"បងថាទៅឲ្យពេទ្យលាបថ្នាំមុខអូនសិនទៅចាំទៅផ្ទះ" ជុងហ្គុកពោលប្រាប់ទៅថេយ៉ុងខណៈពេលដែលពួកគេឈានជើងចេញផុតពីបន្ទប់របស់ថេហ្វារួចហើយ។ ថេយ៉ុងមិនមាត់ងក់ក្បាលតិចៗនិងជុងហ្គុកជាសញ្ញាបញ្ជាក់ប្រាប់គេថាយល់ព្រម។
"អ្នកគ្រូពេទ្យជួយលាបថ្នាំឲ្យគេបន្តិចផង!! អូននៅទីនេះហើយណា បងមានរឿងទៅនិយាយជាមួយនិងហារីនៅក្រៅបន្តិច" ផ្ដាំផ្ញើរនិងជូនថេយ៉ុងមកដល់បន្ទប់គ្រូពេទ្យរួចហើយ ជុងហ្គុកក៏អោនទៅខ្សឹបប្រាប់ថេយ៉ុងដើម្បីចេញទៅក្រៅនិយាយរឿងមួយចំនួនជាមួយនិងហារី។
"អឹម!!" រាងក្រាស់ក៏បើកទ្វារដើរចេញទៅវិញ គ្រូពេទ្យស្រីក៏ចាប់ផ្ដើមលាបថ្នាំទៅលើថ្ពាល់របស់ថេយ៉ុងយ៉ាងយកចិត្តទុកដាក់បំផុត ព្រោះខ្លាចបង្កការឈឺចាប់ដល់គេ។ បើសិនជាលោកជុងម្នាក់នេះដឹងថានាងមិនថ្នមដៃធ្វើឲ្យមនុស្សរបស់គេមានការឈឺចាប់នាងប្រាកដជាងាប់ជាមិនខាននោះទេ។ ថ្វីបើមិនទាន់ដឹងពីទំនាក់ទំនងរបស់រាងតូចនិងជុងហ្គុកច្បាស់ក៏នាងអាចស្មានដឹងថារវាងពួកគេយ៉ាងមិចដែរ បើលេងហៅគ្នាផ្អែមរលួយមុខនាងបែបនេះទៅហើយ មិនដឹងទើបចម្លែក។
"រួចហើយមែនទេ? អន់ឈឺខ្លះទេ?" ក្រោយពីនិយាយការងារជាមួយនិងហារីរួចហើយ ជុងហ្គុកក៏ចូលមកវិញ សួរនាំទៅកាន់ថេយ៉ុងដែលអង្គុយនៅទីនោះតែម្នាក់ឯង ចំណែកអ្នកគ្រូពេទ្យវិញ ចេញទៅធ្វើតួនាទីរបស់ខ្លួនបាត់តាំងពីលាបឲ្យថេយ៉ុងរួច ហើយភ្លាមម្ល៉េះ។
"អន់ខ្លះហើយ"
"បងសុំទោសណា បើបងមកលឿនជាងនេះ
អូនក៏មិនត្រូវឈឺបែបនេះដែរ" ជុងហ្គុកបន្ទាបជុងហ្គុកចុះមុខថេយ៉ុង ចាប់ដៃគេជាប់និយាយទាំងទឹកមុខស្រពោនដឹងខុស បន្ទោសខ្លួនឯងដែលមកមិនទាន់ ធ្វើឲ្យថេត្រូវគេធ្វើបាបទាល់តែបាន។
"មិនអីទេ!! មិនមែនកំហុសលោកឡើយ កុំបន្ទោសខ្លួនឯងអី យ៉ាងណាលោកក៏បានការពារខ្ញុំមុននេះរួចហើយ!! យាយអញ្ចឹង លោកដឹងបានយ៉ាងមិចថាខ្ញុំមកទីនេះ?" និយាយដល់រឿងនេះ ថេយ៉ុងក៏នឹកឃើញសួរជុងហ្គុកភ្លាម ថាហេតុអីក៏គេដឹងថាខ្លួនមកទីនេះ បើខ្លួនមិនបានប្រាប់ថាខ្លួនទៅទីណានោះទេ?
YOU ARE READING
❤លោកមហាសេដ្ឋីរបស់អូន😘
Romanceជុងហ្គុក ហ្គីវ៉ាន់ស៊ី X ថេយ៉ុង រ៉ាអេនធី BL សរសេរដោយ:@NFâ🍀
