بعد مرور عدة أيام..
في شركة من شركات الرياض..
وقفت في مكان الاستقبال: لو سمحتي؟
: نعم مدام تفضلي..
غيد: الأستاذ إبراهيم في مكتبه؟
الموظفة: للأسف لا.. صار له 4 أيام ما جاء للشركة ولا نعرف عنه شيء!
غيد بقلق: ليه؟
الموظفة: والله مدري
غيد لمعت براسها فكرة ذهبية: طيب انتي تعرفين موقع بيته؟
الموظفة: إيه نعم (ومدت لها كرت) في هذي البطاقة اللوكيشن
غيد بابتسامة: شكراً
الموظفة تبتسم: عفواً
وراحت غيد وعيونها على الكرت..
جاء مدير الشركة للموظفة: هالبنت وش معها؟ عاد كم مرة أشوفها تجي هنا وش تبي؟
الموظفة بجديه: هي تجي تسأل عن الأستاذة إبراهيم وتروح
المدير وعيونه على غيد اللي كانت رايحه: ممم طيب.. يلا رجعي لشغلك
الموظفة: حاضر
في التاكسي
ابتسمت وهي تناظر للكرت: الحمد لله الآن أقدر أروح بيته واشوف وش صاير معه؟!
(ومدت الكرت للسائق) لو سمحت روح لهذا العنوان..
السائق يمسك الكرت: ان شاء الله مدام
في بيت إبراهيم
انضرب جرس البيت وأم إبراهيم وجيهان ودلال جالسات في الصالة..
دلال: بروح أشوف مين
جيهان توقف: خليك مكانك أنا بروح
وراحت.. فتحت الباب وإذا ببنت لابسه عباية مزركشة بالورود وشعرها كان مسدول وحاطه روج وردي ولابسه كعب مرتفع ومتزينة!
جيهان تناظرها من فوق لتحت باستغراب: نعم؟
غيد تبتسم: السلام عليكم
جيهان تكشر مو عارفتها: وعليكم السلام مين انتي؟
غيد تمد ايدها تسلم عليها: أنا غيد عبد الوهاب الـ....
جيهان حطت ايدها بيدها وسلمت عليها..
وجات أم إبراهيم وهي سمعت اسم غيد، قالت بعصبية: انتي؟ وش جايه، وش تبغين منا؟ وش اللي جايبك؟
غيد سحبت يدها من يد جيهان وقالت بتوتر: خالتي أنا جايه أشوف إبراهيم، صار له كم يوم ما يرد على اتصالاتي وأروح شغله يقولوا لي مو موجود! أنا مره خايفه عليه بس.. بس أبي أكلمه كلمتين ورايحه.
وجات دلال من وراء أم إبراهيم تبي تشوف شكل هاللي اسمها غيد، انصدمت من شافت شعرها
برا وعبايتها مزينة كذا!!
أنت تقرأ
رواية حط يدك بيدي • مكتملة •
Teen Fictionتوفي والداها وهي في عمر صغير فاضطرت لترك الدراسة والعناية بأخوانها الأربعة والعمل من أجلهم لتوفير الحياة الكريمة.. عملت كخادمة في قصر كبير وفي يوم اكتشفت بأن صاحب القصر المغرور يكون ابن عمها وهي مضطرة للزواج به لانقاذ العائلة.. فكيف ستسير الأحداث؟...
