لقيتك صدفةّ ويا محاسن هالصدفّ.

الجُزء -٧٥-

عند جوليا..
اقلعت الطياره اخيرا و بعد مده استقرت في السماء
اخذت نفس عميق من تذكرت انو مدة الرحله تقريبًا ٦ساعات
طيرت عيونها وهي تناظر الشخص البغيض اللي بجانبها بيجلس معها ٦ ساعات!
تنهدت و طلعت من شنطتها سماعتها و لبستها وهي تسمع لاغنيتها المفضله
بعد مده بسيطه طلعت كتاب و بدات تقرأ
كان يناظرها وعلامة التعجب بعينه
طوت الكتاب على يدها و نزلت وحده من سماعتها بعد ما وطت الصوت :مضيع شي بوجهي؟
ضحك من ردها:جالس مع بزر انا عشان تردين هالرد
رفعت حاجب:ايش فيه
التفت لها بكامل جسمه:ايش تحسين فيه وانتي لابسه سماعه وتقرأي ركزي على شي واحد
عقدت حواجبها :مالك شغل طيب بكيفي
ابتسم نص ابتسامه :بس ذوقك جيد بالكتب
ناظرت الكتاب اللي كان عن الكاتب دوستوفيسكي
ناظرته وابتسمت ابتسامه تسليكيه:شكرا
رد الابتسامه لها و التفت عنها و هو يطقطق بجواله
بعد فتره ماهي طويله جاء موعد الاكل و بدأوا ياكلون
كانت تاكل بجوع صار لها يوم كامل ما اكلت وطول الوقت بالها مشغول براكان
ضحك وهو يناظرها:الاكل ما بيطير
جوليا:تراك ازعجتني بالبدايه مسوي ماتبي تجلس جنبي والحين تسولف
رد عليها :طيب معليش خلاص نتعرف من البدايه؟
مد يده : انا رعد
طيرت عيونها وسلمت عليه بطرف يدها:جوليا
رعد :حلو اسمك جوليا
جوليا:شكرا
كملت اكلها بهدوء الى ان انتهت و لبست سماعتها من جديد و كملت تقرأ الكتاب
رعد:ايوه جوليا ايش عندك رايحه بريطانيا
جوليا:شهر عسل مع زوجي
عقد حواجبه:متزوجه؟
هزت راسها بصمت
التفت حوله :فينه زوجك
جوليا:ببريطانيا
رفع حاجب :مافهمت الحين رايحه بريطانيا شهر عسل وزوجك اوريدي هناك ؟ فهميني
جوليا:اي هو هناك انا رجعت فتره والحين راجعه له انت ايش عندك رايح هناك؟
رعد :ابد والله كنت مبتعث ببريطانيا من كم سنه و خلص ابتعاثي ورجعت السعوديه و تعرفين حنيت لشقتي و عيشتي هناك و قلت برجع لي فترة نقاهه
جوليا:فترة نقاهه؟
رعد:اهلي ضاغطين علي كثييييير وقلت بريح شوي واجيهم
هزت راسها:اها اوكي

جيلان..
تذكرت سالفة ريهام و اصيل واخذت نفس عميق و طلعت جوالها و بدات تكتب رساله لترسلها لـ ريهام
بدات تكتب:
اهلين ريهام انا جيلان
انا عارفه كل السالفه اللي بينكم من البدايه و الصدق ما كان ودي نتكلم بهالطريقه كان ودي اكلمك بالواقع بس تعرفين مسافره
اصيل غلط غلطته و يبيك مره ويبيك تسامحينه
ريهام الله يسعدك عشاني سامحيه ان شاء الله ماتتكرر واذا كررها خلي موضوعه علي
سكرت جوالها وهي مافي براسها حاليا الا هالكلام
نوف:شفيك جيلان
جيلان ناظرتها :ايش
نوف:مدري وجهك مره انقلب
تنهدت :والله صايره سالفه بين اخوي وزوجته وحاليا انا الوسيط بينهم
نوف كشرت:يا قلبي الله يعينك
جيلان ابتسمت:معليك مننا الحين ليه مسافره عندك حاجه ولا تمشيه ولا كيف
نوف :لا
سكتت لمدة ثواني ثم نطقت :اهرب من طليقي
عقدت حواجبها بصدمه:كيف ؟
بللت شفاتها :اذا تبين تقولين لي عادي لعلك تنسين شوي ولا يمكن القى لك حل
نوف اخذت نفس عميق:قبل ٦ سنين تزوجت واحد مايخاف ربه
٦ سنوات وانا عايشه على ذل و عذاب وقهر و خوف
خملت من ثاني سنه من زواجي و بالغلط بعد زوجي ماكان يبي عيال و تحملت ضربه و اهانته لي
حتى لما جات ايثار معاملته معها تخوف
وبعد كم سنه صارت بيننا مشكله كالعاده وانا استفزيته مرره و طلقني
و جلس يحاول يرجعني ويتعرض لي كثير وانا كل يوم اعيش بخوف ورعب انه ممكن يجي وياخذ بنتي
اخرتها فعلا هددني انه بياخذها وانا ماتحملت وحجزت اقرب رحله وخلاص هديت كلشي وراي كلشي الا هي
جيلان نزلت راسها بحزن :ياعمري عليك
اذا تبيني اساعدك بحاجه والله امريني انا تحت امرك
نوف:لا ياقلبي بدبر نفسي
اهم شي انتي اوضاعك تمام
ابتسمت :هذا المفروض شهر العسل لي انا وزوجي
عقدت حواجبها بابتسامه :ماشفت احد معك
ضحكت بهدوء :سبته في لندن ورجعت السعوديه عشان ملكة اختي
ضحكت نوف :منجدك امانه سبتيه لحاله ورجعتي
هزت راسها بالنفي:مو لحاله معاه اخوه
نوف :بس غريبه ليش ما رجع معاك
جيلان بلعت ريقها :اخو زوجي تعبان وياخذ جرعات علاج و زوجي لازم يكون معاه مانقدر نرجع السعوديه ونسيبه ومانقدر نرجع وهو معانا محد يدري عن حالته
تنهدت بحزن : يالله الطف بحاله يا رب
جيلان نزلت راسها :امين ..