ငါမင်းကိုတာဝန်မယူစေချင်ဘူး! //IDWYTBR!// [ဘာသာပြန်]

တာဝန်ယူဖို့ ခင်ဗျားတစ်ကယ်ကြီးဆုံးဖြတ်ထားတာလား။(U+Z)

Unicode

အခန်း ၄၁။ တာ၀န်ယူဖို့ ခင်ဗျားတစ်ကယ်ကြီးဆုံးဖြတ်ထားတာလား။
___________________________________________

လင်ကျန်းရီရဲ့ဘယ်ဘက်လက်ချောင်းတွေကိုကြည့်ရသလောက် ပတ်တီးတွေစည်းထားသော်လည်း ပါးစပ်ကတော့'ကိုယ်ဘာမှမဖြစ်ပါဘူး'လို့ လိမ်ညာပြောလိမ့်မည်ဆိုတာ သူသိသည်။

စုကျစ်ယန်သည် တိတ်ဆိတ်စွာပင် လင်ကျန်းရီ၏လက်ကို ကိုင်လိုက်သော်လည်း သူ့အတွေးတွေကတော့ နေရာအနှံ့ ပျံသန်းနေသည်။

သူ့ရဲ့ကံကြမ္မာက သူ့ပါးစပ်မှ ပြန်လည်မွေးဖွားသည့်အကြောင်း ပထမဆုံးလွှတ်ခနဲပြောမိကတည်းက ပြောင်းလဲသွားခဲ့ပုံပေါ်သည်။

ဒီလင်ကျန်းရီနဲ့ သူ့ရဲ့အရင်ဘ၀ကလင်ကျန်းရီတို့က သိပ်ပြီးအများကြီးမတူလှပေ။ ဒီလူကတော့ တည်ငြိမ်ကာဣနြေ္ဒရသည်။ အကြင်နာကင်းမဲ့တဲ့ ဟိုတစ်ယောက်နဲ့ နှီးနွယ်ပါတ်သတ်ဖို့ဆိုရင်တော့ အသေအချာကို သူအလိုမရှိပါဘူး။

ဟုတ်တာပေါ့။ nightclub မှာ ဆုံခဲ့တဲ့အချိန်တုန်းက သူတို့နှစ်ဦးသင့်မြတ်ခဲ့ကြသည်။ အရက်တစ်ချို့သောက်ကာ နှစ်ဖက်စလုံးက လိုလိုလားလားပင် အိပ်ရာပေါ်ကို သွားခဲ့ကြသည်။

ဒါပေမယ့်လည်း သူတို့ 419 စည်းမျဉ်းကို လုံး၀မလိုက်နာခဲ့ကြပါဘူး။

{လေပြည် - '419' ဆိုတာက ဗန်းစကားတစ်ခုဖြစ်ပြီး ဆိုလိုရင်းကတော့ 'for one night'ပါတဲ့။ အသံထွက်ချင်းဆင်တယ်ဟုတ်။ မလိုက်နာကြဘူးဆိုတာကတော့ သူတို့နှစ်ယောက်လုံးက ထပ်ပြီးဆုံကြဖို့ ဆန္ဒရှိတာကြောင့်ဖြစ်ပါတယ်}

စုကျစ်ယန် သူ့ရှေ့မှလူ၏IDကို အစောကတည်းက သိနေခဲ့သည်။ ကြီးမားတဲ့နိုင်ငံတကာကုမ္ပဏီကြီးတစ်ခုရဲ့ဥက္ကဌကို သူမသိဘဲနေမှာတဲ့လား။

ဒါပေမယ့် လင်ကျန်းရီက အမြဲတမ်းခပ်လျှိုလျှိုသာနေသည်။ စုကျစ်ယန်ဆိုတဲ့ဒီလူက သူ့ကိုသိသလား၊ မသိဘူးလားဆိုတာကို သူအမှုမထားခဲ့ဘူး။

ပြီးတော့ ဒီလူက တစ်ကယ်တမ်းမှာ ဘ၀င်တော်တော်မြင့်တဲ့ ဥက္ကဌတစ်ယောက် ဖြစ်ကောင်းဖြစ်နိုင်တယ်လို့လည်း စုကျစ်ယန်တွေးခဲ့သည်။