لقيتك صدفةّ ويا محاسن هالصدفّ.

-الجُزء الرابع و العشرين-

عند سليمان و اليس
وقفت عند سوبر ماركت ونزلت وسكرت السياره
أخذت عربيه و مدتها لسليمان واخذت لها عربيه ثانيه
دخلوا
اليس :اسمع انت وش بتسوي عشان اخاف نسوي نفس الشي
سليمان :مكرونه بطريقتي
اليس :لا لا انا مكرونه
سليمان :مالي دخل انا قلت قبلك
اليس قلدته :انننن
سليمان ضحك على تقليدها
اليس :اصلًا عادي بسوي شي افضل منك
فتحت جوالها وطلعت طريقة وصفه وجابت اغراضها
وتلاقت مع سليمان عند المحاسب
سليمان ضحك وهو يشوف اغراضها:وش بتسوين بهذي
اليس :اي اي اضحك وتشوف لو فزت عليك
سليمان :طيب نشوف
حاسبوا و رجعوا البيت و بدلوا و راحوا للمطبخ
اليس ركضت للفرن :انا ببدأ
سليمان بعدها :مع بعض
بدأوا يطبخون
تسريع للوقت خلصوا
سليمان سوا مكرونه على طريقته
واليس سوت اجنحة دجاج سبايسي و بوصفتها
حطوا الاكل على الطاوله
اليس :انا ببدأ
سليمان مد لها المكرونه :يلا
اليس اكلت وانصدمت من الطعم ما توقعته بهالجمال
سليمان ابتسم :كيف بس
اليس بتمثيل :ماعجبني الله يكرم النعمه
سليمان ضحك :لو تكذبين من اليوم لين بكره واضح انها عجبتك
اليس طيرت عيونها :طيب حلو
عدلت جلستها بحماس :يلا دورك
اخذ حبه واكلها
فتح عينه بإعجاب
كمل :انا متزوجك مدري من متى وتوي ادري انو طبخك قد كذا حلو
اليس لعبت بشعرها بغرور :انت ما طلبت اطبخ لك
سليمان ابتسم :يعني جمال وجه واخلاق واسلوب و جسم و كمان طبخ
مسك وجهه :لا كذا كثيير
اليس ابتسمت وناظرت الملعقه
اكلوا وانتهوا وقامت اليس تشيل الأكل وساعدها سليمان
اليس :لا لا ارجع يدك مكسوره
سليمان فتح عينه :توك يعني انا طبخت وسويت كل شي وانتي توك تسألين
اليس ابتسمت : طيب روح ارتاح
سليمان راح جلس عالكنبه وهي خلصت وجلست جنبه
سليمان حاوطها
اليس توترت بس ما تحركت
ناظرها :شفيك
حطت شعرها ورا اذنها :مافيني شي
سليمان :ودي نسافر والله
اليس :حتى انا ودي
سليمان ناظرها
فهمته :لا لا مو الحين والله مالي خلق سفر وحوسه وتعب
سليمان :يوه
اليس :لا تتحلطم
سليمان تكتف :حتى التحلطم ممنوع
اليس :اي ممنوع
قام وراح للغرفه :انا بنام
اليس :اوك عافيه
سليمان :يعافيك
سكر اللمبه ونام
اما هي كانت طفشااانه ولا عرفت وش تسوي
اخذت جوالها تشغل نفسها فيه
---------------------------------------------------------
في بيت ابو اصيل
ابو اصيل :يلا يا جماعه تأخرنا
ام اصيل نزلت من الدرج :يلا جايه
ابو اصيل بصراخ :ميرال جيلان الشادن يلا
الشادن بصراخ :يبه انا والبنات بنروح مع اصيل
ابو اصيل تأفف :كان قلتم من زمان لي سنه انتظر هنا
ام اصيل :يلا
ركبوا السياره و حركوا
ميرال دخلت غرفة اصيل :اصيل يلا قوم باقي انا وانت و الشادن وجيلان
اصيل :روحوا مع ابوي
ميرال فتحت عينها :ابوي راح قوم يلا
اصيل تأفف و قام لبس عالسريع بلوفر اسود وشورت و اخذ شنطته و طلعوا
في السياره
جيلان وهي تدور في شنطتها :يبنات مين شافت علبتي حقت السماعه
ميرال لفت عليها :مدري والله ماشفتها
اصيل تأفف :شايفيني سواق وحده تجي قدام
الشادن أشرت بعينها انو ماتبي تروح قدام ونفس الشي ميرال
جيلان فتحت عينها بهمس :مالقيتم الا انا
الشادن ابتسمت :جلو بتجيك
اصيل لف عليهم :يلا
طلعت وركبت قدام جنبه
اصيل :الله تو ما نور المكان جنبي
جيلان ضحكت :نورك يقلبي
الشادن تكتفت :ترا نغار
جيلان لفت عليها :محد قال لك لا تجين
اصيل ضحك :ايوه هذي اختي
الشادن ناظرته بنص عين :ترا كلنا خواتك
اصيل وقف عند سوبر ماركت :وش تبون
الشادن وهي تعدد بيدها :انا ابي تشوكلت وشيبس وايس كريم و حلويات
اصيل مسكها :وقفي قلتي نص البقاله
تكتف :اقول مين تنزل معي وخذوا اللي تبونه و انتهينا
الشادن مدت يدها :انا انا انا
اصيل :لو انتي ما بنخلص الا وماخذين كل البقاله
الشادن رفعت حاجب ولفت عالقزاز
اصيل :امزح يلا انزلي
ابتسمت ونزلت
اصيل :ميرال وجيلان وشو تبون
ميرال :ابي عصير توت ازرق وشوي حلويات
جيلان :عادي خذ لي اي شي
اصيل ابتسم :يلا تمام
دخلوا واخذوا اشياء تكفيهم طول الطريق
ركبوا السياره
الشادن :والله انت افضل اخ
اصيل ابتسم :بالعافيه حبيبتي
الشادن وهي تاكل :يعافيك
جيلان وميرال :مشكور يعطيك العافيه
اصيل :العفو واجبي
بدأوا مسكوا خط
ميرال :شغلوا اغاني طيب
اصيل :والله صح
كمل بسرعه :انا بشغل
ميرال :تمام
شغل اغنيه و بدأوا يغنوا مع المغني وهم مبسوطين..
---------------------------------------------------------
في بيت ابو رامي
رامي بصراخ :اخلصوا
عزيز :جايين لا تبكي
رامي ناظره بحده و عزيز انلجم
تارلا وهي نازله من الدرج :كيف نظامكم الحين في اي سياره نروح
رامي :انا مع امي وابوي وانتي وعزيز
تارلا بغضب :رامي مالقيت الا عزيز
عزيز لف عليها :ليه حبي شفيني
تارلا وهي تناظر ساعتها :وش مافيك
لفت على رامي :رامي تكفى ابي معك وخله هو يودي امي وابوي
رامي بتفكير :اشوف
عزيز فتح عينه :تبريتم مني يالحقيرين
رامي :خلاص عزيز انت ود امي وابوي وانا وتارلا نروح
تارلا بحماس ضمته :مشكور
رامي ابتسم
طلعوا وكان ترتيبهم عزيز وامه وابوه في سياره
و تارلا و رامي في سياره
عند تارلا ورامي
تارلا :رامي نزلني سوبر ماركت باخذ لي اشياء
رامي وقف عند محطه ولف عليها :انتبهي لك
تارلا :ابشر وش تبي اخذ لك
رامي :مابي شي
تارلا نزلت واستغربت انو راني ناداها
راحت له ومد لها بطاقته البنكيه
تارلا اخذتها وابتسمت :مشكوور
رامي :حلالك
دخلت واخذت اللي تبيه واخذت شوي زياده لرامي و عزيز
ركبت السياره ومدت البطاقه لرامي
---------------------------------------------------------
عند جوليا
قامت وتروشت عالسريع ولبست بلوزه سوداء و سروال اسود وفكت شعرها و خلته على طبيعته و حطت شوي ميك اب وراحت لامها وابوها اللي كانوا يفطرون
جولي :صباح الخير لأجمل عآئله
امها وابوها :صباح النور
جولي جلست تاكل :اي جهزتم؟
ام ماجد :جهزنا
جولي وهي تاكل :متى ماشيين
ابو ماجد ناظر ساعته :بعد الفطور ان شاء الله
جولي شهقت
ام ماجد :شفيك
جولي :نسيت آخذ اللوكيشن
رسلت لـجيلان :جيلان ارسلي لي لوكيشن الاستراحه
جاها رد جيلان بثواني :ابشري
ورسلت لها الموقع
جولي :شكرًا
جيلان :العفو
جوليا :يبه رسلته لك بالواتس
ابو ماجد :تمام
كملوا ياكلون وخلصوا وشالوا المساعدات السفره ومسكوا خط
كان الكل ساكت
نطت بين امها وابوها
جولي :يبه كيف تعرفتم انت وامي
ام ماجد ضحكت
ابو ماجد ابتسم :زواجنا تقليدي و حب بنفس الوقت
جولي بللت شفتها :كيف يعني
ابو ماجد :امي الله يرحمها كانت توعدني اني اتزوج امك لكن انا ما كنت ابيها ابدًا يعني اكره الزواج بإختصار
جوليا :ايوه
ابو ماجد :مره كان فيه عزيمه و نادوني اودي كرتون المويه عند النساء و انا رحت اوديه كان في المطبخ وحده معطيتني ظهرها
جوليا :اكيد امي
ابو ماجد ضحك :سمعت صوت احد وراها ولفت و شفت ملاك على هيئة بشر قدامي
جوليا حطت يدها على خدودها :مره كيووتتت
ابو ماجد :بعدها هي انصدمت وجات تطلع و دقت فيني وطاحت قوارير المويه
الكل ضحك
ابو ماجد :و سمعت احد جاي يناديها وعرفت اسمها و طلعت من المطبخ بسرعه
جوليا صفقت :واجتمعتم
ابو ماجد ابتسم :اي بعدها رجعت البيت وقلت لأمي عنها وانبسطت وزوجتنا
جوليا :قصتكم تجنن
ابو ماجد تنهد بسعاده ولف على ام ماجد :من بعدها وانا حياتي حلوه وما انسى اللحظه اللي عرفت فيها انها حامل بماجد بغيت انشق من الفرحه
جوليا :اي كل الحب لماجد
ام ماجد :لا يوم عرف المره الثانيه اني حامل ببنت فرح اكثر من فرحته بماجد
جوليا :يزينكمم
ابو ماجد ابتسم :وصرتم لي افضل عآئله في العالم وافضل زوجه
ام ماجد استحت و لفت عالقزاز
ابو ماجد ناظرها بضحك :تستحين
جوليا :وه وه عليينا اللي تستحي
ام ماجد ضحكت بخجل
وكملوا الطريق ..
---------------------------------------------------------
عند المى
طلعت من المستشفى وراحت لبيتها وسكرت الباب في وجه سلطان
دخلت غرفتها بتعب و حاولت تقوم من الكرسي المتحرك وتنسدح عالسرير بس ماقدرت
تنهدت بضيق ونادت :سيتي
المساعده دخلت :يس مس المى (تفضلي المى)
المى بتعب :ساعديني اجي عالسرير
المساعده :اوكي
راحت لها وساعدتها وسدحتها عالسرير
المى ابتسمت :شكرًا
المساعده ابتسمت وطلعت
المى مسحت على وجهها بتعب ونامت
قامت على صوت ناس كثير تحت و امها دخلت عليها
ام المى :المى لسه مالبستي
المى :ليه البس
ام المى ضربت جبهتها :جايوا ضيوف عشانك
المى تنهدت :طيب ساعديني
ام المى توجهت للدولاب :اي واحد تبين تلبسين
المى أشرت على طقم ملابس :هذا
ام المى طلعته ولبستها
كان الطقم عباره عن تنوره ماسكه وقصيره لونها وردي غامق مخملي و نفس اللون بلوزه كت و فوقها جاكيت يميل عالثقل
حركت كرسيها المتحرك قدام مرايتها اللي صار ما يبين الا جبهتها بحكم انها جالسه عالكرسي
ارتجفت بضيق و أخذت مرايه صغيره من الدرج وحطت لها ميك اب خفيف و تعطرت بعطرها من ماركة شانيل
فتحت عينها من شافت هالعطر اللي يحبه سلطان
رمته عالأرض و تعطرت من عطر ثاني و طلعت
نزلت من المصعد الكهربآئي و لاحظت صمت الجميع من تقدمت بكرسيها
سلمت على الكل و اختارت مكان زاويه و اتجهت بكرسيها له
كانت ساكته وتفرك بيدها وهي تشوف نظرات الكل لها
هل هي شفقه او حزن او استهزاء ما تدري
ضلوا ساكتين لين تكلمت وحده منهم :كيفك المى
المى :كويسه الحمدلله
تكلمت وحده ثانيه :سمعنا انو زوجك سوا لك كذا
المى رفعت حاجب وناظرت الأرض
تكلمت مره ثانيه :ما بيسوي كذا الا وانتي مسويه له شي
المى شدت على قبضة يدها :وانتي بدال ما تتدخلين بالناس شوفي زوجك اللي ٢٤ ساعه يخونك وانتي عارفه بهالشي وساكته
المرأه بدفاع :انا داريه بهالشي وساكته وهو عارف اني ادري ومستمر أقل شي مو اول ما عرف اني ادري راح يطقني و يوديني المستشفى و خلاني اسوي عمليه
المى :بس انا زوجي كان يحبني وما سوا كذا الا بلحظة غضب وانتي اسألي نفسك زوجك يحبك؟
المرأه ضحكت :لو انه يحبك ما وصلك لهالحاله واي الحمدلله زوجي يحبني
المى ببرود :انا قلت انه سواها بلحظة غضب و على فكره لو زوجك يحبك ما خانك
المرأه انلجمت واشغلت نفسها بجوالها
المى حست بخنقه وطلعت للحوش الخلفي وسندت كرسيها عالجدار وبدأت تبكي
وهي متجاهله وجود الأطفال اللي يلعبون الجهه المقابله لها
شافت واحد من الأطفال يطلع من الباب الخارجي و لحقته بكرسيها :تعال لا تطلع
شافت ظل و ايقنت انه سلطان سمعته يكلم الطفل اللي خرج
سلطان وهو ماسك الطفل :وش تسوي هنا
الطفل ببرآءه :شفت بنت تبكي كنت بقول لماما و ما عرفت وين الباب
سلطان :وش مسويه البنت؟
الطفل ناظره :جالسه في كرسي فيه عجلات بس هي مره حلوه ليه تبكي
سلطان :تبكي عشان تعبانه
الطفل :هي تبكي عشان ماتقدر تمشي؟
سلطان تنهد :لا لا تقول كذا هي بتمشي بس انها تعبانه
الطفل ابتسم و راح دخل
سلطان دق الباب
ردت المى :نعم؟
سلطان ابتسم من سمع صوتها :فيه احد؟
المى بزفره :لا
سلطان دخل و مسك كرسيها وتوجهوا لخلف البيت
جلس على كرسي الجلسه و كانت هي قدامه بكرسيها
المى تكتفت وناظرت الزرع عشان ما تناظره
سلطان مسكها من فكها و وجه وجهها عليه
المى فكت يده بقوه :وش تبي
سلطان :ابيك
المى ضحكت :تبيني ما كان وصلتني لهالحاله
كملت بإستهزاء :زوجتك اوه اقصد طليقتك او ايًا كانت حامل منك ياليت تروح لها تهتم فيها بيبدأ وحامها وانت عندي
سلطان :ليه ماتفهميني قلت لك كل شي
المى ناظرته :انا كنت على وشك اني اسامحك بس يوم شفت التقرير احللم
بدأت عينها تتجمع فيها الدموع :صرت اضحوكه للي داخل بسببك
حست دموعها تنزل على خدها بدون ما تحس ومسحتها بسرعه وناظرت السماء عشان ما تنزل اكثر
---------------------------------------------------------
إنتهى
-1743 كلمه-
شكرًا عالمشاهده احبكم 💗💗💗