لقيتك صدفةّ ويا محاسن هالصدفّ.

-الجُزء العشرين-

بعد ساعتين عند سلطان
طلعت الممرضه وهي مبتسمه
توجهت له : اخوي تقدر تتفضل عندها قامت لكن يُفضل انك ما تخليها تعصب او تزعل ابدًا
سلطان وقف بحماس : ابشري
دخل بسرعه لها وكانت متكتفه ولافه وجهها للجهه الثانيه والواضح انها كانت تبكي ولا زالت
تقدم لها بندم واضح عليه
انتبهت له وفتحت عينها وغطت وجهها بيدها كأنها تبي تحتمي منه وببكى اعلى : لا تقرب مني لا تضربني امانه
سلطان توجه لها بسرعه وضمها : اسف والله اسف صدقيني ما اعيدها ولو تبين اعلمك السالفه كلها راضي وتم اشرح لك الحين
المى كانت تبكي ولا هي منتبهه له
بعدته بأقوى ما عندها لدرجة انه كان بيطيح بس تمسك في السرير
المى :ابعد عني احسن لك و ورقة طلاقي ابيها توصلني اليوم قبل بكره ولو شفتك عندي ما بيصير خير
سلطان بتوتر : وعزام
المى ببكى:عزام في الأسبوع سبع مرات يجيني
سلطان طلع من عندها مايبيها تتوتر اكثر ودق على سليمان
سليمان : هلا سلطان
سلطان :المى قامت لو تبي اختها تروح عندها
سليمان : كم رقم الغرفه ؟
سلطان :ثلاث ميه وسته
سليمان ابتسم :تمام مشكور
سلطان سكر
سليمان : اليس المى قامت ترا تبين تشوفينها؟
اليس نطت : اي امانه
سليمان ابتسم : تمام بس بجسب لك كرسي من هناك
اليس تكتفت تنتظره
اخيرًا جاها وطلعت عالكرسي بعد مالبست عبايتها و توجهوا للغرفه
وصلوا قدامها
اليس : تمام خلك انا ادخل انت روح انتظرني برا
سليمان : تمام
اليس قامت من الكرسي ودخلت عند المى
اليس ركضت لها وضمتها وهي تبكي
المى شدت عليها ببكى اكبر
اليس :حسبي الله عليه الحيوان
المى كانت ساكته وتبكي بحضن اليس
اخيرًا بعدوا من بعض
اليس : كيفك الحين
المى : تقريبًا كويسه وانتي
اليس : حتى انا تمام
كملت بإبتسامه : حسيت فيك واغمى علي في البيت وقلبي كان يوجعني
المى مسكت يد اليس بإبتسامه
اليس : ليه ماعلمتيني انك تزوجتي
المى بمزح : كان عآئلي الزواج
اليس ضحكت
فجأه اليس شهقت
المى برعب : شفيك
اليس : ترا بكره زواج اغاريد
المى :كذاابه
اليس : وربي
المى : ياربي حسبي الله على هالسلطان التبن مالقى يسوي كذا الا قبل زواجها
اليس : كلب الله ياخذه
المى فتحت عينها : لا تدعين عليه
اليس بصدمه : خير ترا خلاص تسوين عمليه وتقولين لي كذا!!
المى : حرام ترا عزام ولده تخيلي يتيتم
اليس : يا طيبة قلبك
المى : بتروحين زواج اغاريد؟
اليس : قلت لسليمان قال افكر بس معليك بحاول معاه
المى : للأسف ما اقدر اروح
اليس : اي معليك اروح بدالك
المى :تمام يعمري
دخلت الممرضه :يعمري يزينكم الله يخليكم لبعض يا رب
اليس والمى بإبتسامه : امين
الممرضه :للأسف ماودي اقوله بس انتهى وقت الزياره
اليس : تكفين بقعد عندها شوي بس
الممرضه : خلاص اسمعي انا انتظركم برا وانتم خليكم خمس دقايق وتقدرين تتفضلين
اليس ابتسمت وصفقت : مشكوره يقلبي
الممرضه ابتسمت وطلعت
اليس ضمت المى : يختي بشتاق لك
المى : وانا اكثر
اليس : لا تستانسين اني طلعت بقعد بحلقك ترا كل يوم بجيك
المى : حياك اطلق من يجي
اليس باست المى بخدها
المى بتردد : اليس
اليس : عيوني
المى : يخليهم لك ، عادي تقولين لسليمان يقول لسلطان يجيب عزام و معد يجي ؟
اليس : من عيوني
المى باستها بالهواء
اليس طلعت وشافت سليمان يتكلم مع سلطان
اليس كحت عشان ينتبه لها وانتبه لها وراح لها
اليس لفت ناظرته : سليمان
سليمان : هلا
اليس : المى قالت لي عادي تقول لسلطان يجيب عزام لألمى وما يجيها
سليمان :تمام ابشري بروح اقول له الحين
اليس : مشكور
سليمان راح لسلطان وعلمه وجاء
راح سليمان لغرفتها وجمع اغراضها و سوا لها خروج و خرجوا
رجعوا الفندق
اول ما دخلوا شهقت اليس بصوت عالي
سليمان لف عليها بفزع : شفيك فيك شي؟!
اليس مسكت وجهها :نسيت اشتري لي فستان لزواج اغاريد
سليمان :مين قال بتروحين تعبانه مافيه
اليس :لا بروح مافيه خير ترا اغاريد صحبتي مره عيب ما اروح حتى المى ما بتروح يعني خير بتزعل مني
سليمان :طيبب تروحين بس ما تطولين و الفستان بنطلع نشتري لا تخافين
اليس تقدمت له وباست خده بقوه :شكرًا
سايمان ابتسم :لو ادري بتشوين كذا وافقت على طول
اليس ضحكت بخجل وراحت الغرفه تروشت عالسريع و طلعت شافت سليمان منسدح عالسرير كانه نايم
تقدمت له وبهمس :نايم؟؟
مارد عليها وظنته نايم و راحت تلبس و وقفت قدام المرايه وهي تنشف شعرها وحطت من عطر الشعر في كل شعرها و جففته ومسحته بالمنشفه عالسريع و راحت انسدحت جنب سليمان وانصدمت انه التف على طول وضمها
تنهدت ونامت على طول
---------------------------------------------------------
يوم جديد على ابطالنا 💗💗
الساعه ١٢ ظهرًا
عند اغاريد
قامت من الساعه خمسه وكانت متوتره صح انها ماتبي هالزواج بس شنو تسوي يعني مافي شي بيدها
دقت على الميك اب ارتست تتأكد انها بتجي وطلبت وحده ثانيه احتياط
دخلت عليها امها : اغاريد حسبتك نايمه
اغاريد مسكت راسها : كيف انام واليوم زواجي
امها ابتسمت وتوجهت لها : توك امس كنتي بديتي تعلمتي المشي واليوم بزفك
دمعت بس مسحت دمعتها بسرعه
اغاريد ضمت امها :يمه حبيبتي كلنا بنتزوج ماعليك المفروض تفرحين ازعاجي راح من البيت
امها ضحكت بوسط دموعها
اغاريد راحت تتأكد من اغراضها وجاها اتصال من ماجد
زفرت بضيق :الو
ماجد :كيفها العروسه
اغاريد بدون نفس :كويسه
ماجد :ناقصك شي؟
اغاريد :مالك دخل
ماجد :احترمي نفسك ولا تنسين اني زوجك
اغاريد ضحكت :اي زوج وانت مهددني بصوري تراك جابرني اتزوجك لا تسوي الزوج الفاهم
ماجد :طيب الوعد الليله
وضحك
اغاريد ضحكت بإستهزاء :جرب بس ماجد :تتحدين؟
اغاريد سكرت في وجهه وكملت اغراضها
دخلت جيلان عليها وسلمت عليها
اغاريد مسكت وجهها : جابك الله
جيلان :اغاريد اكلتي؟
اغاريد :لا
جيلان بصدمه :لييه
اغاريد :مو جيعانه والله
جيلان نزلت و سوت لها ساندويتش عالسريع وحطت معاه فواكه وعصير
ودته لها
اغاريد :جلو حبيبتي مو مشتهيه
جيلان :الا كلي عشاني عالأقل
اغاريد :عشانك بس
جيلان ابتسمت :عافيه
اغاريد وهي تاكل :يعافيلك
جيلان ناظرت الساعه وكانت وحده و نص
مسكت راسها بتوتر : اغاريد حبيبتي تجهزي عشان نروح الفندق
اغاريد وفيه في فمها اكل : اي فندق
جيلان شهقت :فندق زواجك
اغاريد ببرود :اوه ماعلينا
جيلان جلست جنب اغاريد :اغاريد حبيبي اعرف انك ما تبين هالزواج والسبب ضغط ماجد عليك وابتزازه لكن حاولي تبدأين حياه جديده معاه اعطيه فرصه
اغاريد :انتي عشانك ما مريتي باللي مريت فيه تقولين كذا
مسكت قلبها :اللي مريت فيه مو شوي عشت حالة رعب وخوف كم شهر والحين بكل برود جاي يتزوجني ما كأنه ابتزني
جيلان :انا مريت بأكثر من اللي مريتي فيه انتي مستوعبه ما كان عندي مكان انام فيه اول ما طلعت من الميتم و عيشتي في الميتم عذاب مو طبيعي انام واقوم واكل واعيش على ضرب
اغاريد مسكت فمها :ليه توي ادري
جيلان :كنت شايفتك حزينه على سالفة ماجد وما حبيت اضايقك اكثر
اغاريد ضمتها :ساعمري انتي ماعليك الحمدلله الحين لقيتي اهلك الباقي ما يهم
جيلان شدت عليها وبعدت بعد ثواني :يلا مشينا الفندق؟
اغاريد :تمام ، حتى انتي بتجهزين هناك؟
جيلان :اي بجهز بعدك عشان اتأكد انو كل شي تمام
اغاريد ابتسمت :في يوم زواجك ذكريني انا اكون معك طول الوقت
جيلان ابتسمت : ابشري
اغاريد توجهت لجوالها :جيلان بطلبك طلب لو سمحتي
جيلان :سمي
اغاريد مدت لها جوالها :ابيك وقت الزفه تصوريني
جيلان استغربت :بس عندك مصورات
اغاريد :اي بس بيطولون على ما يجيبون لي الصور عشان كذا ابيك تصورين لي و منها أأمن جوالي عندك
جيلان ابتسمت :ابشري
اغاريد لبست عبايتها و توجهت للباب :يلا مشينا
جيلان :مين بيودينا؟ بعدين مين يشيل هالاغراض كلها
اغاريد :الفيصل بيودينا وراكان والفيصل يشيلونها
جيلان :تمام يلا مشينا
تسريع الوقت
وصلوا الفندق و جهزوا كل شي وصار الوقت عالعصر
جيلان بتسرع :اغاريد بتنزفين الساعه كم
اغاريد :ثمانيه العشاء
جيلان مسكت راسها بتوتر : الناس بدأوا يجون
اغاريد فتحت عينها : كذاابه روحي اجهزي
جيلان :تمام انتبهي لك انا في الغرفه اللي جنبك اجهز واجيك
اغاريد هزت راسها و جيلان طلعت
دخلت الغرفه اللي جنب غرفة اغاريد و طلعت الكيس و طلعت فستانها اللي كان معلق داخل كيس اسود و فكته و لبسته
وقفت قدام المرايه بضيق :ليته كان اوسع مره مبين جسمي
هذا فستانها