لقيتك صدفةّ ويا محاسن هالصدفّ.

-الجُزء الأربعه والثلاثون-

عند ابطالنا
الكل كان مجتمع بغضب و طبعًا بإستثناء جوليا
الفيصل توجه لراكان بغضب :لو انك منطم
راكان :لا والله اشوفها تغلط علي بدون سبب واسكت!
عزيز ناظره :اي تسكت تراها بنت مو وحده من الشباب عشان تتعامل معها كذا!
عنان بأسى :جرحتها حرام عليك
راكان بصدمه :كلكم علي !! تراها ضربتني
رامي :انت حديتها
راكان اشر عليه :حتى انت!حسبتك انت العاقل فيهم وتدافع عني
رامي :ادافع عنك لو كنت غلطان لكن كل الأدله ضدك
راكان جاء بيتكلم لكن قاطعته ميرال :جوليا مختفيه
راكان ادعى عدم الاهتمام وهو فعلًا مو مهتم لها :بالطقاق
ميرال فتحت عينها :بالطقاق اللي يطقك
راكان لف عليها :لا تخليني اقلب عليك انتي بعد
رامي واصيل وعنان تقدموا له بغضب
عنان :مد يدك عليها لو تقدر
الفيصل :مو عشان جوليا اخوها ماجد مو هنا تتفلت على كيفك!!
اصايل ارتجفت من سمعت اسم ماجد و لفت صدت من عندهم
اصيل لاحظ صدها و انسحب بهدوء من بينهم وراح لها
راكان :خلاص انا غلطان ارتحتوا!
جيلان :حرام عليك
راكان :خلااص يخي خلاص انكتموا
عنان مسك ياقته بقوه :لا تغلط لا تشوف شي مايعجبك
راكان مسك ياقته :هيا جرب
الشادن صرخت :خلاص انتم ! البنت ضايعه جوالها مقفل وانتوا هنا تتهاوشون
عنان ابتعد عنه بحده وعينه بعين راكان
رامي :كل واحد يروح من جهه وندور عليها و الباقين يقعدون هنا عشان محد يضيع اكثر و خلوا جوالاتكم مفتوحه عشان لو احد مننا دق
راكان ركب السياره بعدم اهتمام
جيلان تسحبت من بينهم و ركبت معه السياره
راكان لف عليها بغضب :وش تبين
جيلان :انا بطلع بس بقول لك شي ما ادري يحرك فيك شي ولا لا
راكان سكت ينتظرها تتكلم
جيلان :جوليا تحبك لكنك جرحتها بشكل ماتتصوره
راكان ناظرها بصدمه :ايش!
جيلان هزت راسها :اي
كملت :دايم يوم تكلمك تنسى اللي حولها وتطير لعالم مافيه الا انت وهي ودايم تتكلم عنك بخير و ابتسامه و تحمر خدودها و تلمع عينها يعني تحبك!
اكبر دليل يوم اليوم لبست مثلك احمر امداها تلبس اسود مثلنا او اي لون لكنها تعمدت تلبس الاحمر عشان تكون مثلك
راكان ناظر الارض بصدمه وحزن بنفس الوقت
ناظر جيلان :ليه فجأه قلبت علي!
جيلان :راجع افعالك انا اعرفها جوليا مستحيل تقلب الا فيه شي وترى قلبها طيييب
كملت :عمومًا انا بطلع انت يليت تدور عليها وتعتذر لأن مشاعرها تجاهك مو قليله
طلعت من السياره وراحت جلست جنب البنات اللي كانوا كل وحده حالتها اخس من الثانيه
اصيل و اصايل::
اصيل لحق اصايل :شفيك اصايل
اصايل مسكت كتفها :مافيني شي
اصيل مشى و صار قدامها :اكيد
اصايل برجفه :اي معليك
اصيل مسك اكتافها :اذا فيك سي عادي قولي
عينها لمعت بتدمع ونزلت راسها: تذكرت سالفة ماجد
اصيل مسك فكها ورفعه :اشش ليه البكاء انا ماقلت لك احل السالفه؟
اصايل :قلت بس شوف هو مسافر
اصيل :بيرجع طيب مصيره
اصايل :اكيد بتحلها؟
اصيل :اكيدين
ابتسمت له :يلا نرجع بيفقدونا
اصيل :تعالي نمشي شوي طيب مايضر
اصايل :تمام
مشوا شوي وجلسوا يسولفون بين السوالف تفاجئ اصيل بأن اصايل حطت راسها على صدره
ابتسم وحاوط كتفها
فجأه جوال اصايل يدق
ردت :هلا دلول
دلال بحزن :انا راجعه ترا
اصايل بشهقه :ليه
دلال :مدري عنه اخوك داق علي يقول انا جاي ولا يبرر ولا شي
اصايل :وانا!!
دلال :لو تقدرين ارجعي مع البنات
اصايل بحزن :تمام انتبهي لك
دلال :ابشري
اصايل :تبين مساعده؟
دلال :لا شدعوه انتي استانسي ومعليك مني
اصايل :تمام باي
دلال :باي
اصيل بإستغراب :شفيك
اصايل زفرت :دلال بترجع وتخليني
اصيل :عادي طيب وحده من البنات توصلك
اصايل هزت راسها :تمام
وقفت: انا رايحه اكيد افتقدونا
اصيل وقف معها :تمام
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــ
اليس وسليمان
بعد دقآئق وقفت وقامت من حضنه :انا بطلع
سليمان :ليه خليك عندي
اليس :لا والله عندك ناس انت
سليمان تنهد :تمام نتقابل بالفندق
اليس :انتظرك
سليمان وقف :مابتودعيني؟
اليس تقدمت له وضمته بقوه
شد عليها بإبتسامه
بعدت عنه و رفعت نفسها لطوله وقبلت طرف شفته
سليمان ابتسم :افضل شي اكمل فيه يومي
اليس ابتسمت بدلع :احبك
سليمان حاوط خصرها بإحكام :ايش قلتي
اليس بتوتر من قربه الشديد :احبك
سليمان :مره ثانيه
اليس :احبـ..
تفآجئت منه قبلها بشفتها بقوه
بعدته بألم ومسكت شفايفها اللي صارت حمراء :شفيك
سليمان تسند بالجدار :شسوي احبك
اليس :بس مو هنا
سليمان غمز لها :خلاص اجل الوعد بالبيت
اليس فتحت عينها بوهقه وابتسمت :يلا بطلع
سليمان :انتبهي لك
اليس رسلت له بوسه بالهواء :ابشر حبي حتى انت
سليمان ابتسم :من عيوني
ابتسمت وطلعت سكرت الباب وراها و دقت على السواق اللي بدقآئق دق عليها معلن انه وصل
طلعت السياره :ودني الفندق
السواق هز راسه و انطلقوا للفندق و نزلت
وطلعت لدور جناحهم ودخلت بإبتسامه
فكت عبايتها ولبست بجامه و انسدحت عالسرير :انام ولا انتظر سليمان ولا وشو
جلست بطفش ودقت على مطعم وحسبت سليمان معها
..
ـــــــــــــــــــــــــــــــــــــــــ ـــــــــــــــــــــــــــــــــــــــــ ـــــــــــــــــــــــــــــــــــــــــ ـــــــــــــــــــــــــــــــــــــــــ ـــــــــــــــــــــــــــــــــــــــــ
عند المى
ابتسمت بخبث من لمعت ببالها فكره توجهت للدولاب
طلعت بلوزه وجينز عالسريع لبستهم و لبست عبايتها
طلعت للسواق :الحق سلطان بسرعه
ركبوا وصاروا يلحقونه
كانوا كل شوي يضيعونه بس يلقونه
شافوه ينزل لمحل ذهب و ضل شوي وطلع ومعاه كيس للمحل
ركزت المى بالكيس و فتحت عينها
ابتسمت :طيب طيبب انا اوريك تجيب لها ذهب اجل
مشوا وراه و نزل لمحل ورد و جاب باقة ورد كبيره و جدًا
فتحت عينها بغضب :لا والله والله لو انها خطيبته ما توصل مريض وش ذا
مشوا وراه اكثر وشافوه ينزل لكوفي
سكر سيارته واخذ الذهب و الورد و نزل
المى شهقت :وقف انا بنزل
فعلًا نزلت من للسياره وجات تدخل الكوفي وراه لكن وقفها احد الموظفين :لو سمحتي ممنوع الدخول
المى فتحت عينها :على اي اساس
الموظف :احد الزبناء طلب هذا الشي محد يدخل الا هو و حبيبته
المى صغرت عينها: وش اسمه
الموظف :سلطان آل...
فتحت عينها بغضب :اجل هو وحبيبته
ناظرت الموظف بقلة صبر :تمام بروح
فعلًا راحت وشافت الموظف ينشغل و بسرعه دخلت الكوفي
توجهت للطاوله اللي هو فيها وضربتها بقوه
سلطان ابتسم :هلا المى
المى :وش تسوي هنا
سلطان :انتظرك
المى سكتت شوي و ربطت المواضيع ببعض
بعدم فهم :وضح
سلطان ضحك :انتي حبيبتي اللي قال لك الموظف اني انتظرها
المى بلعت ريقها بصعوبه و جلست عالكرسي
سلطان لف لأحد الموظفين وهز براسه
بثواني تقدموا مجموعة موظفين اللي ماسك باقة الورد واللي ماسك كيكه واللي ماسك كقم الذهب و اللي ماسك القهوه
حطوها على الطاوله و راحوا
سلطان ابتسم وناظرها
كانت عينها تلمع وحاطه يدها على فمها
فجأه اشتغلت اغنية ماجد المهندس (متبريه من ذنوبكم💗💗)
[انتَ انتَ نبض قلبي ]
بدأت الاغنيه تشتغل و المى وقفت و ضمت سلطان اللي بدوره شد عليها
همس بإذنها :احبك يا اجمل شي حصل لي
المى بدأت تدمع بحضنه
مسح على راسها :ليه البكاء
بعدت عنه :شكرًا
سلطان :مابيننا يقلبي وذا ولا شي بحقك
مد يده لعلبة الذهب و فتحها امامها
مسكت فمها بصدمه من جمال الذهب
المى :ليه كلفت على نفسك
سلطان :اي كلافه قلت لك هذا ولا شي بحقك
ناظرته :مين كنت تكلم بالبيت
سلطان ضحك :محد
رفعت حواجبها :احلف
سلطان ابتسم :وربي محد بس عشان تضبط الخطه سويت نفسي اكلم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اغاريد وماجد
دخلت الدكتوره وبدأت تقلب في الملف اللي معاها
ناظرت ماجد بإبتسامه :ممتاز لقد تحسنت حالتك بشكل ملحوظ و اذا استمريت على هكذا سوف تخرج هذا الأسبوع
ماجد ابتسم :شكرًا
ابتسمت وطلعت
اغاريد مسكت وجه ماجد ولفته عليها :وش قالت
ماجد :تقول اني تحسنت ولو استمريت كذا بطلع هذا الاسبوع
اغاريد ابتسمت :كويس
ماجد زفر :اغاريد
ناظرته :هلا
ماجد :ابي اطلع جيبي لي كرسي
اغاريد :لا
ماجد :لا فهمتي غلط يعني بس نتمشى تعبت من الجلوس
زفر :ليتني جالس بس طول الوقت منسدح
اغاريد بتفكير :طيب بطلع اجيب
طلعت و جابت كرسي وبمساعدتها جلس عالكرسي
طلعوا من الغرفه وبدأوا يتمشوا في الممرات
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-إنتهى-
-١٢١٠كلمه-
توقعاتكم للبارت الجاي؟
جوليا بتسامح راكان؟
المى بترجع علاقتها مع سلطان نفس قبل؟
وش قصة حسان ومين اهله؟
.
شكرًا لكم على المشاهده و ترقبوا البارت الجاي💗💗