لقيتك صدفةّ ويا محاسن هالصدفّ.

-الجُزء ٣٧ -

عند جوليا..
من رجعت من استراحة ابو الشادن و ابو جيلان ونفسيتها منقلبه ١٨٠ درجه
او نقدر نقول من سالفتها مع راكان
ما تدري تتألم على البنات اللي شافتهم عنده ولا تتألم عن كلامه لها
وقفت من سريرها وسكرت المكيف ومسحت دموعها اللي انسدلت بلا شعور منها
راحت لدولابها وفتحته واخذت ملابسها
قبل ماتسكر الدولاب شافت البوكس الكبير
تنهدت بألم وضحكت على حالتها
نطقت بإستهزاء: كلا علاقاتي فاشله
سكرت الدولاب وتروشت عالسريع ولبست بلوفر اسود و سروال اسود
وقفت قدام المرايه وهي تشوف جسمها و وجهها
نزلت كذا كيلو و وجهها شااحب
رفعت حاجبها: مو لهالدرجه كيف كنت مو منتبهه، تلاقيه الحين مو داري عني وانا الغبيه ابكي وراه
دق جوالها و التفتت وراحت له وكانت جيلان المتصله
جيلان: الو جوليا
جوليا ببحه: هلا
جيلان زعلت من نبرتها : شلونك
جوليا بتزييف: تمام الحمدلله
جيلان بللت شفتها: جوليا حبيبتي شرايك امرك و نطلع؟  من زمان ماشفنا بعض
جوليا كانت بترفض بس اخذت نفس و وافقت: تمام،  فيه احد بيجي؟
جيلان: بكلم خواتي و اغاريد
شهقت: من زمان عن المى و اليس صح
جوليا: يوه اخر مره شفتهم بزواج اليس
جيلان: تمام انتي كلمي اليس والمى ونتجمع ببيتك و بعدها نروح المول
جوليا: تم
سكروا بعد ما ودعوا بعض
وقفت جوليا وراحت للدولاب ولبست بلوزه سوداء ماسكه و سروال اسود ماسك
فردت شعرها ومشطته وحطت شوي ميك اب لعل يخفي الحزن اللي على وجهها ولكن مع هذا لسه واضح الحزن بملامحها
(محاولة إخفاء الحزن اشد ألمًا من الحزن)
تنهدت بضيق لكن اقل شي حاولت
بعد ساعه وربع دق الجرس وفتحت بحماس وكانوا اليس والمى
اليس بضحكه: بووو
شهقت بقوه وضمتهم: وحشتووونيي
المى شدت عليها: حتى انتي وحشتينا اكثرر
دخلوا غرفة اغاريد وجلسوا عالكنبه
بدأوا يسولفوا شويات و انفتح الباب ودخلت جيلان و وراها الشادن وميرال
الشادن: سلام عليييكم
الكل: وعليكم السلام
سلموا على بعض
سولفوا شويات
بعدها بشوي دخلت اغاريد وهي ماسكه بطنها بتعب: جوليا يالخاينه تعزمينهم ولا تقولين لي الا متأخر
جوليا ابتسمت وسلمت عليها: انتي تأخرتي
سلموا عليها وجلسوا يسولفوا
اغاريد: بنات بقول لكم شيء
جوليا بإهتمام: وشو
اغاريد ابتسمت ومسكت بطنها: انا حامل
شهقت جوليا: كذاابه
اغاريد: والله
فرحوا وباركوا لها
جوليا صفقت: بصير عمه
اغاريد: واطلق عمه
جوليا ابتسمت لها
بعد ثواني شهقت
الشادن ناظرتها: شفيك
جوليا: ماعزمت اصايل
جيلان صفقت جبهتها: شلون نسينا
تسريع للوقت عزموا اصايل و وصلت وراحوا المول وخلصوا وكل وحده رجعت بيتها
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
بعد اسبوع وشوي..
كانت جالسه بغرفتها وتطقطق بجوالها
فجأه دق الباب
اعتدلت بجلستها: تفضل
دخلوا ابوها وامها: حبيبتي فاضيه
وقفت: اي امروني؟
تقدم ابوها بابتسامه: انتي صرتي كبيره و فاهمه و اقدر اقول لك انو تقدم لك واحد
عقدت حواجبها بغباء: مين؟
امها: الفـيـصـــل
فتحت عينها: ايش!!
ابو اصيل: ايوه خطبك الفيصل
جيلان جلست عالسرير بصدمه وفرح بنفس الوقت
امها جلست جنبها: جلو حبيبي لو ماتبين عادي ارفضيه
جيلان بتسرع: لا لا مابرفضه
ناظرت ابوها: متى الشوفه؟
ابو اصيل ضحك: بعد بكره
جيلان استوعبت ونزلت راسها بخجل:الشور شوركم
ام عنان زغرطت بفرح وضمت جيلان
دخلت الشادن وشافتهم مجتمعين: اوه سوري يلا كملوا انا بطلع
ابو اصيل: الشادن
الشادن لفت: هلا
ابو اصيل ابتسم: اختك انخطبت
الشادن صرخت وصفقت بحماس: اماااننننهههه
جايوا على صوتها اخوانها وميرال
ميرال بفزع: شفيك؟
الشادن بفرح: جلو انخطبت
ركضت لها وضمتها: مبروك يا عمري
جيلان بخجل: يبارك لك عقبالك
سلموا عليها الباقين وباركوا لها
جيلان بمزح: شفيكم تباركون ماقلت اني موافقه
اصيل فتح عينه: اييش
جيلان: امزح امزح شفيكم
دخلت ام اصيل وسلمت عليها: مبروك يا قلبي الله يتمم عليكم
جيلان: تسلمين
ام اصيل ناظرت عنان واصيل وتكتفت: شوفوا البنت اصغر منكم وانخطبت وانتوا ولا حتى خطبتوا
اصيل: يمه ما سكرنا هالموضوع؟
ام اصيل لفت عالجهه الثانيه
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
اصيل..
رجع لغرفته ودق على اصايل
ردت بسرعه: ايوه هلا
اصيل: كيفك اصايل؟
اصايل: تمام الحمدلله انت كيفك
اصيل: تمام الحمدلله
كمل: اسمعي جاهزه؟
اصايل: اي جاهزه خلاص كل شي تمام
اكيد ما تعرفوا جاهزه حق وشو
انا اقول لكم
نرجع شوي لقبل ثلاث اسابيع
كانت اصايل مع اصيل بنفس المكان وخططوا على شي اللي هو:::::
اصيل: اسمعي الحين ماجد وزوجته رجعوا
اصايل ناظرت الارض: ادري
اصيل رفع راسها: لا تنزلين راسك وانتي معاي خليه مرفوع
كمل: اذا جاء الوقت المناسب انتي اتفقي مع البنات تتجمعوا وانا بقول لامي تعزم امه و وقتها بروح بيته اراقب لين يطلع وبدخل اخذ جواله و احذف كل الصور
اصايل ابتسمت: يعطيك العافيه تعبتك معاي
اصيل تكى عالجدار: تعبك راحه
ناظرته وفهت بحركته بس استوعبت وهزت راسها
نرجع للواقع..
اصيل: تصدقين
اصايل: وشو
اصيل: وحشتيني
اصايل ابتسمت ونزلت راسها بخجل
اصيل ضحك: شفيك
اصايل: مافيني شي
تكلمت بسرعه: دلال تناديني عن اذنك
ما مداه يتكلم الا وسكرت
ضحك من عرف انها استحت ودلال ما تناديها اصلا
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
تسريع للوقت شوياات
تجمعوا البنات و الامهات ببيت ابو اصيل
في مجلس النساء
ام الفيصل ناظرت جيلان بحنيه: جيلان كيفك
جيلان ابتسمت: الحمدلله تمام وانتي كيفك
ام الفيصل بإبتسامه: تمام
عند جهة البنات
كانت اصايل متوتره وتفرك اصابعها بتوتر فضييع
الشادن: اصايل شفيك؟
اصايل كانت متوتره لدرجة ماسمعتها
الشادن عقدت حواجبها وبهمس للبنات: شفيها؟
هزوا اكتافهم بمعنى ماندري
فجأه دق جوالها سناب
توترت وناظرت المتصل كان اصيل
فتحت عينها من شافت الشادن تناظرها بإستغراب
اخذت جوالها وقامت: عن اذنكم
توجهت لجيلان: جيلان فين غرفتك عندي اتصال مهم
جيلان وصفت لها مكان غرفتها
اصايل ركضت ودخلت الغرفه وسكرت الباب بالمفتاح وردت
اصيل: هلا اصوله
اصايل ابتسمت على دلعه لها: هلا اصول
اصيل ضحك: اصول يالظالمه
اصايل بضحكه: اجل وش تبي اقول
اصيل بتفكير: اممم قولي اصولي اصيلي
اصايل عقدت حواجبها: ياء التملك؟
اصيل: اي شفيها
اصايل بتغيير للسالفه: مافيها شي انت وينك الحين
اصيل فتح كام و وجهه لوجهه: هاي
اصايل ابتسمت من شكله بالثوب الكحلي: هلا
اصيل: افتحي كام يختي
اصايل بتردد فتحت الكام وحطته على الأرض
اصيل: وجهك طيب
اصايل برفض: اصيل
اصيل: خلاص امزح
كمل: المهم انا هنا
لف الكام على بيت ابو ماجد
فتحت عينها: بتسويها!!
اصيل: اي ليه
اصايل: انتبه اخاف فيه كام ولا يشوفك احد ويبلغ عليك وتنسجن
اصيل: تهون لعيونك
نزلت راسها بخجل: انتبه على نفسك
اصيل: ابشري
بدأ يصور لها وش جالس يسوي
دخل البيت اخيرًا وبدأ يلتفت بالغرف
شاف غرفه اخر الممر وخمن انها غرفته
دخلها ولكن الواضح انها غرفة ذكر
توجه للتسريحه اللي كانت منضمه فيها عطور بطريقه جميله
جاه فضول و فتح اول درج وشاف بوكس صغير احمر
عقد حواجبه وبفضول اكبر فتح البوكس
انصدم!! 
ناظر اللي فيه كان صور لبنت جميله جدًا اشبه بالملاك
اخذ الصوره اللي كانت بالبدايه وشاف وجهها
سكت لثواني معدوده عجز وش يقول من جمالها
كانت الصوره صورتها وعمرها يمكن 19 كانت لابسه فيها بلوزه حمراء و جينز اسود و شعرها مفتوح و تاكل ايسكريم تشوكلت و حول فمها ملطخ بالايسكريم
كأنها طفله
قلب الصوره وكان مكتوب فيها ١٩
وكل صوره يشوفها كان مكتوب خلفها رقم و الرقم كان عمرها
مسك صوره كانت طفله لابسه فستان اصفر ومن الاكتاف فيه ورده حمراء و شعرها مزين بمشبك شعر عليه ورده بنفس الورده اللي باكتافها و كانت خدودها حمرااء و خشمها كان احمر الواضح انها كانت تبكي لأن حتى عينها كانت مدمعه و في خدها اثار البكاء
جذبته الصوره وحطها في جيبه
اصايل: شفيك ساكت؟
اصيل: مافيه شي
اصيل بسرعه: جالس اسمع صوت انا بسكر
سكر بدون ما يسمع ردها و حك الجوال في جيبه لكن ما كان فيه احد هو توهم الصوت
وبدون ما يحس لف الغرفه كلها وفتح ادراجها وهو يتأمل اغراضها
وصل لدرج جنب سريرها فتحه و كان فيه ليت صغير بحرف j
عقد حواجبه: مين j!
فتح جواله واتصل على اصايل لازم يعرف حتى لو ماكانت تدري اهم شي يعرف
اصايل: بشر؟
اصيل: ماجد عنده خوات او اخوان غيره لان الظاهر دخلت غرفه ثانيه
اصايل ضربت جبهتها: اي عنده جوليا
اصيل هنا انصدم!!!!!!! 
جوليا نفسها اللي امه تبي تخطبها له!!!!
مسك صورتها اللي حطها في جيبه ورجعها مكانها وسكر الغرفه وطلع
دخل غرفة ماجد وكان ماجد فيها للاسف
ماجد فتح عينه: وش تسوي هنا انت
اصيل توجه له و مسكه وثبته عالجدار: انت تهدد بنات بصورهم يالكلب
ماجد: مين قال لك!!
اصيل: موشغلك وعطني جوالك
ماجد فتح جواله وعطاه:  لو تفرم الجوال فرم ما بتلقى صوره وحده لبنت ليه لأني قبل زواجي تبت وحذفت صورهم
اصيل رمى الجوال على السرير بقوه بعد ما لفه ولا لقى شي
رفع اصبعه بتهديد: اذا شفتك تعيدها مره ثانيه ما يردني عن قتلك شي فاهم!
ماجد رفع حاجب بعدم خوف
اصيل طنشه وطلع
ركب سيارته ودق على اصايل: اصايل انا برجع البيت قابليني بغرفتي بسرعه
اصايل: ايش كيف ما اقدر
اصيل: مابعيد كلامي ادخلي غرفتي بسرعه
اصايل سكرت عينها: اي وحده
اصيل: فينك الحين
اصايل: بغرفة جيلان
اصيل: بعد غرفتها بغرفتين
وقفت قدام المرايه و اخذت شال لقته فوق التسريحه حق جيلان و لفته على جسمها وشعرها وطلعت بتسلل دخلت غرفته
سكرت الباب عشان تضمن محد يلقاها بغرفته
جلست عالسرير ولفت على التسريحه وبلا شعور وقفت وحطت من عطره على يدها
استنشقت ريحته بقوه
ضمت يدها بقوه
فجأه دق الباب
فزت
اصيل بهمس: انا اصيل
اصايل عدلت شالها و فتحت الباب
دخل اصيل وسكر الباب وراه بالمفتاح ولف عليها
اصيل: خلصنا
اصايل بعدم استوعاب: دقيقه كيف يعني الحين خلصت سالفة ماجد؟؟
هز راسه بإبتسامه
اصايل دمعت عينها ومسكت فمها و بلا شعور منها ضمته بقوه
اصيل شد عليها ومسح على ظهرها
بعد دقآئق بعدت عنه ومسحت دموعها: شكرًا مو عارفه كيف ارد لك جميلك
اصيل: واجبي
اصايل: ليه سألتني عن ماجد اذا عنده خوات
اصيل: دخلت غرفتها بالغلط
فتحت عينها: شفت شي؟
اصيل: بصراحه اي فيه بوكس فيه صورها من يوم ما كانت صغيره لين صار عمرها ١٩
اصايل فتحت عينها: وليه طيب تشوفه
اصيل: بلا شعور
اصايل رفعت حواجبها و التفتت للباب بتطلع
مسكها ولفها عليه و مسك الشال و رماه بالسرير
اصايل فتحت عينها: اصيل وش تسوي
اقترب منها
سكرت عينها وحطت يدها قدامه: اصيل امانه لا تسوي شي تندم عليه بعد تكفى
مسك راسها و قبل شفتها بقوه
ابتعدت عنه ومسحت شفتها بقرف ودفته بقوه واخذت الشال وطلعت
اصيل لحقها بسرعه: اصايل دقيقه
طنشته وجات تنزل بس كان اسرع منها ومسكها و دخلها غرفته وسكر الباب بالمفتاح
دفته بقوه: خير بتكمل الناقص!!
ثبتها بيده: اسف
اصايل:طيب ابعد
اصيل: اللي افهمه انك سامحتيني
اصايل: بعد
اصيل: اصلا ماسويت شي غلط
ناظرته: لا والله
اصيل ناظر شفتها
فهمته وغطت شفايفها: خلاص كفايه مره
اصيل شال يدها وباس شفتها بتلذذ
بعدته: اصيل خلاص
مسكت الشال وطلعت ركض نزلت لتحت عند البنات
جيلان: اصايل شفيك متوتره
اصايل بورطه: من المكالمه
جيلان بعدم تصديق: اهااا
اصايل مسكت جيلان: بقولك شي تعالي
جيلان اقتربت: هلا؟
اصايل بكذب:سمعت انو ام اصيل بتخطب لاصيل صدق؟
جيلان: بصراحه اي مريت من عند غرفته وبالغلط سمعتهم يتكلموا
اصايل فتحت عينها بغيره: مين!
جيلان: بقولك بس خليه سر
اصايل هزت راسها
جيلان بهمس: جوليا
وطبعًا هنا صدمة اصايل...
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
-١٧٣٠ كلمه-
توقعاتكم للبارت الجاي؟
شكرًا على المشاهده✨✨