لقيتك صدفةّ ويا محاسن هالصدفّ.

-الجُزء ٤٨-

بعد اسابيع بلا احداث مهمه
ميرال و رامي خطبتهم تأجلت لين تخرج دلال
جيلان و الفيصل تأجلت خطبتهم بنفس السبب عشان دلال
البنات ما صاروا يتجمعوا كثير عشان لا يتذكروا دلال ويحزنوا
اصايل كل يوم تكره اصيل اكثر و تحاول تصد عنه قد ماتقدر
اغاريد بدأ بطنها يبرز
....
عند اصايل
قامت من نومها و تروشت ولبست بلوزه عاديه و جينز اسود وفردت شعرها ولبست عبايتها وحجابها وطلعت
توجهت للمستشفى
هذا روتينها من اسابيع تقوم و تروح لدلال وترجع بلا احداث مهمه و بالنسبه للبيبي مع اصايل هي تهتم فيه لين تطلع دلال
فتحت عربية البيبي و دخلتها فيها و دخلت قسم الزياره
وراحت لغرفة دلال
دخلت و حطت العربيه جنبها وجلست عالكرسي قريب من دلال و البيبب بحضنها
اصايل ببحه: دلال تكفين قومي
كملت بحزن: شوفي جبت بنتك معاك كبرت ماشاءالله عليها يرضيك تكبر وانتي بعديها عنها
وحشتينا تكفين ارجعي حتى خالد حالته من بعدك صارت اخس بمليون مره حرفيًا مايتكلم معي ولا يشوف بنته و صار يدخت بكت كامل في اليوم تكفين قومي وغيري كل ذا
تنهدت بحزن من شافت مافي استجابه من دلال ابدًا
حطت ظهرها على الكرسي وبدأت تتأمل الطفله اللي ملامحها بدأت تطلع بشكل واضح
فجأه حست بحركه في اصبع دلال
شهقت: دلال انتي حاسه تكفين قومي الله يخليك عشان خالد و بنتك تكفين
حركت راسها بإنزعاج وفتحت عينها بالتدريج
اصايل فتحت عينها وحكت البيبي بالعربيه وشهقت: دلالل
حطت يدها بعينها تغطي دموعها و ضمت دلال بقوه
دلال ببحه وصوتها بالقوه ينسمع: ابي مويه
اصايل لفت على الدرج واخذت المويه وشربتها بالخفيففف
(معلومه سريعه.. لو لقيتوا شخص ضايع بالصحراء او توه قايم من غيبوبه بعيد الشر عن الجميع لا تشربونه مويه على طول اول شي طبطبوا فمه بالمويه بعدها دفعات خفيفه لأن الاعضاء حقت الجسم لو تفاجأت فجأه بمويه دفعه سريعه احتمال يتوقفوا مما يؤدي الى الوفاه)
دلال: جلسي السرير
اصايل عدلت السرير بحيث تقدر تجلس
دلال: وش صار
اصايل: الحمدلله على سلامتك
دلال: الله يسلمك
نزلت راسها و ماشافت بطنها
شهقت بقوه: اصايل فينها
اصايل: مين
دلال ببكى: فين بطني فين بنتي
اصايل: اهدييي
راحت للعربيه واخذت البيبي و وجهته لها: هذي بنتك
دلال وقفت بصدمه وهي تشوف طفله صغيره جدًا بيد اصايل
اخذتها وضمتها بقوه لصدرها وهي تبكي
اصايل: بنادي الدكتوره
طلعت وراحت لغرفة الممرضات: لو سمحتوا فين الدكتوره المسروله عن حالة دلال....
وحده من الممرضات: اسألي عن الدكتوره اسماء بس تلاقينها بالممر
اصايل هزت راسها: تسلمي
طلعت وراحت تسأل لين لقتها
اصايل: دكتوره دلال قامت
الدكتوره سرعت خطواتها: مشكوره
دخلت غرفتها وشافت دلال ضامه بنتها وتبكي
الدكتوره راحت لها: ارتاحي
عدلت السرير و تفقدت حالتها وكان كل شي سليم
اصايل: دكتوره متى تطلع
الدكتوره: بدري نقول متى تطلع بس نخليها هنا فتره بسيطه عشان نشوف لو باقي فيها شي او خلاص سلمت و الحمدلله على سلامتها
اصايل بإبتسامه: الله يسلمك يعطيك العافيه مشكوره ماقصرتوا
الدكتوره ببهجه: واجبنا
طلعت الدكتوره..
اصايل راحت لجوالها ودقت على خالد اللي رد عليها قبل ماتسكر المكالمه بثواني
اصايل: دلال قامت
سكرت الخط
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اليس
وقفت وهي تدور بالبيت بطفش كل يزم نفس الروتين
جاتها فكره وابتسمت من تذكرت المى
دقت على المى اللي كانت بدوامها وردت بعد ثواني قليله: هلا لوستي حياتي
اليس تنهدت: ياخي اشتقت لك والبيت على كبره مافيه احد و سليمان راح مره قهر
المى: الله يعينك حياتي
اليس: بقولك
المى: عيوني
اليس: يخليهم لك، شرايك نطلع كذا انا وانتي بس ونروح اي مكان حرفيًا مره زمان عنك
المى: تمام ابشري اوا ما اخلص دوام اكلم سلطان و اقوله
اليس: يختي اسحبي لاتخلين كلامه يمشي عليك تخيلي يرفض
المى: مايقدر عندي قدره تخليه ما يرفض لي طلب
اليس بضحك: الللعبببب
المى ضحكت: المهم حبيبتي عندي شغل اكلمك لو خلصت
اليس: باي حياتي انتبهي لك
المى: وانتي كمان
سكرت الاتصال وقامت من الكنبه وهي تدور شي تسويه
طلعت فوق بالممر اللي محد يروح له و دخلت احدى الغرف
اليس بحماس: هنا غرفة بنتي و اللي جنبها غرفة ولدنا و لعيالنا الباقين
سكتت شوي: اكلم نفسي انا
جلست بنص الغرفه الخاليه من الأثاث وهي مسرحه وتفكر بأسامي عيالها هي وسليمان
ضحكت بغباء: غبيه انا ماني حامل واقول كذا كأني فجأه بحمل
تأففت بطفش و بدون ماتحس نامت...
بعد ساعات قليله ماهي طويله جدًا فزت من نومها وهي حرانه ومعرقه فتحت جوالها عشان تشوف الساعه و تفاجأت بعدد الاتصالات المرعبه من المى و سليمان
بققت عيونها و دقت على سليمان اللي رد عليها بصوت مرعب: الليسسس فييننكككك
اليس بخوف: حبيبي شفيك
سليمان: فيينك
اليس برعب منه: في غرفة بنتنا المستقبليه
سليمان سكر المكالمه ودفش الباب بقوه و وجهه مرعب و احمممر و متوتر
توجه لها و هي من خوفها رجعت للخلف كذا خطوه الى ان لصقت بالجدار
بلعت ريقها بصعوبه من شافته يتقرب منها لين ما صار بينهم مسافه
سحبها لحضنه بقوه ومسح على شعرها بحب: خوفتيني عليك
اليس شدت عليه و بكت
سليمان مسح على شعرها: اشش ليه البكاء
اليس: خوفتني منك
سليمان مسح دموعها: لا اشوف دموعك تنزل مره ثانيه
اليس هزت راسها و دخلت بحضنه بقوه وهي تشاهق
استوقفهم صوت رنين جوال اليس
ردت وهي تمسح دموعها: الو
المى بخوف مسكت قلبها: اليس فينك
اليس: بالبيت
المى: ليه ماتردين من اول ادق ولا رديتي خوفتيني عليك
اليس: ياحبيبي الخايفات نمت بالغلط بغرفه بعيده
المى تنهدت براحه: الحمدلله الا وش صار على الطلعه اللي تقولين عنها ولا كنسلتي
اليس: اوه صح نسيت اسمعي الحين سليمان قدامي بعطيه خبر وسرينا وانتي كلمي سلطان و نسري
المى: تم انتي لو خلصتي منه لا تدقين انا بدق
اليس بمزح: عشان لا اخرب اللحظه
المى ضحكت: اي
اليس: ابشري مابخربها انتي دقي يوم تخلصي
المى: ابشري
سكروا..
سليمان ناظرها: وش اللي تقنعيني فيه
اليس ناظرت اظافرها: واللهِ حبيبي انا و المى بنطلع قلت اعطيك خبر
سليمان: لا مافي طلعه
اليس ناظرته: بطلع بطلع وش تبي
سليمان: نشوف
اليس من حست انه جدي بكلامه اقتربت منه: سلومي حبي
سليمان عرف خطتها و ابتسم بشر: لا
اليي سوت بوجهها بيبي فيس: بليييز
سليمان هز راسه بـلا
اليس طولت نفسها و مع هذا لسه قصيره و تعلقت برقبته و باست طرف شفته و ابتعدت بسرعه: عادي اطـ...
قاطعها وهو يسحبها من خصرها بقوه و قبل شفتها بقوه
اليس بعدته بألم وهي تمسك شفايفها: ترا عورتني
سليمان: الساعه ١١ اشوفك عندي
اليس ناظرت جوالها بتسليك: اوك اوك
طلعت من الغرفه بسرعه وراحت غرفتها وطلعت لها بلوزه و جينز وراحت تروشت بسرعه و طلعت
سليمان اللي كان جالس عالسرير ولابس نظارته ويطقطق بجواله: امداك
اليس: مستعجله شويات
سليمان: مين يوصلكم
اليس: انا
سليمان ناظرها
اليس: لا تخاف مابكسر سيارتك اعرف اسوق
سليمان ناظر جواله
اليس راحت له بحماس: سلومي خمن وش بعد بكره
سليمان: يوم ميلادي
اليس: لا غلط يوم ميلادي انا
سليمان: امانتك
اليس: اييي وربي
سليمان فتح فمه: نفسه يوم ميلادي
اليس: كذاااببببب
سليمان: اقسم بالله
اليس: يمه وش ذي الصدفه تصير مره كل ملايين مره
سليمان: جد صدمه
اليس: بس صدفه حلوه
سليمان: صح نحتفل بحاجتين مو وحده
اليس: اي بصير ٢١
سليمان: ياصغغركك انا بصير سته وعشرين
اليس: غريبه
سليمان: ليه
اليس: شكلك مبين اصغر
سليمان: اي اكيد
اليس: لا تصدق عمرك بس
راحت للمرايه و مشطت شعرها اللي حرفيًا باقي شوي ويوصل نهاية ظهرها
راحت لجوالها واخذته و راحت لسليمان بإبسامه: بعد لي
سليمان انسدح بعيد عنها
قربت منه و دخلت بحضنه وفتحت جوالها وذا كله حصل تحت تأثير الصدمه عند سليمان
دخلت الصور و ورته وحده من صورها بالشعر القصير: سلومي شوف شعري وهو قصير حلـ..
قاطعها: لا الطويل احلى
اليس بلا وعي: ياخي كفايه المى شعرها لفخذها مابي زيها
مسكت فمها: وربي لو تتخيل شكلها بطلع عينك
سليمان يبي يقهرها: اهاا يعني الحين هي توأمك اكيد تشبهك يعني انتي بس بشعر طويل والله طلعتي حلوه يا المى
اليس بعدت عنه و رفسته ببطنه و راحت لعبايتها ولبستها وتحجبت واخذت مفتاح سيارته وطلعت بعد ما تأكدت انها اخذت بطاقته و شنكتها وجوالها واللي تحتاجه لتطلع
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند المى
بعد ما اقنعت سلطان انها تطلع و وافق لبست عزام جينز ازرق و بلوزه عنابيه ولبست مثله و لبست عبايتها و تحجبت
جاها اتصال من اليس: المى انا برا اطلعي
المى: تمام جايه
سكرت الخط و طلعت وهي متمسكه بعزام
ركبت السياره وسلمت على اليس
اليس: وحشتيني
المى: انا اكثر والله
اليس: عزام حبيبي تعال عند ماما
عزام راح لها وضمته وباسته
التفتت لالمى: يلا خذيه
المى ناظرت عزام: عزومي هاتي ماما
عزام بعد من اليس وراح لها
حركوا و اليس فتحت اغنيه بجوالها(متبريه من ذنوبكم❤️❤️)
«اتبعك»
بدأ مجيد يغني وهي تغني معه بإحساس
«الله لو تدري حبيبي وش كثر مليت العتاب»
سكرت المى المسجل: وش فيك اليس
اليس تنهدت بقهر: اخ يا المى انتي توأمي واكيد بقول لك اللي صار
المى: بسم الله شفيك
اليس: تخيلي كنت امشط شعري ولاحظت انه طول و اخذت جوالي ابي اقنع سليمان اقصه و رحت له و وريته صوري بالشعر القصير و ماوافق اقص وبدون وعي قلت له المى شعرها لفخوذها وتخيلي وش قال
المى: وشو
اليس: قال والله وطلعتي حلوه يا المى
المى بصدمه: ووشوششوو
اليس بحزن: وربي
المى: مايستحي هءا يتغزل بزوجة اخوه
اليس: الحيوان وقدامي كمان
ضربت الدركسون بقهر فضيع: يقهههر دمرنييي
المى: انا اوريك فيه اعلم سلطان يتفاهم معه
اليس مسكت يدها: لا تكفين لا الحين ندور طريقه وانتقم منه
المى: لقيتها
اليس: وشو وشوو
المى اول شي انتي روحي له و قولي له........
اليس فتحت فمها: ياساتر انتي المى كيف ذا يطلع منك
المى رفعت راسها بفخر: ادبيه
اليس: اخيرًا بستخدم كيد النساء
المى ضحكت على تفكيرها
اليس: ويلا وصلنا المطعم
المر ناظرت المطعم اللي كان كبير و فخم جدًا
التفتت على اليس: لا تعبتي نفسك خلينا نغير المكان واضح غالي
اليس سكرت السياره وفكت الحزام: اقول انزلي
المى تأففت و نزلت وهي ماسكه يد عزام
دخلوا واختاروا طاولتهم اللي كانت مطله على الابراج و طلبوا الاكل و وصل وبدأوا ياكلوا
اليس: اكلهم شي
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اغاريد
طلعت من غرفتها ودخلت غرفة جوليا اللي من فتره ماتطلع من غرفتها
دخلت بعد مادقت الباب و استاذنت تدخل
ارتجفت اطرافها من برودة الغرفه
فتحت اللمبه وانصدمت من منظر الغرفه المعفوسه حرفيًا
جلست جنب جوليا: شفيك حبيبتي
جوليا: مافي شي
جوليا بداخلها(اخ يا اغاريد وش اقول و وشو اخلي اقول انو اخوك فيه سرطان و ينتشر بسرعه ولا اقولك انه خطبني عشان يتعالج برا)
دق الباب ودخل ماجد
ماجد بفرحه: والله وكبرتي يا جوليا قلبي
جوليا ناظرته: لا لسه صغيره
ماجد: فيه واحد تقدم لك وانا ماعطيته خبر الموافقه او الرفض قلت بشوف رأيك بالموضوع اول بعدها نتفاهم
كمل بصراحه: انا ما اشوف فيه عيب ورجال عن الف كلمه و اهم شي انه قريبنا ويشرفنا تصيرين زوجته
جوليا ببحه: مين
ماجد بدأ يوجه نظره لاغاريد و حوليا: راكـــان
اغاريد كانت منزله راسها ورفعته بصدمه وهي تناظر جوليا وماجد: راكان اخوي؟
ماجد هز راسه: ايوه
ناظر جوليا:بعطيك وقت تفكريــ..
قاطعته: موافقه
ماجد ناظرها بإستغراب: تمام ارد له بعد يومين بالقليل
رمقه بنظره غريبه وطلع
اغاريد التفتت لجوليا: بينك وبينه شي
جوليا: راكان؟
اغاريد هزت راسها بإيه
جوليا: مو شي بيننا بس انو we just friends
اغاريد هزت راسها: اها
تربعت: حماس اخوي التبن بيتزوج ولا علمني انا اخته واخر من يعلم
فركت يدها ببعض: اخ الخاينين ماصدقوا اروح و سووا اشياء كثير من وراي
جوليا: انتي بأي شهر
اغاريد: الثاني ليه
جوليا: اوه روحي سوي سونار شوفوا البيبي بنت ولا ولد
اغاريد: طيب بشوف ماجد و نروح
جوليا: الله يقومك بالسلامه
اغاريد: امين
طلعت من غرفة جوليا و راحت لجناحها هي وماجد
دخلت وشافت ماجد جالس ومسرح بالفراغ ويفكر
جلست جنبه
فز من حس بيدها تلامس اكتافه
ناظرها: هلا حبيبتي
اغاريد: مين مشغل بالك
ماجد فرك يده ببعض بتوتر: جوليا
اغاريد قاكعته: ادري انك شكيت اذا فيه شي بينهم بسبب موافقتها السريعه بس حبيت اقولك اني سالتها وقالت لي انها من التوتر قالت كذا لانك جيتها بوقت فجأه وصدمتها
ابتسمت: بس تطمن اخوي ماينخاف عليه
ماجد: السالفه مو منه هو انا اعرفه ماشاءالله عليه والنعم فيه اصل وفصل انا لو مو شاهد على تربيته نا كان جيتها وقلت لها بس استغربت
اغاريد: ماعليك قلت لك من التوتر انت لا تشغل بالك وبعد يومين كلمه و وضح له انها موافقه
عند جوليا
كانت تسمعهم من خلف الباب
تنهدت و راحت غرفتها و سكرت الباب بالمفتاح و فتحت جوالها على محادثة راكان
رسلت له: ماجد عطاني خبر بخطبتك
رد عليها بسرعه: بشري؟؟
جوليا: لا ابشرك موافقه بس المشكله انه ماكمل كلامه الا وقلت له موافقه
راكان😂😂😂
جوليا: قال بيرد لك بعد يومين بس حبيت اطمنك اني وافقت
راكان زفر براحه: كويس
فزفزلازم بهالاسبوعين نخلص كل شي ونطير لبريطانيا
جوليا: ان شاء الله
سكرت جوالها و وقفت قدام المرايه وهي تشوف بشرتها اللي انعدمتتت
اكدت انو لو النفسيه تعبت البشره بتتعب
(نصيحه سريعه.. لا تزعلوا ابدًا خصوصًا الزعل اللي يجيك فتره بسيطه ويروح بسرعه لأن آثاره بتجي سيئه عالبشره وبتقعدين شهور تعالجين بشرتك عشان زعل يومين)
مررت يدها الصغيره لهالاتها و لـ بشرتها اللي فعلًا شحبت وراح لونها
بدأت تتفقد نفسها اذا صار شي بعد
مسحت وجهها بتعب و راحت انسدحت عالسرير وغطت بالنوم
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
-2080كلمه-
شكرًا على المشاهده