لقيتك صدفةّ ويا محاسن هالصدفّ.

-الجُزء التاسع و العشرين-

عند اليس و سليمان
رجعوا للفندق بتعب و رمت نفسها عالكنبه وهي تعبانه بشكل كبير
جلس جنبها
لفت عليه بغضب :ليه تختار مجلس الرجال كنباته خضراء
سليمان :انتي ليه تخلين غرفتنا ذهبيه
اليس :يعني لون ابيض يجي معاه ذهبي انت وش تبي
سليمان :عاجبني الاخضر
اليس عقدت حواجبها بغضب :اخضر لو انك حاطها في مجلس النساء اهون
سليمان :خلاص بغيره
ابتسمت :وش بتخليه
سليمان :ذهبي وسماوي
حرك يده باتجاهها :فيه لون ببالي
كمل :كل شي بيكون تفصيل
اليس فتحت عينها :لا ابي جاهز
تكتف :وليه
اليس :يكلف مره التفصيل ويطول
سليمان :خلاص عشانك بس
اليس ابتسمت
نطقت بذهول :تخيل جاء في بالي حركه حلوه نسويها في السطح بتصير حلوه
سليمان :وش
اليس تربعت :شوف الحين صح السطح كبير الحين بنخلي فيه جلسه وفيه شكل معين في بالي وانا بسويه امانه
سليمان :تمام
كمل بسرعه :لازم نخلص البيت هذي الثلاث اشهر
فتحت فمها :مابيمدينا
سليمان :الا
بدأ يعدد باصابعه :خلصنا المطبخ و الحمامات و هذي بتخلص في اسبوعين عالاقل
والباقي نكمل من بكره
اليس :تمام
سليمان رفع راسه بتعب :يوه من بكره ببدأ شغل
اليس :مو خذيت اجازه
سليمان :خلصت
اليس ربتت على اكتافه :الله يعينك
سليمان :امين امين
اليس راحت للغرفه :يلا انا بتروش وانام
سليمان :عافيه
اليس وهي تسكر الباب :يعافيك
تروشت عالسريع ولبست بجامه بنيه وعليها دبدوب لطييف
خرجت من الحمام تكرمون و دخل بعدها سليمان وتروش عالسريع ولبس بجامه رماديه وطلع
شافها نايمه وتقدم للسرير وانسدح جنبها
حس فيها جالسه تقترب منه وحضنته
فتح عينه بهمس :الحين بتسوي سالفه لو قامت
اليس ابتسمت
همست له :صاحيه انا طيب
لف ناظرها :غريبه انتي تحضنيني
اليس :زوجي و بكيفي متى ما ابي احضنه احضنه
ابتسم ولف بجسمه عليها و دخلها بحضنه وناموا اثنينهم
-----------------------------------------------------------------
عند عنان وامه وابوه واخته
نايف تقدم له :عنان
عنان :اي عنان
نايف تقدم وضمه بحراره
عنان احترامًا له باس راسه
توجه لجيلان :انتي اختي الحين
جيلان وقفت وكان باين فرق الطول
هزت راسها :هذا اللي يقولونه
عنان ضمها بقوه وهي بكت بحضنه
تسريع الوقت
راحوا للجلسه الخلفيه
نايف اخيرًا تكلم :قبل اكثر من ٢٣ سنه تزوجت امكم و كان زواجنا بالسر
عنان وجه نظره لأمه اللي كانت تناظر الأرض بحزن
نايف :كنا مخططين انها ماتحمل بكن قدر ربي وجابت عنان وفرحنا فيه و بعدها بسنتين حملت في جيلان
جيلان :يبه يعني ماكنت تبيني؟
نايف هز راسه :بالعكس يوم دريت انك بنت لفيت العالم كله ادور عليها عشان اعدل غلطتي لكن قدر ربي ولا لقيتها الا بفضل تارلا
حنان ناظرت نايف :يعني الحين تارلا تصير
قاطعها نايف :بنت اخوي
ابتسمت وهي مخططه ببالها تزوج عنان وتارلا
جيلان ناظرت حنان :ليه رميتيني بالميتم
حنان :قلت لك ياحبيبتي لا تكسرين قلبي
كملت وهي بدأت تدمع :والله ثم والله اني يوم تحسنت حالتنا انا وعنان اننا ماخلينا ميتم مادورناك فيه ولا لقيناك
جيلان وقفت وراحت لها وضمتها ببكى
وقف نايف وضمهم الثلاثه
مد يده لعنان وفعلًا جاء و صاروا الأربعه ضامين بعض
ابتعدت حنان عن نايف
نايف مسك يدها :ترجعين وننسى اللي فات
سحبت يدها بخفه :ارجع و اسامح لكن ما انسى
نايف :راضي اهم شي تكونين معاي انتي وعيالي
رفعت حاجب :زوجتك وعيالك؟
نايف دق على الشادن
الشادن :هلا يبه
نايف :تعالي انتي و اصيل و ميرال وامك
الشادن :ابشر يبه
سكرت و راحت لميرال وقالت لها ونزلوا مع امهم
الشادن دقت على اصيل :تعال ورا البيت بسرعه ابوي يبيك
راحوا و شافوا ولد غريب و بنت غريبه
الشادن شهقت بصوت عالي ولفت وحطت الشال على راسها
نايف :شادن شفيك
الشادن :يبه مين ذا
نايف :اخوك و زوجة ابوك
الشادن وجهت نظرها لعنان و انصدمت
فتحت فمها :يعني ذا اخوي
نايف :اي
الشادن بلا وعي :يعني ذا الحلو اقدر اضمه حلال
ضحك الكل و هي ابتسمت بفشله
تقدمت لزوجة ابوها وسلمت عليها و راحت ضمت اخوها
سوت نفس الشي ميرال
اما بالنسبه لأمهم توجهت لحنان وسلمت عليها بهدوء
الكل كان منصدم شلون قدرت تتماسك وتسلم عليها
راحت ام اصيل لعنان وسلم عليها وحب راسها
فجأه جاء اصيل :هلا يبه
نايف :اخوك عنان و زوجة ابوك حنان
اصيل ناظر عنان وانصدم !
نفسه المستشار
راح له و سلم عليه بحراره
اصيل :كيفك يا اخوي
عنان ابتسم :الحمدلله انت كيفك
اصيل :الحمدلله
راح لحنان وسلم عليها وحب راسها
حنان ابتسمت
-----------------------------------------------------------------
عند اغاريد وماجد
اغاريد رفعت يدها بتهديد :بسقطه