لقيتك صدفةّ ويا محاسن هالصدفّ.

-الجُزء اثنان و عشرين-

عند اصيل
دقت عليه الشادن وقال له يجيهم
لبس عالسريع و راح يستناهم ورا الفندق
شاف بنت تبكي والواضح انها منهااره و جدًا
ماقدر يشوفها بهالشكل ونزل من سيارته وتوجه لها
اصيل :لو سمحتي تحتاجين مساعده
البنت شافته وزاد بكائها جدًا
اصيل جلس جنبها :لو فيك شي قولي لي
البنت بشهاق :بقول لك بس لا تفهمني غلط
اصيل بإهتمام :قولي وصدقيني بساعدك لو اقدر
البنت مسحت دموعها ولفت عليه :شفت ذا اللي بيتزوج
اصيل :ايه ماجد شفيه
البنت ارتجفت :كان يهددني بصوري
اصيل فتح عينه :كيف كذا
البنت حكت له السالفه
اصيل شد بقبضة يده ومسك على يدها :ماعليك اساعدك ان شاء الله
البنت ابتسمت وضمته بأقوى ما عندها
اصيل ابتسم وشد عليها
البنت استوعبت وقامت :اسفه
اصيل :لا عادي
اصيل كمل : وش اسمك
البنت :اصآيل وانت
اصيل ضحك :وش ذي الصدفه
اصايل ناظرته بإستغراب
اصيل :انا اصيل
اصايل ضحكت بهدوء
اصيل :تعالي ارجعك بيتك؟
اصايل :لا شكرًا بكلم السواق يجي ياخذني
اصيل :تمام انتبهي على نفسك
اصايل :وانت كمان
اصيل لف عليها ومد جواله :اكتبي سنابك عشان ما اضيعك
اصايل كتبت سنابها وعطته الجوال
اصيل :يلا مع السلامه
اصايل :مع السلامه
اصيل راح و ركبوا خواته و وصلوا البيت
انسدح عالسرير وجاته قبول اضافه من اصايل
اصيل :هلا نورتي
اصايل :نورك
---------------------------------------------------------
عند اليس
دقت على سليمان وقالت له يجي وبعد مرور الوقت دق جوالها وكان المتصل سليمان
اليس :وصلت؟
سليمان ببرود :انا برا
سكر قبل ما يسمع ردها وهنا اليس عرفت انه زعل منها من اخر لقاء لهم
تنهدت ولبست عبايتها و ودعت البنات و طلعت
ركبت السياره :ليه تسكر في وجهي
سليمان كان ساكت ولا كأنها موجوده
وصلوا الفندق ونزلوا و سليمان سكر  باب السياره بقوه
اليس بهمس :لحول ذا وش يرضيه الحين
دخلوا جناحهم و سليمان راح متجه للغرفه
اليس مسكته من وراه :سلسمان بقولك شي
سليمان لف عليها وهو ساكت
اليس مسكت اصابعها بتوتر :اسمع شسمه
سليمان ناظرها بطفش
اليس سكتت
سليمان :كملي؟
اليس تقدمت بسرعه وضمته بقوه :آسفه
سليمان ابتسم لكن اخفى ابتسامته بسرعه وكان يبي يبادلها هالضمه بس فيه شي منعه
اليس استغربت انه ما عبرها حتى وبعدت عنه بهدوء
سليمان كان اسرع منها و ضمها
اليس ابتسمت و شدت عليه
بعد دقآئق بعدت عنه :اكلت؟
سليمان :لا
اليس شهقت :ليه
سليمان :اكل وانتي مو معي؟
اليس :يوه خلاص خلك انا بطلب اكل
سليمان :اطلبي لي معك
اليس ناظرته :صاحي انت انا بطلب عشانك
سليمان ضحك :تمام تمام
دخلت الغرفه و سكرت الباب وطلعت بجامه ورديه و عليها دبدوب صغير
دخلت الحمام تكرمون و تروشت عالسريع وطلعت لبست بجامتها و وقفت عالمرايه تجفف شعرها وحطت من كريماتها
مسكت شعرها :يوه طول مره شكلي بقصه
سليمان دخل من سمعها تقول كذا و توجه لها وصار وراها على طول وبدأ يلعب بشعرها :سمعتك تقولين بتقصينه
اليس :اي شوف طول
سليمان :لا تقصينه
اليس :وليه
سليمان :عاجبني كذا
اليس :والله؟
سليمان :اي
اليس :خلاص مابقص
استوعبت وش قالت وفتحت عينها
بتصريفه :الاكل وصل؟؟
سليمان ضحك :اي وصل
اليس مسكت يده وتوجهت للباب :يلا اجل
---------------------------------------------------------
عند جوليا
اخيرًا بعد ما فضى الفندق قررت ترجع امها رجعت الكل ما باقي الا هي
كانت بتدق على ماجد بس وش هالغباء ماجد مع زوجته
دورت في الاتصالات على احد تدق عليه و بعد طلعة الروح قررت تدق على راكان
ضغطت على رقمه وجاه رده بثواني
راكان :هلا بالقاطعين هلا وينك من زمان ما تدقين
جوليا تفشلت وجدًا يعني من زمان ماترد وفجاه تقول وصلني
جوليا :هلا فيك
راكان :رجعتي؟
جوليا :لا وانت
راكان :لا مشغول مع الشياب
جوليا ضحكت بهدوء
راكان فهى :ياجعلننييي
جوليا ابتسمت
راكان :الا اقولك تعالي ورا الفندق
جوليا :وليه
راكان :تعالي تعالي
جوليا :تمام جايه
راحت ورا الفندق و شافت ظهره واقتربت منه ومسكته من كتفه
راكان فز وجاته قشعريره من حس بيد تمسكه
لف وشاف ملاك وراه
فتح عينه :ماشاءالله
جوليا ابتسمت :شفيك
راكان مسكها :انتي متأكده بشر؟
جوليا :راكان اي شفيك
راكان باس خدها :ليه كذا مره حلوه
جوليا استحت ونزلت راسها
راكان :فدييت اللي يستحون
تقدم لها وضمها :اشتقنا
جوليا بادلته الحضن :اكثر
راكان ابتسم
كمل :تجهزتي
جوليا استغربت :حق ايش
راكان رفع حواجبه :حق الخبر
جوليا :اي اي تجهزت
راكان :ترا انلغت السفره صارت بعد ثلاث ايام
جوليا :وليه
راكان بكذب :مدري بس انه ثلاث ايام يعني
جوليا :انت الغيتها صح
راكان :واللهِ شوفي عاد انا ابي اسافر بدري خصوصًا معك وقلت اقدم هالسفره
جوليا :اهاا
راكان :فيه شي بسويه مره حلو اول ما نرجع
جوليا بفضول :وش بتسوي
راكان :سر و سبرايز
جوليا :وشو يخي حمستني
راكان :مدري مدري
جوليا بتمثيل :اصلًا ما همني
راكان ضحك :واضح ماهمك
جوليا ابتسمت :شوف السماء حلوه
راكان :بس القمر مو في السماء جنبي هو
جوليا ضحكت بخجل
راكان :عاد جد اول مره اشوف قمرين
جوليا :انت الثالث
راكان :واي فديتهم اللي يغازلون
جوليا ابتسمت وناظرت الأرض
تذكرت ليه دقت عليه وفزت :راكان
راكان :عيونه
جوليا :يخليهم لك ،مشغول بعد شوي؟
راكان :لا ليه
جوليا بتوتر :مافي احد يوديني وقلت توصلني بطريقك
راكان :تم
جوليا ابتسمت :مشكور
راكان :وااجبي
جوليا :يلا انا بروح تبي شي
راكان :سلامتك
جوليا راحت ولبست عبايتها وشالت اغراضها عالسريع و طلعت تنتظر راكان
---------------------------------------------------------
عند المى
كانت تشوف سلطان يجي ويروح بس كانت تحاول تتجاهله قد ماتقدر اللي سواه فيها مو قليل ابد
فجاه دق الباب و خرجت من خيالها
المى :مين
دخل سلطان و بمجرد ما لمحت انه هو لفت وجهها عالجهه الثانيه وشغلت نفسها
سلطان :المى
المى لفت عليه وشافت بيده عزام
شهقت بفرحه و حاولت تقوم من السرير
سلطان :خليك انا بجيبه
المى طنشته و كملت محاوله بس ماقدرت تمشي
تقدم لها سلطان و مد عزام اخذته من يد سلطان وبدأت تضمه وتبوسه وهي تدمع
وعزام كان يحضنها بقوه كأنه مايبي يفكها
كانت المى متجاهله وجود سلطان قدامها على طول وسلطان مد يده ومررها على خدها
المى حطت عزام فوق السرير ولفت على لسلطان :لو يجي على بالك تمسكني مره ثانيه يدك بكسرها لك
سلطان رفع حواجبه
المى طنشته ولفت تلعب عزام
سلطان راح لأقرب كنبه من السرير وجلس
سلطان :المى سامحيني خلاص اعتذرت كثير
المى :ما يفيد الندم ولا الأعتذارات
سلطان مسح وجهه بقلة صبر :لحظة غضب افهميني
المى ضحكت بإستهزاء :عند مين كنت هذيك الليله؟ روح لها افضل تستناك اكيد دامك فضلتها علي
سلطان عدل جلسته :ياحبيبتي افهميني
قاطعته بحده :مو حبيبتك
سلطان جاء بيتكلم و قاطعه دق الباب
سلطان :تفضل
المى ناظرته :بجيح وقح
دخلت ام المى وركضت لها وضمتها بشوق
المى بكت :يمه
ام المى ببكى :عيونها
المى كانت ضامه امها وتبكي بأعلى صوت
ام المى مسحت على راسها :خلاص ياعمري انتي
المى بعدت عن امها وباست راسها
ام المى :سامحيني يا قلبي
المى :مسامحتك يمه من زمان
دخل ابو المى وسلمت النى على راسه و جلسوا كلهم
ابو المى :كلمني سلطان وعلمني بالسالفه و اتمنى تسامحينه و تنسين اللي فات لأن هو الصح ومالك داعي تزعلين
المى فتحت عينها :حتى انت يبه
تدري وش سوا فيني!! جاني البيت وهو سكران تعرف وشو يعني سكران وفوق ذا رقبته عليها اشياء و فوق هذا يوم واجهته قام ضربني وسويت عمليه بسببه
ابو المى :انتي تعرفين وش فيه؟
المى :ماعرف ولا ابي اعرف
ابو المى :يابنتي صدقيني بتندمين
المى :يبه لو سمحت سكر الموضوع انا قلت اللي عندي
ابو المى :براحتك
المى سكتت وكملت تلعب عزام
ام المى حملت عزام :وش اسمه
المى :عزام
ام المى ابتسمت ولعبت عزام
سلطان :خالتي عزام يشبهني ولا يشبه المى
المى بتحشير :لو كان ولدك قول كذا
سلطان :ولدي مو ولدك
المى عطته نظره
فجاه دق الباب و دخلت الدكتوره
الدكتوره :المى كيفك اليوم
المى ابتسمت :الحمدلله
الدكتوره قلبت في الملف اللي في يدها :اللي موجود هنا في الملف انك كنتي مسويه تحاليل لأن ظنك كان انك عقيم صح؟
المى بخجل :اي
الدكتوره ابتسمت :ابشرك بعد التحاليل اللي سويناها مافيه مشكله فيك وتقدرين تنجبين
المى فتحت عينها :كيف كذا
الدكتوره :الضرر كان على منطقة الرحم و يوم اجرينا العمليه الحمدلله ربي شاء انو هالشي يروح منك
المى سكرت فمها و بدأت تدمع :الحمدلله
سلطان فرح بس مابين
ام المى ضمت المى وهي تضحك
---------------------------------------------------------
عند اغاريد قامت من نومها و راحت للحمام وخلصت امورها وطلعت راحت للصاله وشافت ماجد نايم عالكنبه و الواضح انه تعباان وجدًا راحت له ومسكت كتفه :ماجد
ماجد فز وشهق بقوه وناظرها
اغاريد :بسم الله عليك
ماجد :شفيك
اغاريد :صباح الخير يلا قوم
ماجد :صباح النور
قام وراح للحمام وخلص اموره و طلع صلى اللي فاته
راح لأغاريد اللي كانت جالسه وضامه رجولها لبطنها وتناظر التلفزيون
ماجد :رحلتنا بعد اربع ساعات
اغاريد ناظرته :بروح لأهلي
ماجد :اي اكيد بنروح لاهلي واهلك
اغاريد وقفت وراحت الغرفه ولبست فستان طويل اخضر لنص الساق و كم طويل وربطت شعرها وطلعت خصلتين و حطت ميك اب خفيف و ختمته بقلوس بلون احمر خفيف
ناظرت شكلها بالمرايه وابتسمت تعطرت من عطرها المفضل (ايف سان لوران)
طلعت وراحت لماجد :انا خلصت يلا رح اجهز
ماجد ناظرها وابتسم
اغاريد ابتسمت له و بثواني كشرت ولفت عالجهه الثانيه
ماجد تنهد وقام راح لبس ثوبه وشماغه و عط من عطره (بلو ديل شانيل)
طلع واغاريد كانت لافه لكنها شمت ريحة عطره وسكرت عينها بإعجاب
استوعبت ولفت عليه ببرود :يلا نطلع
ماجد :يلا
اغاريد انتبهت لياقته اللي ماكانت كويسه و يدها حكتها تبي تسويها
تقدمت له وصارت امامه وعلى انها لابسه كعبها لكن فرق الطول واضح
عدلت ياقته و سكرتها من فوق
ماجد بلع ريقه بتوتر منها فجاه لفت وتسوي له ياقته
بعدت عنه خطوتين ولفت لبست عبايتها و تحجبت وتقدمت للباب
ماجد كح
لفت عليه بإستغراب
ماجد :غطي وجهك
اغاريد ماتبي تتناقش معاه غطت وجهها وسبقته وطلعت
ركبوا السياره
اغاريد وهي توجه مكيف السياره على جهتها :روح بيت اهلي اول
ماجد :ان شاء الله
اغاريد لفت عالقزاز وهي كارهه وجوده و جدًا
بعد دقآئق وصلوا بيت اهل اغاريد
اغاريد دقت الجرس ودخلوا
كانوا مجتمعين في الصاله كلهم
دخلت اغاريد وسلمت عليهم وبعدها ماجد وسلم عليهم
اغاريد فكت عبايتها وجلست جنب ماجد عشان لا يشكون اهلها وحاولت تزيف ابتسامتها
راكان :كيفها عروستنا
اغاريد ابتسمت:كويسه وانتم كيفكم
راكان :كويسين
كمل :ماتوقعت اني اقولها بس وحشتيني
اغاريد :حتى انت وحشتني
راكان ابتسم
الفيصل :بشروا متى سفرتكم
ماجد :بعد اربع ساعات
ابو الفيصل :توصلون بالسلامه
اغاريد وماجد :الله يسلمك
اغاريد وقفت :انا بروح اخذ اغراضي من فوق
طلعت وجمعت اغراضها اللي كانت مجهزتها من زمان وزادت عليها اغلب بجايمها و فساتينها وبلايزها و عطورها ونزلت
جلست بين امها وابوها وبدأوا يسولفون
وقف ماجد :يلا احنا بنمشي
ابو الفيصل :توكم تجون تغدوا عالاقل
ماجد باس راسه :اعذرنا بس لازم نمر على الأهل ونسلم عليهم لأن مافي وقت
ابو الفيصل قام سلم عليه :الله معكم
اغاريد ضمت امها وابوها واخوانها وطلعت
---------------------------------------------------------
إنتهى
-1679 كلمه-
شكرًا على المشاهده
💗✨✨