الصــــباح
أسيل طلعت من الغرفة و هي لابسه عبايتها و ماسكه كتبها و لابسه شنطتها : يلا أنا جاهزة
سديم كانت تربط شعر غلا : سمعي اللي حفظتك ياه أمس هاا ؟ مو تنسينه
غلا : طيب
و محمد جاء من برا : يلا شغلت السيارة
سديم و تطلع من جيبها فلوس : لحظة تعالوا اعطيكم مصروفكم
سارة تربط جوتيها: إيه والله عاد يكفي أمس ما أكلت شيء بالفسحة
سديم تناول غلا: هاا غلوي هذا مصروفك
محمد يروح لسديم: و أنـــا ؟
سديم تبتسم له: من عيوني حاضر (وعطته و التفتت لسارة) تعالي خذي مصروفك
و سارة جات و خذت و قامت تحسبهم: أووف 5 ريال بس ؟
سديم ترفع حاجبها : هذا اللي عندي و بدل لا تقولين (و قلدتها) 5 ريال بس ؟ احمدي ربك مليون مره عشان غيرك ما لاقي نص ريال !
أسيل تعدل نظارتها : عليك نور يا سدومه
سارة بضيق : يا ربي يا سديم من يومك و انتي تغثيني بمحاضراتك !
سديم تناول أسيل مصروفها و تتجاهل كلام سارة : أسول فديتك هذا مصروفك
أسيل بابتسامة : مشكورة عسى الله لا يحرمني منك
سديم تقرصها من خدها بكل حب : ولا منك يا روح أختك هههه
محمد : يلا ب تقعدون لنا على الدراما هذي و إلا نروح المدرسة ترا تأخرنا ؟!!!
سديم بسرعة : لا لا لا يلااا روحوا روحوا
و أخوانها طلعوا بسرعة من البيت و راحوا في سيارة محمد اللي أصلاً كانت لأبوهم بس محمد يسوقها من بعده
سديم خذت الفطور و ودته المطبخ و قامت تغسل المواعين على السريع
طلعت و اتجهت للغرفة بدلت ملابسها و لبست عبايتها و طلعت من البيت مسرعة !!
في بيت السيد مهند
غيد كانت تكلم تلفون : أنت وش قصدك ؟
إبراهيم : أنا قصدي وش رايك نطلع نتمشى مع بعض ؟.
غيد : أنت مجنون أكيد ! و الله لو عرف مهند ب يقطعني ميتين قطعة وش فيك ؟؟
إبراهيم : أبي أشوفك أنا ليه حرام يعني ؟
غيد : بس أنا مقدر لازم تفهمني
و في نفس اللحظة
سديم جايه تدخل غرفتها بس سمعت كلامها مع إبراهيم و بقت واقفة مثل المصدومة!!!!
إبراهيم : بس أنا ماني قادر أتحمل لازم أشوفك يا حبيبتي
غيد بتوتر : اسمع .. أنا بحاول أقنع أمي اني أطلع مع صديقتي و بجي عندك أووكيه؟
أنت تقرأ
رواية حط يدك بيدي • مكتملة •
Teen Fictionتوفي والداها وهي في عمر صغير فاضطرت لترك الدراسة والعناية بأخوانها الأربعة والعمل من أجلهم لتوفير الحياة الكريمة.. عملت كخادمة في قصر كبير وفي يوم اكتشفت بأن صاحب القصر المغرور يكون ابن عمها وهي مضطرة للزواج به لانقاذ العائلة.. فكيف ستسير الأحداث؟...
