لقيتك صدفةّ ويا محاسن هالصدفّ.

-الجُزء ٦٥-

عند نوره
التفتت بكرسيها بفرحه وهي تشوف كل شوي يدخل شخص لبيت ابو رامي وهو يصارخ على تارلا سواءً من اقاربهم او الغير
مسكت الماوس اللي تتحكم بالكاميرا الصغيره من خلاله
لفت الماوس لتحرك الكاميرا حول البيت ضغطت احدى الازرار في الكيبورد لتحول للكاميرا الثانيه الطآئره
رفعت الكاميرا لتصير عند غرفة تارلا
ضحكت بإستهزاء:مسكره الشباك بعد
حولت للكاميرا الصغيره وهي تتفقد ارجاء البيت من الخارج :اممم حلو بيتهم بصراحه
رفعت حاجب:مايغلى علي
دق الباب و دخل حارسها الشخصي (راشد)
نوره بدون ما تناظره :نعم يا راشد
راشد:طال عمرك اللي صار انهم جابوا محقق ليشوف الصور لو هي حقيقيه ولا لا
نوره :اهاا تتوقع يعرفون؟
راشد:الصور واضح انها مو حقيقيه و اكيـ..
قاطعته بشده :لا تقول كذا و تقدر تطلع
راشد نزل راسه و طلع
نوره بدأت تفكر بكلام راشد:الحين لو عرفوا انها انا كيف بنتقم منها بطريقه ثانيه
طردت هالافكار من راسها وهي تشوف عنان طلع من البيت وهو راسح جلسة الحوش
مسكت الماوس وهي تناظره بشوق:مع انك كلب بس اشتقت لك
عنان جلس على الجلسه و شبك يده ببعض و نزل راسه
نوره:متضايق على حبيبة القلب؟ ماشفت شي يا روحي طييب ما بيروح قهري عالفاضي
——————————————————————

بييت ابو رامي اللي مقلوب فوق تحت
دخل المحقق و توجه لعنان و سلم عليه بحراره :كيفك يا اخوي
عنان:الحمدلله انا تمام انت كيفك
عمار ابتسم:انا تمام
عمار سلم عالكل وجلس بالمنتصف :ايوه امروني
عنان بفشله حك راسه:فيه صور طلعت مو كويسه لبنت عمي ونبي نعرف اذا صحيحه ولا مفبركه
عمار ابتسم:سهله
رامي مد الملف له و حطه فوق الطاوله:الصور هنا
عمار صغر عينه وهو يشوف الصور :الواضح انها مفبركه لكن باخذ من وقتكم و اتأكد
رامي :خذ راحتك

عنان بضيقه دف الطاوله و طلع للحوش تحديدًا الجلسه وجلس فيها وشبك يده ببعض و نزل راسه

فر بثواني وهو يشوف حجره صغيره عند رجله
مسك الحجره وهو يقلبها بين يده و قام بثواني وراح لشباك تارلا و دقه بالخفيف بالحجره اللي عنده
توتر من شاف مافي رد
تنهد و دخل
عمار انتهى من الصور و سكر اللاب وشبك يده ببعض وهو يناظرهم :ابشركم الصور مفبركه
لاحظ الابتسامه على وجيههم
عزيز:ماقلت اختي ماتسويها
التفت وناظر ابوه اللي وجهه خالي من الملامح
رامي ابتسم:يعطيك العافيه تعبناك معنا
عمار ابتسم:ابد اي تعب تشرفت فيكم و اي شي تبونه دقوا علي
رامي :تقهوى
عمار وقف:مره جايه ان شاء الله والله مستعجل شوي
رامي:فنجال بس
عمار ربت على اكتاف رامي:مره جايه ان شاء الله
رامي:تبشر فيه
عمار ابتسم :يلا توصون
رامي:سلامتك
عمار:تمام
رامي توجه للباب وفتحه وهو يودع عمار
سكر الباب من طلع عمار ودخل وهو يشوفهم ساكتين
رفع حاجب و طلع لغرفة تارلا وهو يفتح عنها الباب
شافها جالسه بالزاويه ومدخله راسها بين ركبها
فزت من شافته و وقفت وهي تحاول ترجع للخلف اكثر بس ماتقدر لان حولها جدار:رامي امانه بعد وربي ماسويت شي تكفى يارامي
مدت يدها و لفت وجهها لتحمي نفسها منه
تقدم خطوتين لها
سكرت عينها بشده و خوف
فاجأها بسحبه لها و حاوطها بشده :اعتذر لك يا اختي دخلنا بشرفك
تارلا شهقت وبدأت تبكي
مسح على راسها بحنيه :ليه البكاء
تارلا مسحت عينها ودفته:لا ياشيخ بعد ما شككتوني بنفسي جاي تعتذر مابيفيد عذري انا بسامحك لكن ما بنساها لك كل ما احط عيني بعينك بتذكر ضربك لي بالصاله و كيف انت و اخوك و ابوك شكيتم بشرف بنتكم
هزت راسها بقلة حيله:لدرجة جبتم محقق يشوف لو الصور حقيقه ولا لا ناظر في الصوره واضحه انها مفبركه بالله كذا جسمي؟؟
فتحت عينها:اوه نسيت شوف ظهري فيه شامات و في الصوره مافيه ولا شامه
كملت بقهر:مايحتاج اكمل لانكم عرفتم الحقيقه اخيرًا و تقدر تتفضل مابي اشوف احد
رامي تنهد و طلع وهو يرمي المفتاح بسريرها
تارلا ناظرت المفتاح و اخذته وهي تسكر غرفتها بقوه