لقيتك صدفةّ ويا محاسن هالصدفّ.

-الجُزء السادس و العشرين-

عند جوليا
وصلوا طريقهم على نزلة راكان من سيارته
جوليا ابتسمت من شافته
ابو جوليا عقد حواجبه :مين هذا
جوليا تبي تقول مين هو لكن بيسألها وش دراك و تنقفط
جاوبت ابوها بتزييف :ما ادري يبه بس شكله اخو جيلان ولا ولد عمها
رد ابوها :انا بنزل اشوف واجي
جوليا :تمام
ابوها نزل وهي بحركه سريعه مدت يدها لجوالها ورسلت لراكان :ابوي بيجيك انتبه على كلامك
راكان شافها ولا قدر يرد بحكم انو ابو جوليا طلع بوجهه
سلم عليه وحب راسه
فجأه طلع ابو رامي وسلم عليه
ابو رامي :حياك حياك
ابو جوليا :الله يبقيك
أشر ابو جوليا لهم انو ينزلون
جوليا نزلت و امها بعد نزلت
امها دخلت وهي مدت من جنب راكان بإبتسامه
راكان همس لها :اشتقت لك
جوليا فتحت عينها وضحكت بهدوء على كلامه
لفت عليه وابتسمت ومشت دخلت
سلمت عالبنات وجلست فوق وحده من السرر
جوليا :انا جوليا عرفوني عليكم
ميرال :ميرال
تارلا :انا تارلا
الشادن :الشادن
جوليا سكرت عينها بحفظ :تارلا الشادن ميرال
ناظرتهم :كم اعماركم
الشادن :٢٠ وقريب اصير ٢١
ميرال :٢١ وقريب اصير ٢٢
تارلا :١٩ وقريب مره اصير ٢٠
جوليا ابتسمت :العمر كله انا ٢٠ وقريب اصير ٢١
الشادن :الله زيي
جوليا ابتسمت :ايي
جوليا ناظرتهم :يبنات سلمتم على اهلي؟
البنات :لا
جوليا :تمام تعالوا معي عشان بالمره اسلم على اهلكم
جيلان :تمام يلا
وقفوا ونزلوا وكل وحده راحت تسلم وتعرف بنفسها
جلسوا احترام لأهاليهم
ام الفيصل :كيفك جيلان
جيلان ابتسمت :الحمدلله تمام وانتي كيفك
ام الفيصل :تمام دامك تمام
جيلان ابتسمت
-----------------------------------------------------------------
عند المى
بدأت تتعود على كرسيها المتحرك شويات
شافت جوالها يدق وكان المتصل سلطان
زفرت بضيق كبير داهمها
ردت :وش تبي
سلطان :المى
المى :خير
سلطان :بقول لك شي واسمعيني مره ضروري
المى :وش تبي
سلطان :بجي حوشكم واقول لك ماينفع كذا في الجوال
المى سكرت الجوال بوجهه :لا حول ولا قوة الا بالله
لبست جاكيتها عالسريع وكان ستايلها كالآتي
فستان منزل طويل و ماسك على جسمها و كت من فوق
لبست جاكيت طوييل عشان عالاقل تغطي جسمها
نزلت للحوش تنتظره
بعد عدة دقآئق الباب دق
دقت على المساعده تفتح وفعلًا طلعت وفتحت
دخل عزام وكان ماسك يد سلطان ويمشون داخلين
المى شهقت :عزام
عزام ضحك من سمع صوتها و ركض لها
المى حركت كرسيها بإتجاهه
وصل لها اخيرًا و ضمها
شالته وحطته بحضنها وبدأت تقبل كل مكان بوجهه
ضمته بقوه وكأنها تبي تدخله داخلها ولا تبي احد يقرب منها غيره
تجاهلت وجود سلطان و راحت بكرسيها للجلسه الخلفيه
جلست تمسح على راسه و هو في حضنها
تقدم سلطان و جلس قدامها و كان معاه اوراق في يده
المى خافت من داخلها انو تكون الاوراق هذي ورقة طلاقها
كانت مبينه من برا انها عادي لكن كل جسمها يرجف رعب
سلطان حمل عزام و حطه في الأرض يخليه على راحته عشان يلعب
المى تكتفت وهي تمنع عينها لا تطيح في عينه وتضعف وتسامحه
سلطان اقترب من كرسيه لها :الكلام اللي بقوله مهم لا تقاطعيني ببدأ من البدايه
المى ناظرته :نعم
سلطان :يوم قمتي ولا لقيتيني دقت علي اسماء وقالت لي انها تعبانه وبتموت من تعبها وانا بحسن نيه رحت
المى رفعت حاجب
سلطان زفر :صار اللي صار ماعلينا
المى ضحكت بإستهزاء
سلطان :جاتك تقول انها حامل
المى ناظرته
سلطان ابتسم :جابت تقرير زمان حق عزام انتي ماشفتي التواريخ
المى فرحت مره من عرفت الحقيقه لكن خارجها بااارد :المطلوب مني؟
سلطان :ترجعين بيتك
المى رفعت حواجبها وأشرت على كرسيها :وهذا مين وصلني لهالحاله
سلطان اقترب منها ومسك يدها :آسف سامحيني لكن ما قدرت امسك نفسي
المى مسحت الدمعه اللي نزلت من عينها بسرعه وبعنف
سحبت يدها من يده :عذرك مو مقبول
سلطان مسح وجهه
بهاللحظه جاتها رساله بجوالها من رقم غريب وكان عنوان الرساله :المى انا انسانه مهمه بحياتك انتي وزوجك ولازم اقابلك بقول لك شي يغير حياتكم ١٨٠ درجه
المى ردت بسرعه :مين
المجهول :ارسلي لي اللوكيشن بسرعه
المى بغباء رسلت لوكيشن بيتهم
المجهول :مسافة طريق
المى استوعبت انها رسلت عنوانها وضربت جبهتها بغباء
بعد خمس دقايق دق الجرس
راحت المى بكرسيها وسبقها سلطان :ايش فيه
المى :ابعد
سلطان بعد وهي راحت فتحت الباب بمساعدة سلطان
دخلت اسماء
المى فتحت عينها :وش تسوين اطلعي برا بيتي
اسماء ناظرت سلطان :اوه وانت بعد هنا
المى :اي اطلعي
اسماء :انا بطلع بس بقول شي مهم لكم الاثنين
المى سكتت
اسماء :هذيك الليله
المى ناظرتها
اسماء اخذت نفس :سلطان ما لمسني ولا شي ما صار شي بيننا بس انا صورت لك بوضعيه غلط عشان اقهرك زي ما قهرتيني بزوجي و ولدي
المى ناظرت سلطان اللي كان فرحان انو كل شي طلع للعلن
اسماء :عمومًا انا مو حامل ولا شي هذاك تحليل قديم و الله يخليكم لبعض و سلامتك ما تشوفي شر
وطلعت وسكرت الباب وراها
المى كانت تناظر بصدمه
راحت لخلف البيت
راح سلطان وراها
لفت عليه :تعال شوي
سلطان اقترب منها
المى بحركه سريعه ضمته بقوه وبدأت تبكي بصوت عالي
سلطان ما توقعها منها لكن شد عليها
المى ابتعدت عنه وهي تمسح عينها وتشهق
سلطان مسح دمعتها بسرعه :آسف
المى ناظرته وناظرت الارض
-----------------------------------------------------------------
عند ماجد و اغاريد
اخيرًا وصلوا فرنسا
نزلوا من الطياره و راحوا للباب و من هناك استقبلهم سآئق ماجد
فتح لهم الباب ودخلوا
وصلوا اخيرًا للفندق ونزلوا
دخلوا جناحهم و ارتمت اغاريد بتعب على الكنبه
وقفت من شافت ماجد يدخل :فين بتنام
ماجد أشر عالكنبه
اغاريد :انا بتروش لا تدخل
اخذت شنطتها ودخلتها للغرفه وطلعت بجامه
بلوزه بيضاء و شورت وردي
تروشت ولبستهم و طلعت وهي تجفف شعرها وشافت ماجد عالسرير
فتحت عينها :وش تسوي هنا
ماجد اقترب منها
......
ابتعدت عنه بقرف وهي تبكي بكل قوتها
ماجد مسكها :اسف
دفته بأقوى ما عندها و وقفت وهي تلف نفسها بالبطانيه الخفيفه
تكلمت اخيرًا بصراخ :الحين ارتحت بعد اللي سويته؟
ماجد :هذا الشي كان بيصير سواءً رضيتي ولا لا
اغاريد بصراخ :ليه طيب ليه الله ياخذك ليه
لفت وبدأت تبكي بأقوى ما عندها
لفت عليه :اطلع برا
ماجد :اغاريد
اغاريد بصراخ :برررا
ماحد قام و طلع
سكرت الباب بقوه بالمفتاح و جلست بالارض وضمت رجلها لصدرها وبدأت تبكي بأعلى صوت
وقفت وهي تمسح دموعها بعنف و لفت عالسرير شافت منظره المقرف و تذكرت وش صار وبدأت تخمش وجهها وهي تحاول تنسى
مدت يدها لشنطة الملابس واخذت لبسه بدون ما تشوف وشو هي و دخلت تتروش
كانت تبكي وتفرك جسمها بقوه رمت الليفه بقوه وضمت رجلها لصدرها وبدأت تبكي وهي تحس دموعها تحرق خدودها من حرارتها
وقفت اخيرًا وطلعت لبست ملابسها و وقفت قدام المرايه و هي تشوف انعكاس السرير من المرايه
بدأت ترجف من تذكرت كيف اجبرها وهي تحاول تفك منه بس هو اقوى منها
توجهت للسرير و اخذت المفرش و حطته بكيس كبير وخلته جنب القزاز
فتحت الدولاب و من حسن حظها كان فيه مفرش
فرشته عالسرير وحطت راسها ونامت
---------------------------------------------------------------عند دلال و اصايل
دلال لفت على اصايل :اصايل دق علي خالي يقول يبي نجتمع بالاستراحه حقته
اصايل :تروحين؟
دلال :مدري بشوف خالد وارد لك خبر وترا لو وافق بتجين معي
اصايل اشرت على نفسها :شدخلني
دلال :ترا ما اعتبرك اخت زوجي اعتبرك اختي
اصايل ابتسمت :حتى انا كذا اشوفك
دلال ردت لها الابتسامه
طلعت النيرس من الغرفه :دلال آل...
دلال وقفت :انا
النيرس :يلا تعالي
دلال لفت على اصايل :انتظريني
اصايل هزت راسها
دلال راحت لغرفة الأشعه و انسدحت عالسرير وفكت ازرار عبايتها
النيرس :الحين انادي الدكتوره
دلال هزت راسها
بعد دقآئق دخلت الدكتوره :كيفك دلال
دلال :تمام الحمدلله
الدكتوره بدأت تجهز الجهاز :ارفعي البلوزه
رفعتها
الدكتوره بدأت تكشف على بطنها :اول مره تحملين؟
دلال :اي
الدكتوره :ماشاءالله البيبي سليم و ينمو بشكل سريع
دلال ابتسمت من شافته بالجهاز
الدكتوره :جنسه واضح تبين تعرفين؟
دلال هزت راسها بـ لا :اكتبيه على ورقه لا تقولين لي
الدكتوره ابتسمت :ابشري
خلصت أشعه
وقفت من شافت الدكتوره تمد لها ورقه :هنا جنسه
دلال ابتسمت :تمام مشكوره
الدكتوره :الله يسهل عليك
دلال :آمين
سكرت عبايتها وطلعت وهي تسرع خطواتها
شافتها اصايل و وقفت
دلال مدت لها الورقه :شوفي بس لا تقولين لي
اصايل ابتسمت بحماس :تمام عطيني
دلال عطتها الورقه وغمضت عينها
اصايل فتحتها وابتسمت بشده يوم شافت جنسه
عينها بدأت تتجمع فيها الدموع :دلال
دلال لفت لها
اصايل ضمتها
دلال :شفيك
اصايل :مره كيوت ما توقعت
دلال تحمست :يوه لا تحمسيني
اصايل :تمام تمام
دلال :يلا الحين نروح للي يزين ونقول له وهو يزينها و نروح السوق على ما يخلص
اصايل :تمام
فعلًا راحوا للمحل وعطوه الورقه يجهزها و راحوا السوق
شروا لهم كم غرض وطلعوا
دلال :نحطها في الحوش ولا المجلس ولا الصاله
اصايل :الصاله
دلال :تم
تسريع للوقت
خلصوا اخيرًا و رجعوا البيت زينوا الصاله
كانت بوالين ورديه و زرقاء في الخلفيه مرتبه بشكل جمييل و انيق و الطاوله مزينه بكيكه بيضاء لكن من داخلها لون يبين جنس البيبي و بالونه سوداء كبيره و فيه دبوس
..
دقت اصايل على خالد :خالد فينك
خالد :جاي
اصايل :طيب تعالي بسرعه ضرووري
خالد :دلال فيها شي
اصايل :لا تعال
سكرت بسرعه و وقفوا ينتظرونه
طلعت دلال عالسريع ولبست فستان ابيض طويل و وااسع وحطت شوي ميك اب وفردت شعرها
نزلت تنتظره
فجأه دق الباب وراحت فتحت له
دلال ابتسمت :خالد كيفك
خالد :تمام
دلال طلعت من وراها اللي يغطي العين ( والله مدري وش اسمه ذاك اللي ينحط وقت النوم عرفتوا 😭😭 )
مدته له :عادي تلبسه
خالد اخذه من يدها ولبسه
دلال مسكت يده :لا تشوف تعال معي
وصلوا الصاله و كانت اصايل توثق كل شي بالكاميرا الصغيره
دلال طولت نفسها و شالتها من عينه
خالد :وشو هذا
دلال :عرفنا جنس البيبي وقلنا نسوي لك سبرايز
خالد :انتي عرفتيه؟
دلال :لا
مدت له دبوس :افقع البالونه السوداء ونشوف وشو
خالد راح للبالونه بتوتر ومد يده بيفقعها واخيرًا دخل الدبوس و طلع لون ...
-----------------------------------------------------------------

-إنتهى-
شكككرًا وصلنا الف مشاهده احبكم ❤❤
مره فرحانه مو عارفه كيف اوفيكم حقكم
الله يسعدكم جميعًا 💗
آسفه على التأخير لكن حصلت ظروف و اضطريت اختفي
ان شاء الله يكون آخر إختفاء و بنزل على طول لو مداني❤