لقيتك صدفةّ ويا محاسن هالصدفّ.

-الجُزء ٦٦-

بغرفة نوره
قبضت يدها بقوه شديده و ضربتها على المكتب و انكسر
صارخت:اطلع برااا
قبل لحظات
كانت مروقه وتشرب قهوتها وتغني
وقفت قدام المرايه وهي ترتشف من قهوتها
دق الباب
نوره:مين
دخل حارسها راشد
نوره التفتت له:هلا
راشد فهى فيها و فتح فمه لأول مره يشوفها كذا
كانت لابسه بلوزه كت ماسكه و ورديه و شورت اسود يوصل لبداية فخذها فقط و فاتحه شعرها اللي يوصل لنص ظهرها
نوره عقدت حواجبها و صفقت بيدها:وين طرت
راشد عدل وقفته :معك موجود
تنحنح :اللي صار انو تارلا اهلها عرفوا انو الصور مفبركه
نرجع للواقع..
طلع راشد و جلست على مقعدها بقوه :الله يحرقك يا تارلا توي كنت مروقه خربتي جوي
اخذت نفس عميق وهي تحاول تهدي نفسها
حطت يدها على راسها و ضحكت بشر:اييوه اعرف كيف اطيحك يا تارلا انتي و عنان
ضحكت على فكرتها اللي ممكن انها تعرض حياتها و حياتهم بخطر لكن ما اهتمت لأن للأسف الحقد اعمى عيونها وفكرت بالخطه بدون ما تفكر بنتايجها

——————————————————————

ببيت ابو رامي
على نفس حالتهم من ايام محد يطلع من غرفته الا لدوامه اما بالنسبه لتارلا ما طلعت ابدًا

بغرفة تارلا
اللي على نفس وضعيتها من ايام ضامه رجلها لصدرها و تناظر بالفراغ
دق الباب
ما ردت ..
فجأه فتح الباب و دخل عزيز
تارلا ناظرته لثواني و ناظرت الارض
عزيز دخل الغرفه و جلس امامها
تارلا ما ناظرته ابدًا
عزيز:تارلا انا حبـ..
قاطعته:اللي صار صار لا تفتح معي الموضوع
عزير مسح وجهها:تعالي البسي نطلع
تارلا:مالي نفس
عزيز:انا لي نفس
تارلا :فينهم؟
عزيز:مين هم
تارلا سكرت عيونها:ابوك و اخوك
عزيز:ماينفع تراه ابوك نفس ما هو ابوي
ضحكت:تحسبني ماسمعته وهو يقول متبري مني؟
عزيز بلع ريقه :طلعوا
تارلا:وين ناوي توديني
عزيز:اي مكان اهم شي نطلع
تارلا وقفت:انتظرني البس و اجيك
ابتسم:بالصاله انا
هزت راسها و طلعت ملابس و دخلت للحمام
فتحت المويه و عبت البانيو
اول ما تعبى دخلته و انسدحت بالبانيو وهي تناظر السقف بألم
ناظرت جسمها وهي تتحسس الأماكن اللي فيها آثار من ضربهم لها
بلا شعور نزلت دمعه حاااره على خدها
دخلت راسها بالمويه تحت و طولت لين نفسها انكتم و طلعت راسها :اخ يا رب اجبر بخاطري و انتقم من اللي كان السبب
مسحت دموعها و كملت الشاور و طلعت وهي لابسه بلوزه سماويه و جينز ابيض
مشطت شعرها وهي تحط من كريماتها و زيوتها
ناظرت نفسها بالمرايه :بعد هاليوم بيصير تغيير كبيييير في شخصيتك لا تسمحين لأحد يقلل منك او يغلط عليك او يستفزك
ابتسمت :تم
رشت من عطرها المفضل و انتشرت ريحته بالغرفه
اخذت نفس عميق :الله
راحت لدولاب عباياتها و مسكت عبايتها الرماديه و لبستها
وقفت امام المرايه وهي تعدل حجابها
ضربت جبهتها بخفه:نسيت الميك اب
حطت كونسيلر لتخفي هالاتها و الكدمات البسيطه بيدها و وجهها (انصحكم بكونسيلر تارت مره حلو يخلي وجهك لون واحد)
حطت مسكرا و بلاشر و اختتمت الميك اب بقلوس وردي خفيييف
ابتسمت على شكلها
قبلت المرايه:ماشاءالله بعد كل اللي مريتي فيه تجنني
اخذت نظره سريعه لشنطتها تتاكد انو كل شي معها
نزلت و شافت رامي بطريقها
طنشته من شافته يناظرها
رامي:تارلا
تارلا :عزيز يلا نطلع
عزيز وقف وهو يناظرهم
رامي مسك ذراعها بقوه:اكلمك انا
دفته بقوه:نعم
مسك ياقتها وثبتها عالجدار:تحترميني فاهمه؟
عزيز تقدم و دف رامي بقوه:بعد عنها
رامي دف عزيز بقوه
عزيز تقدم و دف رامي و ضم تارلا بقوه ومسح على راسها:مو رجال اللي يمد يده على بنت
تارلا بعدت عنه و طلعت من البيت
عزيز رفع اصبعه بوجه رامي بتهديد:تقرب منها مره ثانيه تلقاني انا قدامك ما التفت اقول انك اخوي الكبير ولا شي فاهم
مشى من جنبه وهو متعمد يصقع كتفه بقوه و طلع من البيت وهو يشوف تارلا بالسياره وتناظر الفراااغ
ركب السياره و محد تكلم ابد