لقيتك صدفةّ ويا محاسن هالصدفّ.

-الجُزء الثالث عشر-

عند المى
قامت من نومها وشافت عزام جنبها نايم قامت لبست عبايتها ونقابها وطلعت للصاله وشافت سلطان في الصاله يهز رجله بتوتر و قدامه اوراق كثير
طنشت و اخذت لها كوب وسوت لها نسكافيه عالسريع وجلست قدامه بشوي
سلطان رفع راسه وشهق يوم شافها
المى : شايف جني؟
سلطان : لا بس استغربت يوم شفتك ما دريت انك جنبي
المى شربت من قهوتها
سلطان : المى بكلمك بموضوع مهم
المى : تفضل
سلطان : هذي اوراق زواجنا
المى شرقت بالقهوه
سلطان عطاها مويه : صحه
المى عدلت جلستها : كيف كذا و ايش وليش ومتى
سلطان: شوفي انتي عايشه معي بنفس بيتي بس قاعده تمشين بعبايتك وانا ابيك تاخذين راحتك عشان كذا قررت اتزوجك
المى برفض : لالالالا ماينفع انا جيتك هنا على ما ازبط وضعي واستأجر شقه كيف تتزوجني
سلطان بإصرار : فين تروحين تعيشين وحدك وانا موجود؟! ترا عزام متعلق فيك ذي الفتره بشكل كبير
المى بشبه اقتناع :اهلي ؟
سلطان ابتسم : ابوك بقول له مبدئيًا و بقول كمان لـ سليمان وهو يقول لأهلي و اليس بتقول لأمك
المى ابتسمت : تم
سلطان ضحك:اقتنعتي
المى تفشلت : لا عشان عزام قلت كذا
سلطان وقع على الأوراق و وجه القلم لها و هي بدورها وقعت
سلطان وقف وضمها : اخيرًا صرتي لي
المى تحاول تفك منه بس اكيد هو اضخم منها وطبيعي ما بتقدر
سلطان فكها : فكي نقابك وعبايتك ترا زوجك اللي قدامك
المى بخجل : انا لابسه بجامتي اغيرها واجي
لفت بسرعه وتوجهت للدرج وطلعت لغرفتها بركض
فتحت شنطتها و طلعت فستان لطييف كأول يوم معها هي وزوجها كلن طويل لنص الساق و ابيض وفيه حزام ذهبي رفيع عند جهه الخصر لبسته و فردت شعرها و حطت شوي ميك اب صح انها ما كثرت بس برز جمالها بشكل كبيير ختمت الميك اب بقلوس شفاف و لبست اقراط لؤلؤ و خاتم بسيط جميل و فردت شعرها و لبست طوق ابيض وفيه لؤلؤ
كان شكلها جميل و لطيف و محليها بشكل كبير
طلعت من غرفتها بتوتر وهي ترتجف بشكل كبير كأنها بتواجه وحش مو زوجها ونزلت تحت وكانت متعمده تطول بخطواتها عشان ما يحس فيها ويشوفها نزلت وصلت اخر درجه وطلعت راسها من الدرج وشافته قاعد في الصاله مسرح في التلفزيون
غمضت عينها بتوتر وتنهدت و نزلت اخر درجه و صارت قدامه
سلطان وجه نظره لها وابتسم قام من مكانه و توجه لها
هي بدورها توترت اكثر و رجعت خطوتين ورا
سلطان بإبتسامه : شدعوه ما باكلك
جمدت بمكانها كأنها ماتقدر تتحرك اقترب لها و مسك يدها و طلعوا للجلسه اللي موجهه عالمسبح
المى انصدمت من ترتيبها صح مو اول مره تشوفها بس سلطان رتب المكان بشكل كبير كأنه كان داري انها بتوافق وتوقع كان المكان مزين بالورود من جميع الجهات و فيه كيكه بسيطه في منتصف الطاوله و حولها فيه ورود صغيره صفراء
استغربت من شافت فيه اكياس على الطاوله
سلطان شد على يدها وتقدم وجلست المى عالكرسي
وهو بعد جلس
سلطان : بمناسبه موافقتك حبست اسوي شي بسييط لنا حفله صغيره واتمنى تعجبك
المى ونظرها عالأرض : عجبتني
سلطان مد لها الكيس:هذي هديتي لك
المى فتحت الكيس وشافت فيه علبتين وحده صغيره و وحده كبيره
مدت يدها بتاخذ العلبه الكبيره و سحبها سلطان من يدها
المى ناظرته بإستغراب
سلطان فتح العلبه الكبيره و كان فيها عقد من الـ لؤلؤ و مزين بالمنتصف بقطعة الماسه شبه كبيره  واقراط لؤلؤ
المى ناظرت العقد بإستغراب : هذا لي ؟
سلطان كتم ضحكته : لا لـ حبيبتي بس حبيت اسألك عن رأيك
المى لفت عالجهه الثانيه وصار ظهرها مقابله : حلو الله يهنيكم
هالشعور اللي واجهها مو سالفة غيره لا لأنه خلاص صارت على ذمته و يقول لها لحبيبتي
سلطان ضمها من الخلف : فدييت اللي تغار اي اكيد لك لمين يعني
المى فكت من حضنه ومسكت العقد
يجنن شكرًا
سلطان كشر : بس كذا؟
المى فهمته وتقدمت لخده وباسته بخجل فضيع
سلطان : ردت روحيي
المى ابتسمت بخجل
سلطان مسك العقد : بلبسك لفي
المى مسكت عقدها : بس انا لابسه
سلطان سوا نفسه يزعل : يعني ما عجبتك حقتي
المى : الا بس لابسه
المى زفرت و فكت العقد اللي هي لابسته وحطته فوق الطاوله
مدت يدها للعقد : عطني
سلطان : لا مافي انا بلبسك
المى شالت شعرها ورفعته فوق ولفت عليه
سلطان لبسها العقد وضمها من ورا : ما ادري العقد حلاك ولا انتي محليته
المى : مشكور مره حلو
سلطان : الحين دور الهديه الثانيه
المى : ما يحتاج يقلبي
سلطان طلع العلبه الصغيره : الا يحتاج ونص
سلطان فتح العلبه وكانت تحتوي على خاتم الماسي شكله كان جدًا جميل
المى فتحت فمها : مابيه
سلطان استغرب : ما عجبك ؟ ترا اقدر اغيره
المى زعلت : بس كذا كثير
سلطان : لسه ما شفتي شي بخليك تطفشين من الهدايا
قاطعهم دخول عزام وهو يحك عينه و بالقوه يمشي
سلطان زفر : يوه وربي اني قلت هذا كل ما يشوفنا مع بعض لازم يخرب الجو
المى ناظرته وقامت لعزام حملته وباسته:يزينه عادي انا ابيه يخرب الجو
سلطان:اي اجتمعتوا الحين مين يفككم
المى ناظرته بنص عينها : محد
سلطان ضحك : شرايك نعزم اسماء
المى ناظرته بضيقه وغصه : ليه
سلطان وهو كاتم ضحكته قد ما يقدر : عشان تكون الشاهده لزواجنا
المى رفعت راسها لفوق عشان ما يبين انها تدمع و لفت عطته ظهرها و جلست عالعشب تلعب مع عزام بدون ما تنطق
سلطان توجه لها : المى شفيك
المى : ما فيني شي
سلطان جلس جنبها ومسك يدها : اسف مادريت انك بتزعلين
المى شالت يدها : مازعلت
سلطان باس خدها : يرضيك زوجك يكون زعلان
المى زفرت : ايه
سلطان رفع حاجب : وليه
المى ماردت عليه
سلطان وقف : انتي اللي حديتيني
المى طنشته بس استغربت من كلمته
فجأه لقت نفسها طايره بالهواء
سلطان حملها وبدأ يدور فيها
المى بصراخ : نزللنيي
سلطان : باقي زعلانه
المى بترجي : لا تكفى نزلني
سلطان وقف ونزلها
المى داخت وكانت بتطيح بس انه كان اسرع منها و مسكها بحضنه
بعد ثواني المى دفته : لا تسوي كذا مره ثانيه
سلطان ضحك : محد قال لك ازعلي
المى سوت نفسها تقلده وراحت جلست عند عزام اللي كان يضحك من اشكالهم
سلطان جلس جنبها:المى
المى :همم
سلطان : شرايك نطلع
المى : طيب بس فين
سلطان : مدري انتي اختاري بس اول شي بنروح مطعم
المى : طيب شرايك بعدها يا نروح ملاهي او نروح البحر نركب يخت
سلطان بتفكير : نروح اليوم الملاهي وبكره نروح لحالنا اليخت
المى بدون تفكير : تم
المى فتحت عينها : لالا خير ليه مابي لو مو مع عزام لازم معه
سلطان : نخليه مع وحده من المساعدات وخلصنا
المى برفض : لازم معه
سلطان زفر : يوه طيب
المى نطت : شكرًا
وقامت وفي حضنها عزام راحت تلبس وتلبسه
لبست بلوزه ورديه عليها ميني ماوس و واسعه و سروال جينز ازرق غامق ولبست عزام بلوزه كحليه عليها ميكي ماوس و سروال كحلي
طلعت و كان سلطان متكي عالباب
سلطان اول ما شافهم ضحك بثوت عالي
المى ناظرت نفسها وناظرت عزام : خير
سلطان : ليه مطقمين
المى : كيفي بطقم مع ولدي عندك شي
سلطان مسح دموعه : لالا شدعوه اكيد مافي شي
سلطان دخل غرفته و ناداها
المى راحت له و شافت غرفته اول مره تدخلها كانت كبيره و لونها اسود و يتوسطها سرير اسود وحوافه ذهبيه و مفرش اسود و كلشي كان اسود حتى الأدراج و التسريحه والدولاب
استغربت وتوجهت لـ سلطان : هلا
سلطان ناظرها : شرايك بغرفتنا
المى فتحت عينها : غرفتنا؟!
سلطان عقد حواجبه: ايه غرفتنا ترا تزوجنا يعني تبين كل واحد بغرفه
المى: بذي السرعه ؟
سلطان : ايه
سلطان بمقاطعه : شوفي اختاري لي عطر
المى ناظرت العطور اللي عنده ولفتها عطر فخمه علبته كانت رماديه و صغيره العلبه و غطاها كان شكله غريب
فتحته و شمته اعجبها بشكل كبيير
مدت له العطر
سلطان اخذ العطر و حطاه فوق التسريحه : دقيقه البس و اجي
المى هزت راسها وجلست فوق السرير
سلطان دخل الحمام (تكرمون) بدقآئق طلع و كان لابس بلوزه سماويه و سروال بيج وكان رافع اكمام البلوزه شكله كان مره حلوو
توجع للعطر و تعطر منه و مسك يد المى : يلا
طلعوا و ركبوا السياره بعد ما ركبوا عزام في المقعد الخلفي المخصص للأطفال
وتوجهوا للملاهي الكبيره
--------------------------------------------------
عند جيلان
مسحت دموعها ولفت على ابوها و تقدمت له وسوت حركه محد توقعها منها
ركضت له وضمته بأقوى ما عندها وكأنها ماتبي تفك منه وبدأت تبكي وهي حاضنته
الكل استغرب بس كملوا يشوفون
ابو اصيل عينه دمعت و شد على حضنها جيلان بعدت عنه ومسحت دموعها وباست راسه ويده
جيلان ببرآءه : يعني الحين عندي اهل
ابو اصيل : ايه يابنتي عندك
الشادن توجهت لجيلان وضمتها : اخ فديتها اختي
جيلان شدت عليها
ميرال توجهت لجيلان و مدت يدها كأنها تبي تسلم
جيلان ضمتها
اصيل راح لجيلان بتوتر : يعني طلعتي اختي
جيلان ضحكت بوسط بكآئها : ايوه
اصيل ضمها
بعد ما تضمموا جلسوا كلهم
ابو اصيل : جيلان بنتي فين تعيشين انتي
جيلان : انا اوا ما طلعت من دار الأيتام رحت دورت لي وظيفه ولقيت بعدها بشهرين صرت اشتغل كنادله في كوفي وبنفس الوقت في مول واستأجرت شقه بعدها انطردت مت وظيفتي في المول ولقيت وظيفة طباخه في وحده من البيوت ورحت قدمت و وافقوا وصرت اعيش عندهم
اصيل بإستغراب : بيت مين
جيلان بإبتسامه : خالد آلـ .....
الكل انقلب وجههم خصوصًا عزيز
عزيز بصدمه : عنده ولد اسمه الفيصل و واحد راكان وعندهم اخت؟
جيلان استغربت : ايوه
عزيز مسك راسه بصدمه يعني الحين بنت عمه تطلع تشتغل عند صاحبه الفيصل و لا بعد الفيصل يطلع يحبها
جيلان استغربت اكثر : شفيكم
ابو اصيل : يا بنتي هذا خالد نعرفه معرفه شخصيه صديقنا بالعمل وشركاء
جيلان :والفيصل
ابو اصيل : شفيه
جيلان استوعبت وبفشله: ولا شي
جيلان : يعني الحين وين بكون
ابو اصيل : اكيد عندنا
جيلان : بس
ابو اصيل : لا بس ولا شي من اليوم كل شي بينتقل هنا و فيه غرفه كبيره فاضيه عندنا لو تبين تشوفينها
الشادن نطت : يبه اقوم اوريها
ابو اصيل : ايوه يابنتي قومي وريها
الشادن مسكت يد جيلان وتوجهوا لفوق الطابق الثالث ودخلت احدى الغرف
جيلان انبهرت من كبر الغرفه حتى انها اكبر من غرفتها في بيت ابو الفيصل
الشادن استغربت : شفيك
جيلان : الغرفه كبيره
الشادن :اي طيب
جيلان : هذي تصدقين اكبر  من حجم شقتي كلها
الشادن بحزن : يعمري انتي خلاص تجين هنا نسوي كل شي سوا
جيلان بإبتسامه : ان شاء الله
الشادن نطت لها : الحين انتي ليه رسميه مره خلي بيننا ميانه انا اختك
جيلان ضحكت بهدوء : انا كذا
الشادن حطت يدها على فمها : حتى ضحكتك هادئه