لقيتك صدفةّ ويا محاسن هالصدفّ.

-الجُزء ٣٩-

اثنين من زمان عنهم
اليس وسليمان
أخيرًا نقلوا بيتهم الجديد..
كان سليمان بدوامه و اليس بغرفتها
طلعت بملل وراحت لنص الصاله وجلست بالأرض وجلست تتأمل البيت بإبتسامه
اليس: كانت امنيتي اعيش ببيت كبير وحلو وانا أأثثه لكن حققها لي حبيبي سليمان
فتحت جوالها و رسلت له وجهها وهي مسويه بوسه
كتبت عالصوره: اهداااء
بثواني رسل لها وهو ماسك كوب قهوه و ملامحه منفس و ماله خلق لشي
كتب: وحشتيني
اليس ضحكت: فاضي ولا عندك احد
سليمان: الحين فاضي
دقت عليه وبثواني رد
اليس: الو الو
سليمان: اهلين حبيبتي
اليس: هلا فيك يقلبي
سليمان: وحشتيني
اليس: حتى انت والله
سليمان: طيب طيب اصبري ارجع والله
قاطعته: بقولك شي
سليمان: قولي،  يا رب حامل
ضحكت: لا لا مو حامل لسه بدري
سليمان: اوه صح نسيت انك قلتي تبين بيبي بعد سنتين
اليس هزت راسها كأنه يشوفها
سليمان: شفيك ساكته
اليس ضحكت: هزيت راسي كأنك تشوفني
سليمان ضحك: اي وش الشي
اليس: صح ذكرتني..بعزم اهلي واهلك و صحباتي
سليمان: اوكي اسمح لك
اليس: وشو ترا انا عطيتك خبر ما جيت استاذن
سليمان ضحك: اهاا
اليس: المهم عطيتك خبر بس وانت جاي جيب معك حلا لوتس و حلا نوتيلا ومعجنات و جيب كثير شيبسات وحلويات
سليمان فتح عينه: والله لو بتعزمين القبيله
اليس: لا لا القبيله لسه جاي دورهم الحلا والمعجنات للامهات و المفرحات لي وللبنات اجل تبي مانسوي شي
سليمان غنى بصوته النشاز: عشقتك قبل ما اشوفك وشفتك صرت كلي حلم ابي رمشك يغطــ..
دخلت فجأه الممرضه و سليمان نزل الكوال يدون مايسكره
الممرضه بدلع مااصخ ضحكت: دكتور سليمان صوتك طلع حلو بالغناء
سليمان بتسليك: شكرا
الممرضه بدلع: عفوًا
تقدمت له و حطت الاوراق على الطاوله و كانت قريبه منه كأنها بحضنه: بعد شوي بيجي مريض
أشرت عليه: خلك جاهز
اقتربت منه اكثر وسكرت عينها من شمت ريحته
سليمان دفها وأشر عالباب
وهي اخذت الباقي من كرامتها وطلعت
سليمان اول ماطلعت سوا حركه كأنه بيستفرغ: ويع كريهه
رجع الجوال لأذنه: اي حبيبتي وش كنا نقول
اليس: ويع هذي لسه عندك
سليمان: للأسف
كمل بإبتسامه غبيه: ماغرتي؟
اليس وهي تاكل شيبس: ليه اغار؟
كملت بمزح: عاد من زينك
سليمان ضحك
اليس: لا امزح فعلًا مزيون بس ما اغار ماعندي هذي الحركات بس اسمع اذا سوت شي مره ثانيه علمني امانه
سليمان ضحك: وش هالتناقض
اليس عقدت حواجبها: مو تناقض بس اقصد لأن زودتها معك مره
سليمان: اهاا تمام
كمل: المهم عن اذنك المريض بيدخل
اليس: اذنك معك
سكروا..
وقفت اليس و راحت تتمشى بالبيت بطفش فضيع
طلعت لغرفتها و جهزت ملابسها اللي بتلبسها ورمتها عالسرير
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اثنين من زمان عنهم
المى و سلطان
كانت بالمستشفى و طفشانه مره اشتاقت لعزام
فتحت جوالها ودقت فيس كام على المساعده
ردت بسرعه: يس مدام المى
المى زفرت: كيتي كم مره قلت لك لا تقولي لي مدام عادي ناديني المى
المساعده: اوكي المى
المى ابتسمت: ممكن تعطيني عزام؟
المساعده هزت راسها وراحت لعزام اللي كان يلعب بالألعاب ويناظر التلفزيون
المى: عزوومي
عزام فز وناظر الجوال: ماما
المى: عيون ماما وقلبها وروحها وحياتها
عزام ابتسم وضحك بصوت عالي
المى: ياعمريي يالضحكه حبيبي انت الله يحفظك
عزام قرب الجوال لوجهه وباسه
المى: حبيبي انا اوريك اول ما ارجع البيت اذبل خدك من البوسات
المى: كيتي
كيتي وجهت الجوال لوجهها: يس مدام المى
وغطت على فمها: سوري المى
المى ضحكت: اتس اوكي،  انتبهي لعزام خلي عينك عليه
كيتي هزت راسها وسكرت
اما عند المى كملت تشوف المريضين وتجدد لهم المضادات
زفرت بطفش نفس الروتين يتكرر دايم
فجأه جاها اتصال من سلطان
ناظرت الجوال وشافته سلطان و ردت: نعم
سلطان: هذا جزاتي جاي ابشرك بشي حلو
المى: طيب ايش فيه
سلطان: انا حامل
المى: جد؟ مبروك يتربى بعزكم
جات بتسكر و سلطان نطق: المى المى
حطت الجوال عند اذنها: هلا
سلطان: تدرين وشو؟
المى: وشو بعد
سلطان فيه زواج قريب
المى: اممم زواج مين
سلطان:زواجنا
المى عقدت حواجبها: مو متزوجين؟
سلطان: اي بس تخيلي وشو فتحت موضوع اسماء على اهلي وسامحوني خلاص والحين قات لهم عن موضوعك و قلت لهم كل شي و انو خلاص متزوجين و امي زعلت قالت ليه بدون زواج و بس والله هذا اللي صار
المى فرحت بس ما بينت
(لطالما حلمت انها تلبس فستان الزواج وتنزف لزوجها قدام كثير من الحضور)
سكرت عينها:اليس عزمتنا اليوم..  بفتح مع امي الموضوع ونشوف
سلطان: يلا انتبهي لك
المى: وانت كمان
سكروا و المى كملت شغلها بفرح و طلعت من دوامها الساعه وحده ورجعت البيت
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند ماجد واغاريد
كانت جالسه عالتسريحه ترتب الميك اب حقها و عطورها
جاء من وراها ماجد: وش تسوين
ناظرته بصدمه: ماقلت لا تقوم
ماجد:يختي مافيني شي
اغاريد زفرت: طيب
وقفت وعدلت نفسها و راحت لجوليا اللي كانت تجهز اغراضها
اغاريد: على وين
جوليا: بكره بروح الخبر
اغاريد فتحت فمها: مو تكنسلت!
جوليا مسكتها و جلسوا عالسرير: اقولك وربي سالفه
🔙نرجع شوي للخلف🔙
بيوم عزيمة ام اصيل (لو نسيتوا يوم اصيل راح بيت ماجد وحذف الصور الخ)
راكان وهو يناظر جوليا بابتسامه: اهم شي الحين رضيتي
جوليا ابتسمت: اي
راكان: تدرين ماكنسلت سفرة الخبر بس اجلتها
جوليا: يعني بنسافر؟
راكان هز راسه
ابتسمت جوليا..
نرجع للواقع..
جوليا: وهذا اللي صار
اغاريد دفتها بكتفها بالخفيف: والله وطلعتي من الولهانه من ورانا
جوليا ضحكت وغطت وجهها بيدها
اغاريد: يلا عاد الله يهنيكم و ان شاء الله تتزوجوا
جوليا بضحكه: امين امين
طلعوا من الغرفه و نزلوا تحت وكانوا يسولفوا عن كل شي
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اهل ابو رامي
رامي توجه لمكتب ابوه: يبه لو فاضي اقدر اكلمك بموضوع؟
ابو رامي فك النظاره وأشر عالكرسي: تفضل
رامي جلس عالكرسي: يبه مو انتوا تبوني اتزوج؟
ابوه هز راسه: بكيفك والله مانجبرك على شي
رامي: ابي بنت عمي ابو اصيل
ابو رامي: ابشر من عيوني
رامي عقد حواجبه: اهم شي تعرف مين هي؟
ابو رامي: اكيد ولدي واعرف معدنك ابشر اقولهم يجون بكره وافتح معهم الموضوع
رامي وقف وباس راس ابوه: الله لا يحرمنا منك
ابو رامي: ولا منك ياولدي
بالنسبه لرامي استاذن وطلع لغرفته
جلس عالسرير اخيرا بياخذ اللي يبيها من وهو صغير
ما حس بالوقت ونام..
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
-٩٦٤ كلمه-

توقعاتكم للبارت الجاي
شكرًا على المشاهده💗