لقيتك صدفةّ ويا محاسن هالصدفّ.

-الجُزء الثلاثين-

عند اليس
راحت تروشت عالسريع و لبست بلوزه حمراء و جينز ازرق غامق شوي
وقفت قدام المرايه وهي تدهن كريماتها وتمشط شعرها
اخيرًا خلصت وطلعت تجهز الفطور
فجأه حست بأحد وراها يضمها
ابتسمت من عرفت انه سليمان
لفت عليه وباست خده :قمت
ضحك :لا لسه نايم
ابتسمت له :يلا رح صل اللي فاتك وانا بسوي الفطور
سليمان :ابشري
فعلًا راح صلى و رجع شافها مجهزه الفطور و تنتظره
جلس و بدأ ياكل
سليمان بتلذذ :تسلم يدك
اليس :بالعافيه يقلبي
ابتسم :يعافيك
خلصوا و رفعت السفره و ساعدها سليمان و جلسوا عالكنبه
زفرت بملل :طفش
سليمان :مره
اليس مسكت يده و حطت راسها على كتفه
سليمان رفعها :اليس
اليس :عيوني
سليمان :متغيره هاليومين
كشرت بزعل :تبي ارجع نفس قبل يعني
سليمان :لا لا اكيد لا بس استغربت
اليس ابتسمت :زوجي يعني كيف تبي اعاملك مثلًا
سليمان ابتسم ومسح على راسها
اليس عدلت جلستها :سليمان
سليمان :هلا
اليس فركت يدها ببعض بتوتر :بقولك شي
سليمان :قولي
اليس :متردده شوي
سليمان :عادي قولي شفيك
اليس ناظرت يدها :لالا خلاص مو وقته
سليمان رفع فكها :قولي
اليس :تمام بقول بس بشرط
سليمان :وش شرطك
اليس :لا تناظرني
سليمان ضحك :تمام قولي
وجه نظره للتلفزيون ينتظرها تتكلم
اليس :بصراحه
مسكت وجهها بتردد :احبك
سليمان ناظرها بصدمه ما توقع تقولها
اليس ناظرته :شفيك
سليمان :حتى انا احبك
اليس ابتسمت :والله
سليمان هز راسه
اليس ناظرت يده :قد وشو
سليمان :كثر كل شيي
اليس ناظرته :بس انا اكثر
سليمان :لا انا
اليس بغضب :انااا
سليمان اقترب منها وباس شفتها بقوه
اليس بعدت بصدمه ومسكت شفتها
سليمان ضحك على شكلها
تفشلت وناظرت الأرض بابتسامه
سليمان :وه فديتهم المستحين
اليس ضربت كتفه بالخفيف :خلاص
سليمان بضحكه :لا تخليني اتهور واسويها مره ثانيه
ناظرته بسرعه :لا
ضحك على شكلها
وقفت بسرعه وراحت الغرفه وجلست عالسرير
ابتسمت وحطت يدها على شفايفها
سليمان دخل الغرفه :اليس
اليس :هلا
سليمان :تسمحين لي
اليس عقدت حواجبها
سليمان :اكون زوجك فعلًا
فهمته و ناظرت الأرض بخجل
-----------------------------------------------------------------
عند المى
صارت تقدر تمشي بس بتعرج بسييط و الحمدلله تحسنت حالتها
دقت على سلطان
و رد بنفس الثانيه
المى :سلطان ابي اشوف عزام
سلطان :ابشري
قامت و بعد مده لبست بلوزه بيضاء و سروال ابيض و حطت روج نود لطييفف طلعت جميله بشكل كبير على بساطتها
وقفت قدام المرايه وهي تمشط شعرها الطوييل و جدًا
رشت من عطرها (مشاعر)
استنشقت ريحة العطر اللي بدأت تداعب انفها
سكرت عينها بجمال ريحته و دق باب غرفتها
المى :تفضل
دخلت المساعده :مس المى زوجك تحت
ابتسمت :اوكي الحين اجي
خرجت المساعده و نزلت المى من الدرج و راحت للحوش تستقبله
لقته جالس و في حضنه عزام
ابتسمت و توجهت لهم
نادت بصوتها العذب :عزام
التفتوا سلطان و عزام بإتجاهها
عزام ضحك و نزل من حضن سلطان و توجه لها وهي نزلت نفسها و فتحت حضنها
وصل لها و ضمته بقوه كأنها تبي تحميه من ابسط الأشياء هي خايفه عليه حتى من نفسها فما بالكم باللي حوله
ابتسمت وقبلت خده بقوه
وقف قدامها سلطان
ابتسمت له و ناظرت عزام :كيفكم
سلطان :الحين تمام
ناظرته و ابتسمت بهدوء
مسك يدها :تعالي نجلس
راحوا للطاوله و جلسوا
المى ناظرته :تبي تشرب شي؟
سلطان :مويه
هزت راسها و دقت على المساعده و جابت المويه
المى مدتها :عافيه
سلطان :يعافيك
بعد مده من السكوت تقدم سلطان لها و مسك يدها :متى ناويه ترجعين
سكرت عينها و ناظرت السماء
باس كف يدها :ابيك ترجعين
هزت راسها :ان شاء الله
ابتسم :ترا السياره برا يعني بس تجيبين عبايتك و نمشي
سحبت يدها بخفه
سلطان فتح جواله و حط اغنية محمد عبده (متبريه من ذنوبكم💞)
∆∆∆∆∆∆∆∆∆∆∆∆∆∆∆∆∆∆∆∆
يا غايبة إلا عن الخافق سلام
ردي عليّ يا همسة العاشق سلام، سلام، سلام
يا غايبة إلا عن الخافق سلام، سلام، سلام
ردي عليّ يا همسة العاشق سلام، سلام، سلام