رواية حط يدك بيدي • مكتملة •

الفصل السادس

في جهة ثانية

طلعوا من الجمعية و صادفوا شلة من صفهم

سارة تهمس لخديجة بقهر : أووف هذي مراموه التبن

خديجة قرصتها : سكتي لا تسمعك

مرام بكل دلع : هلوو صباايا كيفكم؟

سارة و خديجة يبتسمون بدون نفس : الحمد لله انتي كيفك

مرام بدلع : ههههه تمام (و طلعت من وراها بطاقتين ورديات) بس كنت جايه أعزمكم على بارتي أنا بسويها هذي الخميس و انتو الثنتين معزومات تدرون انتو بنات من صفنا و كذا و لأني بصراحه عازمة نص المدرسة و ما في مجال انكم ترفضون !!!

خديجة طالعت سارة اللي بسرعة قالت : إي أكيد بنجي !

خديجة ضربتها و عضت على شفتها السفلية بقهر : سارة ؟

مرام تمد لهم البطاقات : ههههه كنت متأكدة انكم ب توافقون بسرعة و أحسن لكم تجون و تتكشخون هااا ؟

نوف اللي من شلة مرام تدخلت بوقاحه : هذا إذا عندهم شيء يلبسونه !

مرام : ههههههه نو حرام عليك نونو لا تقولين عنهم كذا

نوف باستهزاء : ما تشوفينهم بنات فقر ؟ وش يطلع منهم يعني ؟

سارة بعصبية : هيي انتي ب تحترمين نفسك أو أعطيك كف الحين يا النخلة ؟

خديجة مسكت ايد سارة : سارة خلاص

نوف : تعالي اذا انتي حرمه !

مرام بكل دلع : هيي هييي صبايا خلاااص ما نبي أي مشاكل و هواشات الحين أووكي ؟ ريلاكس

سارة بكل ثقة و عيونها على نوف : راح نلبس أحسن منك و أجمل شيء و ب تندمين انك قلتي لي هالكلام !

نوف تكتف ايدينها : بنشوف !

مرام بدلع ماصخ : خلاص بناتو يلا سيو ان ذا بارتي بااااااي

و قامت تضحك و راحت هي و شلتها

خديجة تضرب سارة من كتفها بعصبية : و انتي من صدقك تقبلين دعوة مراموه التبن ؟

سارة كانت تقرأ البطاقة و ما سمعت كلام خديجة !!! : ...

خديجة تدفشها : أووي أكلمك أنا ؟

سارة تناظرها : نعم ؟

خديجة بعصبية : من صدقك توافقين نروح بارتي مراموه التبن ؟؟ انتي بعقلك ؟ لا و بعد تتحداهم انها تلبس أحسن ما عندها ما شاء الله ع الثقة !

سارة : يا حبيبتي يا خدوج .. أكيد حنا لازم نروح .. يعني بارتي أكيد أكل و رقص و سوالف و عاد تخيلي انه يكون في بيت مراموه أوووف سمعت ان بيتهم قصر قصرر تعرفي وش معنى قصر ؟؟ إيي و بعدك تبيني أفوت علي الفرصة ؟

خديجة بقهر : والله بكيفك روحي لحالك ماني بجايه معك !

سارة باستغراب : و ليه ان شاء الله ؟؟