ថ្ងៃបន្ទាប់អ្វីៗក៏ប្រែជាល្អជាងមុន អ្នកស្រីចន ដូចជាចូលចិត្តថេហ្យុង តិចៗហើយ តែគាត់នៅតែប្រកាន់ចរឹក មាត់រឹងដដែល ទាំងថេហ្យុង បានធ្វើឱ្យគាត់ឃើញហើយថា នាយល្អនិងសាកសមជាប្រពន្ធកូនប្រុសគាត់ពិតមែន។ ក៏ប៉ុន្តែ ភ្លើងច្រណែននិងភ្លើងឈ្នានីសរបស់ឆេអុីន កាន់តែមានឡើងដូចគ្នា។នាងសែនច្រណែននឹងថេហ្យុង ដែលធ្វើឱ្យអ្នកស្រីចន ទន់ចិត្តមេត្តានាយមិនដូចជួបដំបូង។ នាងគិតហើយថា មានអ្នកស្រីចន មួយជាខ្នងបង្អែកទុកកម្ចាត់ថេហ្យុង ចេញពីជីវិតជុងហ្គុក តែអ្វីៗក៏ប្រែពីការរំពឹងទុករបស់នាងទាំងស្រុង ពេលនេះគ្មានអ្នកណានៅខាងនាងទៀតទេ ទើបធ្វើឱ្យនាងកាន់តែច្រណែនថេហ្យុង ពីមួយថ្ងៃទៅមួយថ្ងៃ។
ត្រឡប់មកមើលជុងហ្គុក បន្តិច ពេលនេះនាយកំពុងនៅក្លឹបជាមួយកូនចៅជំនិតនាយពីរបីនាក់។អង្គុយនៅតុVIP មួយដាច់ដោយឡែកពីគេ ។
" ទីបំផុត កម្មតាមស្នងវាទាន់ហន់ពិតមែន មិនបាច់ប្រើកម្លាំងនាំតែហត់ច្រើន ចុងក្រោយក៏រលាយខ្លួនវា ប៊ីន ឯងត្រូវចាំ នរណាសាងអីគឺបាននឹងហើយ "
" បាទ! ចៅហ្វាយ "
ពេលដែលនាយត្រឡប់មក បំណងតែមួយគត់គឺចង់កម្ចាត់សត្រូវរបស់នាយ ដែលវាថ្លើមធំហ៊ានលួចដុត ឃ្លាំងស្រារបស់នាយ មិនទាន់ទាំងធ្វើអីផង ឃ្លាំងទំនិញរបស់អាគូ ដៃគូសត្រូវរបស់ជុងហ្គុក ក៏ត្រូវប៉ូលីសចូលទៅឆែកឆេ និងរកបាន ភស្តុតាងជាច្រើនទាក់ទងនឹងការជួញដូរទំនិញខុសច្បាប់។
ចប់ការងារហើយ នាយក៏ប្រញ៉ាប់ទៅរកប្រពន្ធវិញដូចគ្នា ទុកចោលជាមួយម៉ាក់ក្មេកយូរមិនកើតទេ នាយខ្លាចម៉ាក់នាយធ្វើបាបថេហ្យុង ។
@ភូមិគ្រឹះចន ស្ទីនឡេសិន
" អ្នកម៉ាក់ពូកែចាក់រូបណាស់ ចាក់បានស្អាតៗគ្មានកន្លែងទាស់ទេ "
ក្មេងតូចនិយាយសរសើរម៉ាក់ក្មេកទាំងញញឹមញញែម ដៃនៅតែអង្អែលរូបភាពដែលចាក់ដោយស្នាដៃម៉ាក់ក្មេកមិនឈប់ ។
" ចង់រៀនទេ ខ្ញុំបង្រៀន "
" ពិតមែនហេសម៉ាក់? "
" ហឺម! ឃើញថាដូចជាស្រឡាញ់ទើបមានចិត្តចង់បង្រៀន "
" ហិៗ តែថេហ៍ អត់ចង់រៀនផង "
" ហឺម?? "
អ្នកស្រីចន បន្លឺទាំងឆ្ងល់ មើលមុខថេហ្យុង ភ្លឹសៗ មិញនេះគាត់ស្មានតែគេ ចង់រៀនតើ។
