لقيتك صدفةّ ويا محاسن هالصدفّ.

-الجُزء ٧٣-

بعد مرور يومين
صحت على صوت امها تناديها
فتحت عينها بكسل و هي تحس روحها بتطلع من التعب و ظهرها يعورها : هممم
دقت الباب : انتي ٢٤ ساعه نايمه فشلتينا يا بنت قومي قوومي
عدلت جلستها و هي تفرك عينها بتعب : هلا يمه
ام رامي : قومي يا بنتي كفايه نوم اجهزي بيجونا ضيوف اليوم عالمغرب
ناظرت الساعه اللي كانت وحده الظهر و رجعت تفرك عينها : ماما الساعه وحده حرفيا ماني فاهمه ايش جالس يصير
ام رامي تكتفت : هالخمس ساعات اكيد بتكفي!
تارلا بتعب: وزياده
ام رامي طلعت من الغرفه و تارلا رجعت حطت راسها و نامت
صحت بعد ساعه و نص و هي تحس انها انشط من قبل
اخذت لها شاور و لبست تيشيرت واسع و اسود و جينز رمادي و خلت شعرها على طبيعته و حطت قلوس و نزلت
ام رامي فتحت عينها من شافتها : ليه ما لبستي
تارلا : لابسه
ام رامي مسكت راسها : يوووه هذا لبس تقابلين فيه الناس ؟
تارلا صغرت عينها : عزيمه كبيره شكلها
ام رامي : يابنتي البسي كويس
لفت و طلعت غرفتها و لبست فستان احمر غامق تحت الركبه و شوي منفوش و مربع من فتحة الصدر لين اكتافها و طويل الاكمام لبست معاه ثلاث سلاسيل ذهبيه و لبست بوت اسود و حطت ميكب شوي ثقيل و روج عودي
ابتعدت عن المرايه : قمر ماشاءالله
شافت جوالها يدق و ردت : الو
ام رامي : تعالي الحرمه جات
نزلت و هي تشوف مرأه غريبه قدامها و كم بنت بعمرها و اكبر شوي
سلمت عليهم و جلست تطقطق بجوالها
و هنا تجمدت من سمعت :
- هذي العروسه يا ام رامي ؟
ام رامي : ايوه هذي هي
رفعت راسها تناظر امها و علامات التعجب موجوده براسها
ابو رامي رسل لام رامي : خليها تجي
ام رامي سحبت تارلا على جنب ابوك يبيك عند باب المحلس
وهي باقي مصدومه توجهت للمجلس و دقت الباب
طلع ابوها : يا هلا والله ببنتي العروسه
تارلا : بابا اي عروسه تتكلم عنها محد قال لي اني بنخطب ايش قاعد يصير
ابو رامي : عارف انك ما تبغين لكن انتي ادخلي شوفي الرجال مافيه اي عيب اذا لقيتي فيه اي غلط ارفضي وانا بكون معك
بعد مده من اقناعها اخيرًا وافقت تدخل بس بشرط انه اذا ما عجبها بترفض و وافق الاب
دخلت و هي منزله راسها و لما رفعته انصدمت من شافته هو ! ايوا ايوا هوو نفسه

———

عند الشادن
قامت بنشاط و هي تحس صارت احسن
فتحت جوالها و هي تشوف الرسايل و عقدت حواجبها : هذي شفيها مارسلت لايكون تزوجت و نستنا
رفعت جوالها و دقت على ميرال
سكرت الاتصال بتأفف من جاها اتصال ثاني
ردت بملل: همم
سمعت شهقاتها وفزت :بنت شفيك
تارلا بصياح : خطبني
الشادن :مين
تارلا : حق القاعه
الشادن حطت يدها على قلبها : ايش
تارلا و هي تشرح السالفه
:
دخلت المجلس و هي منزله راسها و رفعته و هي تشوف نفس الشخص اللي كان متواجد بالقاعه اي صقر
فتحت عينها بصدمه و شافته يناظرها بانبهار
عقدت حواجبها و لفت على ابوها : بابا
ابوها هز راسه : تارلا بنتي اجلسي
تارلا جلست نهاية المجلس و هي مصدومه شلون كل شي صار فجأه و امها ليه ماعلمتها انها انخطبت و ابوها ليه ما قال شي و وين رامي و عزيز و كيف بتكون ردة فعل عنان لما يدري
كل شي دار ببالها بنفس اللحظه
كسر حاجز الصمت بصوت مرتفع : كيفك تارلا
ما ردت عليه
ابو رامي : تارلا شفيك ساكته تكلمي
تارلا بدون ما تناظره : تمام
ابو رامي بترقيع لموقف تارلا : تعرف البنات خجولات
و ضحك
بلعت ريقها بصعوبه و وقفت و طلعت من المجلس و راحت ركض لغرفتها بانهيار و دقت على الشادن على طول و علمتها بالقصه
:
الشادن : اسمعي انتظري شويات كذا و بكون عندك
تارلا بشهاق : تكفين الشادن لحد يدري خصوصا عنان
الشادن : ابشري ابشري
شكرت و راحت اخذت شور سريع و لبست بلوزه بيج و سروال بني و شوز بني
خلت شعرها على طبيعته و حطت ميكب بسيط جدًا و طلعت من غرفتها
شافت حنان بوجهها و سلمت عليها : حنو انا بروح عند تارلا اذا ماما جات قولي لها الشادن راحت عندها
حنان : من عيوني
الشادن رسلت لها قبله بالهواء و مشت بسرعه و ركبت سيارتها و راحت لبيت ابو رامي
وصلت و شافت سياره غريبه قدام الباب
انتظرت الى ان يروحوا و فعلًا بعد مده خرجوا عائله صغييييره و ركزت بالشخص اللي يمشي قدام و بققت عينها و هي تناظره : تارلا لو رفضتي هذا بلعنك
كانت منجد تتامله كانها بتاكله
نفس ما وصفت تارلا طوله و عضلاته و شكله
طردت هالافكار بسرعه و غمضت عينها بقوه شلون قدرت تفكر كذا عن شخص احتمال يكون زوج بنت عمها
تاففت و ركنت السياره قدام بيت عمها و نزلت
فتحت لها المُساعده و ركضت لغرفة تارلا
دخلت و شافت منظر تارلا اللي كانت منهاره و ضامه رجلها لركبتها و تصيح صياح يعور القلب
حست بحزن شديد على حالتها و ركضت لها و ضمتها بقوه و بدأت تهديها
لما حست انها هدت ابتعدت شوي للخلف و بدات تمسح على شعرها و تعدله : خلاص حبيبتي
تارلا بشهاق : شلون تبيني اهدى و عمك بيزوجني شخص ماعرف غير اسمه و ماشفته غير مره وحده بحياتي
الشادن : اسفه حبيبتي شوي بس ثواني و اجي
تارلا مسكت جوالها و هي تمسح دموعها و شافت رساله من مجهول : السلام عليكم
ردت و هي تمسح دموعها : وعليكم السلام مين
: زوجك صقر
رمت جوالها و دفنت راسها بالمخده و انهارت زياده