لقيتك صدفةّ ويا محاسن هالصدفّ.

-الجُزء ٦٨-

عند نوره
خططت لكل شي ببالها و وقفت مستعده للي بتسويه
دخل حارسها راشد :متأكده ؟؟
نوره:اقسم بالله يا راشد لو فتحت معي موضوع اني متاكده ولا لا اني بطردك خلاص ياشيخ ازعجتني اي متاكده خلاصص
راشد:انتي فكرتي تنتقمين بس مافكرتي بعواقب اللي بيصير
نوره :اوك برا
راشد تنهد:السياره جاهزه
ابتسمت بشر و طلعت ركبت السياره و توجهوا للمستودع المهجور
نوره :متى تجي حبيبتنا تارلا؟
راشد ناظر ساعته :ربع ساعه
ابتسمت:هاانت ساعه بالكثير وانتوا طايحين بيدي

——————————————————————

قبل لحظات عند تارلا
نزلت من السياره و دخلت البيت بروقان
شافت ابوها و رامي بالصاله
تنهدت بملل و مشت من امامهم وهي مطنشه نداء رامي لها
رامي وقف وراح لها و مسك ذراعها بقوه:لو اكلمك تلفين و تحطين عينك بعيني
ناظرت داخل عينه بقوه وسحبت يدها:يدك ماتنرفع علي ولا يمينًا بالله اكسرها فاهم؟
رامي جاء بيتقدم لها لكن استوقفه صوت ابوه العالي:راامي
رامي وقف و رجع خطوتين و اخذ نفس :هلا يبه
ابو رامي تقدم لتارلا و مسك يدها:اعتذر لك يا بنتي
تارلا ما قدرت تتحمل و امتلت عينها بالدموع
ناظرت لفوق لتمنع الدموع انها تنزل
ابو رامي مسح على خدها بلطف :مسامحتني
تارلا ناظرته و سكرت عينها بقوه و نزلت دموعها
هزت راسها بصمت
ابو رامي ابتسم و قبل راسها و ضمها :شاطره بنتي الله يحفظك يا رب
تارلا قبلت يده و راسه بإبتسامه
ابو رامي ناظر رامي برفعة حاجب
رامي تقدم بهدوء و قبل راسها و ضمها لصدره
حاوطته و بدأت تبكي
مسح على شعرها :اششش ليه البكاء
قبل راسها بهدوء
ابتعدت عنه وهي تشاهق :عن اذنكم
رامي :اذنك معك
التفتت وطلعت من الصاله و راحت لغرفتها
سكرت الباب وشافت رساله من عنان
فتحتها وهي تشوف :انزلي بقولك شي لو مانزلتي بطلع لك
رفعت حاجب وكتبت:مو خايفه لكن جايه
شافته شاف ولا رد
عقدت حواجبها و مسكت اغراضها و نزلت للحوش وهي تدور عليه
بلعت ريقها وهي تشوف شخص وراها
التفتت وهي بظنهاانه عنان لكن شهقت وهي تشوف شخص ثاني و بحركه سريعه منه بخ بوجهها محلول و اغمى عليها
حملها و ركب للسياره و طلع من الحي متوجه للمستودع

——————————————————————

ببيت ابو اصيل
نزلت وهي تسكر حلقها و مستعجله
نادت بصوت عالي:يا بنات الشادن ميرال انزلوا
نزلت ميرال بكل اناقه و وقفت ببردو تعدل شكلها امام مراية المنزل الكبيره
بعد لحظات نزلت الشادن و وقفت جنب ميرال وبدأت تعدل شكلها
جاتهم حنان وهي ماسكه المبخره :ماشاءالله الله يحفظكم و يحميكم يا رب
ميرال ابتسمت:مشكوره
حنان:ماشفتم عنان؟
الشادن طيرت عيونها:لا
حنان مدت لهم المبخره وبدأت تبخرهم
الشادن :مابتجين معانا؟
حنان:اكيد لا
الشادن:ليه
حنان:ليه اجي اصلًا
الشادن:ياشيخه امشي
حنان:لا والله مالي نفس البس و اتعدل
الشادن ضحكت:كلنا والله
انفتح الباب و دخل اصيل و عينه محمره و حاظ شماغه بكتفه و ماشك العقال بيده و شعره مبعثر على وجهه
الشادن فتحت عينها من شافته:اصيل
ميرال شهقت وتوجهت له:شفيك
اصيل ما رد عليها و جاء بيروح لغرفته
استوقفه نداء ام اصيل:اصيل
وقف بدون ما يلتفت
تقدمت له و اخذت الشماغ من يده و لبسته:تعدل و استقيم دقايق و نروح لهم
سكر عينه بألم وهو مو قادر يطلع كلمه مو مستوعب اصلًا اللي يعرفه انو البنت تنجبر عالزواج مش الولد
تنهد و توجه للمرايه بجانب اخواته و عدل الشماغ
ام اصيل راحت له و ربتت على اكتافه:لا اشوف غلط هناك فاهم؟
اصيل طنشها و عدل شماغه
ام اصيل التفتت بتنهيده و لبست عبايتها:يلا يابنات
لبسوا عباياتهم و مشوا طلعوا من بيتهم وهم متوجهين لبيت جيرانهم
كانت ستايلاتهم عباره عن :
ميرال :فستان اصفر ماسك و فيه ربطه من الخصر بسيطه و ميك اب بسيط سوت شعرها ويفي و كعب ابيض و شنطه بيضاء