لقيتك صدفةّ ويا محاسن هالصدفّ.

-الجُزء ٤٢-

عند اصايل
لبست فستانها اللي كان فستان اصفر كت و الى فوق ركبتها و تحته فيه طبقه ثانيه الى نهاية رجلها شوي منفوش

طلعت من غرفتها وهي رايحه لغرفة دلال و دخلت بدون ماتدق الباب: دلال فين الـ...
فتحت فمها وشهقت وطلعت وسكرت الباب
تكلمت من خلف الباب: ماشفت شي كملوا
دخلت على دلال وخالد وهم يبوسوا بعض😭😭😭😭😭
راحت غرفتها بتوتر خايفه يهاوشها خالد
جلست عالسرير وهي فاحه فمها وماسكه راسها: كيف خالد يسوي كذا حسبته محترم
ضربت جبهتها: غبيه دلال حامل يعني سووها بالتبرعم ولا بلوتوث مثلًا
قامت وهي تحاول تنسى السالفه و وقفت قدام المرايه وهي تعدل شكلها وترش من عطرها
بلا شعور: وش الحلو في جوليا عشان يخطبها اصيل
فتحت فمها: مو نسيت السالفه
تنهدت: وع شدخلني انا الله يوفقهم
دخلت دلال وهي متفشله ومنزله راسها: يلا بنمشي
اصايل: انتظري خليني معك بيذبحني زوجك المريض
دلال: خير ترا ماسوينا شي كان يعدل روجي
اصايل وهب كاتمه الضحكه: يعدله بشفايفه؟
دلال بنص عين: اضحكي لا تنفجرين
اطلقت ضحكتها بصوت عالي
خالد دخل: امشوا يلا
اصايل سكتت بفشله ومشت من قدامهم
لبس دلال (فستان اخضر مخملي عالكتف فيه فتحه من بداية فخذها لين رجلها او نهاية الفستان)
خالد توجه لدلال و مسك بطنها: كم باقي لك
دلال وهي تناظره: اسبوعين تخيل!!
خالد: الله يسهل عليك حبيبتي
دلال: شكرًا آمين
ابتسمت من كلمته (حبيبتي)
صار له فتره طويله ما قالها لها
اصايل دخلت الغرفه: يوه يا طيور الحب
خالد ابتعد عن دلال وعدل شماغه: انا برا انتظركم
وطلع
دلال ضربت يدها بالخفيف: شفيك اصايل ثاني مره تخربين اللحظه
اصايل غمزت: وش صار
دلال ابتسمت بوهقه: بس سالني كم باقي لي وقلت اسبوعين
اصايل زفرت: لحول وانا احسبه قال تحصنتي ولا حصنك ولا حضنك ولا اي شي
دلال بنص عين: صارت قبل بس بعض الناس خربوا
اصايل جات بترد بس سكتت من سمعت صوت بوري السياره
نزلوا و توجهوا للاستراحه
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند اليس
لبست فستانها اللي هو (فستان نحاسي ماسك على جسمها بشكل كبييررر و كت)
كثفت الروج و جاء من وراها سليمان و حاوط خصرها بقوه و قبل اكتافها
اليس ابتسمت وباست خده اللي كان على كتفها
سليمان: امانه لا تروحي اليوم وش هالجمال ما شاء الله
اليس: لا لازم اروح جيلان بتزعل لو ماجيت
سليمان لفها عليه وبدأ يحصنها
بعد ثمان دقآئق ابتعد عنها: انتبهي لنفسك وتحصني حتى انتي تحصني مايكفي
اليس فتحت عينها: ما شاء الله دحبت لك ثمان دقايق تحصن اخر شي ما يكفي بس ابشر بتحصن لعيونك
سليمان تقدم لها: بس مو كأن الفستان ماسك مره؟
اليس ناظرت الفستان: اممم لا ما اتوقع
سليمان زفر: المشكله كل جسمك باين مابي احد يشوف تفاصيل جسمك غيري
كمل بقهر وهو يأشر على حبة الخال اللي بصدرها: حتى هذي بيشوفونها يخي غطيها
اليس بضحك: المى ماعندها حبة خال بصدرها و من هنا يفرقون بيننا
فتحت عينها من استوعبت اللي قالته: اي نروح؟
سليمان: دقيقه
اقترب منها و باسها بقوه في رقبتها
بعدته وناظرت رقبتها بالمرايه اللي طلعت علامه حمراء
ضربت رجلها بالارض بقهر: لييييهه
سليمان: عشان اذا احد سألك كم رقم امك تأشرين على رقبتك
اليس طنشته وفكت شعرها بغبنه وبدأت تعدله عشان ماتبين رقبتها
توجهت له بخبث و بحركه سريعه طولت نفسها وفتحت ياقة ثوبه من فوق وسوت له نفس الشي
سليمان فتح فمه: ياحيوانه بتفضحيني
اليس حطت يدها على خصرها: لا والله انت عادي وانا لا
بعدت عنه وراحت لعطرها و رشت على رقبتها و جسمها: المهم يلا نروح
سليمان جاء جنبها قدام المرايه و عدل ياقته بحيث ما تبين رقبته
اليس شهقت: اصبر لا تتحرك
سليمان ثبت على حركته بإستغراب: شفيك
اليس جابت جوالها وفتحت سناب وصورت بالمرايه وهم جنب بعض
سليمان ابتسم و اقترب منها و حاوط خصرها و اخذ جوالها وصور صوره
اليس فتحت عينها: تجنن الصوره
حطتها خلفيه و ورت سليمان: شراايك
سليمان: حلوه
اردف بقهر: ودي احط مثلك بس المشكله اخاف احد يفتح جوالي ويشوفك
اليس ابتسمت: سهله
اخذت جواله و فتحت الكاميرا و صورت طرف وجهها و طرف وجهه و حطتها خلفيه بجواله: شرايك الحين
سليمان: تجنن
اليس ناظرت الساعه وشهقت: يلا تاخرنا
طلعوا للسياره و راحوا الاستراحه..
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند المى
فستانها (وردي غامق توب ويلمع و ماسك و مبين صدرها و من بداية فخذها مفتوح للنهايه و من عند فتحة الفخذ منفوش شوي)
وقفت قدام المرايه تاخذ نظره اخيره لنفسها: ما شاء الله علي الله يحميك يا رب
سلطان دخل الغرفه و انصدم!!
مستحيل هذي المى اللي شافها اليوم
توجه لها ولفها عليه: الله يحميك يا رب ويحفظك لي
ضمها لصدره: تكفين تحصني زياده
المى بتوتر: ابشر
سلطان قبل شفتها بهدوء و ابتعد عنها
المى ناظرت الارض بإبتسامة خجل
سلطان عدل شماغه وناظرها: لا تلبسين نقاب غطي وجهك
فتحت عينها: ليه
سلطان ناظرها: لان مابي احد يشوفك غيري
المى ابتسمت: تمام
ناظرته بتوتر: سلطان
سلطان: عيونه
المى: عزام بخليه بالبيت بس خايفه أامنه على المساعده
سلكان: لا عادي واثق فيها قبل ما اتزوجك دايم اخليه عندها واطلع
المى شهقت: عشان كذا عزام يكرهك
سكرت فمها وعيونها بدات تتجمع فيها الدموع: حرام عليك
سلطان توجه لها بصدمه: حبيبتي ليه تبكين الحين وش يبكي
مسحت الدموع قبل ماتنزل ولبست عبايتها: يلا نمشي تاخرنا
سلطان اخذ مفتاح السياره و سبقها و المى تطمنت عل. عزام و طلعوا وانطلقوا
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
عند البنات
جوليا كانت تتطمن على كل شي وجاها اتصال وطلعت برا تكلم عشان صوت الاغاني العالي
كان اتصال من رقم غريب و اول ما ردت و قالت الو سكر الاتصال
زفرت: لحول مطلعني برا اخر شي مافيه شي
جات بتدخل لكن فيه احد سحبها وغطاها بشماغ و راح بعيد شوي
جوليا دفته: خيررر مين انت
ابتعد عنها: اهدي انا راكان
ارتخت: ايس تبي
راكان بشهقة حزن: الحين هذا كله بيكون لغيري مو لي
جوليا: راكان امانه خلاص ابي استانس اليوم مابي شي يضايق خلقي تكفى خلاص
راكان ضمها بقوه كأنه يودعها: جوليا احبك
جوليا ناظرته بصدمه: وشو
راكان: احبك
جوليا: تااخخررتت
راكان مسك وجهها: لا ما تأخرت
اول ما يطلقك اصيل انا بخطبك
وتذكرين من اول يوم قلت لك اذا رجعنا من الخبر بسوي لك سبرايز وانتي سالتي وش؟
(بيوم زواج اغاريد للي ما يذكر)
جوليا هزت راسها: اي
راكان: كنت بخطبك
جوليا ناظرته: امانه قول لاصيل يفسخ الخطوبه وانت اخطبني
نزلت راسها استوعبت اللي قالته: لو للحين تبيني يعني
راكان: اكيد ابيك بكلم اصيل و نتفاهم
جوليا هزت راسها: تمام
راكان: تراك حلوه
جوليا بخجل: شكرًا
راكان قبلها بخدها و ابتعد عنها
جوليا: انا برجع
راكان مسك يدها وراحوا للاستراحه وماراح الا وهو متطمن انها دخلت وراح قسم الرجال.
دخلت جوليا وراحت للبنات
عند الشادن
كانت تراسل عزيز اللي طلب منها يشوفها
الشادن: لحول عزيز انت ماتفهم اخاف احد يشوف
عزيز: محد بيشوف تعالي بسرعه ولا انا بدخل
الشادن: طيب انا اوريك
سكرت وراحت للمكان اللي عزيز قال لها تجي فيه
عزيز شافها جايه و شهق: منو انتي
الشادن: عزيز بطل سماجه انا الشادن
عزيز: ابعدي بسم الله انا انتظر الشادن وجاني ملاك بسم الله
الشادن ضحكت: هالملاك الشادن طيب
عزيز توجه لها: مره هوووت مدري مين العروسه انتي ولا جيلان
الشادن: لا لاحقه انا
عزيز: ماشاءالله عليك تجننننني لا تنسين تتحصني
الشادن: ابشر وانت كمان تحصن
عزيز: ابشري
اقترب منها وباس خدها: يلا شفتك ارجعي
الشادن فتحت عينها: طيب انا اوريك
ابتسمت ابتسامة شر وبدلع: عزوزززي
عزيز فهى: هممم
الشادن: تعال بقول لك شي
عزيز اقترب منها و هي بحركه سريعه باست طرف شفته
عزيز فتح فمه
الشادن ضحكت:اصبر بوريك
صورته و ورته و كان الروج مره مبييين بطرف شفته
كان روجها احمر و حطت قلوس يعني ثبت بوجهه
عزيز انصدم:ياحيوانننه وانا احسبك خاقه علي اثاريك بتنتقمين
الشادن ناظرت الارض:اسفه
عزيز اقترب منها: خلاص امزح كل وجهي حلالك
الشادن اقتربت وبسرعه طبعت قبله بخده: جاتك الثانيه
عزيز فتح عينه: الحين كيف بيروك الروج
الشادن: بجيب لك مناديل مزيلة ميك اب
عزيز: طيب انتظري تعالي بوسيني مره ثانيه عشان خلاص بتمسحينها وبتروح
الشادن فهمته: لا
عزيز ضحك من وجهها كيف انقلب
راحت وجابت المزيل و مسحت خده و طرف شفته
ابتعدت عنه: خلصت
عزيز: شكرًا
الشادن: عفوًا يلا بااي
لفت و راحت بسرعه قبل ما يقول شي
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
إنتهى
-١٢٩١ كلمه-
توقعاتكم للبارت الجاي؟
شكرًا على المشاهده