لقيتك صدفةّ ويا محاسن هالصدفّ.

- الجُزء الخامس عشر -

اليس لفت عالقزاز بزعل وتحاول تكتم بكآئها ابوها وهو ابوها ما صرخ عليها فكيف يجي انسان ما يعني لها شي ويصرخ عليها
سليمان ندم : اسف
اليس مطنشته ولافه عالقزاز
سليمان عرف انها زعلانه و وقف قدام محل فاضي ونزل
اليس لفت : وين راح ذا يمه المكان يخوف سكرت الباب وهي مغمضه عينها بخوف
بعد دقآئق دق سليمان الباب و هي فتحت عينها بخوف وشافته وارتاحت
فتحت الباب وركب وقدم لها باقة ورد لطيفه جدًا وفيه ظرف صغير مكتوب فيه اسف وقلوب صغار
وفيه دبدون وردي صغير ماسك قلب مكتوب فيه i love you
حست انها حقيره يوم طنشته
اليس : شكرًا
سليمان : العفو
دقآئق و وصلوا الفندق ودخلوا
اليس ما قدرت تتحمل وضمته بأقوى ما عندها
سليمان استغرب بس شد على حضنها
دقآئق وبعدت من عنده : اسفه
سليمان : على ايش ؟
اليس : بس كذا اسفه وشكرًا عالهديه
سليمان بضحك : لو ادري انك بتضميني كان كل يوم جبت لك هديه
اليس ابتسمت ونزلت راسها وراحت غرفتها ولبست بجامه حرير بنفسجيه وشوي واسعه كان شكلها لطيف مسحت الميك اب و خلت شعرها مفتوح وطلعت
جلست جنب سليمان وهي ماسكه بطنها : سليمان جيعانه ابي اكل
سليمان لف عليها : ابشري الحين اطلب
اليس : مشكور
سليمان :العفو
---------------------------------------------------------
عند جوليا
رجعت بيتها وراحت لغرفتها ورمت نفسها عالسرير وهي تغطي وجهها بفشلللهه وش صار لها ليه كسرت العطر هل هذا كله غيره ولا لأنها معه ولا ايش
طردت الأفكار هذي من راسها وراحت لأمها وجلست جنبها
جوليا : ماميشكوو <كلمتي الدآئمه😭😭>
امها : ما تقولين ماميشكو الا وتبين شي
جولي بضحك : فديت اللي فاهميني
امها : هلا قولي شتبين
جولي فركت يدها بتوتر وهي تحاول ترتب كلامها : يمه صح هالأسبوع ملكة وزواج اخوي ؟
امها بإستغراب : ايه
جولي بتوتر اكثر : ممكن اسافر بعدها؟
ام ماجد : وليه
جولي : ابي اغير جو تعبت من هنا ابي اروح الخبر
ام ماجد : طيب مافي مشكله نروح مع ابوك
جولي برفض : لا يمه انا ابي اروح و عادي شفيها خوالي وخالاتي هناك اخوانك يمه
ام ماجد بتفكير : مين بيجي معك
جولي توترت اكثر واكثر : يمه انا بروح لحالي
ام ماجد : طيب اشوف لأبوك انا شوفي مو موافقه لأن بتروحين لحالك بس لو وافق ابوك شنسوي مافي كلمه بعد كلمته
جولي نقزت لأمها وضمته : مشكووره احبك مره
ام ماجد: انتي بس اقنعي ابوك ونشوف يقتنع ولا لا
جولي : يمه عادي ابوي سهل اني اقنعه
وقامت من عند امها راحت لمكتب ابوها دقت الباب بإحترام
ابو ماجد : تفضلي جوليا
جوليا دخلت بصدمه شلون عرف انها هي
جوليا : يبه شدراك انو انا جوليا
ابو ماجد : اعرف اميز دقتك للباب من مليون دقه وضحك
جوليا ابتسمت : يبه انا كلمت امي بالموضوع و وافقت واتمنى انت توافق
ابو ماجد ترد اللي بيده وبإهتمام : وش هو موضوعكم
جولي : يبه انا ابي اروح الخبر عند خالاتي وخوالي بعد زواج ماجد
ابو ماجد:ليه؟
جولي : فيه اسباب كثير اهمها اني ابي اغير جو تعبت من هنا و بعد اشتقت لبنات خوالي من زمان ما شفتهم
ابو ماجد : بس ؟
جولي خايفه انه يرفض : ايوه وبروح لحالي بطياره
ابو ماجد ابتسم : تمام سوي اللي يعجبك
جوليا فتحت عينها بصدمه ما درت انو ابوها بيوافق بهالسرعه : مشكور يبه يعطيك العافيه
ابو ماجد ابتسم : حجزتي ولا تبين احجز ؟
جوليا : لا يبه حجزت
ابو ماجد : متى رايحه؟
جوليا : بعد اسبوع من زواج ماجد
ابو ماجد : انتبهي على نفسك و اذا دقينا انا ولا امك ردي على طول
جوليا : ابشر ان شاء الله
طلعت من مكتب ابوها وركضت لغرفتها ودقت على راكان
بثواني رد
جوليا بصراخ : وافقوااااا
راكان بعد الجوال عن اذنه من صراخها : مين وافق و ايش
جوليا : امي وابوي وافقوا اروح الخبر
راكان : انتي مصدقه بنروح؟
جوليا : خير انت شفيك ؟
راكان ضحك : امزح بنروح
جوليا : وجع قلبي طاح
راكان ضحك بصوت اعلى : يوه يا صوتك كيف تغير والله كنت بكمل وافلم عليك بس صوتك ضحكني
جوليا سكرت الجوال ورمته : كريه
---------------------------------------------------------
عند المى وسلطان
بعد كذا ساعه من اللعب رجعوا
المى رمت نفسها عالسرير بتعب
سلطان : فكي العبايه عالاقل
المى ما ردت عليه
سلطان قرب من المى و هزها : المى
المى بنوم : هااااا
سلطان : قومي فكي عبايتك والبسي شي مريح
المى : لا مابي ابعد
سلطان طيب طيب
المى طنشته وكملت نوم
سلطان بعد ما عرف انها نامت اقترب منها و فك عبايتها ولبسها بيجامه و مسك وجهها لأن كان فيه شوي ميك اب و خلاها على راحتها
سلطان راح لـ عزام اللي كان في الأرض وحمله
سلطان بهمس : شوف امك كيف مهمله ونامت وخلتنا كذا
عزام كان يناظر سلطان لثواني فجاه ضرب وجهه
سلطان فتح عينه : يالحيوان هذا وانا ابوك
عزام تحرك بقوه كأنه يبي يفلت من ابوه
سلطان : لا مافيه
عزام بما انو عمره سنتين وشوي يعني يفهم اغلب الكلام ولما سمعه بدأ يصرخ
سلطان راح لغرفة عزام :يوه مزعج
بدأ يغير له لبجامه
سلطان بطفش : انت و اللي بالغرفه(يقصد المى) غيرت لكم لبجامه
خلص منه و وداه لغرفته و رماه عالسرير
عزام زحف لـ المى  وانسدح بحضنها
سلطان كان يناظر المى بنظرات كلها حب صحيح مالهم اسبوع بس استحلت قلبه بشكل كبير
سلطان استوعب وراح للسرير وانسدح و بثواني نام
---------------------------------------------------
عند جيلان
رجعت بيتها وجلست عالسرير وكانت تتأمل الغرفه وتذكرت ايامها وهي في شقه وبعدها راحت لبيت كبير بعدها بيت اكبر
حست ربي مسخر المدير عشان يطردها و تتوظف عند ام الفيصل
ابتسمت بشده يوم عرفت انو عندها اب واهل لكن تلاشت ابتسامتها يوم تذكرت انو عندها اخ محد يعرف فينه و امها الحقيقيه يمكن تطلع ميته
زفرت بضيق وقامت راحت للصاله وكانت ميرال هناك وحاطه رجل على رجل
ناظرت لجيلان من فوق لين تحت وعدلت جلستها وناظرت جوالها
جيلان طنشت وراحت جلست بعيد شوي من ميرال
ثواني و دق جوال ميرال
ميرال : الو
طارق <خطيبها : هلا حبيبتي
ميرال بدلع : هلا يقلبي
طارق : شلونك؟
ميرال : تمام وانت
طارق : دووم يقلبي حتى انا تمام
ميرال : تدوم
طارق : فاضيه اليوم؟
ميرال : وليه
طارق : نطلع شوي نستانس ومن زمان ما شفتك اصلًا 
ميرال ضحكت بدلع : توك شايفني ما كملت اسبوعين
طارق : يووه تشققت من الشوق
ميرال : ما تقدر تصبر شهر؟
طارق : لا
ميرال : يوه تمام بس اكلم ابوي واعطيك خبر
طارق : طيب حبيبتي انتظرك يلا باي
ميرال : باي
سكرت ميرال وقامت راحت لأبوها وطبعًا استاذنت تروح مع طارق و وافق
جيلان تمللت بشكل كبير وطلعت الحوش تتمشى فيه
راحت للمطبخ الخارجي و اخذت قارورة مويه قزاز و كانت تشربها
حست بأنفاس خلفها
لفت بتوتر وشافت نفس الذكر اللي حاول يتحرش فيها في المول بمكان دوامها(بالبارت الأول) فتحت عينها بصدمه
جيلان بتوتر : مين انت؟
طارق كان يناظرها بتفحص وخبث : انتي اللي مين
جيلان : مالك دخل
لفت بتروح وجرت لكنه كان اسرع منها ومسكها و ثبتها عالجدار
جيلان ببكى : الله يخليك ابعد انت ما تستحي على ووجهك مين انت ابعد
طارق : ما اصدق خطيبتي عندها ببيتها بنات حلوات مثلك
جيلان وهي تبعده : ابعد الله يخليك
جيلان استوعبت كلامه وفتحت عينها : انت خطيب ميرال يالوصخ عيب عليك البنت تتكشخ لك فوق وانت هنا الله ياخذك
طارق فتح عينه من سمع صوت شوز يقترب
طارق اقترب منها اكثر : اقسم بالله لو علمتي احد بجيك اذبحك
جيلان بخوف هزت راسها وهو راح يجري عشان محد يشوفه
جيلان زفرت براحه بس تذكرت قربه وبدأت تبكي بصوت خفيف عشان محد يسمعها
جيلان لفت وجهها عالطاوله وشافت جوال بس الغريب انه ما كان هنا يوم هي جات يعني هذا ما يفسر الا انه جوال الخسيس النذل طارق
مسكت جواله وراحت جرت لغرفتها بضيق ورمت نفسها عالسرير وبدأت تبكي وهي ضامه مخدتها
هدت شوي وكان جواله بين فتره وفتره تجيه رساله
جيلان استغربت بس جاها فضول مع انها انسانه مو فضوليه
فتحت الجوال والصدمه كان مفتوح وانصدمت باللي شافته!!!!
---------------------------------------------------------
يوم جديد
طلع من غرفته ونزل للباب وراح للمرايه شاف شكله وابتسم كان جدًا جميل عبنه اللي مرسومه ولحيته اللي محدده وعينه الوساع السوداء وخشمه الطويل ونحيف
لبس نظارته الشمسيه وطلع
ركب لسيارته و وصل الشركه و سلم عالكل و دخل لغرفة الإجتماع بإستعجال
كان ابوه و ابو اصيل و معاهم شخصين ما يعرفهم
رامي بإعتذار : اعتذر منكم عالتأخير لكن تعرفون زحمة الطريق عالصبح واصلًا قمت متأخر
ابو رامي : تفضل ادخل
رامي جلس
ابو اصيل عدل جلسته : نقدر الحين نبدأ الإجتماع
بدأوا الإجتماع اللي كان لسبب طلب دخول شركه صغيره لشركتهم وتوسيع المشاريع و كبرة الشراكه
ابو اصيل وهو يناظر بدر
طبعًا بدر هو صاحب الشركه الصغيره
ابو اصيل : وش اللي خلاك تقدم لشركتنا مع انو فيه شركات كثير تقدر تقدم فيها وتكبر من شركتك ومشاريعك القادمه
بدر بثقه : شركتكم معروفه طال عمرك بكبرها وحسن التعامل مع الجميع و الكل واثق بهالعمل والكل يبي يقدم عالشركه لتكبير مشاريعهم الصغيره معاكم
ابو رامي بتحشير : طيب وش اللي يخلينا نقبلك
بدر رفع راسه وبثقه اكبر وابتسامه مد له اوراق : هذي الأوراق ربعها سيرتي الذاتيه و الباقي معلومات شركتي وكم تطلع بالسنه ولو كبرنا المجال شوي شركتي وشركتكم بتكسب
بعد نقاش حاد استمر تقريبًا ثلاث ساعات تمت الموافقه و صار بدر شريك لـ ابو رامي و ابو اصيل
مستشار بدر قدم اوراق لازم يوقعونها ابو رامي وابو اصيل عشان تتم الشراكه
وقعوها وتم كل شي وطلع الجميع ما باقي الا المستشار و رامي
رامي حك ذقنه بتفكير : انت ايش اسمك؟
المستشار رفع راسه عن الأوراق وناظر رامي : عنان
رامي : اها تشرفت
عنان بإبتسامه : الشرف لي
رامي بتفكير : الا بسألك
عنان ناظره : تفضل
رامي : شفت ابو اصيل؟
عنان : ايه
رامي : ما تلاحظ فيك شبه منه ؟
عنان : بصراحه ما ركزت والله
رامي : عرفني عليك اكثر؟
عنان : عنان ٢٣ اعيش مع امي يتيم اب
رامي : الله يرحمه
طبعًا رامي لاحظ التغير في وجه عنان يوم علمه انه يتيم اب لكن عذره لأن ظنه كان انو ابوه من جد ميت
عنان جاه اتصال و وقف و طلع
اما رامي كان مضغوط من كل شي بالحياه مو عارف في ايش يفكر يفكر بميرال و سالفة خطبتها اصلًا زواجها قريب ولا يفكر بالشركه اللي حبت تسوي شراكه معهم ولا يفكر بعنان ولا يفكر بـ ولد عمه الضايع كان متوتر ومحتار من كل شي
اخذ نفس عميق : لا اله الا الله
حس براحه كبيره بعد ما ذكر ربي وقام وطلع
---------------------------------------------------
عند الشادن
كانت متملله مره بغرفتها محد موجود ميرال نايمه و امها طلت تجيب اغراض للبيت و ابوها في الشركه واصيل معاه
مسكت جوالها وقعدت تطقطق فيه بطفش بس بدقآئق رمته جنبه وتكتفت بملل
الشادن : يوه ودي اتهاوش مع احد ولا ابي اغير جو
الشادن استوعبت : شفيني اكلم نفسي
قامت كتغيير للروتين وقفت قدام المرايه الكبيره حقتها
وشافت نفسها
الشادن وهي تتحسس نفسها : ما شاء الله علي ملاك مو انسان عاد يحظه اللي بياخذني وه بسم الله علي
جات ببالعا فكره جهنميه وابتسمت ابتسامة شر وراحت دقت على عزيز
الشادن بصوت عالي : الووووو
عزيز بنوم : هااااا شتبين
الشادن : اسمع تعال بيتنا ضروري بقولك شي
عزيز : مابي ويلا سكري
الشادن غيرت صوتها بتمثيل : امانه تعالي ضروري والله ما ادري كيف اقولك
عزيز عدل جلسته : الشادن شفيك
الشادن شهقت كأنها تبكي وسكرت
عاد هنا عزيز راح خلص اموره ولبس و طلع
بحكم انو بيته قريب من بيتهم راح و وصل بوقت قياسي
دق الجرس وفتحت له المساعده و جلس بالمجلس وهو متوتر شفيها ذي
الشادن عرفت انه جاء وراحت للمجلس
وشافته
هو بحركه ما توقعها راح وضمها
الشادن عقدت حواجبها وبعدت عنه:شفيك
عزيز مسكها : مافيك شي
الشادن مسكت كتوفه : انت اللي مافيك شي شفيك انت
عزيز رفع حواجبه : وليه داقه علي
الشادن : اوه تذكرت تعال نجلس واعلمك
عزيز جلس عالكنبه و هي جلست قدامه وتربعت
عزيز : اسلمي
الشادن : اسمع انت طفشان؟
عزيز : لا فيني نوم
الشادن : طيب شرايك نسوي شي غير يعني نكسر الروتين شوي
عزيز عدل جلسته : قولي قولي وشو
الشادن بخبث : لا ولا شي
عزيز فتح عينه : شفيك انتي ليه جايبتني اجل
الشادن : خلاص خلاص بقول
عزيز شبك يده ببعض
الشادن : اول شي انت فاضي اليوم كله ليه الساعه ١٢_١ الليل؟
عزيز بإستغراب : ايه ليه؟
الشادن صفقت بحماس : يس المهم لا تقاطعني ولا شي اسمع
اليوم عالمغرب او العشاء احسن انت رح اكشخ ذيك الكشخه كأنك رايح زواج لأن فعلًا رايح زواج و انا بعد بكشخ كشخهه مو طبيعيه و نروح زواج
عزيز : زواج مين؟
الشادن : غبي انت اقصد نروح زواج مانعرفه كذا عشوآئي
عزيز تحمس : تم
الشادن بإستغراب : مسرع وافقت
عزيز : من زمان ما رحت زواج و اصلًا السالفه تحمس مره
الشادن : يلا تم انا الحين بروح غرفتي واشغل نفسي بأي شي في العالم وانت تدري وش تسوي؟
عزيز : وشو
الشادن : روح لبيتك وارجع نام و اقومك عالمغرب وتجهز و نروح العشاء
عزيز : تمام بس وشو اللي تجهزين المغرب وتخلصين العشاء
الشادن رفعت حاجب : ترا المفروض ابدأ من الحين انا بنت باقي شعري والميك اب وفستان واختار عطر اما انت بس ثوب وشماغ و عوده وعطر وبس
عزيز : اهاا اوك يلا توصين؟
الشادن : سلامتك
عزيز لف عليها وتذكر وضربها بالخفيف على كتفها
الشادن بألم : شفييك
عزيز : ترا ضربت بالخفيف بعدين ترا بسببك اخذت ثلاث مخالفات عشان السرعه وقطع الإشاره
الشادن نست الألم : اما كل ذا عشاني
عزيز : لا يشيخه بغيت اسوي حادث بعد لولا ستر ربي
الشادن فتحت عينها بخوف عليه : اسفه
عزيز : عادي بس المره الجايه لا تخوفيني اصلًا كان فيني نوم يعني كان بيني وبين الموت شعره
الشادن : يمه فال الله ولا فالك وش هالفال
عزيز : مسويه خافت
الشادن : لا والله تقول كنت بتسوي حادث وبعد كنت بتموت وماتبيني اخاف؟
عزيز : تمام تمام انا طالع اول ما تخلصين دقي علي
الشادن دقت على عزيز وهو كان قدامها اصلًا
عزيز : شفيك
الشادن : رد علي و لين توصل البيت قفل عشان اتأكد ما جاك شي
عزيز : كل هذا خوف
الشادن : ردد
عزيز بطفش رد : يلا مع السلامه
الشادن : مع السلامه
وطلع عزيز وخلص و وصل بيته وسكر الخط بعد ما تأكدت شادن انو ما جاه شي
---------------------------------------------------------
إنتهى
-2139 كلمه-
شكرًا عالمشاهده 💗💗
توقعاتكم للبارت الجاي؟