لقيتك صدفةّ ويا محاسن هالصدفّ.

-الجُزء ٦٣-

عند نوره
ابتسمت بشر وهي تشوف اللاب اللي قدامها و فيه مقطع فيديو لعنان وش يسوي و نفس الشي لتارلا
نوره :اووه رايحين المول
صغرت عينها بتفكير:فرصه اطيحهم الاثنين مع بعض
هزت راسها:لا كل شي بوقته كل شي بوقته يا نوره
بدأت تفكر بخطه لتنتقم منهم الاثنين
بعد تفكير عميق ابتسمت بشر و دقت على حارسها اللي يراقب تارلا
رد عليها بسرعه:تفضلي طال عمرك
نوره :وش صار معاك
الحارس بإبتسامه جانبيه:تارلا الحين موجوده بإشاره قدام المول
نوره :اوك كمل راقبها بدون اي توقف فاهم!!
الحارس:ابشري
سكرت منه و دقت على الحارس الثاني
نوره:وش صار على عنان
الحارس :عنان مع اخته موقفين عند اشاره قريبه جدًا من المول
فتحت عينها:اووه في نفس المكان هو وحبيبته
ضحكت بإستهزاء :انتبه لكل تحركاتهم لو اشوفك غفلت عنه ثواني بس ماتلوم الا نفسك فاهم
الحارس:ابشري طال عمرك
سكرت منه وهي مشبكه يدها ببعض و تبتسم بشر
دق الباب ..
نوره:تفضل
دخل حارسها نايف
نوره :نعم
نايف :طال عمرك انتي متأكده من اللي بتسوينه
وسعت عينها:لو ملاحظ تراك جالس تتدخل بشغلي كثير عالفتره بعدين انا ماني مهتمه لهم انا بس بنتقم ارتحت يلا اطلع
طلع حارسها ..

——————————————————————

عند اغاريد
جلست بطفش وهي تبي تسوي اي شي بالعالم اهم شي ماتحس بالطفش
سكرت خشمها وهي متوجهه لغرفتها
دخلت و جلست عالسرير بدون ما تناظر ماجد:هي
ماجد:نعم
اغاريد:ابا المستشفى
ماجد عدل جلسته:فيك شي؟
اغاريد:لا ابي اعرف جنس البيبي
ماجد قام:زين البسي
اغاريد عقدت حواجبها:بذي السرعه
ماجد:اجل تبين تزنين يعني
اغاريد:اي
ماجد ضحك:قومي قومي
قامت وراحت لبست عالسريع و طلعت وهي ماسكه عبايتها بيدها وتناظر بطنها اللي فعلًا برز
طيرت عيونها وهي تشوف ماجد يعدل ياقته
ماجد:شعندك
سكرت خشمها و وقفت جنبه وهي تعدل شكلها
ماجد:ياخي شفيك تشككيني بنفسي
هزت اكتافها:شذنبي اذا ريحتك كذا
تنهد و طلع من الغرفه
ناظرت الباب وهو يتسكر و شالت يدها عن خشمها وهي تتنفس براحه :اخيرًا
لبست عبايتها و رسمت حواجبها و حطت ماسكرا و قلوس شفاف و طلعت
ركبت جنب ماجد واستنشقت هواء :ايي الريحه كذا احلى
ابتسمت وهي تمسح بطنها بكل حب :ماجد
ماجد:عيونه
اغاريد :تصدق ماكنت ابيه كنت اضرب بطني عشاني ما ابيه
قوس شفايفه ومسك يدها :اسف
اغاريد :لا عادي ماضي و انتهى الحمدلله
تنهد:بس ترا وقت حملك مره غلط يعني لسه عروس جديده المفروض استانس مع زوجتي
اغاريد:اقول اص البركه فيك
فتح عينه من جراءتها و فضل السكوت
بعد دقائق وصلوا للمستشفى و فتح الباب بعد ما سكر السياره و طلع و ترجه لباب اغاريد و فتحه و مسك يدها ليدخلوا
اغاريد شدت عاى يد ماجد:متوتره
ماجد:عادي حبيبي ترا كله فحص جنين
اغاريد بعدت عن ماجد و مسكت خشمها
ماجد:فشلتينا نزلي يدك
اغاريد:اص بس انا من التوتر ماشميت ريحتك خلاص خلني بحالي وجع
ماجد سكت و دخلوا للدكتوره
الدكتوره:هلا والله
اغاريد:هلا فيك
الدكتوره:كيفك اغاريد كيف الحمل معاك؟
اغاريد مسكت بطنها:الحمدلله مو متعبني كثير
الدكتوره ابتسمت:بالاشهر الاولى ما يتعبك كثير
اغاريد ردت الابتسامه
الدكتوره أشرت عالسرير :تفضلي نامي عالسرير
اغاريد توجهت للسرير و بمساعدة الدكتوره قدرت تنسدح
الدكتوره التفتت لماجد:بيقعد هنا؟
اغاريد:اي
الدكتوره :تمام فكي ازرار عبايتك من بطنك و ارفعي البلوزه
اغاريد هزت راسها وهي تنفذ اللي قالته لها  الدكتوره
الدكتوره مسكت الجهاز الصغير و دهنته بالجل و حطته على بطن اغاريد اللي ارتجفت اول ما حست ببرودة الجل
بدأت الدكتوره تحركه على بطنها لتعرف نوع الجنين
الدكتوره:اممم وينك وينك
وقفت الجهاز فجأه
اغاريد عقدت حواجبها:دكتوره ايش فيه
الدكتوره ابتسمت وهي تلقط صوره للاشعه و ضغطت كذا زر
سمعوا صوت ضربات قلب صغيييره و بسيطه
اغاريد فتحت فمها من سمعت الصوت و اجتمعت الدموع بعينها وناظرت الدكتوره:هذا قلبي صح
الدكتوره ضحكت:لا البيبي
مسكت فمها:مااجد تسمع؟
ماجد اقترب لها :اي ياعمري اسمع
لحظة صمت و الكل يسمع صوت نبضات الجنين
الدكتوره:تبين تعرفين جنسه؟
اغاريد :ماجد اطلع انا بعرف انت لا
ماجد :لا يحياتي انا ابوه اكيد بعرف قبلك
اغاريد ناظرت الدكتوره:خلاص لا تقولين نخليها مفاجأه لنا الاثنين  اول مايولد
الدكتوره ابتسمت:تمام
شالت الجهاز و مدت لها مناديل:امسحي الجل
اغاريد مسحت الجل من بطنها و سكرت عبايتها و جلست امام مقعد الدكتوره
التفتت على ماجد:ماجد اطلع بتكلم مع الدكتوره بشيء
ماجد برفض :لا اعرف بتسألينها عن البيبي وتعرفين قبلي
اغاريد:لا ما بسأل صدقني بسألها عن شيء يخص البنات يعني فـإطلع
ماجد رفع حاجب:اهااا زين انا برا انتظرك
هزت راسها
التفتت عالدكتوره من طلع:دكتوره وش نوع البيبي؟
الدكتوره ضحكت :مبروك لكم بيجيكم ...
طلعت من غرفة الدكتوره وهي تحاول تخفي الابتسامه
ماجد :نمشي؟