لقيتك صدفةّ ويا محاسن هالصدفّ.

-الجُزء الرابع عشر-

عند اليس
قامت من النوم وحست نفسها ما تقدر تتحرك ولفت راسها وشافت سليمان وراها على طول يعني هو اللي مقيدها؟!
دفته بأقوى شي عندها وقامت لبست روبها وراحت للحمام وهي تتوعد له
غسلت وجهها وتوضت وصلت وراحت له
ضربته على رجله بقوه
سليمان قام بألم : يالمجنونه وش تسوين
اليس : قوم وانا اوريك
سليمان طنشها وقام راح للحمام توضى وصلى
اول ما خلص لقى اليس متكتفه وتنتظره يخلص
لف عليها بإستغراب : خير
اليس : ليه تضممنني وانا نايمه مو حطيت مخدات بيننا؟؟
سليمان بصدمه : والله انتي اللي دفيتي المخدات وجيتي بحضني والله
اليس : المفروض اني اصدق؟
سليمان قام راح لجواله وفتح الصور و وراها فيديو كانت تتحرك وتدف المخدات وتقرب له
اليس تناظر بصدمه
سليمان : كنت داري انك بتسوين سالفه وحبيت يكون عندي دليل
اليس طنشته ولفت عالجهه الثانيه وهي متكتفه (زعلانه)
سليمان :ترا اليوم بنروح عند اهلي
اليس فزت ونست الزعل : ايششش
سليمان : ايه
اليس مسكت وجهها : يويلتي مافي وقت لولا شي وش البس وش اسوي
سليمان : البسي اي شي ما يهم اهم شي ابوي يقتنع وننتهي
اليس راحت لشنطتها حقت الملابس ومسكت فستان اسود لنص الساق و الكم طويل و مفتوح من عند رجلها فتحه شوي طويله لبسته وحطت ميك اب بسيط
كانت تنثر البلاشر بخدها وابتسمت يوم قامت وهي بحضن سليمان
طردت الأفكار اللي داهمتها و تعوذت من الشيطان
اليس وهي ماسكه راسها : فتره بسيطه ويطلقك و كل واحد يروح بـ طريق لا تعلقين نفسك فيه
ختمت الميك اب بروج وردي كان شكلها مره حلو و فردت شعرها خلته على طبيعته بس رفعت نصه كعكه صغيره والباقي مفتوح و نزلت خصلتين وطلعت كان سليمان جالس عند جواله ويوم شافها فهى فيها
اليس حطت من عطرها وراحت له
اليس بفزع : سليمان كيف شكلي حلو انو اروح اقابل اهل زوجي ؟
سليمان ابتسم على كلمة زوجي : ها
اايس بغضب : اكلمكك انا
سليمان لف راسه : هلا اي مره حلوه يزينك والله انتي محليه الميك اب وجسمك محلي الفستان
اليس ناظرت الأرض بخجل : شكرًا
سليمان راح لها وضمها بقوه كأنه يبي يدخلها بداخله : بسم الله عليك ماشاءالله تبارك الله
اليس كانت متوتره وتحاول تفك منه
سليمان اخيرًا فكها وهي كأنها تحررت
سليمان اقترب منها وباسها بخدها
اليس خدودها صارت حمراء مره
ولفت عالجهه الثانيه : تاخرنا
سليمان ابتسم ومسك يدها وطلعوا
ركبوا السياره وتوجهوا لـ بيت ابو سلطان
في الطريق سليمان كـ تغيير للجو فتح الراديو وجات اغنية راشد الماجد : أنا أكثر شخص بالدنيا
يحبك وأنتي ماتدرين
وفيك أموت أنا وأحيى
من أول يوم لين الحين
يا أجمل أجمل
الاشياء ويا اغلى من نظير العين
.
بدأ سليمان يغني معاه و كأنه يقصدها وكل شوي يلتفت لها ويبتسم ويكمل
اليس خجلت و لفت للجهه الثانيه
اخيرًا وصلوا
نزلوا من السياره وكانت اليس ترجف من التوتر
سليمان وقف قدام الباب وانفتحت البوابه
اليس من الخوف مسكت يد سليمان وكانت ترجف
سليمان : خلاص اهدي
اليس زاد توترها
دخلوا وكانت ام سلطان هي اللي استقبلتهم
ام سلطان : يا هلا والله ومسهلا نورتي يقلبي
اليس سلمت عليها وشالت النقاب وهنا كانت صدمة ام سلطان :...