لقيتك صدفةّ ويا محاسن هالصدفّ.

-الجُزء ٥٠-

اليس..
قامت من نومها وشافت سليمان موجود جنبها ونايم
زفرت: لحول ذا ليه ماراح
طنشت وجوده وتروشت وطلعت وهو صاحي و يقرأ كتاب
ناظرها: قمتي
اليس ببرود: شرايك
استغرب: وش هالنبره
اليس: مافيها شي نبرتي الظاهر اذنك اللي فيها
مشطت شعرها و فتحت الادراج عشان تنفذ الشي الأول من خطة المى الذكيه
ابتسمت بشر من وصلت للشي المطلوب
قبل ما تطلعه ربطت شعرها و طلعته و بحركه سريعه قصيت شعرها اللي كان شوي ويوصل لنهاية ظهرها والحين صار يوصل لبداية اكتافها
وقف من شاف شعرها اللي تو كان مربوط صار بيدها
ابتسمت بشر: الله
راح لها واخذ شعرها من يدها: اليييسس لييهه
اليس دفته: عاجبني لا يكون بتمنعني
مسك شعرها: كنت ابيه طويل
اليس: عشان كذا قصيته
سليمان: انتي شفيك علي
اليس: لا حبيبي مو انت تحب اللي شعورهم طويله!!
ابتسمت بشر: على فكره سلطان يحب الشعر القصير وانت تحب الشعر الطويل شرايك انا و المى نتبادل
تجمد بمكانه من كلمتها
من وين جاتها الجراءه حتى تذكر اخوه بنقاش كذا
بينما هي ماهمها طلعت من الغرفه وراحت للمطبخ سوت قهوتها وجلست قدام التلفزيون و حطت رجل على رجل وهي متأكده انه بينزل الحين
فعلًا ماكملت تفكيرها الا وهو نازل
توجه لها بغضب: وش قلتي انتي
اليس بغرور: والله عاد سمعت اللي سمعته
ناظرته من فوق لتحت: كلام الملوك لا يعاد
بدأت تلعب بشعرها بغنج وهي مطنشه وجوده
ارتشفت كوب من القهوه و حاء قدامها
خافت من شكله بس ما وضحت
من خارجها تمثل البرود وعدم الاهتمام ومن داخلها براكيييننن
نطقت ببرود: بعد ابي اشوف التلفزيون
سكره وراح
ضحكت بإستهزاء: هذا اللي قدرت تسويه
طنشها قبل لا يسوي شي يندم عليه و لبس لبس دوامه و طلع من البيت متوجه للدوام
شافته من جدار الصاله راجع واستغلت الفرصه
(طبعًا في الصاله حقتهم فيه جدار كبير هذا الجدار شفاف و مطل للحديقه)
فتحت جوالها وسوت نفسها تكلم
ابتسمت بشر من حسته وراها: اي وربي يا انه حلو انا اقولك ما تابعت المسلسل الا عشانه
ضحكت: اي حسابه بأنستا مافيه كثير يعني يمدي اكلمه واشبكه
جاء من وراها وسحب الجوال ورماه عالكنبه
وقفت وراحت لامامه: ايش تبي
سليمان: انتي اللي وش تبين وش اللي سمعته
اليس: قلتها وارجع اقولها كلام الملوك لا يعاد
سليمان: لا يعاد اجل
اليس طنشته واخذت جوالها وجات بتروح الحديقه بس استوقفها: عدلي اسلوبك معي نصيحه
اليس: وش بتسوي لو ماعدلت!!!
انت اللي المفروض تعدله اول بدال ما تتكلم عن البنات قدامي اوه اقصد بدال ما تتكلم عن اخخختتتييي قدامي وتمدحها كمان استح على وجهك تراها زوجة اخوك ترضى اخوك يتكلم عني بالطريقه هذي ولا فالح بس انت تتكلم باللي تبين و الباقين يحترمونك
سليمان: ماتوقعت تزعلين يا اليس احسب الموضوع مزح والله
اليس: معليش لكن مو عشان علاقتنا مع بعض كلها مزح يصير تتمادى وتتكلم كذا قدامي على فكره فيه فرق بين المزح و الجد خل هذا قانون بيننا ولا تنساه
طلعت لغرفتها وتركته بـ حيره كبيره
سكرت الباب بقوه لدرجة انه فز و تنهد وطلع لدوامه..
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند ميرال
دخلت غرفتها بخجل وتسندت عالباب بإبتسامة توتر
🔙🔙🔙🔙🔙
كانوا متجمعين يفطروا بإستثناء الشادن
فجأه نزلت لهم وهي تصرخ: ماتخلون الواحد ينام
عنان اللي كان يشرب قهوته طلعت من خشمه وصرخ: يمممهه
ميرال ضحكت: شفيك هذي الحاله نشوفها دايم لا تخاف بتتعود
الشادن بغضب: انطمي بس
كانت لابسه بجامتها و اكمامها معفسه و السروال في الرجل اليسار طالع فوق و كشتها طالعه فوق وعينها مفقعه و فاتحه عين و الثانيه مقفله
تقدمت لهم وجلست بمكانها
وجهت الكلام لعنان: هات نوتيلا
عنان وهو يناظرها بخوف مد النوتيلا
سحبتها من يده و دهنتها بتوسته وبدأت تاكل وهي مسنده راسها عالطاوله
ابو اصيل تنحنح: ميرال حبيبتي
ميرال تركت اللي بيده: امر يبه
ابو اصيل: ولد عمك رامي يبي الشوفه اليوم لو ماعليك امر
ابتسمت بخجل: ابشر يبه
ابو اصيل: بالخير ان شاء الله
وقفت بخجل فضيع يداهمها و راحت غرفتها
نرجع للواقع..
راحت للدولاب وفتحته وهي تناظر الفساتين بتوتر
دق الباب
ميرال: تفضل
دخلت جيلان: ميرال حبيبي تبين مساعده في شي
ميرال: جابك الله تعالي شوفي لي شي البسه
جيلان دخلت وسكرت الباب: تم
بدأت تشوف فساتينها
جيلان: اممم هذا بيطلع حلو عليك
ميرال: تمام شكرًا مرهه
جيلان: عفوًا حبيبتي
شوفي انا بطلع و انتي لو احتجتيني بأي شي لا يردك شي تمام
ميرال: ابشري ياقلبي
طلعت وسكرت الباب وراها
ميرال التفتت للفستان و علقته فوق الدولاب بحيث انها تشوفت
ابتسمت بخفه وهي تمسح على الفستان