لقيتك صدفةّ ويا محاسن هالصدفّ.

-الجُزء ٥٨-

اغاريد: يلا جيلان قومي
جيلان: لا مابي مابي
اغاريد تأففت: يووووه
راحت لأم جيلان: خاله حنان
حنان التفت: هلا يعيوني
اغاريد: جيلان متوتره ماتبي تروح للفندق
حنان: طيب خليها علي
توجهت لبنتها: جلو حبيبي شفيك
جيلان ضمت امها: يمه مابي اروح
حنان بادلتها الضمه: يا حبيبتي عادي بتتوترين بهالليله بس بيمر كل شي وصدقيني بتضحكين على نفسك بعدين
جيلان: طيب بس
قاطعتها: لا بس ولا شي واذا ماتبين يمديمك تقولين له و تأجلوا اللي بتسووه وقت ثاني
هزت راسها: تمام
بلعت ريقها و قامت من شافت ام الفيصل متوجهه لها
ام الفيصل بحنان: حبيبتي يلا الفيصل ينتظرك
التفتت على امها اللي طمنتها بنظراتها: تمام
مسكت فستانها ورفعته بحيث تقدر تمشي بدون ما تتعثر و وصلت للباب اللي يفصل بينها وبين الفيصل
التفتت على امها و دخلت
شافته جالس و بلعت ريقها بتوتر
شافها و وقف توجه لها وسكر الباب
باس خدها: اخيرًا مو مصدق انك لي
ابتسمت بخجل ونزلت راسها: ولا انا
رفع راسها وقبل خدها بإبتسامه و ابتعد: يلا بنطلع للجناح
هزت راسها و لبست عبايتها وغطت وجهها
جاتها امها و ام الفيصل واغاريد وسلمت عليهم وراحت خلف الفيصل
دخلوا لجناحهم
أشر عالغرفه: اغراضك موجوده فيها بدلي واذا خلصتي قولي لي
هزت راسها و دخلت الغرفه
اخذت نفس وسكرت الباب وتوجهت لشنطتها و طلعت فستان نوم ابيض حرير لنص الركبه و فوقه روب لنص الساق
لبستهم و فكت شعرها ومسحت الميك اب و اكتفت بقلوس
طلعت و شافته بالصاله
جلست عالكنبه بتوتر
تقدم لها: الاكل جاهز
اكلوا طبعًا وخلصوا
توجهت للغرفه وهي تهوي على نفسها من التوتر
جلست عالسرير وجاء من وراها
تقدم لها ومسح على وجهها بلطف نزلت راسها بإبتسامة خجل
اقترب منها وطبق شفته بشفتها...
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اصايل
دخلت البيت وهي تحش مع دلال
<حش زين مو بالسوء😭😭😭
.
استوقفهم صوت لتين اللي تبكي
شهقت دلال: فينه عنها
طلعت لغرفتها وفتحت باب الغرفه  وانصدمت
اصايل غطت فمها تكتم ضحكتها
دلال نزلت راسها بضحك
خالد كان بالأرض ومتسند عالكنبه و
نايم و بحضنه لتين اللي صاحيه و تصارخ
توجهت دلال للتين و عطتها اصايل: امسكيها شوي اقوم ذا
اصايل ابتسمت: تمام
راحت لغرفتها و انسدحت عالسرير بتعب وبحضنها لتين
صورت صوره و لتين بحضنها و كتبت: ماقلت لك تشبهني اكثر
رد اصيل: عقبال بنتنا
اصايل: امييييين
اصيل: تصدقين وحشتيني
اصايل: امداك!!
اصيل: اجيك؟
اصايل ضحكت: اتحداك
اصيل: طيب
اصايل بلعت ريقها: اصيل
ما رد عليها و فتحت فمها عرفت بيسويها
توجهت لباب غرفتها وسكرته بالمفتاح مرتين و فتحت المكيف و فتحت التلفزيون على قناة اخبار ورفعت الصوت
دقت عليه: اصيييل فينك
اصيل : بالطريق جايك
اصايل هزت راسها: لاا لا اصيل لا
اصيل: تأخرتي انا عند لفة بيتكم
ضربت جبهتها: دلال بتدخل بأي لحظه بتاخذ بنتها
اصيل: اوكي
سكر و وقف سيارته بمكان شوي بعيد
اصايل رسلت لدلال: دلدول حبي ارتاحي لتين عندي اليوم يومك
ردت دلال: مو من عوايدك
اصايل: قلت بسعد زوجة اخوي الوحيده الحلوه القمره
دلال: ههههه تسلمي
اصايل: 😚😚
فزت من سمعت دق عالقزاز
توجهت للقزاز و فتحته
ابتعدت من شافت اصيل
ساعدته يدخل و سكرت الشباك بالستاره ورفعت صوت التلفزيون
التفتت عليه: اصيلل خير
اصيل اقترب بعدم اهتمام وسحبها من خصرها
دفته من صدره وأشرت على لتين: عيب عليك البنت بتشوفنا تخربها من اول كم شهر لها
اصيل شاف لتين عالسرير و توجه لها وشالها
اصايل مسكت ذراعه: انتبه لراسها
اصيل قبل خد لتين: الله يحفظها
اصايل: امين ويحفظك
اصيل ناظرها: ويحفظك لي
اصايل ابتسمت: امين
اصيل: عقبال ما اشيل بنتنا
اصايل: امين امين اميييين
اصيل: لهالدرجه تبين بيبي
اصايل عقدت حواجبها
رفع راسه بإبتسامه: عادي اقدر اخليك تجيبي الحين
ناظرته بعدم فهم وفتحت فمها من فهمته: اصيل ولا تفكر فيها
ضربته بكتفه: قليل ادب
جلس عالسرير وهو يلعب لتين
اصايل: انتبه لها وخلك عندها بلبس بجامتي
اصيل بضحكه: تبين اساعدك
وسعت عينها: لا
ضحك و توجهت للحمام عالسريع غيرت ملابسها ومسحت الميك اب وربطت شعرها
طلعت و شافت اصيل نايم و لتين نايمه
مسكت فمها: لا لا لاا
توجهت له: اصيل حبيبي قوم
لا رد..
بعد محاولات فاشله تنهدت: يووووه
جات بتروح ومسكها من يدها: تعالي
ناظرته: صاحي من اول وانا احاول فيك!
بعد لتين من حضنه: دورك
فتحت فمها: لا
اصيل سحبها لين طاحت بحضنه
جات بتقوم بس ثبتها بقوه
عطته ظهرها وهي ضامه لتين وهو ضامها
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند جوليا
قامت من نومها وشافت راكان يمسح على شعرها
ابتسمت بلطف: صباح الخير
راكان: صباح النور
جوليا: الساعه كم
راكان: تسعه
شهقت: وما تقومني
راكان: ليه اقومك نايمه مثل الملاك
ابتسمت: شكرًا
كملت بغضه: اليوم جلستك
رفع حاجبه: اها
لف عالجهه الثانيه بغصه
حست فيه وراحت له: راكان
التفت عليها: هلا؟
جوليا: امانه لا تكسر قلبي
راكان: ما عليه يصير خير
جوليا قبلت راسه و توجهت للحمام تروشت ولبست سروال طويل واسع و بلوزه واسعه وشال احمر وشنطه وشوز حمراء
وقفت قدام المرايه وهي تدهن وجهها بكريم ضد الشمس: راكان يلا
راكان قام و مسك يدها وطلعوا
جوليا: راكان
راكان: هممم
جوليا: تعال نروح كوفي
راكان: مابي
جوليا مسكت ذراعه: عشاني طيب
راكان غير اتجاهه: طيب
دخلوا و طلبت اثنين بلاك كوفي و براونيز
راكان: قلت لك مابي
جوليا: عشااني امانه
راكان: اوك
ابتسمت وقبلت خده
بعد دقآئق خلصوا و طلعت وهي متمسكه بذراعه وتوجهوا للمستشفى
دخلوا و دخلوه لغرفته
بلعت ريقها بغصه من شافته قدامها بهالمنظر
تذكرت اول ما تعرفوا كيف كان وكيف صار
نزلت دمعتها بس مسحتها عالسريع لأن راكان لو شافها بهالشكل بيضعف يعني بإختصار هي مصدر قوته بعد الله
تنهدت وهي تشوف الممرضه دخلت وبدأت تغرس بجلده الأبره المليئه بالكيماوي: الله يشفيك ويعافيك ويلبسك لباس الصحه والعافيه و يطمنني بشفآئك يا قلبي
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند تارلا
دخلت غرفتها و تسندت عالباب بتوتر
بدأت تاخذ نفس بقوه وهي ماسكه صدرها
سكرت الباب بالمفتاح وراحت للمرايه وهي تناظر شكلها
سكرت عينها من منظرها اللي هي صارت تشوف نفسها مقرفه جدددًا
اخذت بجامتها بتوتر ودخلت الحمام وسكرت الباب بقوه وبدأت تتروش وهي تبكي وتفرك رقبتها بقوه
جلست بالبانيو وضمت رجلها لصدرها وبدأت تبكي وتسترجع اللي فات
جاتها رساله من عزيز يطلبها تتوجه للحديقه الخلفيه للفندق
تأففت وهي تلبس عبايتها وتتحلطم: ياخي شادن ماتبيك غصب هو
الشادن من وراها: قلتي شي؟
تارلا: لا
الشادن ناظرتها بإستغراب: على وين
تارلا: عزيز يبيني
الشادن رفعت حاجب: اهاا
تارلا ابتسمت و راحت من عندها وهي متحجبه ومغطيه وجهها
وصلت للحديقه وهي تلتفت و فتحت جوالها بتدق عليه وانصدمت انه حاذف الرساله
تأففت وجات ترجع بس مسكها من ذراعها
التفتت: خير ليه تحذف الرسالـ...
سكتت من شافته عنان
جات بتروح بس مسكها بقوه من يدها وهو مبتسم بخبث
بعدته: عنان وش فيك
اقترب منها اكثر لين انعدمت المسافه بينهم
بلعت ريقها وهي تدفه من صدره: بعد عني
اقترب منها اكثر وهو مثبتها
فتح اول زرين من عبايتها
دفت يده: عنان وش تسوي
صغرت عينها: بعد عني
ثبتها عالجدار اكثر واقترب منها اكثر وهو يطبع شفته برقبتها
دفته بقوه: عنان
عنان ناظرها بإستغراب
طنشته ومشت
سحبها و كمل على رقبتها
ابتعد من شاف شكل رقبتها اللي صار احمر
ضحك: وهذا انتقامي
فتحت جوالها عالكاميرا وهي تشوف تش صار برقبتها
شهقت وابتدت عينها تتجمع فيها الدموع
غطت وجهها بقوه: وش سويت
وبصراخ: وشش سوويييت
عنان مسك يدها: وقفي ماتوقعت تزعلين
سحبت يدها ودفته بقوه: اكرهكك يا عنان اكرهك
دفته اقوى لين جاء يطيح وبعدت عنه وسكرت عبايتها وهي تركض للفندق ببكى
دخلت و راحت لأمها وهي لافه رقبتها: ماما برجع البيت مصدعه
راحت قبل ماتسمع رد امها و طلبت تاكسي وجاها بدقآئق وركبت و وصلت البيت
نرجع للواقع.
طلعت من الحمام وهي تنشف شعرها وخشمها احمر وتشاهق
شافته جالس عالسرير بكل برود
هزت راسها بـ لا و رجعت للخلف لين لصقت بالدولاب: وش تسوي هنا
عنان تقدم لها: تارلا
مدت يدها وهي مغمضه عينها: بعد عني بععدد لا تسوي شي طلبتك يا عنان
سكرت عينها وبدأت تبكي بصوت عالي: ابعد الله يخليك
عنان جمد بمكانه ماتوقع تزعل لهالدرجه
تارلا: اكرهك اكرهك اكرهك اكرهك اكرهك اكرهك اكرهك يا عنان ليتني ماتعرفت عليك ليتني مت قبل ما اطلب من رامي يوديني لجرير واشوفك ليت سياره دعستني قبل ما اطلب اوبر يرجعني
ليت جاتني سكته قبل ما اعاند وتروح لبيتك ليتني ماعرفتك ياعنان
عنان فتح عينه: لهالدرجه يا تارلا
مسحت دموعها بقوه: واكثر بعد انا كرهتك
فكت جاكيتها من فوق و ورته رقبتها: كرهتك من لحظة ما سويت فيني كذا
دفته: والحين انقلع برا ولا اشوفك و اللي بيننا انتهى العلاقه اللي بيننا الحين حتى مهي علاقة بنت عم انتهى كل شي يا عنان انهيته بيدك
عنان: اصبري شوي طيب
تكتفت: اطلع برا
عنان: لا والله يوم انتي بستيني وفشلتيني قدام للرجال ماقلت لك شي والحين انتـ..
قاطعته بصراخ: وتقارن الزفت ذا بالروج اقل شي الروج ينمسح مو مثل هذي
عنان: خلاص يا تارلا خلاص
تارلا: لو تبيني اسكت اذلف برا لعد اشوفك
عنان: دام هذي اخر مره بشوفك فيها على قولك تسمحين لي بشي؟
تارلا: لا و اطلع برا ولا وربي اجمع عليك الجيران هيا برا
عنان تقدم لها وضمها بقوه: انا اسف
ما توقع اللي بيصير واللي هو انها انهارت بحضنه انهااارت بكاء
كان راسها بصدره و كاتمه نفسها وتبكي
بعد راسها عنه وشاف وجهها اللي تحول احمر
ابتعدت عنه بهدوء مو مثل قبل شوي وهي تمسح دموعها: برا
ابتعد و طلع من البيت بكبره وركب سيارته وراح لبيته وهو متضايق جدًا ماتوقع الامور بتوصل لهالدرجه لكن ضيقته ماكانت اكبر من ضيقة تارلا  .
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند الشادن
رجعت بيتها و فكت عبايتها ورمتها على الكنبه وحلست عالسرير وهي تفك الكعب وتتحسس رجلها: اخ وش ذا العذاب معاناه والله
حطت الكعب بمكانه وهي تفكر شلون بتعترف له
جاتها فكره وابتسمت: خلاص تم
اخذت بجامه عالسريع و تروشت ولبستها وكانت بجامه حرير بنفسجيه
ارتمت عالسرير وهي تضم السرير بقوه: ظههريييي
كتمت وجهها بالمخده وفتحت جوالها وهي تحدث كل البرامج تشوف فيه رساله من عزيز ولا لا
بلعت ريقها وفتحت سناب ورسلت له: عزيز
رد عليها بسرعه:؟
الشادن بتوتر: مشغول
عزيز: اي ليه
الشادن: خلاص تمام بكلمك بعدين لو فضيت كلمني
شافها ولا رد
انقهرت مره ورمت الجوال بقوه على السرير: كريه الحق علي انا اللي ابي اكلمك واعترف لك
تنهدت بقهر: اخخخ يا رب
فتحت جوالها وهي تشوف لو رسل ولا لا لكن للأسف فقط شافها ولا رد
صغرت عينها بشك و هي تشوف الساعه اللي كانت 3:33
فتحت عينها: وش الشغل اللي الساعه ثلاثه الفجر
دخلت سناب مره ثانيه و دخلت الخريطه وهي تشوف موقع عزيز وطلع ببيته!!!
كملت تبحث وهي تشوف و طلع متصل بالسناب
حطت يدها على فمها: يالحيوان تصرفني!!
ضمت رجلها لصدرها ودفنت راسها بين ركبها: تخلف اكيد بيصرفك دامك معاملته معامله غبيه طول ذيك المده
ضربت راسها: غبيه غبييه لو اني اعترفت له بنفس الوقت ابرك لي
اففف يا ربي وش اسوي
ما درت الا وهي نايمه..
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
١٧٠٩ كلمه
شكرًا على المشاهده