لقيتك صدفةّ ويا محاسن هالصدفّ.

-الجُزء ٦٢-

بمكان جديد
كانت جالسه بالكرسي و تفرك اصابعها بفخودها بقهر فضييع
دق الباب
....:تفضل
دخل احدى الحارسين و تتوسط يده ملف احمر :طال عمرك هذي المعلومات اللي طلبتيها
اشرت عالملف برفعة حاجب:كل المعلومات؟؟
الحارس بابتسامه:كلها ليين اخر شي وش سوت و حاطين اثنين يراقبونهم
ضحكت :مشكوور
الحارس حط الملف عالطاوله:واجبي
ناظرت الملف :تقدر تتفضل
طلع الحارس و سكر الباب
فتحت اول صفحه :اممم نشوف وش وضعك استاذه تارلا
ضحكت وهي تقرأ :الله يالدنيا بنت تاجر و وجهك وجه فقر
كملت :اممم عندها اخوان واحد رامي عمره ٢٧ والثاني عزيز ٢٥
والله منت هين طلعت لي معلومات مل فرد من اهلها
ناظرت الملف بتدقيق :عندها عمه ميته و عم حي عمها متزوج ثنتين
فتحت فمها من ركزت بالاسامي :عنان يصير ولد عمها
هزت راسها :يفشلون
فتحت جوالها وهي تدق على حارسها الشخصي :تعال مكتبي
دخل حارسها :تفضلي
نوره :علم الحراس ما يسوون شي الا انهم يراقبون و يعرفون كل شي ويوصلني الخبر حتى لو تافه اخر شي بنطبق خطتنا اللي ماني طالعه منها الا وانا منتقمه منهم
حارسها :متاكده ؟؟
نوره باسحتقار:لا يكون مو عاجبك استاذ راشد
حارسها بوهقه:لا مو كذا بس الظاهر بتواجهين مشاكل فضيعه يمدي نحل الموضوع بطريقه افضل
حطت رجل على رجل:و علمنا وش طرقك
حارسها:انتي افهم بهالامور لكن حبيت انبهك بس
نوره اشرت على نفسها:انا هنا يعطي الاوامر انت هنا منت الا حارس و تنفذ اللي اقوله وان كانه ما عجبك تقدر تتفضل برا و القى غيرك كثير
الحارس: عن اذنك
و طلع

——————————————————————

عند اغاريد
كانت جالسه بغرفتها وهي تلتفت بالغرفه
مسكت بطنها :مشتهيه برتقال
هزت راسها:لا لا مو برتقال فيه شي بس ما اعرف وشوو
سكرت عينها وهي تحاول توصل لإسم الفاكهه اللي هي تبيها
اخذت نفس عمييق:اييووه ابي ..
سكتت من دخل ماجد
لفت عالجهه الثانيه وهي مغطيه فمها :ماجد الله يقرفك وع
ماجد ناظرها:شفيك
اغاريد:متى تروشت انت اف
ماجد :توي اليوم
اغاريد:ياااخييي تروش وش ذااا
سوا كانها بتستفرغ و نزلت لام ماجد اللي كانت تتقهوى
صبت لام ماجد قهوه:هلا خالتي
ام ماجد:يا هلا باغاريد اخيارك بنتي
اغاريد:الحمدلله تمام انتي كيفك
ام ماجد:زيينه الحمدلله
نزل ماجد وقبل راس امه
اغاريد فتحت فمها:ماجد انا وش قلت
ماجد ناظر امه:يمه فيني ريحه؟؟
ام ماجد :لا ريحة عطر والله
اغاريد سكرت خشمها:خاله شمي اف ريحته وعععع
ام ماجد ضحكت :ماجد الظاهر ولدك متوحم عليك
اغاريد سكرت خشمها و طلعت فوق:عن اذنكم
ماجد تسند عالكنبه:اففف
ام ماجد بابتسامه:ماعليك شهرين ان شاء الله وتعدي
ماجد:ولللل
ام ماجد ضحكت:شدعوه عادي فتره وتعدي ان شاء الله
ماجد:ان شاء الله

——————————————————————

ببيت ابو اصيل
كانت ام اصيل و حنان جالسات بالصاله يتقهوون
جاء ابو اصيل و جلس معاهم
ابو اصيل :اليوم يوم مين
ام اصيل طيرت عيونها:يومي
ابو اصيل:زين
جاء عنان و جلس :السلام عليكم
الكل:وعليكم السلام
بعد دقائق معدوده جاهم اصيل وجلس معاهم
ابو اصيل:دامكم هنا نادوا خواتكم
عنان قام و ناداهم و جلسوا كلهم
ام اصيل:الله من زمان ماجلسنا مع بعض
ميرال:صحيح
ابو اصيل:ميرال يبه وش صار على ملكتك ؟؟
ميرال حكت شعرها:ماصار شي
ابو اصيل:متى تبينها
ميرال:الحقيقه انا و رامي اتفقنا انها تكون بعد اسبوعين
ابو اصيل:متأخر مره
ميرال فتحت عينها:لا يبه مره بدري
ابو اصيل:براحتك يا بنتي
ناظر عياله:عقبالكم يا رب
الكل :امين
ام اصيل بقهر:اي يا اصيل كذا وصلت معاي انا امك!! ما تكلمني عشان وحده ماتسوى!!
اصيل:لو انك امي مامنعتيني من اللي احبها و اللي تقولين عنها ما تسوى هذي بتكون زوجتي
ام اصيل:منت ماخذها لا تحاول
اصيل بقهر:يمه عطيني سبب واحد بسسس واحد
ام اصيل سكتت
اصيل:شفتي؟؟ مافيه سبب ليه ترفضينها
ام اصيل:انتهى حلامي مابيتغير
الشادن :يمه
ام اصيل:نعم
الشادن:يمه اصايل بنت ماشاءالله عليها عاد مره محترمه و تجنن ماشاءالله جمال جمال شعر جسم صوت ابي اعرف وش مخليك ماتبينها
ميرال همست:مو تكرهينها
الشادن:اكرهها بس دام اخوي يبيها ادعس على مشاعري عشانه
اصيل سمعها و ابتسم
ام اصيل:انا قلت ما ابيها و سكروا الموضوع
عنان:يمه
حنان:عيوني
عنان:لو خطبت اللي ابيها بتوافقين؟
حنان:اي اكيد
عنان:حتى لو تكرهينها؟؟
حنان:شدعوه ما اكره احد انا
عنان ابتسم بإنتصار وهو يناظر اصيل اللي فهم حركته
اصيل بقهر:يبه شوف ولدك
ام اصيل بتفكير:بوافق على اصايل بشرط واحد
اصيل :تم وش هو
ام اصيل ابتسمت:تتزوج بنت جارنا
فتح عينه:مستحيل!!!
ام اصيل:براحتك
اصيل عصب و ضرب الطاوله بيده و قام لغرفته
ام اصيل فزت :لا حول ولا قوة الا بالله
الشادن:حرام عليك يمه حرام
قامت وراحت غرفتها و سوت نفس الشي ميرال راحت لغرفتها
عنان ابتسم بوهقه وقام وراهم لغرفته
حنان:حرام عليك يا ام اصيل اللي تسوينه اجرام تظلمين بنت جيرانكم و تظلمين ولدك وتظلمين اصايل
ام اصيل تنهدت :الله كريم
/////
بغرفة اصيل
دخل وضرب الباب بقوه و فتح جواله دق على اصايل اللي كل ما يدق عليها ما ترد عليه
توتر و رجع دق وجاه صوتها الناعم :الو
اصيل :اصايل وينك ليه ماتردين
اصايل:معليش ما انتبهت
اصيل:فينك
اصايل:راجعه البيت
اصيل:انتظرك
سكر الجوال و راح لبس وطلع من بيته لبيت اصايل
لف لخلف البيت و طلع من السلم و تسلل لداخل غرفتها
سكر الستاره و الباب لينتظرها و بدأ يلف بغرفتها
توجه لسريرها وهو يشوف الشال حقها مرمي بجانب الدولاب
اخذ الشال و قربه من انفه و بدا يستنشق ريحة الشال بكل حب
لف الشال بعشوائيه و حطاه بجيبه
/////