لقيتك صدفةّ ويا محاسن هالصدفّ.

-الجُزء ٤٣-

عند اصيل
كان يمشي حول الاستراحه بغير هدف
شاف سياره تطلع منها بنتين متغطيات
ركز شوي وطلعوا اصايل و دلال
اصيل بغرابه: مو هنا استراحتنا
المشكله راحت سيارة خالد بقوا هم عند الباب
توجه لهم: اصايل
اصايل لفت و صدت بسرعه
اصيل وهو يناظر الارض: مو هنا استراحة ملكة جبلان
دلال: فين؟
اصيل: الحقوني
اصايل ناظرت دلال برفض
دلال سحبتها: بنضيع امشي مافي حل غيره
اصايل مشت وراه وهي تناظر ظهره و ماسكه فمها لا تشهق بالغلط
هي فعلًا حبته لكن صدمت انه خطب جوليا
سكرت عينها وهي ماسكه يد دلال واليد الثانيه مسكره فمها بألم
ما قدرت تتحمل و شهقت شهقه تألمم القلب بشكل
دلال وقفت: اصايل شفيك
اصيل سكر عينه بألم من صوتها اللي شلع قلب قلبه ورفع راسه للسماء
دلال راحت لاصيل: بخليكم وحدكم وربي لو تجيني وهي فيها شي بعلم خالد يتفاهم معك
دلال طنشته و راحت للاستراحه
دخلت وفكت عبايتها واختلطت مع البنات
تارلا: دلال فين اصايل
دلال بوهقه: قلت بسبقها واجي لسه تجهز
ناظرت ساعتها: قريب بتجي
تارلا هزت راسها: اهاا
عند اصايل واصيل
كانت منزله نفسها وكاتمه فمها وتشهق
اصيل توجه لها ونزل لطولها: اصايل
اصايل دفته: خلك معها مو تحبها وخطبتها!!!
اصيل مسك كتفها: يا اصايل فتره و كل واحد بطريييقه
اصايل: مابي بعد اصلا واحد من اصحاب خالد خطبني وانا بوافق
اصيل فتح عينه: والله ما تاخذينه وانا راسي يشم الهواء
اصايل بإستهزاء: بصفتك مين
اصيل تنهد: يا اصايل خلاص تكفين
اصايل سكرت عينها وارتجفت شفتها وتعدته و مشت
اصايل راح لها ومسكها: اصايل
اصايل بشبه صراخ: فكنييي
اصيل مسك فمها: لا تصارخين!
اصايل دفته: خلاص بعد تراك خاطب روح لحبيبة القلب
رفعت حاجبها وراحت
اصيل زفر بضيق كبير يداهمه و دخل الاستراحه قسم الرجال
...
بعد شويات
جاء الشيخ و معه الشهاد و العقد
و تم العقد عند الرجال
عنان اخذ الدفتر و راح لقسم النساء
طلعت جيلان و وقعت
عند الرجال..
الفيصل زفر براحه يوم سمع اصوات النساء يزغرطون
عنان دخل: مبروك لكم
الفيصل وقف وسلم عليهم كلهم
وقف عند الباب بيدخل قسم النساء
طبعًا كلهم غطوا
فعلًا دخل
سلم على امه و ام عنان و على اخته و وصل لجيلان
حب راسها و ضمها بقوه
كانت جميله بمعنى الكلمه!!!
الفيصل همس بإذنها و هي نزلت راسها بخجل و ابتسامه
الشادن همست للبنات: بدينا حركات متزوجين
البنات ضحكوا
جيلان و الفيصل قطعوا كيكتهم و جلسوا شوي وصوروا و طلع الفيصل
البنات طبعًا راحوا سلموا على جيلان
جيلان وهي مبتسمه: عقبالكم
البنات: امين
اليس ضحكت: وش ذا مشفوحات عالزواج
دلال زفرت: لا مانصحكم الزواج اخس شي
الشادن: وقت نصائح المتزوجات
اليس: بالعكس اشوفه شي حلو
دلال ضحكت و أشرت على بطنها
الشادن شهقت: نسيت انك بالشهر الاخير
دلال غطت وجهها: لا تذكريني تكفى
الشادن: الله يسهل عليك حبيبتي صدقيني شي بسيك ويوم تشوفين البيبي تنسين كل التعب والالم
تارلا: ما شاء الله مجربه؟
الشادن بنص عين: لا بس معروف
دلال: تسلمي يقلبي
الشادن رسلت لها بوسه بالهواء
اصايل طبعًا كانت مسرحه وجالسه وحدها بعيد عنهم كلهم
جاتها تارلا: اصايل شفيك
اصايل ناظرتها: شفيني مافيه شي
تارلا: متأكده مافيك شي؟
اصايل هزت راسها بـ لا وغطت وجهها وبدأت تبكي بهدوء
تارلا انصدمت وضمتها
اصايل بادلتها الضمه بشهاق وبعد كم دقيقه بعدت عنها: اسفه نكدت عليك
تارلا: لا شدعوه
اصايل: والله كنت محتاجه هالشي من زمان شكرًا لك
تارلا: واجبي
كملت: لو تبين شي امريني
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند تارلا
اخذت جوالها وطلعت من الاستراحه وراحت خلف الاستراحه
فتحت جوالها على موسيقى هادئه و فتحت الكتاب الالكتروني وبدأت تقرأ
تارلا انسانه تحب القرآءه بشكل كبييير لدرجة بأي مكان وزمان تاخذ كتابها او جوالها وتقرأ
قرأت اقتباس أثر فيها كثييييير
مع انها ما جربت هالشعور لكن كلمات الكتاب لمست قلبها
(  ليتنا لم نلتق منذ البدايه  ،  ليتني يومها تأخرت في النوم عشر دقآئق اُخرى  ؛   كنت اختصرت عُمرًا من الوجع  )
ضمت الجوال لصدرها وتذكرت فجأه البنات وعلاقاتهم اللي فشلت
جوليا وراكان ميرال و طارق المى وسلطان اصايل واصيل
تنهدت وشدت عالجوال وهو بحضنها
سمعت صوت وراها: الواحد يجسد الجوال احيانًا
التفتت تدريجيًا الى ان شافت وجهه
سكرت عينها بغضب ونزلت الجوال و وقفت بإتجاهه: وش تسوي هنا
رفع حواجبه: انتي اللي وش تسوين
تارلا: كنت اقرأ
عنان: طيب وش قريتي ابي اشوف معك
تارلا فتحت جوالها و وجهته له وشاف المكتوب
ابتسم بحزن: اتفق
تارلا ناظرته بإستغراب: قد حبيت؟
عنان: من طرف واحد بس
نزل راسه: انسي
جاء بيروح بس مسكت يده: عنان
التفت لها: هلا؟
تارلا سحبته لها: تعال امانه علمني بالسالفه يمكن القى لك حل
عنان جلس بالارض و هي جلست قدامه
عنان اخذ نفس: سالفه صارت زماان كنت ببيت جدتي ام امي و انا طلعت بعد ماسلمت على اهل امي طلعت للحوش
شفت ملاك مو انسان
ابتسم: كانت قصيره و شعرها الى اكتافها وكان كيرلي و كانت لابسه فستان وردي و ميك اب خفيفف و لابسه سلسال فراشه بيضاء و حاطـ..
شهقت بصوت عالي: عنان
عنان ناظرها
تارلا مسكت السلسال اللي برقبتها: شوف
كانت لابسه سلسال نفسه بالضبط!!
عنان عقد حواجبه:وش جابه لك
تارلا: احلف اول مره تشوفني فيه
عنان: والله
تارلا: هذا دايم برقبتي ما افكه
عنان: احد اهداك؟
تارلا: اي حبيبي القديم
عنان: اوه تحبين
تارلا: اي ههه
عنان: الله يوفقكم
تارلا: عنان مو منجدك اكيد ماحبيت وذا السلسال جاني هديه من بابا لأني احب الفراشات مره شراه لي
عنان: فيه قصه وراه؟
ضحكت: اي
كملت وهي تتذكر التفاصيل: كنت ولا زلت اموت في الفراشات بشكل كبير و قلت لبابا ابي تشتري لي فراشه كبيره بيضاء و داخلها فيه قليتر
ابتسمت: شفتها زمان بكرتون واحسب فيه منها حقيقه وقلت لبابا،  وقمت اليوم الثاني الاقي السلسال جنبي ومن يومها لابسته ما افكه الا لو جيت اتروش
عنان: حلوه قصته
ضحك: القصه الوحيده اللي اتذكرها هذي
رفع كم الثوب و وراها وحمه بيده على شكل ظهر سلحفاه
ضحك بصوت عالي: تخيلي امي توحمت على ريحة وطعم السلحفاه بس ابوي كان يصرفها وما عطاها
كمل بتقزز: تخيلي بس انا ببطن امي طلبت راس سلحفاه
تارلا ضحكت: يضحك وربي
نزلت الفستان شوي قريب من قلبها: شوف وحمتي
عنان عقد حواجبه: غريب مكانها
تارلا هزت راسها: اي كانها طعنه مره تخوف
زفرت: ترا كلي وحمات وشامات
عنان: فين الثانيه
تارلا اقتربت منه و بعدت شعرها عن رقبتها: شوف هذي وحده
عنان ما انتبه لها كان يشم ريحة عطرها اللي موتته
ابتعدت عنه: الووو
عنان رمش: ايوه معك
تارلا: المهم وفيه وحمه بفخذي بس ما اقدر اوريك
مدت رجلها وأشرت على الساق: وشوف هذي ثانيه
عنان: اماكن شامتك غريبببه
تارلا: وانت وين
عنان فتح ازرار ثوبه و فتح البلوزه: شوفي هذي
كانت وحمه كبيره بصدره و كأنها خريطه
تارلا فتحت فمها: غريببه
عنان: مره
عنان عدل ثوبه: فين شاماتك
تارلا بحماس أشرت على جبهتها: وحده هنا
أشرت على خشمها: وهنا
أشرت على رقبتها: وهنا
أشرت على كف يدها اليمين: وهنا بعد
أشرت على شفايفها:وهنا
كملت بغباء: وظهري كله شامات
عنان: اوه
ضحك: حقاتي واضحه بس بقولها
أشر على نص خده: هذي
أشر على تحت حواجبه: وهذي
أشر على تحت فمه بين لحيته: فيه وحده هنا بس مو مبينه
أشر على رقبته: وهنا
تارلا: تصدق سمعت معلومه زمان انو شريك حياتك يبويك بأماكن شامتك
عنان: الله حلوه اماكني
تارلا بغرور: حتى اماكني
شهقت: كأني طولت
عنان زفر: لا خليك كنا نسولف زين
تارلا: تمام عادي السوالف تتأجل بعدين وش ذا البرود تراك بملكة اختك
عنان: طيب اسمعي بيجي يوم امرك و نروح نتمشى ونهبد كل سوالفنا
تارلا: تم
وقفت و مسحت فستانها من خلفها: يلا توصي
عنان: سلامتك باي
تارلا وهي رايحه: باي
دخلت الاستراحه و جلست مع البنات
الشادن: فين كنتي
تارلا: ابد كنت خلف الاستراحه اهرج مع صحبتي
الشادن بعدم تصديق: اهاا
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
جوليا..
كانت ملاحظه وضع اصايل من البدايه
تنهدت على حالتهم اللي فجأه انقلبت
نزلت راسها بحزن واخذت عبايتها و حجابها وراحت خلف الاستراحه بمكان شوي بعيد
فجأه حست بأحد يسحبها...
لفت تناظره وللاسف ماعرفته كان شخص اضخم منها بكثير
هزت راسها بـ لا
نهايتها!!!
كانت تحاول تدافع عن نفسها لكن للأسف اضخم منها
بعد ساعه
ساعه وربع
ساعه ونص..
عند البنات:
الشادن راحت لهم بسرعه:بنات فين جوليا
اصايل تظاهرت عدم الاهتمام:ماندري
الشادن:البنت ضاعتت
ميرال وقفت:ايش!!
دورتي خلف الاستراحه يمكن موجوده
الشادن هزت راسها بلا:لالا مو موجوده ولا ترد
ميرال بخوف:بنات نتقسم اللي هنا واللي يدوروا عليها
الشادن:ميرال انتي خلك انا بروح
ميرال:لا انا بروح ماقدر اعرضك للخطر
الشادن:عشان خاطر جيلان
ميرال: طيب
الشادن اخذت عبايتها وراحت لقسم الرجال ودقت الباب
طلع لها اصيل: شفيك
الشادن وهي تلقط الكلام: جوليا مختفيه
اصيل: ايش!!
الشادن هزت راسها بإيه
مر عزيز وسمع كل شي: انا بروح خلك
اصيل مسكه: خلك انا بروح
عزيز: ياولد ملكة اختك استهدي بالله
اصيل تنهد: انتبه لها بذمتك ياعزيز بذمتك
عزيز هز راسه ومسك يد الشادن وطلعوا يدوروا عليها
بعد ربع ساعه فقدوا الامل وجلست بنص الشارع بقهر
فتحت عينها من شافت شي يلمع بالارض
راحت له و مسكته و كان سلسال قلب احمر ومحفور فيه حرف j
شهقت: عزيز تعال
عزيز راح لها: شفيك
رفعت السلسال: حقها حقهااا
عزيز التفت للمكان اللي هم فيه و شافه مكان بيوت مهجوره
عزيز مسكها: امشي
دخلوا بيت مهجور وراحوا لغرفه مسكره عزيز دفها برجله ولأن البيت قديم على طول طاح الباب
فتح عينه من شاف المنظر!!!!
الشادن تقدمت تبي تشوف وش غير شكله كذا
شهقت بقوه و سكرت عينه عشان مايشوف
كانت جوليا منسدحه بالفراش و ملابسها مقطعه و كأنها جثه ماتتحرك
الشادن صرخت بقهر: جووولللليااا
جلست عالارض انهارت وبدأت تبكي
عزيز نزل لمستواها واخذها بحضنه: شوي وارجع ستريها
فكها وطلع يدور حول المبنى
لقى شخص مشكوك فيه كثييير
راح له ومسكه من خلفه: لو سمحت
الرجل التفت و وجه له لكمه بقوه ولف
عزيز وقف: يالكلب
الرجل لف بيعطيه الثانيه لكن بحركه سريعه عزيز طيحه بالأرض و لف يده بشماغه ومسك رقبته بقوه: وش سويت للبنت
الرجل مطننش
عزيز شد على رقبته: وش سووويتت
الرجل بعد يد عزيز: ماسويت شي البنت طاحت فجاه وانا هربت
عزبز فتح عينه: وتعترف يالكلب
وجه له لكمات عشوآئيه بأي مكان تجي فيه يده يضربه
بعد عنه من شافه هامد مايتحرك
تفل بوجهه
طلع جواله ودق على الشرطه: السلام عليكم اخوي انا في حي..  شارع...  عند بيت صغير ابيض فيه شخص مغتصب و مختطف لفيته لكم الباقي عندكم
سكر وراح يجيب سيارته
نزل جري لـ الشادن
دخل البنايه و راح للغرفه اللي هي فيها
شاف الشادن جالسه جنب جوليا وتحاول تقومها
عزيز راح لها بسرعه: الشادن
شهقت من شافت الدم بملابسه
وقفت وهي تبكي: عزيز شفيييك
عزيز: مافيه شي
راح لجوليا وحملها وهو يتصدد من عبايتها اللي كانت مو مسكره ويحاول مايناظر جسمها
ركبها السياره وحوليا جات جنبه
توجهوا للمستشفى وبعد ٨ دقآئق تقريبا وصلوا و نزلها عزيز بالسرير المتحرك ودخلها قسم الطوارئ
الشادن وقفت السياره بالمواقف ونزلت جري راحت لهم
مسكت يد عزيز: وينها وش صار
عزيز مسح وجهه: دخلتها القسم
مسكت وجهها وبدأت تبكي
عزيز ضمها ومسح على راسها
طلعت الدكتوره: انتم اقارب المريضه
الشادن بعدت وبسرعه راحت لها: شفيها
الدكتوره: المريضه فيها نقص حديد وفيتامين بشكل كبير وسوء النوم والتغذيه و عندها كمان فقر دم حاد لازم تكون عندنا عشان ادويتها وعشان تتحسن
الشادن: اه الحمدلله
كملت: ابي اشوفها
الدكتوره: للاسف مانقدر الحين تقدرين بعد ما تقوم يعني يمكن ساعه وشوي
الشادن: شكرًا لك
راحت لعزيز وقالت له
عزيز: الحمدلله
الشادن فتحت جوالها وطمنت البنات
عزيز: تعالي نرجع
الشادن: لا مابخليها
عزيز: شوفي ملابسك والمكياج الناس رايحه جايه
الشادن: طيب!!!
عزيز: شوي وارجع
طلع و راح صيدليه قريبه وجاب مزيل ميك اب و قطن و راح لها وعطاها: امسحي اللي بوجهك
زفرت واخذته من يده وراحت الحمام مسحت الميك اب
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند البنات
كانوا متوترات ولكن يحاولوا يخففوا على جيلان عشان ماتحس انو فيه شي
جيلان بغرابه: بنات فين جوليا و الشادن
ميرال بورطه: الشادن راحت الغرفه ترتاح و جوليا معها
جيلان: اها تمام
اصايل ماقدرت تتحمل ولبست عبايتها و قالت لدلال انها بتروح شوي وترجع
طلعت برا الاستراحه دقت على الشادن
ردت وصوتها مو كويس: الو
اصايل: الو الشادن ارسلي لي اللوكيشن حقك تكفين بجي
الشادن: تبين تجين وانتي بسببك صار كل ذا!!
عزيز اخذ الجوال من الشادن: برسل الموقع الحين
وقفل المكالمه ورسل لها اللوكيشن
الشادن: مين سمح لك تاخذه من يدي
عزيز ناظرها: انا سمحت لنفسي ليه عندك شي!!
الشادن نطت واخذت الجوال من يده
عند اصايل
جات بتدق على سواق بس استوقفها صوت اصيل: انا بروح لهم تعالي اوصلك
اصايل طنشته و دقت على سواق: الو السلام عليكم
كملت تكلم فجأه اخذ منها الجوال
اصايل لفت له بدم صبر وضربت يده بقوه لين طاح الجوال من يده ومسك يده بألم
اصايل رفعت اصبعها بتهديد: لا اشوفك تتعرض لأشياء مو ممتلكاتك
ضحكت: اوه فهمت انت تساعد كل البنات عشان يصيروا يحبونك وتسحب عليهم
كملت بغضه: خلك مع حبيبة القلب جوليا
لفت وركبت السياره اللي وصلت وتوجهوا للمستشفى
اصيل ركب سيارته وقهر العالم كله بقلبه
كل الضغوطات تجمعت بصدره محظ يقدر يتحمل
سالفة جوليا
وسالفة اصايل
سالفة خطبة اخته
هز راسه بألم وتوجه للمستشفى
تقابل هو واصايل عند الباب
اصايل: لو سمحت وش اللي ممنوع دخلني
اصيل من وراها هز راسه للسكيورتي
السكيورتي هز راسه وفتح الباب
اصايل عقدت حواجبها ولفت تشوف مين وراها
شافته
اصايل بقرف: لحول ذا مره ثانيه
طنشته ودخلت ولقت الشادن جالسه عالكرسي و منزله راسها و وجهها شاحب وجنبها عزيز
توجهم لهم: شادن
الشادن وقفت: وش تسوين هنا
اصايل: خلاص جالسه تظلميني بكل شي وتحطينه فيني والله مو بسببي هي اللي طلعت برضاها
قاطعتها بغضب: هي اللي اغمى علبها متعمده؟؟
اصايل مسكت راسها: ياحبيبتي ماله دخل ببعض وربي مو مني
الشادن توجهت لها بتضربها بس مسكها عزيز من خصرها وسحبها
اصايل راحت للحمام وبدأت تبكي
ندمت بشكل كبييير انها رسلت صورها لماجد وندمت انها راحت زواج اغاريد وماجد وندمت انها بكت خلف الفندق
لأن من هناك بدأ عذابها اللي هو اصيل
سكرت فمها بطرحتها وكتمت شهقاتها و وقفت عدلت شكلها وملامحها وطلعت
لقت عزيز و اصيل جالسين
وقفت بعيد عنهم شوي
اصيل التفت عليها: اصايل جوليا قامت
فزت: فينها
اصيل أشر على الغرفه اللي فيها جوليا
دخلت بسرعه بعد مادقت الباب
راحت سلمت على جوليا: الحمدلله على سلامتك
جوليا ببحه: الله يسلمك
تكلمت بغصه: جوليا انا السبب؟؟
جوليا هزت راسها بـ لا
الشادن: مسويه العاشقه الولهانه مع اصيل وهو ولا درى عنها لو انك كاتمه هالشي بقلبك ما كان ضيقتي خلق جوليا من البدايه
اصايل وقفت بغضب: خلاص كل شي تحطينه فيني خلاص انا ماضريتك بشي شفيك حاقده علي
طلعت قبل ماتسمع ردها ونست انها مو لابسه حجابها
تعدت اصيل و مشت وهي تمسح دموعها بقوه
اصيل فتح عينه من شافها بدون حجابها
راح لها بسرعه و غطاها بشماغه
ضمها ودخلها غرفة مخزن فاضيه
سكر الباب بالمفتاح وفتح اللمبات
اصايل شالت الشماغ من راسها ورمته بالارض ومسحت دموعها بقوه: ابعد بطلع
اصيل: اصايل اسمعيني
اصايل بشبه صراخ: وش اسمع خلاص اعتقني كل شي صاير لي بسببك لو انك خليتني ابكي ءاك اليوم بزواج ماجد ولا جيت تساعدني كان ماعرفتك خلاصص تعبت منك
أشرت على غرفة جوليا: واختك حاطه كل شي فوق راسي وكل اللي في خطيبتك مني
شدت على كلمة خطيبتك
حطت الطرحه على راسها بطريقه عشوآئيه ودفته وطلعت
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
-٢٣٩٤ كلمه-
بارتنا اليوم طوييل لعيونكم و وحشوني فعلًا
توقعاتكم للبارت الحاي
شكرًا على المشاهده💖💖