[ Unicode ]
အခန်း-၁၀၇။ မလုပ်နဲ့...ကျွန်တော်တို့ရုံးခန်းထဲမှာ...(၂)
___________________________________________
စုကျစ်ယန်သည် ရုံးခန်းကို လှည့်ပတ်ကြည့်ပြီးနောက် ကွန်ပျူတာကို မျက်နှာမူထားတဲ့ ဆုံလည်ကုလားထိုင်ပေါ်မှာ ပြန်ထိုင်လိုက်သည်။ ဗီဒီယိုကို နောက်တစ်ကြိမ်ကြည့်လိုက်မိပြန်သည်။ သူဒါကိုဖျက်ပစ်လိုက်သင့်လား။ ခွေးကောင်လင်က သူ့မှာ အရန်ကူးယူထားတာ ရှိနေသေးတယ်လို့ပြောသဖြင့် ဖျက်ပစ်လိုက်လျှင်လည်း အချည်းနှီးဖြစ်သော ကြိုးပမ်းမှုတစ်ခုသာ ဖြစ်ပေလိမ့်မည် ။
အဲဒီလူယုတ်မာကြီးက လှည့်ကွက်တွေကို ကစားရတာကို သဘောကျပြီး သူ့ရဲ့ကွန်ပျူတာ ဒက်စတော့ပေါ်မှာ ဒီလိုမျိုး ပုဂ္ဂိုလ်ရေးဆန်ဆန်အရာတွေကို ထားရှိဖို့ကို သတ္တိရှိလွန်းတယ်။ တခြားသူတွေများမြင်သွားရင် ရှက်တယ်လို့ရော သူတကယ်ကြီးမခံစားရဘူးလားမသိ။
ဒါပေမယ့်... မေ့လိုက်ပါတော့၊ ဘယ်သူမှလဲ ဒီမှာထိုင်ပြီး သူ့ကွန်ပျူတာကို ပြောင်ပြောင်တင်းတင်း လာကြည့်ရဲမယ်လို့မထင်ပါဘူး။
ဒါကိုတွေးမိတော့ စုကျစ်ယန်သည် သူ့နူတ်ခမ်းထောင့်စွန်းလေးများမှာအသာကော့တတ်သွားရပြီး ဂုဏ်ဆာနေသည့် သူ့အပြုံးကိုမထိန်းနိုင်ဘဲ ပြုံးမိလေသည်။
ရုံးခန်းတံခါးမှာ တွန်းဖွင့်ခံလိုက်ရပြီး စုကျစ်ယန်က ပြုံးပြုံးရွှင်ရွှင်ဖြင့် မေးလိုက်သည်။
"ရီ ဒီနေ့ နေ့လည်ကို ခင်ဗျားနဲ့လိုက်ခဲ့မယ်ဆိုရင် ခင်ဗျားရဲ့အလုပ်မှာအနှောင့်ယှက်ဖြစ်မှာလား"
သူစကားပြောနေရင်း စုကျစ်ယန်မော့ကြည့်လိုက်သည့်အခါ သူမြင်လိုက်ရသည်မှာ လင်ကျန်းရီလည်း မဟုတ်သလို ကုဖုန်း လည်းမဟုတ်ပေ။ အဲ့ဒါက ပေါ့ပါးသော မီးခိုးရောင် business suitဝတ်စုံကို ၀တ်ဆင်ထားသော ကောက်ကြောင်းခပ်မိုက်မိုက်နှင့် အမျိုးသမီးတစ်ဦးဖြစ်နေချေသည်။ လှပသောအရှေ့မျက်နှာစာနှင့် ချီနေသောအနောက်ဘက်ခြမ်း၊ သေးသွယ်ပါးလျသောခါး၊ ခြေတံရှည်ရှည်များကိုပိုင်ဆိုင်ထားသည့်အပြင် ဆံပင်ရှည်များကိုလည်း ခပ်မြင့်မြင့်ချည်နှောင်ထားသော သူမပုံစံသည် အတော်လေးကိုလှပပြီး အရမ်းကိုမှစတိုင်ကျမိမိုက်လွန်းနေသည်။
ESTÁS LEYENDO
ငါမင်းကိုတာဝန်မယူစေချင်ဘူး! //IDWYTBR!// [ဘာသာပြန်]
RomanceDescription စုစစ်ယန်တစ်ယောက် ထိုလူနှင့်တစ်ညအိပ်ပြီးနောက် ကိုယ်၀န်ရခဲ့သည်။ သို့သော်လည်း ကလေးမလိုချင်သည့် ထိုသူ့ကြောင့် ဘယ်လိုမှမတတ်သာပဲ ဖျက်ချရလေသည်။ ပြီးတော့ သူ.... သွေးထွက်လွန်ကာ သေဆုံးခဲ့သည်။ ရုတ်တရက် သူပြန်လည်နိုးကြားလာခဲ့သည်။ တစ်ချိန်တည်းမှာပဲ သ...
![ငါမင်းကိုတာဝန်မယူစေချင်ဘူး! //IDWYTBR!// [ဘာသာပြန်]](https://img.wattpad.com/cover/254091113-64-k986055.jpg)