لقيتك صدفةّ ويا محاسن هالصدفّ.

-الجُزء ٤١-

بعد اسبوع..
طبعا جوليا اجلت السفره شوي (من سالفة خطبتها للشايب)
الفيصل و جيلان حددوا ملكتهم بعد ثلاث اسابيع
..
ببيت ابو رامي كانوا كلهم مجتمعين.
اهل رامي واهل ابو اصيل و جوليا واهلها الفيصل واهله سلطان و سليمان وزوجاتهم دلال و اصايل بإختصار كلهم
طبعًا كانوا كل العوآئل بمجلس واحد كبير النساء لابسين عباياتهم و متغطين..
ابو رامي بصوته الجهوري اللي واصل اخر المجلس: يابو اصيل نبي منكم القرب
ابو اصيل عدل جلسته و ناظر بناته وابتسم
ابو رامي: نبي بنتكم الشادن لولدي رامي
رامي ناظر ابوه بصدمه
عزيز كان يناظر الارض بس وجه نظره لأبوه ورامي بإستغراب
الشادن فتحت عينها وناظرت رامي وعزيز وابوهم
عم الصمت بالمجلس ...
رامي همس لأبوه: يبه ميرال مو الشادن
عزيز كان يضغط على فنجال القهوه بقوه لين انكسر بيده
الشادن شهقت من شافت يده تنزف وهو مو مهتم ليده ويناظر رامي بحده
رامي بهمس سمعه الكل: يبه قول شي
عزيز قام وراح للجلسه وهز رجله بغضب
ابو رامي بتعديل للوضع: اعذرني يابو اصيل لخبطت بين البنات نبي بنتكم ميرال لولدنا رامي
الشادن انسحبت من بينهم و راحت لحقت عزيز
ركضت له: عزيز
عزيز التفت لها: نعم
الشادن مسكت يده وعينها مدمعه: جاك شي
عزيز ما اهتم ليده وسحبها بقوه: روحي لرامي مو يبيك!!
الشادن: لا تقول كذا عمي طلع قصده ميرال بس لخبط بيننا
مسحت دموعها بقوه: الحق على اللي جايه تساعدك
التفتت بتروح بس ناداها عزيز
التفتت: نعم
عزيز تقدم لها: اعذريني مو بيدي
الشادن دخلت المخزن الخارجي وطلعت معها علبة اسعاف صغيره
مسكت عزيز من يده وراحوا المشب عشان اذا احد طلع مايشوفهم
الشادن فكت اللثمه
مسكت الملقط الصغير و بدأت تطلع القزاز اللي دخل بيده
بللت شفتها و طلعت المعقم
ناظرته وشافته يناظرها وهو مفهي نزلت راسها: بيوجعك شوي بس تحمل
اخذت قطنه صغيره و بللتها بالمحلول و بدأت تطبطب على يده
ناظرته وكان مو حاس بالالم بس يناظرها
نزلت راسها بسرعه وكملت
حست بيد حاره على خدها
يده كانت اكبر من وجهها بكثير صاير كأنه ماسك طفل
مسح على خدها و وجه اصبعه لطرف شفايفها ومرر اصبعه على شفايفها
الشادن بلعت ريقها بتوتر
بعدت يده بالخفيف و واخذت قطن نظيف و طبطبت على يده و اخذت لصقه وغطت كل الجروح بإحكام و لفت يده بشاش خفيف
سكرت الشاش و بدأت تجمع الاغراض: لا تستخدم يدك هذي استخدم الثانيه
مدت له العلبه: خلها معاك كل يوم فك الشاش و عقم الجرح ورجع اللصقه والشاش و بعد يومين لا تستخدم الشاش بس اللصقه و بعديـ..
حط يده على شفتها: وش معلمك هالمعلومات كلها
الشادن بتوتر: تـخـ. صـصـ. ي يعلمونا فيه
جمعت كل شي وقامت بسرعه
رجعت له: عزيز
عزيز قام: عيونه
الشادن: ليه كسرت الفنجال؟
عزيز نزل راسه توهق ماعرف وش يقول
ناظرها بسرعه: لان امي كانت مخططه تخطبه لميرال وانا استغربت انو كيف خطبك انتي و عصبــ.
حطت اصبعها على فمه بتقليد لحركته: اها تمام
شالت يدها و لفت ورجعت بينهم
كان الكل يبارك لميرال وهي مبتسمه
الشادن جلست حنبها: وش السالفه
ميرال بتوتر: خطبوني له
الشادن: وافقتي
ميرال: اي
الشادن ضحكت: غبيه خليك ثقيله وافقي بعد يوم يومين مو بنفس الثانيه
ميرال دقتها: غبيه انتي هذا اللي كنت بسويه بس ابوي قال وش ردك يا ميرال قلت الشور شورك و وافق
الشادن جات بترد لكن الكل سكت من سمعوا اصيل يتكلم
اصيل: يبه انا بعد ابي اخطب
الكل التفتوا له اولهم اصايل
البنات كانوا يضحكون ويتهامسون لأصايل واصايل مستحيه
ابو اصيل: هذي الساعه المباركه مين ودك فيها
اصيل ناظر اصايل: جـولـيـا
فجأه البنات سكتوا وينتظرون ردة فعل من اصايل
اصايل كانت تناظره بصدمه و وجهت نظرها لحوليا اللي كانت تناظر الأرض بلا مشاعر
الفيصل ناظر راكان اللي كان جالس بعدم صبر ويناظر اصيل بنظرات كره
اصيل ابتسم و وجه نظره لراكان و ناظره بنظرات تحدي
راكان هز راسه بتوعد
الفيصل حس فيه و مسكه من يده: اهدى
راكان وهو يهز رجله بغضب: شوف الحيوان كيف مستانس والله لاقوم انتفه
جاء يقوم بس مسكه الفيصل وثبته بتهديد: قلت اهدى
راكان شبك يده ببعض وهو يهز رجله بغضب
اصيل ناظر ابو ماجد: وش رأيك عمي
ابو ماجد ناظر بنته: عطنا وقت نفكر بالموضوع ونرد لك خبر
جوليا طلعت من المجلس ومحد شك كانوا متوقعين انها مستحيه
لحقتها اصايل و البنات خافوا على جوليا و ركضوا برا وراها
اصيل طلع من شافهم طلعوا كلهم مره وحده
استغل راكان الفرصه وطلع
لحقه الفيصل ورامي و عنان من عرفوا نيته
عند البنات..
اصايل راحت لجوليا: وش مشكلتك
جوليا ماظرتها باستغراب
اصايل دفتها: انتي تعرفين انه يحبني مع هذا خليتيه يخطبك
جوليا: والله هو قال بخطبك ماكنت ادري عن شي
اصايل دفتها اقوى لين جات تطيح بس مسكت نفسها
البنات بعدوهم عن بعض
جيلان: اصايل
اصايل ناظرتها: خير
جيلان: ابعدي عنها
اصايل بشبه صراخ: لا والله
جيلان بحده: لا تصارخين
جوليا بعدت عن اصايل
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
جيلان مسكت اصايل و جوليا: تعالوا معي شوي
لفت على البنات: خلوكم هنا
راحوا جيلان و اصايل و جوليا..
عند الشباب
اصيل التفت لراكان الغاضب: اوه اهلًا راكان
راكان اقترب له وثبته هلى الجدار ومسكه من زنده: وش سالفتك انت
اصيل ضحك: اي سالفه بالضبط اني دخلت غرفة جوليا ولا اني خطبتها
راكان بقسه على وجهه بقوه
اصيل دفه و تفل الدم اللي طلع من فمه بالارض وتوجه لراكان ومسك ياقته: وش تبرر هذا الشي؟
راكان دفه عالجدار
الفيصل و رامي وعنان مسكوا راكان و اصيل
عنان وهو ماسك اصيل: اهدى ياولد
رامي بغضب: انتوا كبار وش حركات الاطفال هذي
اصيل مسح الدم اللي من خشمه بقوه: لو انك تحبها وتبيها كان خطبتها قبلي بس راحت عليك
كمل يوم شاف راكان يبي يهجم عليه: على فكره انا خطبتها عشان فيه واحد شايب خطبها و هي كانت تبكي ماتبي احد يدري وانا سمعت
ضحك: اصلا ليه ابرر لك خلاص صارت زوجتي
وشدد عالكلمه
راكان دف الفيصل وراح لاصيل
رامي مسك راكان: ابعد عنه
راكان دف يد رامي: مابسوي له شي بعد
رامي صدقه و بعد يده
راكان مسك اصيل من ياقته: تفسخ الخطوبه واخطبها انا
اصيل برفض: لا تحاول
راكان بتكرار: تفسخ الخطوبه واخطبها انا
كمل بضحك: خلك مع اصايل
اصيل دفه: لا تنطق اسمها على لسانك
راكان رفع حواجبه: وش هالتناقص ماخذ لك اثنين
كمل ليقهر اصيل: ولا خلاص انا باخذ اصايل
لف وهو رايح يدخل: بكلم اخوها و اخطبها انا
اصيل بتعب: انتظر
راكان ابتسم ابتسامة انتصار ولف عليه
اصيل: باخذها لين ينسى الشايب خطبتها يعني بس تصريفه عشان ابو ماجد يقول لابو اصايل خطبها واحد و بس
كمل: من البدايه ماكنت ابيها على فكره لكن قلت اساعدها،  كنت مخطط بس خطبه مزيفه ما كان ببالي شي جدي وكنت بتفق معك من البدايه تخطبها لكنك تسرعت شوي
أشر على نفسه بمعنى (هذا اللي سويته)
راكان بندم ربت على كتف اصيل:اعذرني يا اخوي دخل الشيطان بيننا
اصيل هز راسه:معذور واصلا لو حصل معي نفس موقفك بسوي نفسك
راكان ابتسم ودخل و طبعًا الفيصل ربت على كتف اصيل:اعتذر لك مره ثانيه بإسمي انا وراكان اتمنى ماتاخذ بخاطرك
اصيل:معذور
دخل الفيصل ورامي وبقى اصيل
عند البنات
جوليا سكرت عينها: هذا اللي صار وانا مابغيته من البدايه اصلا
اصايل شبكت يدها ببعض:جوليا صداقتنا مابتوقف على رجل
كملت بشهاق: اتمنى لكم حياه سعيده و اصيل يناسبك حلوين مع بعض
ضمتها: بالتوفيق لكم
جوليا شدت عليها
اصايل بعدت ولفت راحت
راحت لخلف البيت و جلست عالعشب بدأت تغني بصوتها العذب: ما عاد في الاحلام حاجه تستحق اتعب وراها وانتظرها كل يوم واللي فرق الحين عندي مافرق غاب القمر والليل تملاه النجوم
و اللي بغيته راح راح ولا انطلق ولا عطاني لا وعد ولا علوم و اللي عـشـ..
مسحت دمعتها اللي نزلت وحات تكمل بس قاطعها اصيل
كمل الاغنيه وراها: واللي عشق ماهو مثل من لا عشق مايستمع للي يعاتبه ويلوم
تقدم وجلس جنبها 
ناظرته لثواني و وقفت: الله يوفقك انت وجوليا
كملت بإبتسامة حزن: تناسبون بعض مره اكيد عيالكم بيطلعوا حلوين
وشدت على كلمة عيالكم
راحت ودخلت بيت ابو رامي و اخذت عبايتها و طلعت
دلال: اصايل شفيك
اصايل: مافيني شي يلا نرجع
ركبوا السياره و راحوا بيتهم
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
بعد ثلاث اسابيع بيوم ملكة الفيصل و جيلان
قامت من نومها بتوتر و تروشت و طلعت وهي لابسه بلوزه بيضاء و جينز ازرق
وقفت قدام المرايه وهي تمشط شعرها الطويل
كانت شبه غير مصدقه انها خلاص بتصير على ذمته!
دق جوالها توجهت له و ردت: الو
جوليا: الو جلو كيفك
جيلان: كويسه وانتي
جوليا: تمام
كملت: اسمعي الساعه كم تبين نجيك
جيلان ناظرت ساعتها: خلاص تعالوا الحين وتحهزوا عندي عشان يخف التوتر
جوليا: تمام الحين جايينك
سكروا
بعد دقآئق معدوده دق باب غرفتها ودخلوا البنات كلهم بإستثناء اصايل ودلال
جيلان ناظرتهم: فين اصايل و دلال
تارلا: كتبت بالقروب انها بتتأخر شوي ماشفتي الرساله؟
جيلان هزت راسها بـلا
عطتهم ظهرها: بنات احس توتر
اغاريد: مين قدك بتاخذين اخوي يحظك والله
جيلان ابتسمت: اي والله يحظي
الشادن: خير هو اللي حظه بياخذ اختي
جيلان ابتسمت لها: بفتقدكم
تارلا ضحكت: شفيك مستعجله اليوم الملكه بس
تحولت ابتسامتها لملامح جديه: ولا لا يكون بياخذك اليوم
جيلان: والله فكره بس لا
تارلا: طيب بنات اسمعوا وحده تجي معي ابي اسلم على خالتي ام جيلان
جيلان بمزح: تسلمين على حماتك
تارلا بلا شعور: لا وع
ابتسمت بوهقه: اقصد..
ناظرت الارض بفشله
الشادن ضحكت لتلطيف الجو: عادي روحي وحدك مافي احد اصيل برا البيت و عنااان نايم
شدت على كلمه عنان
تارلا: اخاف يقوم فجاه
ميرال ناظرت ساعتها: لالا اقل شي بعد ساعتين
تارلا تنفست براحه: تمام
فعلًا نزلت وسلمت على ام اصيل و ام عنان وجلست تسولف شوي معهم
ام اصيل غمزت لأم عنان و ام عنان فهمتها
ام عنان لتارلا: تارلا حبيبتي ممكن تحيبين لي شي
تارلا: امري من عيوني
ام عنان: في غرفة الشادن ابي الشاحن لا هنتي
تارلا وقفت: تبشري بس فين غرفتها
ام عنان: بعد غرفة جيلان بغرفه بس بعيده شوي
تارلا: تمام
راحت..
ام اصيل: والله هالبنت تناسب عنان
ام عنان: اي والله
رفعت يدها: الله يجمعهم
عند تارلا
دخلت الغرفه على وصف ام عنان
كانت ظلااام وبارده ولا حاء ببالها انها غرفة عنان ابدًا
فتحت اللمبه وهي ميته برد: وش ذا المكيف ابرد شي
ناظرت الغرفه: غرفة بنت هذي!!
بدأت تدور على الشاحن
وقفت قدام التسريحه تعدل شكلها ناظرت العطور اللي بالتسريحه
فتحت عينها: هذي مو عطور بنات
راحت للدولاب بشك و فتحته وشافت اكثره ثوب و ملابس رجاليه
فتحت فمها بصدمه من عرفت مبتغاهم
جات بتطلع لكن عنان طلع من الحمام و شعره مبلل و لاف المنشفه على خصره
فتحت فمها ولفت جسمها بالجهه الثانيه: متخلف خير
عنان تحلطم: تارلا مو فاضي لك اطلعي
تارلا: لا تطرد
جلست على السرير بتحدي: وهيا ماني طالعه وش بتسوي
عنان يحسب بيده: اول مره جيتي بسيارتي ودخلتيها ولا رضيتي تطلعين وانتي الغلطانه والحين اشوفك بغرفتي و معنده ماتبين تطلعين
لف قبل مايسمع ردها و دخل الحمام وبسرعه طلع بعد مالبس
وقف قدام المرايه وهو مطنش وجودها
لفت عليه وشافته يعدل شعره و يحط عطوره
حكت رقبتها بغباء: عنان
ناظرها من المرايه: نعم
تارلا: امم ممكن الشاحن؟
عنان توجه للشاحن ورماه عالسرير
ناظرها: اول مره تتسترين
تارلا ناظرت لبسها: اي قررت اتستر عشان فستاني قصير
عنان: يووه انتي بتحضرين؟!
تارلا حكت يدها على خصرها: على فكره انا اعرف جيلان من قبل ماتعرفها مو عشانك اخوها يعني تعرفها قبلي
عنان توجه لها ومسح يده على ملابسها
فتحت عينها: وش تسوي
عنان ضحك: الحين عطري فيك يعني لو تروحين عندهم بيعرفون انك كنتي عندي
ضحكت بإستهزاء وراحت لعطره و رشت برقبتها و بجسمها: كذا احسن مو؟
عنان ناظرها برفعة حاجب: خلصتي العطر
ناظرت اسم العطر: تمام بشتري لك غيره
عنان بفضول: وش لون فستانك
ناظرته بحناس: اصبر الحين اجيبه
طلعت ورجعت بعد دقآئق وفتحته قدامه: شووف
(فستان ذهبي مخملي نص الفخذ ماااسك من الصدر الى الخصر و شوي منفوش من النهايه و كت )
عنان ناظرها: بتلبسين هذا؟
تارلا ناظرت الفستان بغباء: اي ليه شفيه
عنان: وش مافيه
كمل وهو يحسب: ماسك مره و قصيير و صدرك طالع وفخوذك كلها طالعه
تارلا ناظرته: طيب حسستني بطلع لقسم الرجال
عنان: ابتر رجلك لو فكرتي تسوينها
رفعت حاجب وحطت يدها على خصرها: على اي اساس وبصفتك مين
عنان مسك خشمها: زوجك المستقبلي
تارلا بلعت ريقها وبتغيير السالفه: شرايك بالفستان
عنان ضحك: حلو بس وريني لمن تلبسينه عشان اقيم كم من عشره
تارلا ناظرته بنظره غريبه واخذت الشاحن وطلعت
اعطت الشاحن لأم عنان وراحت عند البنات..
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
بعد ساعه تقريبا جايوا كل الميك اب ارتست و الكوافيرات
و خلصوا من جيلان و كانت طالعه جميييلله جدددا
جيلان ناظرت البنات: كيف الميك اب
الشادن فتحت فمها: واووو
ميرال ضربتها بيدها: قولي ما شاء الله
الشادن وهي مفهيه فيها: ماشاءالله
تارلا: ما شاء الله تبارك الله انا خقيت عليك كيف الفيصل
اغاريد بإبتسامه: يحظ اخوي فيك
جوليا: تهبلين ماشاءالله
ميرال: الله يحفظك يا رب
جيلان وعينها مدمعه: مشكورات يحظي فيكم والله
دخلت ام اصيل: ياحبيبتيي الجميله الله يحفظك
جيلان حبت راسها: تسلمي
ام عنان من وراها: جيلان حبيبي مبروك
جيلان: يبارك لك يا عمري
شهقت: يلا نروح كأننا تأخرنا
طبعًا على وقتها كلهم خلصوا بس مالبسوا يعني خلصوا الشعر والميك اب..
بعد ساعتين وشوي وصلوا الاستراحه ونزلوا كلهم وزبطوا وضعهم وزبطوا الاستراحه و كل شيء
فساتينهم كانت

جوليا (فستان نيلي كت و من تحت الصدر الى الخصر طبقه بنفس لون الفستان بس شوي شفافه نص الساق)

ميرال(فستان رمادي نص الساق يلمع كتفها اليمين يدون اكمام و الكتف الثاني اكمامه طويله منفوش من تحت الخصر نفشه بسيطه)

الشادن(فستان سكري تحت الركبه يلمع منفوش و توب من فوق )

اغاريد(فستان وردي طويل و واسع شوي عشان بطنها بدأ يبرز من فوق كت)

جيلان (فستان احمر فيه علامة V من الصدر وتمتد للبطن
مكسر تكسيرات من بدآية فخذها لين تحت و شوي يسحب من وراها)

تارلا طبعا قلت وش فستانها
ما ذكرت الميك اب و الشعر عشان تتخيلوهم براحتكم
«اعتذر الصور ماتحمل ولا وريتكم»
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
إنتهى
-٢٢٠٩ كلمه-
البارت اليوم طويل لعيونكم 🤍🤍
توقعاتكم للبارت الحاي؟
شكرًا على المشاهده لا تنسوا النجمه 💗💗