لقيتك صدفةّ ويا محاسن هالصدفّ.

-الجُزء ٣٨-

عند البنات
كانوا جالسين مع بعض ويسولفوا حرفيًا بكل شي
الشادن بطفش: بنات شرايكم نطلع طلعه بناتيه فقط
جوليا: فين؟
الشادن: اي مكان الا المول
جوليا ضحكت: حفظنا المولات اللي هنا كلها
الشادن ضحكت: وربيي
اصايل وجيلان جايوا وجلسوا معهم
واصايل كانت تناظر جوليا بنظرات حقد
وجوليا المسكينه ماتدري عن شي
اصايل: بنات جاء ببالي فجأه سؤال وقلت اسألكم
البنات ناظروها
اصايل رمت شعرها: لو كنتي تحبين واحد و هذا الواحد طلع يحب غيرك وش بتسوين؟
البنات ناظروا بعض بإستغراب من سؤالها
اصايل بللت شفتها: جاوبوا
الشادن: عاد عن نفسي مابخليه دامني احبه باخذه لو ايش
البنات بردود مختلفه:صح،اتفق،حتى انا
اصايل: طيب حتى لو هو مايبيك؟
الشادن بغرور: محد مايبيني الكل يتمناني
اليس:عاد اهم شي انا احبه لو جرب سواها بذبحه ويشوف
المى واغاريد:اتفق معها
اصايل ضحكت:انتوا برا السؤال
جوليا: انا اعترض
اصايل ناظرتها بحقد: وش اعتراضك؟!
جوليا: لو انه يحبها بسحب نفسي من بينهم
اصايل ضحكت بإستهزاء: زي يوم سحبتي نفسك يوم جحدك راكان؟
جوليا ناظرتها: عن اذنكم
قامت وراحت
جيلان لأصايل: اصايل خير شفيك!!
الشادن: وش سويتي!!!
المى: حرام عليك!!
جيلان: انا قلت لك اسمها بس ما قلت لك تحقدين عليها
الشادن: دقيقه شدخل مافهمت
جيلان ضربت جبهتها: ولا شي
الشادن: جيلان احنا خوات اي شي يضرها يضرنا ممكن تقولين لنا؟؟
جيلان سكرت عينها: عمتي ام اصيل تبي تخطب جوليا لأصيل
فتحوا عينهم بصدمه
الشادن: عشان كذا انتي غرتي و ذكرتيها براكان!
اصايل: لا والله حطي نفسك بمكاني بعدين ما غرت ترا
الشادن: وش يبرر موقفك ماصدقنا البنت تطلع من موجة الكئآبه وتجتمع معها
كملت وهي تهز راسها بأسف: صدقيني ما تدري انو امي تبيها لاخوي
قامت و راحت تدور على الشادن
سمعت خلف البيت صوت شهاق
جات بتروح بس قبل ما تروح لمعت ببالها فكره خبيثه وابتسمت بشر
الشادن: جوليا سامحيني
راحت لجهة الرجال ودقت الباب وطلع لها عنان
الشادن مسكته: عنوني حبيبي اخوي
عنان: شتبين
الشادن: ناد لي راكان
عنان تكتف: وش تبين فيه
الشادن: امانه ابيه مابطلع له كذا بكلمه بيننا باب
عنان دخل: راكان تعال شوي ابيك
راكان وقف وراه: شفيك؟
عنان: اختي الشادن تبيك
راكان: الشادن!! غريبه وش تبي
عنان: مدري
راكان راح لها وهو صاد: هلا الشادن امريني
الشادن: راكان جوليا خلف البيت تبكي
راكان فز وناظرها: ايش ليه!
الشادن: اصايل قطت عليها كلمه وذكرتها فيك عمومًا سالفه مو مهمه لو تببي تراضيها روح تلاقيها هناك
راكان سحب عليها وراح خلف البيت
،،،
كل مايقترب يسمع صوت شهاقها و يعوره قلبه اكثر
تماسك و اقترب اكثر واكثر الين صار وراها
كانت معطيته ظهرها وتبكي بحرقه
راكان بداخله: هذا كله عشاني😫😫
اقترب لها و اخذها بحضنه
جوليا بعدتبعده ومسحت دموعها بقوه: وش تسوي هنا وليه ضميتني مين سمح لك
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند الامهات
كانوا جالسين مع بعض ويسولفوا عن فلانه و فلانه
ام الفيصل: وش صار على سالفة خطوبة عيالنا؟
ام رامي هزت راسها بأسى: اختاروا اللي يبونهم بس المشكله يقولوا مو الحين وبدري عالزواج و رامي عمره بيصك الاربعين
ام اصيل: نفس اصيل وعنان كلمتهم محد يبي الزواج منهم
ام الفيصل ابتسمت: خطبت لـ الفيصل
الكل بردود مختلفه: مبروك الله يتمم عليهم الله يخليهم لبعض الله يسعدهم
ام الفيصل بابتسامه: امين عقبال عيالكم
الكل: امين
بعد زمن من الوقت جاهم ندآء انو العشاء خلص وراحوا بتعشوا..
جلسوا كلهم بإستثناءجوليا
اصايل حست بتأنيب الضمير والتفتت لشادن: فين جوليا
الشادن بدون نفس: خلف البيت
وقفت اصايل و راحت خلف البيت وحصلت جوليا و راكان مع بعض و ماسكين يد بعض ويسولفون
ابتسمت براحه و راحت ترجع بس استوقفها صوت..
.... : اصايل
جمدت بمكانها و التفتت وشافته
اصايل: هلا؟
اصيل: ليه ماتتعشين
اصايل: بروح الحين بس كنت اشوف جوليا
جات بتروح بس وقفت و لفت عليه
اصيل: شفيك؟
اصايل جات قدامه على طول وناظرت عينه: تحبها؟
اصيل: مين هي
اصايل سكرت عينها: جوليا
اصيل: شدخل
اصايل: هيا اقنعني انك ماتحبها
اصيل: اصايل وش تخربطين انتي ما احبها خير
اصايل فتحت عينها: لايشيخ اول شي تدخل غرفتها وتشوف صورها من وهي صغيره وتفتش باغراضها بعدين اسمع انو امك كانت بتخطبها لك!!!
اصيل قاطعها: تغارين؟
اصايل سكتت شوي: مين قال
اصيل بنفس نبرتها: مقهوره بكلامك و رحتي خليتي جوليا تبكي لأنك سمعتي انو امي كانت بتخطبها والحين تحاولين تقنعيني انو انا اللي ابيها مو امي تبيها لي
اصايل بلا شعور وبقهر: اي اغار
استوعبت اللي قالته وحطت يدها على فمها: ايش
اصيل نزل لمستواها وقبل خدها
ابتسمت و لفت بترجع
اصيل: اصايل
لفت عليه: عيوني
اصيل ابتسم: تبين الصراحه
تقدمت له: وشو
اصيل: حتى انا اغار عليك
عقدت حواجبها بعدم فهم
اصيل: ليتك شفتيني وانا اهاوش ماجد بغيت اذبحه لولا ستر ربي
اصايل: ليه؟
اصيل: لان مابي احد يشوفك غيري
اصايل نزلت راسها بإبتسامه
رفعت راسها: اكيد افتقدوني لازم اروح
اصيل: انتبهي لك
اصايل: ابشر وانت كمان
اصيل هز راسه
راح كل واحد بجهه
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
بعد اقل من اسبوع و هو يوم شوفة الـفـيـصـل و جـيـلان
كانت بغرفتها تهز رجلها بتوتر شديد
على انو الفيصل شافها اكثر من مره لكن لا التوتر لسه
حاولت تهدي نفسها وانها شوفه و خلاص بس يشوفها وترجع
اخذت نفس
ما مداها تطلعه الا ودخلت الشادن بدفاشه
جيلان فزت بقوه: شفييك
الشادن وهي تاخذ نفس: جايين البسي
جيلان وقفت: ايش ليه محد قال لي
الشادن: عاد انتي ماطلعتي من غرفتك من امس كيف نقولك
جيلان بتوتر: فيه شي اسمه تدقين
الشادن هزت يدها: خلاص حلاص انتي البسي و اذا تحتاجين مساعده في الميك اب قولي لي
جيلان هزت راسها و طلعت الشادن
راحت سطرت الباب بالمفتاح و فتحت الدولاب
طلعت الفستان اللي بتلبسه و كان جميييلللل جدًا
رمته عالسرير
وفكت ملابسها وبسرعه لبسته
هذا هو الفستان..