينه اخ اكثر مني
تارلا: لا من اول كسرت نظارتي وشقيت كتابي و..
قاطعها: تارلا حبيبتي انا كنت امزح معاك وبالله يوم خربت اغراضك مو عوضتك بعدها!  والله اني احبك اختي كيف ما احبك!!
تارلا وقفت: اوك شكرًا حتى انا احبك
طلعت وسكرت الباب وراها وراحت غرفتها و جلست عالسرير و فتحت كتاب وبدأت تقرأ بكامل تركيزها
بعد شويات دق جوالها
كان المتصل عنان
تارلا: غريبه وش يبي
ردت: الو هلا
عنان: اهلين
انتي الحين شبه جالسه و شبه منسدحه و شعرك مفتوح و تقرأين كتاب ولابسه نظارتك
شهقت: وش دراك
عنان بمزح: اراقبك
قامت وسكرت الستاره: اها
عنان: ليه سكرتي الستاره صدقتي يعني
تارلا: عنان وش مدريك
عنان ضحك: اول شي خمنت ثاني شي سمعت صوت الستاره وهي تقفل
تارلا: اها اي ليه دقيت
عنان: مدري بس كذا
تارلا: جد
عنان: لا
تارلا: اجل
عنان: بقول لجيلان تعزمكم وتعالي نحجي
تارلا: طيب واذا رفضت جيلان
عنان: مابترفض
كمل: اصبري خمس دقايق واجيك
سكروا و بعم خمس دقايق بالضبط دق عليها
تارلا: هاه
عنان: يلا بتعزمكم الحين وافقت ترا
تارلا: وكيف اقنعتها
عنان: سى المهنه
تارلا: بسكر فيه احد يدق
بدون ماتسمع رده سكرت وردت عالاتصال الثاني
تارلا: الو هلا جلو
جيلان: تارلا فاضيه اليوم تحين بيتنا
تارلا ابتسمت: اي فاضيه متى تبون اجي
جيلان: براحتك اي وقت
تارلا: ابشري بجي يلا سيو
جيلان: سيو
سكرت وقامت لبست بلوفر اسود و جينز ازرق و خلت شعرها مفتوح وحطت مسكرا وقلوس طلعت كيوت
لبست عبايتها واعطت اهلها خبر انها بتطلع و طلعت
ركبت السياره و شغلتها وراحت لبيت جيلان
وصلت وشافت اصايل وهي داخله
تارلا سلمت عليها ودخلوا بنفس الوقت
سلموا عالبنات وجلسوا معهم يسولفوا
جيلان: للاسف الشديد اليس و المى مابيجوا
اصايل: و جوليا
جيلان ناظرتها: بتجي
اصايل هزت راسها و ناظرت الارض
تارلا جاها اشعار من عنان: سوالفكم يخي تقهر
تارلا: تتنصت انت و وجهك
عنان: لا غرفتي قريبه اسمعكم
كمل: المهم يلا تعالي
تارلا: لا والله وش هالبجاحه انتظر شوي البنات يجوا وشو اقوم عشان اجيك
عنان: اجل ليه جيتي
تارلا: ماقدرت ارد جيلان
عنان بعدم تصديق: اهاا
تارلا سكرت جوالها وكملت سوالف مع البنات لين جات جوليا و البنات كلهم انصدموا انو اصايل تسولف وتصحك معها
جيلان التفتت على الشادن
تارلا شافتهم منشغلين كل وحده بشيء وقامت تسحبت من بينهم وراحت دخلت غرفة عنان
تارلا: بووو
عنان فز: وجع
تارلا ضحكت على شكله: ادخل؟
عنان: حياك
تارلا دخلت و جلست على الكنبه اللي بعيده شوي عن السرير
عنان قام وحلس بنفس الكنبه بس شوي بعيده
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
-١٨٨٤كلمه-
توقعاتكم للبارت الجاي
شكرًا على المشاهده