لقيتك صدفةّ ويا محاسن هالصدفّ.

- الجُزء الخامس و العشرين -

عند اغاريد و ماجد
وصلوا المطار و نزل الشنط و دخلوا
راح لكوفي واخذ قهوتين وعطاها حقتها وبدأوا يشربون
اغاريد :فين رايحين؟
ماجد :باريس بعدها لندن واذا تبين تركيا نروح لها
اغاريد هزت راسها :اوك
بعد شوي جاهم ندآء انو طيارتهم بتطير
وقف ماجد و دف عربية الشنط و دخلوا الطياره اخيرًا
اغاريد ناظرت ماجد :ابي اجي عند القزاز
ماجد وقف :تعالي
جلست عند القزاز و بعد فتره جاهم صوت الكابتن مُعلن انو الطياره بتطير بعد اقل من خمس دقايق ولازم يربطون احزمتهم
اغاريد توترت ماتعرف تربطه هي دايم يوم تسافر تخلي امها او ابوها او ماجد يربطونه بس الحين هي مع ماجد
حاولت تسويه بس ماقدرت
ماجد لف لها :ليه ماربطتي الحزام
اغاريد :ما اعرف اسويه
ماجد ضحك وسواه لها
اغاريد تكتفت :مايضحك
فجأه بدأت الطياره تطير
اغاريد انفجعت و تمسكت بكرسي ماجد وبدأت تضغط عليه بكل قوتها
فتحت عينها من حست انو الطياره صارت تطير عادي
انصدمت من شافت انها كانت ماسكه يد ماجد ويده تنزف من اظافرها
فتحت عينها وطلعت لصقه وحطتها له بسرعه
ماجد انتبه لها وابتسم من لطافتها
اغاريد لفت عالقزاز ولفت جسمها ونزلت الكرسي و نامت
بعد تقريبًا اربع ساعات قامت وشافت ماجد نايم وكأنه مو مرتاح
انتبهت انو فيه بطانيه فوقها
شالتها ورمتها على ماجد ولحفته وناظرت تلفزيون الطياره الصغير اللي موجود خلف كل كرسي
تنهدت من شافت باقي خمس ساعات
عدلت كرسيها بتعب وحطت سماعه و حطت مسلسل كل حلقه نص ساعه تقريبًا يعني اقل من عشر حلقات وهم واصلين
بعد ساعه وربع شافت الموظفات بدأوا يوزعون الأكل وخذت من عندهم و حسبت لماجد و بدأت تاكل
بعد ربع ساعه راسها وجعها ونامت
---------------------------------------------------------
عند خالد و دلال
كانت دلال قدام التسريحه تشوف ملابسها اللي بدأت تضيق عليها بسبب بطنها
انتبهت انو خالد قام وراح الحمام
بعد فتره طلع وهو يمسح وجهه بمنشفه
دلال جات قدامه :خالد
خالد ناظرها بمعنى نعم
دلال مسكت بطنها :ممكن اروح السوق؟
خالد :ليه؟
دلال :الملابس ضاقت علي
خالد بعدها وراح لغرفة الملابس ولبس بدلته وطلع
تنهدت لكن هي تعودت على اسلوبه الدآئم معها
شافته يحط من عطره ويطلع
دلال :لا حول ولا قوة الا بالله بس عالاقل ارفض قول كلمه
توجهت للتسريحه و شافت بطاقته البنكيه
يعني سمح لها تروح ابتسمت واخذتها ودخلتها بشنطتها ونزلت تاكل
شافت اصايل جالسه تفطر
جلست جنبها :صباح الخير
اصايل ابتسمت :صباح النور
دلال ناظرتها :اصايل بروح اليوم السوق تجين معي؟
اصايل ناظرتها بحماس :للبيبي ولا لك
دلال :لا لي لسه ما عرفت بنت ولا ولد
اصايل بملل :تراك في الخامس وهو تعرفين جنسه من الرابع ودي اعرف وش تنتظرين
دلال :جاتني فكره
اصايل تحمست :وش هي
دلال : ......(قالت لها الفكره)
اصايل صفقت بحماس :تم تم
دلال ضحكت :كيف بس
اصايل :وربي ماتوقعت ذا يطلع منك
دلال ابتسمت :افا عليك انا دلال
اصايل مسكت خدها :و اجمل دلال بعد
دلال ضحكت بخجل وكملت تاكل
بعد دقآئق قامت :يلا اجهزي وانا بروح اجهز
اصايل :اجي معك؟
دلال :شرايك يعني
اصايل :تمام كويس يلا
راحوا يجهزون و توجهوا للمستشفى
---------------------------------------------------------
عند سليمان واليس
قامت من نومها وشافت سليمان نايم جنبها
قامت وراحت للحمام وخلصت امورها وتوضت وطلعت صلت اللي فاتها
ناظرت سليمان اللي كان نايم
توجهت له و نطت عليه
شافته ما حس انها فوقه و غلبها النوم ونامت
قامت بعد ربع ساعه وكان سليمان طالع من الحمام وهو يمسح وجهه بمنشفه
تربعت عالسرير وبدأت تتأمله وهو يصلي
لين خلص و راح لها وجلس
ابتسم :شفيك تطالعيني كذا
اليس عقدت حواجبها و سندت راسها على صدره :مصدعه
سليمان :بسم الله عليك
اليس :سليمان
سليمان :عيونه
اليس :عادي تجيب لي حبوب صداع اسمها .....
سليمان وقف :ابشري
اليس ناظرته :الحين بتجيبها؟
سليمان :اي
اليس ابتسمت :تمام انتبه على نفسك
سليمان :ابشري من عيوني
طلع و راح جاب لها العلاج و رجع وعطاها
ذوبت الحبه و شربتها و بدأ يخف الصداع تدريجيًا
اليس وقفت وبحركه ما توقعها سليمان
ضمته وكان واضح فرق الطول بينهم و جدًا
سليمان :شفيك بسم الله
اليس :يعني حتى الضمه حرام؟
سليمان سكت
اليس بعدت :خلاص اجل
سليمان :لا لا تعالي
وضمها عدة دقآئق
بعدت :ميته طفش
سليمان :كلنا والله
اليس جاتها رساله وراحت خذت جوالها و فتحت فمها
سليمان :شفيك
اليس :امي عزمتنا
سليمان :نروح؟
اليس :تمام
سليمان :متى
اليس :بعد العصر
سليمان :الحين عصر يلا اجهزي
اليس :تمام اطلع بلبس
سليمان طلع وجلس عالكنبه
اليس راحت طلعت لها فستان هادي ولبسته
فستانها نص الساق وفيه فتحه من الفخذ لين آخر الفستان لونه ابيض منقط باسود وفيه حزام من الخصر و اكمامه قصيره
خلت شعرها مفتوح على طبيعته و رسمت حواجبها وحطت مسكرا وايلاينر وروج نود و فوقه قلوس
طلعت جمييله على بساطة ستايلها لكن كانت انيقه
طلعت للصاله و وقفت قدام سليمان
اليس بحماس :شرااايك
سليمان فتح فمه وعينه :واو
اليس شهقت :قول ماشاءالله
سليمان راح لها ومسكها من خصرها وقربها منه :ليه حلوه كذا
اليس توترت من قربه وناظرت الارض بخجل
مسك فكها و وجهه لعينها وباس خدها
اليس ابتسمت وخدها صار احمر مره
ابتعد عنها اخيرًا وراح لبس ثوبه وشماغه وحط من عطره
اليس دخلت الغرفه و اخذت عبايتها
---------------------------------------------------------
عند اهل جيلان
وصل ابوها و ام اصيل و بعدها هم وصلوا
جيلان ناظرت المكان بإنبهار شدييدد
كان مكان كبير جدًا جدًا جدًا حديقه كبيره و يتوسطه بيت كبير و كأنه قصر ومزين بطريقه كلاسيكيه
البيت مقسم ثلاث أقسام
كانت الحديقه كبيره لدرجة اللي يجيها يفرفر يضيع
كان فيه كوخ صغير يتوسط الحديقه من الجهه الاخرى دخلت الكوخ وكان فيه مسبح كبيرر وفيه عوامات في كل مكان
انبهرت من انتبهت لشاشه كبيره داخل الكوخ كأنه سينما وفيه ليتات ملونه سقف الكوخ و فيه ليتات داخل المسبح
خرجت ودخلت القصر بعد ما دخلوا اهلها
مسكت يدها الشادن :جيلان تعالي نروح اوريك غرفنا
جيلان :تمام يلا
كانت كل ما تمشي في الاستراحه اكثر كل ما تشوف اشياء مبهره اكثر
وصلوا غرفتهم اخيرًا كانت كبيره و جدًا و فيها سرر كثيره و مزينه بطريقه جميله والغرفه جدًا جمييله و فيها دولاب كبير وتسريحه جميله
دخلت بإبتسامه :اي سرير باخذ
الشادن وهي تزين شكلها :خذي اللي تبين
جيلان راحت لسرير عند النافذه وجلست عليه وهي تفك عبايتها
جيلان :ماشاءالله المكان مره حلو
الشادن :اي وربي
دخلت ميرال وفكت عبايتها وجلست عالسرير
جيلان :متى يجون الباقين
الشادن غمزت لها :الباقين ولا الفيصل
جيلان ضحكت بخجل
ميرال :اهل عمي جايين قربوا يوصلون و الباقين والله مدري
جيلان :بسألكم
ميرال والشادن ناظروها
جيلان :عندكم عمام او عمات غير عمي؟
ميرال ناظرت الارض
الشادن :اي عمه بس ماتت الله يرحمها
جيلان حطت يدها على فمها :الله يرحمها آسفه لو ذكرتكم
الشادن :لا شدعوه نسينا من زمان توفت
جيلان :الله يغفر لها
الشادن وميرال :آمين
الشادن :عندها بنت وحده و متزوجه
ناظرت ميرال بإبتسامه :تفكرين في اللي افكر فيه
ميرال ابتسمت :اي
الشادن :يلا اجل
ميرال :جيلان تجين؟
جيلان:فين
ميرال :نروح نقنع ابوي ينادون بنت عمتي
جيلان :تمام يلا
قاموا ثلاثتهم و راحوا لأبو اصيل
الشادن جلست جنب ابوها وامها :يببه
ابو اصيل :شتبين بعد
الشادن :يبه شرايك ننادي بنت عمتي
ابو اصيل :والله صح انا بكلمها واشوف
دق عليها
الشادن ضحكت :بهالسرعه
بثواني ردت
ابو اصيل :السلام عليكم
دلال :وعليكم السلام هلا عمي
ابو اصيل :كيفك بنتي دلال
دلال :تمام وانت كيفك
ابو اصيل :الحمدلله تمام
دلال :سم عمي امرني وش بغيت
ابو اصيل :والله انا و خالك نايف جينا استراحتنا ودك تجين وتجيبين اخت زوجك؟
دلال :عمي بشوف الوضع واسأل خالد واشوف
ابو اصيل :تمام تنورين
دلال ابتسمت :نورك
ابو اصيل :يلا مع السلامه
دلال :مع السلامه
سكر
ابو اصيل :تقول بتسأل خالد
الشادن :يا رب تجي
ميرال :امين
---------------------------------------------------------
عند اهل رامي
وصل عزيز في نفس الوقت اللي وصل فيه رامي وتارلا و نزلوا بنفس الوقت
تارلا سبقتهم ودخلت و طلع بوجهها اصيل
تارلا مسكت قلبها :بسم الله
اصيل عقد حواجبه :شايفه جني
تارلا طيرت عيونها ومشت
اصيل :كريهه
راح وسلم على عمه و على رامي وعزيز
تارلا سلمت على عمها وعمتها و على البنات وجلست معهم
تارلا :كيفك جيلان
جيلان :تمام الحمدلله انتي كيفك
تارلا :كويسه الحمدلله
الشادن :بنات سلمتم على عمي وزوجة عمي؟
ميرال وجيلان :لا
الشادن :يلا اجل
وقفوا و راحوا يسلمون
على زوجة عمهم و عمهم
رجعوا الغرفه
جيلان راحت طلت من القزاز وشافت سياره جايه
دققت شوي وشافته الفيصل
لفت عالبنات بإبتسامه :بنات اهل الفيصل جايوا
كملت :انا بنزل اسلم عليهم
الشادن :تمام جايين بعدك
ابتسمت ونزلت تستقبلهم
فتحت الباب وانصدمت من شافت الفيصل عند الباب
دخل وشافها
الفيصل ابتسم :هلااا
جيلان ابتسمت :نورتوا
الفيصل :اهلي في السياره
جيلان :حياهم قول لهم يجون
الفيصل :دقيقه بس
جيلان استغربت
دخل الفيصل وسحبها بسرعه لخلف البيت
جيلان فكته :شفيك وش تسوي انت
الفيصل اقترب منها وضمها بقوه :اشتقت لك
جيلان شدت عليه بخجل :حتى انا
الفيصل باس راسها
بعدت عنه و بحركه سريعه طولت نفسها وباست رقبته بسرعه وكانت بتروح
مسكها وشدها له :وش هالحركات
جيلان ناظرت عيونه :وشو
الفيصل باس طرف خدها و رقبتها
بعدت عنه :شفيك بيشوفون
الفيصل :شسوي اشتقت لك
جيلان :اهلك بيشكون روح لهم
شهقت بقوه
الفيصل :شفيك
جيلان :ريحتك صارت بعطري وانا كمان نفس الشي
الفيصل :عادي
جيلان ضحكت :تمام روح روح
راح الفيصل وهي ركضت لغرفتها بخجل
جلست عالسرير وهي مبتسمه وخدودها حمراء
الشادن ضحكت :ايوووه
جيلان ناظرتها وفهمتها وضحكت بهدوء
--------------------------------------------------------
إنتهى
-1743 كلمه-
شكرًا عالمشاهده احبكم😭💗💗