لقيتك صدفةّ ويا محاسن هالصدفّ.

-الجُزء الحادي عشر-

عند اهل الشادن
دخل ابو اصيل البيت و هو منصدم بالنتيجه
ايوه طلعت نتآئج الفحص موجبه
طلعت بنته!!!
اللي يدور عليها من ١٩ سنه و ما ساب مكان ما راح له
دخل غرفته و سكر الباب و بدأ يراجع احداث ما قبل اكثر من ٢٤ سنه
🔙🔙
كان جالس مع ام جيلان
ويسولفون
ام جيلان بتردد : نايف بقول لك شي بس اوعدني ما تعصب او تزعل
نايف <ابو اصيل> عدل جلسته و بجديه : اسمعك
ام جيلان ناظرت الأرض : انا داريه اننا متزوجين بدون ما احد يدري سواءًا زوجتك او اهلك
بتردد اكثر : انا حامل
نايف ناظرها بصدمه : شلون احنا اتفقنا ما تحملين
ام جيلان ناظرت عينه ببكى : كل شي صاير فجأه طيب وش اسوي اعترض على امر ربي يعني ؟
نايف حن وضمها : ما عليه ما نعترض الحمدلله خير من ربي
و قدر ربي و جابت ولد و بعدها بسنتين صار نفس الشي
ام جيلان ركضت لـ نايف بفرحه : انا حامل
نايف انصدم و عطاها كف
ام جيلان من قوة الكف طاحت بالأرض و بدأت تبكي بقهر
نايف قصر نفسه لين وصل لمستواها : تجهضينه مابيه
ام جيلان غطت وجها بكفيها : والله مقدر حرام عليك عيالك هذول افهمم
نايف عصب : انا قلت تجهضينه و انتهى
وقف من الأرض و ببرود : انتي طـاااالـق
ام جيلان وقفت من الأرض بصدمه : شـ.لـ.و.ن تطلقني عشان شي بسيط مثل كذا
طنشها وطلع
نرجع للواقع
بعد ما طلقها و عرف انها ولدت ببنت و سمتها جيلان لأن عينها كانوا كبار كعين الغزال
ندم أشد الندم خصوصًا انها بنت
وبدأ يدور عليها لمدة ١٩ سنه و المصيبه لا أثر لها و كأن اول ما ولدت الأرض انشقت وبلعتها !!
قاطع تفكيره صوت دق الباب
ابو اصيل : تفضل
اصيل دخل : يبه بشر وش صار
ابو اصيل مسح على وجهه : النتيجه طلعت موجبه طلعت بنتي
اصيل فرح : الحمدلله
اصيل بتكمله : باقي بس اخوي و يلتم شملنا
ابو اصيل : غريبه ما زعلت ولا عصبت
اصيل : يبه شلون تقول كذا هذول اخواني احد يكره اخوانه؟!
ابو اصيل وقف وضم اصيل : والله انك رجالٍ كفو
اصيل رفع راسه بفخر
-------------------------------------------------
عند اغاريد كانت بغرفتها متملله
دخلت امها عليها
ام الفيصل : اغاريد طلع اللي خطبك ماجد طلعت امه هي ام جوليا
اغاريد بملل : ايه يمه
ام الفيصل : تصدقين انا من اول ابيك تكونين له
اغاريد ناظرت امها بصدمه : شلون يمه تبيعيني
ام الفيصل بعدم فهم : اغاريد ؟؟
اغاريد استوعبت و عشان تصرف السالفه ضحكت :يمه امزح معاك
ام الفيصل ضحكت : يزينك
اغاريد وقفت : يمه تبين اوريك الفستان؟
ام الفيصل زعلت : افا شريتيه وانا اخر من يشوفه
اغاريد ضحكت : لا يمه شدعوه يوم طلعت ما كنت ناويه اشتري الا وانتي معي بس ما قصروا البنات معي
ام الفيصل : الله يخليكم لبعض يا حبيبتي
اغاريد ابتسمت : امين
اغاريد راحت للدولاب و طلعت الفستان
ام الفيصل : مره حلو و متأكده بيطلع حلو عليك
اغاريد حبت راسها : يزينك يمه
ام الفيصل : بس علميني ليه كل شي بنفس اللون
اغاريد : يمه انا فكرت البس شي يكسر اللون بس مافي شي ينفع معاه
ام الفيصل : ناقص المسكه
اغاريد : اي انا ابيها طبيعيه و احتمال الورد هو اللي يكسر اللون
ام الفيصل وقفت لها : الله يهنيكم يا حبيبتي ولا يفرقكم ولا تشوفون ببعض مكروه
اغاريد تنهدت : امين يارب
---------------------------------------------------
عند شخص من زمان عنه
راكان
كان بغرفته و دخلت عليه جيلان
جيلان : فاضي ؟
راكان : اي حياك
جيلان دخلت وجاست عالكرسي اللي قدامه : كيفك
راكان : الحمدلله تمام وانتي كيفك
جيلان : الحمدلله تمام
ابتسم لها وهي ردت الإبتسامه
جيلان : راكان بسألك
راكان : هلا
جيلان : انت تحب جوليا ؟
راكان عقد حواجبه: ما احبها الا حب صداقه ليه تسألين
جيلان : اها لا بس كذا فضول
كملت : تدري انها بتجي هنا اليوم
راكان بحماس : احلففييي
جيلان : على الأساس حب صداقه
راكان : اي
جيلان ابتسمت : عمومًا جيت اقولك
وبضحكه : اتمنى ما تطلع من غرفتك
راكان بمزح : شدعوه بقعد معكم
جيلان ضحكت و طلعت
-------------------------------------------------
عند جوليا
كلمت جيلان و قالت لها تعالي عندنا و جوليا قالت تمام
كانت جالسه بغرفتها تفكر وش تلبس فستان او بلوزه و بنطلون و بعد تفكير اخيرًا لبست بلوزه كت حمراء و نص البطن و سروال جينز اسود ربطت شعرها على فوق و نزلت خصل شكلها كان لطيييفف حطت قلوس على احمر خفيف و فيه شوي لمعه و اكتفت بآيلاينر شكلها كان مره لطيف بشكل
طلعت و هي لابسه عبايتها و شافت ماجد بطريقها
ماجد ناظرها وابتسم : ماشاءالله وين رايحه
جوليا ناظرته من فوق لين تحت و شمقت و مشت : ما يخصك
ماجد راح لها : خير
جوليا طنشته و مشت
ماجد : فيها شي ذي ولا وشو
جوليا نزلت و شافت امها
امها ابتسمت : هلا جولي حبيبتي
جوليا باست راس امها بإبتسامه : هلا فيك يمه
امها استغربت : على وين
جوليا : عند جيلان
امها : الله معك حبيبتي
------------------------------------------------حامل
ند عزيز