មកដល់ផ្សារទំនើបមួយ ថេហ្យុងនិងជីមីន ចុះពីក្នុងឡានយ៉ាងអំណាច ព្រមជាមួយកូនចៅបើកទ្វារឲ្យឆ្វេងស្ដាំ។
" អត់ទោស អ្នកប្រុសចូលយូរដែរទេ? "
" យូរ "
" យូរប៉ុណ្ណាដែរ? "
" ប្រហែល...មិនដឹង "
" ចៅហ្វាយ ឲ្យពេលអ្នកប្រុសត្រឹម4ម៉ោងប៉ុណ្ណោះ "
" ហាស! ចៅហ្វាយពួកនាយនេះ ចំជាចិត្តចង្អៀតគ្មានផាសុកភាពមែន "
" ប៉ុន្តែចៅហ្វាយធ្វើនេះក៏ដើម្បី សុវត្ថិភាពអ្នកប្រុស "
" ខ្ញុំមែនក្មេងឯណា ចាំបាច់មានអ្នកមកការពារអីដែរ ពួកនាយចាំនៅខាងក្រៅនេះហើយ មិនបាច់តាមចូលទៅជាមួយទេ "
" មិនបានទេបាទ ចៅហ្វាយបញ្ជាហើយត្រូវតែតាមជាប់គ្រប់ជំហាន "
" ច្របាច់កខ្ញុំឲ្យស្លាប់តែម្ដងទៅល្អទេ "
" ណ្ហើយ! ថេហ្យុង ព្រមតាមគាត់ទៅឆាប់ចប់ "
" ឯងមែនយើងឯងមិនដឹងទេ "
" តោះៗ ឆាប់ចូលលឿនឡើង "
ខ្ជិលប្រកែកច្រើន ជីមីន ក៏អូសដៃ ថេហ្យុង ដើរចូលផ្សារទំនើបយ៉ាងប្រញ៉ាប់។
" ឯណាទៅបងជុន? "
" អង្គុយចុះសិនមក "
ថេហ្យុង ក៏ដាក់គូទអង្គុយទាំងមុខក្រញ៉ូវគេធុញណាស់ ពេលមានមនុស្សតាមគេស្អិតល្មួតបែបនេះ គម្រោងរបស់គេថាមកដើរលេងថ្ងៃនេះ ឲ្យសប្បាយចិត្តម្ដង តែឥឡូវបែររលាយខ្សុលដូចអំបិលត្រូវទឹក ព្រោះស្នាដៃលោកប្ដី ហួងហែងគេនោះហួងហែង ☹️។
" ហៅអីផឹកសិនទេ? "
" មិនឃ្លាន "
" ឯងខឹងនរណាគេ? "
" ឯងមិនឃើញទេឬ ឆ្វេង ស្តាំ មុខ ក្រោយ ធ្វើដូចយើងអ្នកទោសអញ្ចឹង "
" យើងឮថាលោកចន គាត់មានសត្រូវជុំទិស គាត់ឲ្យគេមកការពារឯងបែបនេះ ក៏ព្រោះឯងជាមនុស្សរបស់គាត់ដែរ ត្រូវទេ "
" តែយើងថាហួសហេតុពេក មើលចុះតែខ្យល់ដកដង្ហើមវាមិនហ៊ានមកក្បែរផង "
" សមមុខចុះ មានប្ដីម៉ាហ្វៀចឹងឯង មិនដូចយើង ប្ដីជាប៉ូលីសស្រាប់ ទៅណាមកណាមិនបាច់ខ្លាចរឿងសុវត្ថិភាព "
" ឆឹស! គិតថាយើងច្រណែន? បានលោកចនធ្វើប្ដី មានអីមិនល្អសុំអីបានហ្និង សុំលុយបានលុយ សុំផ្ទះបានផ្ទះ ចង់ទៅណាក៏បានមិនបាច់ភ័យរឿងគ្មានអ្នកជូនទៅ មិនដូចអ្នកខ្លះប្ដីចោលទៅធ្វើការបាត់ៗ ឮថាទៅដល់ខេត្តផង មិនដឹងមានស្រីឬអត់ទេនួ៎ក "
(គេអួតប្ដីគេអ្នកអើយ យើងអត់ប្ដីអួតកុំច្រណែនគេ 😭)
