لقيتك صدفةّ ويا محاسن هالصدفّ.

-الجُزء الثالث-

اغاريد و ماجد
اغاريد بتفكير : اسآعدك في وشو
ماجد : تمثلين قدام اهلي انك زوجتي
اغاريد بصدمه رفعت حاجبها : لا و ألف لا اموت ولا اسوي مثل ما طلبت
ماجد رفع حواجبه : لا تنسين انو كل صورك عندي و بضغطة زر اقدر امحي مستقبلك
وضحك بصوت عالي
أغاريد كتمت بكآئها ما تبي تبين ضعيفه قدامه : تمام بسوي بس ليه
ماجد بإبتسامه : الحين اهلي يبون يزوجوني وحده ما ابيها و انا قلت اني ابي اخطب و امي تبي تدور لي عروسه ما تدري اني لقيتها وبالنسبه لك بتمثلين انك زوجتي لين ما اهلي ينسون الموضوع و بكل بساطه اقولك انتي طالق ثلاث مرات و ننتهي كل واحد بطريقه
اغاريد : بس ؟ طيب انفذها بس اهلي كيف اصرفهم اوقات ما اكون مع اهلك
ماجد حط يده ورا راسه : هذي بسيطه الحين انتي اجهزي و الباقي يمر على خير
اغاريد طنشته
----------------------------------------------
سلطان و المى
انتبهت له المى و فتحت عينها بصدمه : لو سمحت ايش تسوي هنا
سلطان تكى عالجدار : دخلت ما دريت انك موجوده و تراه ولدي
المى مشت من عنده بتوتر و طلعت
سلطان : معليش سمعت اغلب كلامك بالغلط
المى بحزن نزلت راسها : ماعليه عادي
سلطان : الله يشفيك يارب و يعافيك و يلبسك لباس الصحه و العافيه
المى بمقاطعه : لا مو كذا الموضوع اصلًا انا ما فيني عقم بس ما اقدر اجيب عيال
سلطان بدا يفهمها : اها
كمل بإبتسامه : شعرك مره حلو وانتي كلك حلوه
المى خرجت بسرعه بتوتر و خدودها حمرااء من الخجل
اسماء : معليش بس متى اقدر اطلع عزام ؟
المى : تقدرين تطلعينه اليوم اذا قام لكن افضل خليه يتنوم عندنا عشان يكون تحت الملاحظه
اسماء : مشكوره كثر الله خيرك
المى ابتسمت لها و مشت
---------------------------------------------
عند جوليا
ودعت اليس و رجعت بيتها و فتحت شنطتها تدور جوالها و جذبتها ورقه غريبه فتحتها وطلع مكتوب عليه رقم
فتحت عينها بصدمه : انا اوريك يالكلب
سجلت الرقم عندها و كلمته واتس
حطت علامة استفهام
رد عليها : هلا
جوليا : مين انت و مين سمح لك تحط رقمك بشنطتي وش قلة الإحترام هذي
راكان : يوه ما كنت ادري ردة فعلك كذا المهم انا اللي كنت في الكوفي اليوم اللي بالمول كنت جالس قدامك انتي و اختك
جوليا تذكرته : اها انت اوك
راكان : غريبه ما عصبتي 😂
جوليا : تبي اعصب ؟
راكان : لا خلاص عمومًا انا راكان
جوليا : انا جوليا و ترا اللي كانت معي مو اختي قريبتي و صحبتي بنفس الوقت
راكان : تشرفت
جوليا :الشرف لي
سكرت جوالها

---------------------------------------------------

عند سليمان كان في دوامه (دكتور اسنان)
وكان طفشان بشكل و يحاول يخلص شغله بسرعه وخلص من الرجال اللي كان عنده و طلع راح يجيب له قهوه

اليس بنفس هالوقت كانت جالسه تنتظر دورها وقامت تجيب لها مويه

كان سليمان يمشي و هو عند جواله و يمشي بسرعه

اليس كانت تمشي و تطالع يمين
ودقوا بعض😭😂😂

اليس بألم : اخخ الله يقطع ذا الراس ولفت فوق تناظره و فهت فيه
سليمان بغضب : ترا انتي دقيتي فيني انا في جوالي المفروض وانتي مو عند جوالك المفروض تطالعين قدام
اليس : لا ترفع صوتك بعدين مين قال لك تمشي وانت عند جوالك عمى يعميك
سليمان ناظر فوق و اخذ نفس : اللهم طولك ياروح
ومشى عند الكوفي وقف يطلب
وقفت اليس وراه عشان تطلب لنفسها
اخذ طلبه و راح و اخذت هي طلبها وراحت
بعد عشر دقايق
الممرضه : اليس محمد دورك
اليس ناظرتها بفرحه : اخييرا
دخلت الغرفه و هنا صدمة عمرها
الدكتور كان نفسه اللي دقت فيه
دخلت بخجل وهي تناظر الأرض
وجلست عالكرسي اللي قدامه
سليمان : يليل انتي مره ثانيه؟
اليس رفعت عينها عليه : اي انا لا تحسب اني ميته عليك ترا مافي دكتور الا انت وشمقت له
سليمان : تفضلي اليس عالكرسي و فكي نقابك
جلست عالكرسي و فكت نقابها
ناظرها بصدمه : اوبا
اليس رفعت حاجب : خير قلت شي
سليمان وعى على نفسه : ولا شي سلامتك
بدأ سليمان يشتغل على اسنانها وخلص بعد ربع ساعه
سليمان : خلصنا اليس تقدرين تتمضمضين
وبتكمله : لازم هالفتره تنتبهين على اسنانك و تفرشين مرتين في اليوم
اليس : بس انا عادةً افرش ثلاث مرات وش بيتغير لو مرتين
سليمان : اي بيتغير كثيير تدرين صح انو فيه سوسة اسنان ؟
اليس : اي
سليمان : فيه سوسة اسنان بيضاء ترا و هذي تجي لو قعدتي تفرشين اكثر من مرتين
اليس : يويلتي يعني الحين فيني ؟
سليمان ضحك على غبآئها : لا بس بتجيك لو فرشتي اكثر من مرتين و اسنانك ترا بدأت تصير حساسه لازم تنتبهين على اكلك ما يكون فيه شوكولاته او شي دسم وبس
اليس : مشكور دكتور يعطيك العافيه
سليمان : شدعوه واجبي
مد لها بطاقه : شوفي هذا رقمي الشخصي لو حسيتي هالفتره بألم بأسنانك تقدرين تكلميني
اليس : تم