ជំហានជើងស្រឡូនៗវែងៗកំពុងតែបោះមួយយ៉ាងល្វត់ល្វន់ ទាក់ទាញអស់នូវចំណាប់អារម្មណ៍មនុស្សអស់មួយប្រលានយន្តហោះឲ្យងាកទៅមើលស្រីស្រស់ដែលជាប់ឈ្មោះជាតារាម៉ូដែលដ៏ល្បីមួយរូបដែលកំពុងតែអូសវ៉ាលីដើរនៅក្នុងប្រលានយន្តហោះ។ ស្រីស្រស់ដោះវែនតាខ្មៅរបស់ខ្លួនចេញញឹមមើលទៅជុំវិញទៅក្រុងដែលខ្លួនបានចាកចេញទៅបំពេញការងារនៅក្រៅប្រទេសអស់រយៈពេលជិត៥ឆ្នាំ។ កាលបើឃើញតារាល្បីកំពុងតែឈរនៅចំពោះមុខខ្លួនបែបនេះហើយ គ្រប់គ្នាក៏ប្រញាប់នាំគ្នាដកទូរស័ព្ទចេញមកថតរូបនាងគ្រប់ៗគ្នា អ្នកខ្លះក៏រត់ចូលមកបម្រុងនិងសុំនាងថតជាមួយ តែក៏ត្រូវរារាំងមិនឲ្យចូលមកជិតនាងបានដោយសារតែកងអង្គរក្សដែលតាមការពារនាង។
"អ្នកនាងជីអ៊ុនសុំថតមួយៗ"
"អ្នកនាងជីអ៊ុនខ្ញុំស្រឡាញ់នាងៗ" សម្លេងស្រែកគងរំពងរបស់អ្នកគាំទ្រត្រូវបានលាន់ឡើងខ្ទងប្រលានយន្តហោះទៅកាន់ស្រីក្រមុំ ដែលចាប់ផ្ដើមធ្វើឲ្យប្រលានយន្តហោះមានការកកស្ទះយ៉ាងខ្លាំងដោយសារតែវត្តមានរបស់អ្នកគាំទ្រនាងមកបន្តបន្ទាប់គ្នា។ ភ្លាមៗនោះដែរ ស្រីក្រមុំតារាម៉ូដែលក៏ត្រូវបានជំលៀសឲ្យចេញពីប្រលានយន្តហោះចូលមកក្នុងឡានបានសម្រេច។
"ទៅភូមិគ្រឹះហ្គីវ៉ាន់ស៊ីទៅ" នាងក្រមុំបន្លឺសំនៀងខ្លួនឯងប្រាប់ទៅឲ្យអ្នកបើកឡានធ្វើដំណើរទៅកាន់ភូមិគ្រឹះត្រកូកហ្គីវ៉ាន់ស៊ីដែលជាភូមិគ្រឹះរបស់ជុងហ្គុក។
ជីអ៊ុន អាមេនត្រូ គឺជាតារាម៉ូដែលស្រីដ៏ល្បីឈ្មោះមួយរូបនិងមានប្រជាប្រិយភាពយ៉ាងខ្លាំងនៅសព្វថ្ងៃនេះ។ មិនត្រឹមតែប៉ុណ្នឹង នាងក៏ថែមទាំងមានទំនាក់ទំនងជាមួយនិងគ្រួសាររបស់ជុងហ្គុកផងដែរ។ នាងត្រូវបានគេចាត់ទុកតាំងពីក្មេងថា និងក្លាយទៅជាគូរអនាគតរបស់រាងក្រាស់នៅពេលដែលនាងធំ ឡើង។ ប៉ុន្តែជុងហ្គុកមិនបានស្រឡាញ់ឬចាប់ចិត្តអីជាមួយនិងនាងនោះទេ គេចាត់នាងត្រឹមតជាប្អូនស្រីម្នាក់ទេប៉ុណ្នោះ មានតែនាងទេដែលតាមស្រឡាញ់គេតែម្នាក់ឯង ទោះជាដឹងថាគេមិនស្រឡាញ់នាងក៏ដោយ។ នាងនិងជុងហ្គុកត្រូវរៀបការតាំងពី៥ឆ្នាំមុនម្ល៉េះ តែដោយសារតែជុងហ្គុក គេចវេសមិនព្រម ហើយនាងក៏ត្រូវមានការងារភ្លាមៗទៅបរទេស ទើបគេពន្យាពេលរហូតដល់បំភ្លេចរឿងនេះចោលបាត់គ្មានអ្នកណារំលឹកពីវាទៀតឡើយ។
YOU ARE READING
❤លោកមហាសេដ្ឋីរបស់អូន😘
Romanceជុងហ្គុក ហ្គីវ៉ាន់ស៊ី X ថេយ៉ុង រ៉ាអេនធី BL សរសេរដោយ:@NFâ🍀
